ܣܦܪܐ ܕܒܪܝܡܝܢ: ܐ:
ܩܦܠܐܘܢ: ܐ.
1: ܐܵܕ݂ܵܡ: ܫܹܝܬ̣: ܐܵܢܘܿܫ.
2: ܩܲܝܢܵܢ: ܡܲܗܠܵܠܵܐܹܝܠ: ܝܲܪܕ̇.
3: ܚܢܘܿܟ݂: ܡܲܬ̇ܘܼܫܠܲܚ: ܠܲܡܟ.
4: ܢܘܿܚ: ܫܹܝܡ: ܚܵܡ: ܘܝܲܦ̮ܬ̇.
5: ܒܢܲܝ̈ ܝܲܦ̮ܬ̇: ܓܵܡܵܪ: ܘܡܵܓ̣ܘܿܓ̣: ܘܡܵܕܲܝ: ܘܝܵܘܵܢ: ܘܬ̣ܘܼܒܹ̇ܝܠ: ܘܡܵܫܵܟ݂: ܘܬ̣ܝܼܪܸܣ.
6: ܒܢܲܝ̈ ܓܵܡܵܪ: ܐܸܫܟ̇ܢܲܙ: ܘܕܲܝܦܵܪ: ܘܬ̣ܘܿܓܲܪܡܵܐ.
7: ܘܲܒ̣ܢܲܝ̈ ܝܵܘܵܢ: ܐܹܠܝܼܫܵܐ: ܘܬܲܪܫܝܼܫ: ܘܟ݂ܵܬ̇ܝܼܡ: ܘܕ݂ܘܼܕ݂ܵܢܝܼܡ.
8: ܘܲܒ̣ܢܲܝ̈ ܚܵܡ: ܟܘܼܫ: ܘܡܸܨܪܝܼܡ: ܘܦܘܿܛ: ܘܲܟ݂ܢܲܥ̄ܢ.
9: ܘܲܒ̣ܢܲܝ̈ ܟܘܼܫ: ܫܒ̣ܵܐ: ܘܲܚܘܝܼܠܵܐ: ܘܣܵܒ̣ܬ̣ܵܐ: ܘܪܲܥܡܵܐ: ܘܣܲܒ̣ܬ̇ܟ݂ܵܐ ܘܲܒ̣ܢܲܝ̈ ܪܲܥܡܵܐ ܫܒ̣ܵܐ: ܘܕ݂ܵܪܵܢ.
10: ܘܟ݂ܘܼܫ ܐܵܘܠܸܕ݂ ܠܢܸܡܪܘܿܕ݂: ܗ̤ܘ ܫܲܪܝܼ ܕܢܸܗܘܹܐ ܓܲܢ̄ܒܵܪܵܐ ܒܐܲܪܥܵܐ.
11: ܘܡܸܨܪܝܼܡ ܐܵܘܠܸܕ݂ ܠܠܘܿܕ̇ܝܼܡ: ܘܲܠܝܲܥܒ̣ܝܼܡ: ܘܲܠܠܲܗܒ̣ܝܼܡ: ܘܲܠܝܲܦ̮ܬ̇ܘܿܚܝܼܡ.
12: ܘܲܠܦܲܬ̇ܪܘܿܣܝܼܡ: ܘܲܠܟܲܣܠܘܿܚܝܼܡ. ܕܲܢܦܲܩܘ ܡ̣ܢ ܬܲܡܵܢ ܦܠܸܫܬܵܝܹ̈ܐ: ܘܩܵܦܘܿܕ݂ܩܵܝܹ̈ܐ.
13: ܘܲܟ݂ܢܲܥ̄ܢ ܐܵܘܠܸܕ݂ ܠܨܲܝܕ̇ܘܿܢ ܒܘܼܟ݂ܪܹܗ: ܘܲܠܚܹܝܬ̣ܵܝܹ̈ܐ.
14: ܘܲܠܝܵܒ̣ܘܿܣܵܝܹ̈ܐ: ܘܠܵܐܡܘܿܪ̈ܵܝܹܐ: ܘܲܠܓܲܪ̈ܓ̇ܘ̇ܣܵܝܹܐ.
15: ܘܲܠܚܵܘܵܝܹ̈ܐ: ܘܲܠܥܲܪ̈ܩܵܝܹܐ: ܘܲܠܣܝܼ̈ܢܵܝܹܐ.
16: ܘܠܵܐܪ̈ܘܿܕ݂ܵܝܹܐ: ܘܲܠܨܲܡܪ̈ܵܝܹܐ: ܘܠܲܚܡܵܬ̣ܵܝܹ̈ܐ.
17: ܒܢܲܝ̈ ܫܹܝܡ: ܥܝܼܠܵܡ: ܘܐܵܘܫܘܿܪ: ܘܐܲܪܦܲܟ݂ܫܵܪ: ܘܠܘܿܕ݂: ܘܐܵܪܵܡ: ܘܥܘܼܨ: ܘܚܘܼܠ: ܘܓ̣ܵܬ̣ܵܪ: ܘܡܵܫ.
18: ܘܐܲܪܦܲܟ݂ܫܵܪ ܐܵܘܠܸܕ݂ ܠܫܵܠܵܚ: ܘܫܵܠܵܚ ܐܵܘܠܸܕ݂ ܠܥܵܒ̣ܵܪ.
19: ܘܲܠܥܵܒ̣ܵܪ ܐܸܬ̣̱ܝܼܠܸܕ݂ ܬܪܹܝܢ ܒܢ̈ܝܼܢ. ܫܡܹܗ ܕܚܲܕ݂ ܦܵܠܵܓ̣: ܡܸܛܠ ܕܲܒ̣ܝܵܘ̈ܡܵܬܹܗ ܐܸܬ̣ܦܲܠܓܲܬ̤ ܐܲܪܥܵܐ. ܘܲܫܡܵܐ ܕܐܲܚܘܼܗܝ ܝܲܩܛܵܢ.
20: ܘܝܲܩܛܵܢ ܐܵܘܠܸܕ݂ ܠܐܲܠܡܘܼܕܵܕ݂: ܘܲܠܫܵܠܵܦ: ܘܠܲܚܨܲܪܡܘܼܬ̣: ܘܲܠܝܵܪܵܚ.
21: ܘܲܠܗܵܕ݂ܘܿܪܵܡ: ܘܲܠܐܘܿܙܹܠ: ܘܲܠܕܸܩܠܵܐ.
22: ܘܠܥܘܿܒ̣ܵܠ: ܘܠܲܐܒ̣ܝܼܡܹܠ: ܘܠܲܫܒ̣ܵܐ.
23: ܘܠܵܐܘܦܹܝܪ: ܘܠܲܚܘܝܼܠܵܐ: ܘܲܠܝܘܿܒ̣ܵܒ̣. ܟܠܗܘܿܢ ܗܵܠܹܝܢ ܒܢܵܘ̈ܗܝ ܕܝܲܩܛܵܢ.
24: ܫܹܝܡ: ܐܲܪܦܲܟ݂ܫܵܪ: ܫܵܠܵܚ.
25: ܥܵܒ̣ܵܪ: ܦܵܠܵܓ̣: ܐܲܪܥܘܿ.
26: ܣܪܘܿܓ̣: ܢܵܚܘܿܪ: ܬܲܪܝ̄ܝ.
27: ܐܲܒ̣ܪܵܡ ܕܗ̤ܘ ܐܲܒ̣ܪܵܗܵܡ.
28: ܒܢܲܝ̈ ܐܲܒ̣ܪܵܗܵܡ: ܐܝܼܣܚܵܩ: ܘܐܝܼܫܡܵܥܹܝܠ.
29: ܘܗܵܠܹܝܢ ܬܵܘ̈ܠܕ݂ܵܬ̣ܗܘܿܢ: ܒܘܼܟ݂ܪܹܗ ܕܐܝܼܫܡܵܥܹܝܠ: ܢܒ̣ܝܼܘܼܬ̣: ܘܩܹܕ݂ܵܪ: ܘܐܲܪܒܵܠ: ܘܡܲܒ̣ܣܲܡ.
30: ܘܡܲܫܡܲܥ: ܘܪܘܼܡܵܐ: ܘܡܲܣܵܐ: ܘܚܵܕ݂ܵܪ: ܘܬܲܝܡܵܐ.
31: ܘܲܢܛܘܿܪ: ܘܲܢܦܸܫ: ܘܲܩܕܸܡ ܗܵܠܹܝܢ ܐܸܢܘܿܢ ܒܢܵܘ̈ܗܝ ܕܐܝܼܫܡܵܥܹܝܠ.
32: ܘܲܒ̣ܢܹܝ̈ܗ̇ ܕܩܸܢܛܘܿܪܵܐ ܕܪܘܼܟ݂ܬܹ̇ܗ ܕܐܲܒ̣ܪܵܗܵܡ: ܙܲܡܪܵܢ: ܘܝܲܩܫܵܢ: ܘܡܵܕ݂ܵܢ: ܘܡܸܕ݂ܝܲܢ: ܘܐܲܫܒ̣ܵܩ: ܘܫܘܿܚ. ܘܲܒ̣ܢܵܘ̈ܗܝ ܕܝܲܩܫܵܢ: ܫܒ̣ܵܐ: ܘܕ݂ܵܪܵܢ.
33: ܘܲܒ̣ܢܲܝ̈ ܡܸܕ݂ܝܲܢ: ܥܦܵܐ: ܘܚܵܦܵܪ: ܘܲܚܢܘܿܟ݂: ܘܐܲܒ̣ܝܼܕܲܥ: ܘܐܲܠܕܲܥܵܐ. ܗܵܠܹܝܢ ܟܠܗܘܿܢ ܒܢܹܝ̈ܗ̇ ܕܩܸܢܛܘܿܪܵܐ.
34: ܘܐܵܘܠܸܕ݂ ܐܲܒ̣ܪܵܗܵܡ ܠܐܝܼܣܚܵܩ. ܘܲܒ̣ܢܵܘ̈ܗܝ ܕܐܝܼܣܚܵܩ: ܥܹܣܘܿ ܘܝܼܣܪܵܝܹܠ.
35: ܒܢܵܘ̈ܗܝ ܕܥܹܣܘܿ: ܐܹܠܝܼܦܵܙ: ܘܲܪܥܘܼܐܹܝܠ: ܘܝܲܥܩܘܿܒ̣: ܘܝܲܥܠܵܢ: ܘܩܘܿܪܚ.
36: ܘܲܒ̣ܢܵܘ̈ܗܝ ܕܐܹܠܝܼܦܵܙ: ܬܲܝܡܵܢ: ܘܐܘܿܡܵܪ: ܘܨܲܦܘܿ: ܘܓܲܥܬܲܡ: ܘܩܲܢ̄ܙ: ܘܬܲܡܢܲܥ: ܘܲܥܡܵܠܹܝܩ.
37: ܒܢܵܘ̈ܗܝ ܕܲܪܥܘܼܐܹܝܠ: ܢܵܚܵܬ̣: ܘܙܲܪܚ: ܘܫܲܡܵܐ: ܘܡܲܙܵܐ.
38: ܒܢܵܘ̈ܗܝ ܕܣܵܥܝܼܪ: ܠܵܘܛܵܢ: ܘܫܘܿܒ̣ܵܠ: ܘܨܸܒ̣ܥܘܿܢ: ܘܥܲܢܵܐ: ܘܕ݂ܝܼܫܘܿܢ: ܘܐܵܨܵܪ: ܘܕܲܝܫܵܢ.
39: ܒܢܵܘ̈ܗܝ ܕܠܵܘܛܵܢ: ܚܘܿܪܝܼ: ܘܗܘܿܡܵܡ. ܘܚܵܬܹܗ ܕܠܵܘܛܵܢ: ܬܲܡܢܲܥ.
40: ܘܲܒ̣ܢܵܘ̈ܗܝ ܕܫܘܿܒ̣ܠ: ܥܲܠܘܿܢ: ܘܡܲܢܚܲܬ̣: ܘܥܘܿܒ̣ܵܠ: ܘܫܵܦܵܪ: ܘܐܘܿܝܵܡ. ܘܲܒ̣ܢܵܘ̈ܗܝ ܕܨܸܒ̣ܥܘܿܢ: ܐܲܢܵܐ: ܘܥܲܢܵܐ.
41: ܘܲܒ̣ܢܵܘ̈ܗܝ ܕܥܲܢܵܐ: ܕܝܼܫܘܿܢ ܘܲܒ̣ܢܵܘ̈ܗܝ ܕܕ݂ܝܼܫܘܿܢ: ܚܲܡܪܵܢ: ܘܐܲܫܒ̣ܵܢ: ܘܝܲܬ̣ܪܵܢ: ܘܟܲܪܵܢ.
42: ܒܢܵܘ̈ܗܝ ܕܐܵܨܵܪ: ܒܲܠܗܵܢ: ܘܙܲܥܘܵܢ: ܘܥܲܩܵܢ ܘܲܒ̣ܢܵܘ̈ܗܝ ܕܕ݂ܝܼܫܘܿܢ: ܥܘܼܨ: ܘܐܵܪܵܢ.
43: ܗܵܠܹܝܢ ܡܲܠ̈ܟܹ̇ܐ ܕܐܲܡ̣ܠܸܟ݂ܘ ܒܐܲܪܥܵܐ ܕܐܲܕ݂ܘܿܡ: ܩܕ݂ܵܡ ܕܠܵܐ ܢܲܡܠܸܟ݂ ܡܲܠܟܵܐ ܠܲܒ̣ܢܲܝ̈ ܝܼܣܪܵܝܹܠ. ܐܲܡ̣ܠܸܟ݂ ܒܐܲܕ݂ܘܿܡ: ܒܵܠܵܥ ܒܲܪ ܒܥܘܿܪ. ܘܲܫܡܵܗ̇ ܕܲܩܪܝܼܬܹܗ ܕܝܲܗܲܒ̣.
44: ܘܡ̣ܝܼܬ̣ ܒܵܠܵܥ. ܘܐܲܡ̣ܠܸܟ݂ ܒܵܬ̣ܪܹܗ ܝܘܿܒ̣ܵܒ̣: ܒܲܪ ܙܲܪܚ ܡ̣ܢ ܒܘܿܨܵܪ.
45: ܘܐܲܡ̣ܠܸܟ݂ ܒܵܬ̣ܪܹܗ ܚܫܘܿܡ ܡ̣ܢ ܐܲܪܥܵܐ ܕܬܲܝܡܢܵܐ.
46: ܘܡܝܼܬ̣ ܚܫܘܿܡ ܘܐܲܡ̣ܠܸܟ݂ ܒܵܬ̣ܪܹܗ ܗܕ݂ܵܕ݂ ܒܲܪ ܒܕ݂ܵܕ݂: ܕܲܚܪܲܒ̣ ܠܐܲܕ݂ܘܿܡܵܝܹ̈ܐ: ܒܚܲܩ̈ܠܵܬ̣ܵܐ ܕܡܘܼܐ̈ܒ̣ܵܝܹܐ. ܘܲܫܡܵܗ̇ ܕܲܩܪܝܼܬܹܗ ܓܘܝܼܬ̣.
47: ܘܡ̣ܝܼܬ̣ ܗܕ݂ܵܕ݂: ܘܐܲܡ̣ܠܸܟ݂ ܒܵܬ̣ܪܹܗ ܣܲܡܠܵܐ ܡ̣ܢ ܡܲܣ̱ܪܩܵܐ.
48: ܘܡ̣ܝܼܬ̣ ܣܲܡܠܵܐ: ܘܐܲܡ̣ܠܸܟ݂ ܒܵܬ̣ܪܹܗ ܫܵܐܘܿܠ ܡ̣ܢ ܪܲܚܒ̇ܘܿܬ̣ ܢܲܗܪܵܐ.
49: ܘܡ̣ܝܼܬ̣ ܫܵܐܘܿܠ. ܘܐܲܡ̣ܠܸܟ݂ ܒܵܬ̣ܪܹܗ ܒܥܸܠܚܲܢܵܢ ܒܲܪ ܥܒܲܟ̇ܘܿܪ.
50: ܘܐܲܡ̣ܠܸܟ݂ ܒܵܬ̣ܪܹܗ ܗܕ݂ܵܕ݂. ܘܲܫܡܵܗ̇ ܕܲܩܪܝܼܬܹܗ: ܦܵܥܘܿ. ܘܲܫܡܵܐ ܕܐܲܢ̄ܬ̇ܬܹܗ: ܡܲܗܛܒ̣ܵܐܹܝܠ: ܒܲܪܬ̣ ܡܲܛܪܝܼܕ݂: ܒܲܪܬ̣ ܡܝܼܙܵܗܵܒ̣. ܘܡ̣ܝܼܬ̣ ܗܕ݂ܵܕ݂.
51: ܘܲܗܘ̤ܵܐ ܪܵܘ̱ܪ̈ܒ̣ܵܢܹܐ ܕܐܲܕ݂ܘܿܡ: ܪܲܒܵܐ ܬܲܡܢܲܥ: ܪܲܒܵܐ ܥܲܢܘܵܐ: ܪܲܒܵܐ ܐܲܝܬ̇ܝܼܬ̣.
52: ܪܲܒܵܐ ܐܲܗܠܝܼܒ̣ܵܡܵܐ: ܪܲܒܵܐ ܐܹܝܠܵܐ: ܪܲܒܵܐ ܦܝܼܢܘܿܢ.
53: ܪܲܒܵܐ ܩܲܢ̄ܙ: ܪܲܒܵܐ ܬܲܝܡܵܢ: ܪܲܒܵܐ ܡܲܒ̣ܨܲܪ.
54: ܪܲܒܵܐ ܡܲܓܕ̇ܝܼܠ: ܪܲܒܵܐ ܓܝܼܪܲܡ. ܘܗܵܠܹܝܢ ܪܵܘ̱ܪ̈ܒ̣ܵܢܹܐ ܕܐܲܕ݂ܘܿܡ.
ܩܹܦܵܠܹܐܘܿܢ : ܒ.
1: ܘܗܵܠܹܝܢ ܒܢܲܝ̈ ܝܼܣܪܵܝܹܠ: ܪܘܼܒܹܝܠ: ܫܸܡܥܘܿܢ: ܠܹܘܝܼ: ܝܼܗܘܼܕ݂ܵܐ: ܐܝܼܣܵܟ݂ܵܪ: ܙܒ̣ܘܿܠܘܿܢ.
2: ܘܕ݂ܵܢ: ܘܝܵܘܣܸܦ: ܘܒܸܢܝܵܡܹܝܢ: ܢܲܦ̮ܬܵܠܝܼ: ܓܵܕ݂: ܐܵܫܹܝܪ.
3: ܒܢܵܘ̈ܗܝ ܕܲܝܗܘܼܕ݂ܵܐ: ܥܝܼܪ: ܘܐܘܿܢܵܢ: ܘܫܸܠܝܵܐ. ܗܵܠܹܝܢ ܬܠܵܬ̣ܵܐ ܐܸܬ̣̱ܝܼܠܸܕ݂ܘ ܠܹܗ ܡ̣ܢ ܒܲܬ̣ܫܘܿܥ ܟܢܲܥܢܵܝܬܵܐ ܘܲܗܘ̤ܵܐ ܥܝܼܪ ܒܘܼܟ݂ܪܹܗ ܕܲܝܗܘܼܕ݂ܵܐ: ܒܝܼܫ ܩܕ݂ܵܡ ܡܵܪܝܵܐ: ܘܩܲܛܠܹܗ.
4: ܘܬ̣ܵܡܵܪ ܟܲܠܬܹܗ ܝܸܠܕܲܬ̤ ܠܹܗ ܠܦܲܪܨ: ܘܲܠܙܲܪܚ: ܟܠܗܘܿܢ ܒܢܲܝ̈ ܝܼܗܘܼܕ݂ܵܐ ܚܲܡܫܵܐ.
5: ܘܲܒ̣ܢܵܘ̈ܗܝ ܕܦܲܪܨ: ܚܸܨܪܘܿܢ: ܘܚܵܡܘܿܠ.
6: ܘܲܒ̣ܢܵܘ̈ܗܝ ܕܙܲܪܚ: ܙܲܡܪܝܼ: ܘܐܵܬ̣ܵܢ: ܘܗܵܡܵܢ: ܘܟܲܠܟܵܠ: ܘܕܲܪܕܵܥ. ܟܠܗܘܿܢ ܚܲܡܫܵܐ.
7: ܘܲܒ̣ܢܵܘ̈ܗܝ ܕܟܲܪܡܝܼ: ܥܵܟ݂ܵܪ ܥܵܟ݂ܘܿܪܹܗ ܕܝܼܣܪܵܝܹܠ: ܕܐܲܥܠܝܼ ܒܚܸܪܡܵܐ.
8: ܘܲܒ̣ܢܵܘ̈ܗܝ ܕܐܵܬ̣ܵܢ: ܥܲܙܲܪܝܵܐ.
9: ܘܲܒ̣ܢܵܘ̈ܗܝ ܕܚܸܨܪܘܿܢ ܕܐܸܬ̣̱ܝܼܠܸܕ݂ܘ ܠܹܗ: ܪܲܚܡܵܐܹܝܠ: ܘܪܵܡ: ܘܣܲܠܒ̣ܝܼ.
10: ܘܪܵܡ ܐܵܘܠܸܕ݂ ܠܥܲܡܝܼܢܵܕ݂ܵܒ̣. ܘܥܲܡܝܼܢܵܕ݂ܵܒ̣ ܐܵܘܠܸܕ݂ ܠܢܸܚܫܘܿܢ ܪܲܒܵܐ ܕܲܒ̣ܢܲܝ̈ ܝܼܗܘܼܕ݂ܵܐ.
11: ܘܢܸܚܫܘܿܢ ܐܵܘܠܸܕ݂ ܠܣܲܠܡܵܐ. ܘܣܲܠܡܵܐ ܐܵܘܠܸܕ݂ ܠܒ̣ܵܥܵܙ.
12: ܘܒ̣ܵܥܵܙ ܐܵܘܠܸܕ݂ ܠܥܘܿܒ̣ܝܼܕ݂: ܘܥܘܿܒ̣ܝܼܕ݂ ܐܵܘܠܸܕ݂ ܠܐܝܼܫܲܝ.
13: ܘܐܝܼܫܲܝ ܐܵܘܠܸܕ݂ ܠܒ̣ܘܼܟ݂ܪܹܗ ܠܐܹܠܝܲܒ̣: ܘܠܲܐܒ̣ܝܼܢܵܕ݂ܵܒ̣ ܬܸܢܝܵܢܵܐ: ܘܫܲܡܵܐ ܬܠܝܼܬ̣ܵܝܵܐ.
14: ܘܢܵܬ̣ܢܝܼܐܹܝܠ ܪܒ̣ܝܼܥܵܝܵܐ: ܘܕ݂ܵܪܝܼ ܚܡܝܼܫܵܝܵܐ.
15: ܘܐܘܿܨܘܿܡ ܫܬ̇ܝܼܬ̣ܵܝܵܐ: ܘܐܹܠܝܼܗܘܿ ܫܒ̣ܝܼܥܵܝܵܐ: ܘܕ݂ܵܘܝܼܕ݂ ܬܡܝܼܢܵܝܵܐ.
16: ܘܬܲܪܬܹ̇ܝܢ ܐܲܚ̈ܘܵܬ̣ܗܘܿܢ: ܨܘܿܪܝܼܵܐ ܘܐܲܒ̣ܝܼܥܸܠ. ܘܲܒ̣ܢܹ̈ܝܗ̇ ܕܨܘܿܪܝܼܵܐ ܐܲܒ̣ܝܼܫܲܝ: ܘܝܘܿܐܵܒ̣: ܘܲܥܫܵܐܹܝܠ: ܬܠܵܬ̣ܵܐ.
17: ܘܐܲܒ̣ܝܼܥܸܠ ܝܸܠܕܲܬ̤ ܠܥܲܡܣܵܐ. ܘܐܲܒ̣ܘܼܗܝ ܕܥܲܡܣܵܐ ܝܵܬܲܪ.
18: ܘܟ݂ܵܠܵܒ̣ ܒܲܪ ܚܸܨܪܘܿܢ ܐܵܘܠܸܕ݂ ܡ̣ܢ ܥܪܘܿܒ̣ܵܐ ܐܲܢ̄ܬ̇ܬܹܗ: ܠܝܼܕ݂ܝܼܥܘܼܬ̣ ܘܗܵܠܹܝܢ ܒܢܹ̈ܝܗ̇: ܕܵܒ̣ܵܪ: ܐܵܫܹܝܪ: ܘܝܘܿܒ̣ܵܒ̣: ܘܐܲܕ̇ܘܿܢ.
19: ܘܡܝܼܬܲܬ̤ ܥܪܘܿܒ̣ܵܐ. ܘܲܢܣܲܒ̣ ܠܹܗ ܟܵܠܵܒ̣ ܠܐܵܦܪܲܬ̤: ܘܝܸܠܕܲܬ̤ ܠܹܗ ܠܚܘܿܪ.
20: ܘܚܘܿܪ ܐܵܘܠܸܕ݂ ܠܐܘܿܪܝܼ: ܘܐܘܿܪܝܼ ܐܵܘܠܸܕ݂ ܠܒܲܨܠܝܼܐܹܝܠ.
21: ܘܒ̣ܵܬܲܪ ܗܵܠܹܝܢ ܥܲܠ ܚܸܨܪܘܿܢ ܥܲܠ ܒܲܪܬ̣ ܡܵܟ݂ܝܼܪ ܐܲܒ̣ܘܼܗܝ ܕܓܸܠܥܵܕ݂: ܘܢܲܣܒܵܗ̇. ܘܗ̤ܘ ܐܝܼܬ̣ܵܘܗܝ ܗ̄ܘ̣ܵܐ ܒܲܪ ܫܢ̈ܝܼܢ ܫܬ̇ܝܼܢ. ܘܝܸܠܕܲܬ̤ ܗ̄ܘ̣ܵܬ̣ ܠܹܗ ܠܲܣܓ̣ܘܿܒ̣.
22: ܘܲܣܓ̣ܘܿܒ̣ ܐܵܘܠܸܕ݂ ܠܝܵܐܝܼܪ. ܘܲܗ̤ܘܲܝ̈ ܠܹܗ ܥܸܣܪܝܼܢ ܘܲܬ̣ܠܵܬ̣ ܩܘܼܪ̈ܝܵܐ ܒܐܲܪܥܵܐ ܕܓܸܠܥܵܕ݂.
24: ܘܡ̣ܢ ܒܵܬܲܪ ܗܵܠܹܝܢ: ܡܝܼܬ̣ ܚܸܨܪܘܿܢ ܒܐܲܪܥܵܐ ܕܟ݂ܵܠܵܒ̣ ܒܐܵܦܪܲܬ̣ ܘܝܸܠܕܲܬ̤ ܗ̄ܘ̣ܵܬ̣ ܠܹܗ ܒܢܲـ̈ـܝܵܐ: ܐܹܫܬܵܘܝܼܪ ܐܲܒ̣ܘܼܗܝ ܕܲܬ̣ܩܘܿܥ.
25: ܘܲܗܘ̤ܵܘ ܒܢܵܘ̈ܗܝ ܕܝܲܪܚ̄ܡܸܠ ܒܘܼܟ݂ܪܹܗ ܕܚܸܨܪܘܿܢ: ܐܵܪܵܡ: ܘܒܲܥܢܵܐ: ܘܐܵܪܵܢ: ܘܐܵܨܵܡ ܚܵܬ̣ܗܘܿܢ.
26: ܘܲܗܘ̤ܵܬ̣ ܐܲܢ̄ܬ̇ܬ̣ܵܐ ܐ̄̇ܚܪܹܬܵܐ ܠܝܲܪܚ̄ܡܸܠ: ܘܲܫܡܵܗ̇ ܥܸܛܪܵܐ: ܘܗ̤ܝ ܗܘ̤ܵܬ̣ ܐܸܡܹܗ ܕܐܘܿܢܝܼܡ.
27: ܘܲܗܘ̤ܵܘ ܒܢܵܘ̈ܗܝ ܕܐܵܪܵܡ ܒܘܼܟ݂ܪܹܗ ܕܝܲܪܚ̄ܡܸܠ: ܡܵܥܵܨ: ܘܢܵܒ̣ܝܼܢ: ܘܥܘܿܛܵܪ.
28: ܘܲܗܘ̤ܵܘ ܒܢܵܘ̈ܗܝ ܕܐܘܿܢܝܼܡ: ܣܵܒ̣ܝܼ: ܘܝܘܿܕ݂ܵܥ. ܘܲܒ̣ܢܲܝ̈ ܣܵܒ̣ܝܼ: ܢܵܕ݂ܵܒ̣: ܘܐܲܒ̣ܝܼܫܘܿܪ.
29: ܘܲܫܡܵܗ̇ ܕܐܲܢ̄ܬ̇ܬܹܗ ܕܐܲܒ̣ܝܼܫܘܿܪ: ܐܲܒ̣ܝܼܚܸܠ. ܘܝܸܠܕܲܬ̤ ܠܹܗ ܠܐܲܚܒ̣ܵܢ ܘܲܠܡܘܿܠܝܼܕ݂.
30: ܘܲܒ̣ܢܵܘ̈ܗܝ ܕܢܵܕ݂ܵܒ̣: ܣܵܥܵܪ: ܘܲܦܠܵܪܝܼܡ. ܘܡܝܼܬ̣ ܣܵܥܵܕ݂ ܕܠܵܐ ܒܢܝܼ̈ܢ.
31: ܘܲܒ̣ܢܵܘ̈ܗܝ ܕܲܦܠܵܪܝܼܡ: ܐܹܫܲܝܵܥܐ. ܘܲܒ̣ܢܵܘ̈ܗܝ ܕܐܹܫܲܥܝܵܐ: ܫܘܿܫܲܢ. ܘܲܒ̣ܢܵܘ̈ܗܝ ܕܫܘܿܫܲܢ: ܐܲܚܠܝܼ.
32: ܘܲܒ̣ܢܵܘ̈ܗܝ ܕܝܘܿܝܵܕ݂ܵܥ ܐܲܚܘܼܗܝ ܕܣܵܒ̣ܝܼ: ܝܵܬܲܪ: ܘܝܘܿܢܵܬ̣ܵܢ. ܘܡܝܼܬ̣ ܝܵܬ̣ܵܪ ܕܠܵܐ ܒܢ̈ܝܼܢ.
33: ܘܲܒ̣ܢܵܘ̈ܗܝ ܕܝܘܿܢܵܬ̣ܵܢ: ܠܵܦܵܬ̣: ܘܐܘܿܙܵܐ. ܗܵܠܹܝܢ ܗܘ̤ܵܘ ܒܢܵܘ̈ܗܝ ܕܝܲܪܚ̄ܡܸܠ.
34: ܘܠܵܐ ܗܘ̤ܵܘ ܠܫܘܿܫܲܢ ܒܢܲـ̈ـܝܵܐ ܕܸܟ݂ܪܹ̈ܐ: ܐܸܠܵܐ ܒܢܵـ̈ـܬ̣ܵܐ ܢܸܩ̈ܒ̣ܵܬ̣ܵܐ. ܘܲܠܫܘܿܫܲܢ ܗܘ̤ܵܐ ܠܹܗ ܓܲܒ̣ܪܵܐ ܚܲܕ݂ ܚܲܬ̣ܢܵܐ ܡ̣ܢ ܡܸܨܪܵܐ: ܘܲܫܡܹܗ ܝܲܪܕܵܚܵܐ.
35: ܘܝܲܗ̄ܒ̣ ܠܹܗ ܫܘܿܫܲܢ ܒܲܪܬܹܗ ܠܐܲܢ̄ܬܵܬ̣ܵܐ: ܘܝܠܕܲܬ̤ ܠܹܗ ܠܥܲܬ̇ܝܼ.
36: ܘܥܲܬ̇ܝܼ ܐܵܘܠܸܕ݂ ܠܢܵܬ̣ܵܢ ܘܢܵܬ̣ܵܢ ܐܵܘܠܸܕ݂ ܠܕ݂ܵܒ̣ܝܼܪ.
37: ܘܕ݂ܵܒ̣ܝܼܪ ܐܵܘܠܸܕ݂ ܠܐܵܦܝܼܠ: ܘܐܵܦܝܼܠ ܐܵܘܠܸܕ݂ ܠܝܘܿܒ̣ܵܒ̣.
38: ܘܝܘܿܒ̣ܵܒ̣ ܐܵܘܠܸܕ݂ ܠܝܵܗܘܿ ܘܝܵܗܘܿ ܐܵܘܠܸܕ݂ ܠܥܲܙܲܪܝܵܐ.
39: ܘܥܲܙܲܪܝܵܐ ܐܵܘܠܸܕ݂ ܠܚܵܠܵܨ ܘܚܵܠܵܨ ܐܵܘܠܸܕ݂ ܠܐܸܠܥܲܣܵܐ.
40: ܘܐܸܠܥܲܣܵܐ ܐܵܘܠܸܕ݂ ܠܣܲܡܣܝܼ ܘܣܲܡܣܝܼ ܐܲܘܠܸܕ݂ ܠܫܵܠܘܿܡ.
41: ܘܫܵܠܘܿܡ ܐܵܘܠܸܕ݂ ܠܐܸܠܩܲܡܝܵܐ. ܘܐܸܠܩܲܡܝܵܐ ܐܵܘܠܸܕ݂ ܠܐܹܠܝܼܫܡܲܥ.
42: ܘܲܒ̣ܢܵܘ̈ܗܝ ܕܟ݂ܵܠܵܒ̣ ܐܲܚܘܼܗܝ ܕܝܲܪܚ̄ܡܸܠ: ܐܹܠܝܼܫܡܝܼ ܒܘܼܟ݂ܪܹܗ: ܗ̤ܘ ܐܲܒ̣ܘܼܗܝ ܕܙܝܼܦ.
43: ܘܲܒ̣ܢܵܘ̈ܗܝ ܕܡܹܐܪܫܵܐ ܐܲܒ̣ܘܼܗܝ ܕܚܸܒ̣ܪܘܿܢ: ܩܘܿܪܚ: ܘܬܲܦܘܿܚ: ܘܲܪܩܸܡ: ܘܲܫܡܲܥ.
44: ܘܲܫܡܲܥ ܐܵܘܠܸܕ݂ ܠܪܵܚܵܡ ܐܲܒ̣ܘܗܝ ܕܝܼܪܲܩܥܲܡ ܘܝܼܪܲܩܥܲܡ ܐܵܘܠܸܕ݂ ܠܣܲܡܝܼ.
46: ܘܥܘܿܦܢܵܐ ܕܪܘܼܟ݂ܬܹ̇ܗ ܕܟ݂ܵܠܵܒ̣ ܝܸܠܕܲܬ̤ ܠܚܘܿܪܵܢ: ܘܚܘܿܪܵܢ ܐܵܘܠܸܕ݂ ܠܓܵܘܙܵܢ.
: 47
: 48
: 49
50: ܗܵܠܹܝܢ ܗ̄ܘ̣ܵܘ ܒܢܵܘ̈ܗܝ ܕܟ݂ܠܵܒ̣: ܒܲܪ ܚܘܿܪ ܒܘܼܟ݂ܪܹܗ ܕܐܵܦܪܲܬ̤. ܫܵܒ̣ܵܠ ܐܸܬ̣̱ܝܼܠܸܕ݂ ܒܩܘܼܪܝܲܬ̣ ܢܲܥܪܝܼܢ.
51: ܣܲܡܠܵܐ ܐܸܬ̣̱ܝܼܠܸܕ݂ ܒܒܹܝܬ̣ ܠܚܸܡ: ܐܵܒ̣ܝܼ ܐܸܬ̣̱ܝܼܠܸܕ݂ ܒܓ̣ܵܕ݂ܵܪ.
52: ܘܲܗܘ̤ܵܘ ܒܢܲـ̈ـܝܵܐ ܠܫܵܒ̣ܵܠ ܒܩܘܼܪܝܲܬ̣ ܢܲܥܪܝܼܢ: ܥܸܛܪܘܼܬ̣: ܝܘܿܒ̣ܵܠ.
: 53
54: ܚܲܨܪܝܼ: ܣܦܲܪܝܲܡ: ܢܛܘܿܦܲܬ̣: ܣܲܡܠܵܐ: ܫܡܘܿܥܬ̣ܝܼܡ: ܫܟ݂ܵܒ̣: ܚܲܡܵܐ: ܗܵܠܹܝܢ ܟܠܗܘܿܢ ܒܢܲـ̈ـܝܵܐ ܗܘ̤ܵܘ ܠܫܵܒ̣ܵܠ ܒܩܘܼܪܝܲܬ̣ ܢܲܥܪܝܼܢ.
ܩܹܦܵܠܹܐܘܿܢ : ܓ.
1: ܘܗܵܠܹܝܢ ܒܢܲـ̈ـܝܵܐ ܗܘ̤ܵܘ ܠܕ݂ܵܘܝܼܕ݂ ܒܚܸܒ̣ܪܘܿܢ. ܫܡܵܐ ܕܲܒ̣ܪܹܗ ܒܘܼܟ݂ܪܹܗ: ܚܲܡܢܘܿܢ ܕܡ̣ܢ ܐܲܚܝܼܢܥܸܡ ܕܡ̣ܢ ܐܝܼܙܲܪܥܹܝܠ. ܬܸܢܝܵܢܵܐ ܟܵܠܵܒ̣: ܕܡ̣ܢ ܐܲܒ̣ܝܼܥܸܠ ܐܲܢ̄ܬ̇ܬܹܗ ܕܢܵܒ̣ܵܠ ܕܡ̣ܢ ܛܘܼܪ ܟܲܪܡܠܵܐ.
2: ܬܠܝܼܬ̣ܵܝܵܐ: ܐܲܒ̣ܫܵܠܘܿܡ ܒܲܪ ܡܲܠܟܵܐ ܒܲܪܬ̣ ܬܘܼܠܡܲܝ ܡܲܠܟܵܐ ܕܓ̣ܵܫܘܿܪ ܪܒ̣ܝܼܥܵܝܵܐ: ܐܲܕ݂ܘܿܢܝܼܵܐ ܒܲܪ ܚܲܓܝܼܬ̣.
3: ܚܡܝܼܫܵܝܵܐ: ܫܦܲܛܝܵܐ ܒܲܪ ܐܵܦܝܼܛܸܠ. ܫܬ̇ܝܼܬ̣ܵܝܵܐ: ܐܝܼܬ̣ܘܿܪܥܲܡ: ܕܡ̣ܢ ܥܓܠܵܐ ܐܲܢ̄ܬ̇ܬܹܗ ܕܕ݂ܵܘܝܼܕ݂.
4: ܗܵܠܹܝܢ ܒܢܲـ̈ـܝܵܐ ܫܬܵܐ: ܐܸܬ̣̱ܝܼܠܸܕ݂ܘ ܠܕ݂ܵܘܝܼܕ݂ ܒܚܸܒ̣ܪܘܿܢ. ܘܐܲܡ̣ܠܸܟ݂ ܬܲܡܵܢ ܫܒܲܥ ܫܢ̈ܝܼܢ: ܘܸܫܬܵܐ ܝܲܪ̈ܚܝܼܢ ܘܲܬ̣ܠܵܬ̣ ܫܢ̈ܝܼܢ ܐܲܡ̣ܠܸܟ݂ ܒܐܘܿܪܸܫܠܸܡ.
5: ܘܗܵܠܹܝܢ ܫܡܵܗܹ̈ܐ ܕܲܒ̣ܢܲـ̈ـܝܵܐ ܕܐܸܬ̣̱ܝܼܠܸܕ݂ܘ ܠܹܗ ܒܐܘܿܪܸܫܠܸܡ: ܫܵܡܘܿܥ: ܘܲܫܟ݂ܘܿܒ̣: ܘܢܵܬ̣ܵܢ: ܘܲܫܠܹܝܡܘܿܢ.
6: ܘܝܲܒ̣ܚܵܪ: ܘܐܹܠܝܼܫܡܲܥ: ܘܐܹܠܝܼܕܲܥ.
7: ܘܐܹܠܝܼܦܠܵܛ: ܘܢܵܘܓܵܗ: ܘܲܢܦܵܓ̣.
8: ܘܲܢܦܝܼܓ̣: ܘܐܹܠܝܼܫܲܥ.
9: ܗܵܠܹܝܢ ܟܠܗܘܿܢ ܒܢܲܝ̈ ܕܵܘܝܼܕ݂ ܘܬ̣ܵܡܵܪ ܚܵܬ̣ܗܘܿܢ.
10: ܘܲܒ̣ܢܵܘ̈ܗܝ ܕܲܫܠܹܝܡܘܿܢ: ܪܚܸܒ̣ܥܲܡ ܒܪܹܗ: ܐܲܒ̣ܝܼܵܐ ܒܪܹܗ: ܐܵܣܵܐ ܒܪܹܗ: ܝܘܿܫܵܦܵܛ ܒܪܹܗ.
11: ܝܘܿܪܵܡ ܒܪܹܗ: ܐܸܚܲܙܝܵܐ ܒܪܹܗ: ܝܘܿܐܵܫ ܒܪܹܗ.
12: ܐܵܡܘܿܨܝܵܐ ܒܪܹܗ: ܥܘܿܙܝܼܵܐ ܒܪܹܗ: ܝܘܿܬ̣ܵܡ ܒܪܹܗ.
13: ܐܵܚܵܙ ܒܪܹܗ: ܚܹܙܲܩܝܵܐ ܒܪܹܗ: ܡܢܲܫܹܐ ܒܪܹܗ.
14: ܐܲܡܘܿܢ ܒܪܹܗ: ܝܘܿܫܝܼܵܐ ܒܪܹܗ.
15: ܘܲܒ̣ܢܵܘ̈ܗܝ ܕܝܘܿܫܝܼܵܐ: ܒܘܼܟ݂ܪܹܗ ܝܘܿܚܲܢܵܢ: ܬܸܢܝܵܢܵܐ ܝܘܿܝܵܩܝܼܡ: ܬܠܝܼܬ̣ܵܝܵܐ ܨܹܕܲܩܝܵܐ: ܪܒ̣ܝܼܥܵܝܵܐ ܫܵܠܘܿܡ.
16: ܘܲܒ̣ܢܵܘ̈ܗܝ ܕܝܘܿܝܵܩܝܼܡ: ܝܘܿܟܲܢܝܵܐ ܒܪܹܗ: ܨܹܕܲܩܝܵܐ ܒܪܹܗ.
17: ܘܲܒ̣ܢܵܘ̈ܗܝ ܕܝܘܿܟܲܢܝܵܐ: ܐܲܫܪܲܫܬܹ̇ܝܠ ܒܪܹܗ.
18: ܘܡܲܠܟ̇ܘܿܡ ܒܪܹܗ: ܘܲܦܪܵܝܵܐ ܒܪܹܗ: ܘܫܲܥܨܲܪ ܒܪܹܗ: ܘܲܢܩܲܡܝܵܐ ܒܪܹܗ: ܘܲܫܡܘܿܥ ܒܪܹܗ: ܘܲܢܕܲܒ̣ܝܵܐ ܒܪܹܗ.
19: ܘܲܒ̣ܢܵܘ̈ܗܝ ܕܲܢܕܲܒ̣ܝܵܐ: ܙܘܼܪܒܵܒܹܠ ܘܫܲܡܥܝܼ ܘܲܒ̣ܢܲܝ̈ ܙܘܼܪܒܵܒܹܠ: ܡܲܫܠܲܡ ܘܚܲܢܲܢܝܵܐ: ܘܣܲܠܩܲܬ̣ ܚܵܬ̣ܗܘܿܢ.
20: ܘܲܚܫܝܼܒ̣ܵܐ: ܘܝܵܗܘܿܐܹܝܠ: ܘܲܒ̣ܪܝܼܥܵܐ: ܘܲܚܣܲܕ݂ܝܵܐ.
21: ܒܢܲܝ̈ ܚܲܢܲܢܝܵܐ: ܦܠܲܛܝܵܐ: ܘܐܘܿܫܲܥܝܵܐ. ܐܲܪܦܵܝܵܐ ܒܪܹܗ: ܐܪܢܘܿܢ ܒܪܹܗ: ܥܘܿܒܲܕ݂ܝܵܐ ܒܪܹܗ ܕܐܘܿܫܲܥܝܵܐ.
22: ܘܲܒ̣ܪܹܗ ܕܲܫܒܲܢܝܵܐ: ܫܡܲܥܝܵܐ: ܘܲܒ̣ܪܹܗ ܕܲܫܡܲܥܝܵܐ: ܚܵܛܘܿܫ: ܘܲܢܓܵܐܹܝܠ: ܘܥܲܙܲܪܝܵܐ: ܘܚܹܙܲܩܝܵܐ.
23: ܘܗܘܿܕ݂ܝܼܵܐ: ܘܲܠܫܝܼܒ̣: ܘܲܦܠܵܝܵܐ: ܘܝܲܥܩܘܿܒ̣: ܘܝܘܿܚܲܢܵܢ: ܘܲܕ݂ܠܵܝܵܐ: ܘܥܲܢܵܢ.
ܩܹܦܵܠܹܐܘܿܢ : ܕ.
1: ܘܗܵܠܹܝܢ ܒܢܵܘ̈ܗܝ ܕܲܝܗܘܼܕ݂ܵܐ ܦܲܪܨ: ܘܚܸܨܪܘܿܢ: ܘܟܲܪܡܝܼ: ܘܝܵܢܘܪ: ܘܫܘܿܒܵܠ.
2: ܘܠܲܐܝܵܐ ܒܲܪ ܫܘܿܒܵܠ: ܐܵܘܠܸܕ݂ ܠܢܵܚܵܬ̣ ܘܢܵܚܵܬ̣ ܐܵܘܠܸܕ݂ ܠܐܲܚܝܼܡܝܼ: ܘܲܠܝܲܕ݂. ܗܵܠܹܝܢ ܫܲܪ̈ܒ̣ܵܬ̣ܵܐ ܕܲܪܚܸܒ̣ܥܲܡ.
3: ܘܗܵܠܹܝܢ ܒܢܵܘ̈ܗܝ ܕܐܲܒ̣ܝܼܢܵܕ݂ܵܒ̣: ܐܲܚܙܲܪܥܹܝܠ: ܘܢܸܫܡܵܐ: ܘܕ݂ܝܼܒ̣ܵܫ.
4: ܘܲܦܓ̣ܘܼܐܹܝܠ: ܘܚܘܼܫܝܼܵܐ ܘܗܵܠܹܝܢ ܒܢܵܘ̈ܗܝ ܕܚܘܿܪ ܒܘܼܟ݂ܪܹܗ ܕܐܵܦܪܲܬ̣ ܕܲܗܘ̤ܵܐ ܐܲܒ̣ܘܼܗܝ ܡ̣ܢ ܒܹܝܬ̣ܠܚܸܡ.
5: ܘܠܲܐܚܝܼܫܘܿܪ ܐܲܒ̣ܘܼܗܝ ܕܲܬ̣ܩܘܿܥ: ܗ̤ܘܲܝ̈ ܠܹܗ ܬܲܪܬܹ̇ܝܢ ܢܸܫ̈ܝܼܢ.
6: ܘܝܸܠܕܲܬ̣ ܚܕ݂ܵܐ ܡܸܢܗܹܝܢ: ܠܐܲܚܝܼܪܵܡ: ܘܠܲܬ̣ܦܵܪ: ܘܲܠܬܲܝܡܵܢ: ܘܲܠܚܲܪܫܬܲܪ ܗܵܠܹܝܢ ܗܘ̤ܵܘ ܒܢܹ̈ܝܗ̇ ܕܲܚܕ݂ܵܐ ܡܸܢܗܹܝܢ.
9: ܘܲܗܘ̤ܵܐ ܚܲܕ݂ ܝܲܩܝܼܪ ܥܲܠ ܐܵܒ̣ܘܗܝ ܘܥܲܠ ܐܸܡܹܗ. ܘܲܩܪܵܐ ܫܡܹܗ ܥܲܝܢܲܝ̈.
10: ܘܐܸܡܲܪ ܠܹܗ: ܡܒܲܪܵܟ݂ܘܼ ܢܒܲܪܟ݂ܵܟ݂ ܡܵܪܝܵܐ: ܘܢܲܣܓܹ̇ܐ ܬܚܘܼܡܵܟ݂. ܘܬܸܗܘܹܐ ܐܝܼܕܹܗ ܥܲܡܵܟ݂. ܘܢܸܦ̱ܪܩܵܟ݂ ܡ̣ܢ ܒܝܼܫܵܐ: ܕܠܵܐ ܢܸܫܬܲܠܲܛ ܒܵܟ݂. ܘܢܸܬܸ̇ܠ ܠܵܟ݂ ܕܫܵܐܹ̇ܠ ܐܲܢ̄ܬ̇ ܠܹܗ.
11: ܘܟ݂ܵܠܵܒ̣ ܐܲܚܘܼܗܝ ܕܐܲܚܝܼܵܐ: ܐܵܘܠܸܕ݂ ܠܲܡܚܝܼܪ ܗ̤ܘ ܗܘ̤ܵܐ ܐܲܒ̣ܘܗܝ ܕܐܸܫܬ̇ܘܿܢ.
12: ܘܐܸܫܬ̇ܘܿܢ ܐܵܘܠܸܕ݂ ܠܪܘܿܦܵܐ: ܘܪܘܿܦܵܐ ܐܵܘܠܸܕ݂ ܠܦܲܣܝܼܚ: ܘܦܲܣܝܼܚ ܐܵܘܠܸܕ݂ ܠܲܬ̣ܚܝܼܵܐ: ܘܲܬ̣ܚܝܼܵܐ ܐܵܘܠܸܕ݂ ܠܝܲܥܙܝܼܪ.
15: ܗܵܠܹܝܢ ܗܘ̤ܵܘ ܒܢܲـ̈ـܝܵܐ ܕܟ݂ܠܵܒ̣ ܒܲܪ ܝܘܿܦܲܢܵܐ. ܘܲܒ̣ܢܵܘ̈ܗܝ ܕܟ݂ܠܵܒ̣: ܫܸܡ ܒܪܹܗ ܒܘܼܟ݂ܪܹܗ ܐܲܠܵܐ. ܘܲܫܡܵܐ ܕܬܸܢܝܵܢܵܐ ܢܵܥܵܡ. ܘܲܫܡܹܗ ܕܲܬ̣ܠܝܼܬ̣ܵܝܵܐ ܩܲܢ̄ܙ. ܘܲܫܡܹܗ ܕܲܪܒ̣ܝܼܥܵܝܵܐ ܐܵܫܝܼܦ ܘܲܫܡܹܗ ܕܲܚܡܝܼܫܵܝܵܐ ܝܲܡܘܼܐܹܝܠ. ܘܲܫܡܹܗ ܕܲܫܬ̇ܝܼܬ̣ܵܝܵܐ ܝܲܗܪܘܼܒ̣ ܗܵܠܹܝܢ ܒܢܲـ̈ـܝܵܐ ܗܘ̤ܵܘ ܠܟ݂ܵܠܵܒ̣ ܒܲܪ ܝܘܿܦܲܢܵܐ.
19: ܘܲܒ̣ܢܲܝ̈ ܐܲܢ̄ܬܲܬ̣ ܐܘܿܪܝܼܵܐ: ܚܵܬܹܗ ܕܢܵܚܘܿܡ ܐܲܒ̣ܘܼܗܝ ܕܲܩܥܝܼܠܵܐ: ܙܲܡܪܝܼ: ܘܐܸܫܬ̇ܡܘܿܥ: ܘܡܲܟ̇ܝܼܬ̣: ܘܐܸܫܬ̇ܡܲܥ: ܘܐܲܫܝܼܡܘܿܢ.
20: ܘܲܒ̣ܢܵܘ̈ܗܝ ܕܐܲܫܝܼܡܘܿܢ: ܐܲܡܘܿܢ: ܘܕ݂ܘܼܡܝܵܐ: ܘܙܲܪܚ: ܘܫܹܠܵܐ.
21: ܗܵܠܹܝܢ ܒܢܵܘ̈ܗܝ ܕܲܝܗܘܼܕ݂ܵܐ: ܝܲܡܘܼܐܹܝܠ: ܘܝܲܡܝܼܢ: ܘܐܵܗܵܪ: ܘܝܵܟ݂ܝܼܢ: ܘܨܵܚܵܪ: ܘܪܝܼܒ̣: ܘܙܲܪܚ: ܘܫܵܐܘܿܠ.
25: ܗܵܠܹܝܢ ܒܢܲـ̈ـܝܵܐ ܕܫܹܠܵܐ ܒܪܹܗ ܕܲܝܗܘܼܕ݂ܵܐ.
26: ܘܲܒ̣ܢܵܘ̈ܗܝ ܕܫܸܡܥܘܿܢ: ܡܲܒ̣ܣܲܡ ܒܪܹܗ. ܡܲܫܡܲܥ ܒܪܹܗ: ܫܡܲܥܬ̇ܝܼ ܒܪܹܗ: ܚܡܸܠ ܒܪܹܗ: ܙܲܟ̇ܝܼ ܒܪܹܗ: ܫܲܡܥܝܼ ܒܪܹܗ.
27: ܘܲܗܘ̤ܵܘ ܠܫܲܡܥܝܼ ܒܢܲـ̈ـܝܵܐ ܫܸܬ̇ܬܲܥܣܲܪ: ܘܫܸܬ̣ ܒ̈ܢܵܬ̣ܵܐ ܘܠܲܐܚܘܼܗܝ ܠܵܐ ܗܘ̤ܵܘ ܠܹܗ ܒܢܲـ̈ـܝܵܐ ܣܲܓ̇ܝܼ̈ܐܹܐ ܘܟ݂ܠ ܫܲܪ̈ܒ̣ܵܬ̣ܗܘܿܢ ܠܵܐ ܣܓ̣ܝܼ: ܥܕܲܡܵܐ ܕܐܸܬ̣ܵܘ ܠܘܵܬ̣ܗܘܿܢ ܒܢܲܝ̈ ܝܼܗܘܼܕ݂ܵܐ.
28: ܘܝܼܬܸܒ̣ܘ ܥܲܡܗܘܿܢ ܒܩܘܼܪ̈ܝܵܐ ܕܒܹܪ ܫܒܲܥ: ܘܲܒ̣ܡܘܼܠܕ݂ܵܐ: ܘܲܒ̣ܕ݂ܵܪܲܬ̣ ܫܘܿܥ.
29: ܘܒܲܠܗܵܐ: ܘܒܲܥܨܸܡ: ܘܒܹܐܠܵܬ̣ܠܲܕ݂.
30: ܘܒܲܢܣܸܠ: ܘܲܒ̣ܚܸܪܡܵܐ: ܘܒܲܚܨܵܪܓܲܕܵ ܘܲܒ̣ܚܸܫܡܘܿܢ: ܘܲܒ̣ܚܸܬ̣ܦܠܸܛ: ܘܲܒ̣ܨܸܢܩܠܵܓ̣.
31: ܘܲܒ̣ܡܲܪܡܪܵܢܵܐ: ܘܣܲܡܣܵܠܵܐ ܗܵܠܹܝܢ ܩܘܼܪ̈ܝܵܐ ܥܕܲܡܵܐ ܠܡܲܠܟܵܐ ܕܵܘܝܼܕ݂: ܟܲܦܪ̈ܘܿܢܲܝܗܹܝܢ.
32: ܘܲܥܩܝܼܡ: ܘܲܥܩܝܼܢ: ܘܲܪܡܘܿܢ: ܘܐܲܬ̣ܟܸ̇ܢ: ܘܐܲܥܫܸܢ: ܩܘܼܪ̈ܝܵܐ ܚܲܡܸܫ.
33: ܘܟ݂ܠ ܟܲܦܪ̈ܘܿܢܹܐ ܕܐܝܼܬ̣ ܚܕ݂ܵܪ̈ܲܝ ܩܘܼܪ̈ܝܵܐ ܗܵܠܹܝܢ ܕܥܲܪ̈ܩܵܝܹܐ: ܗܵܠܹܝܢ ܩܘܼܪ̈ܝܵܐ ܕܡܵܘܬܲܒ̣ܗܘܿܢ. ܘܲܗܘ̤ܵܐ ܠܗܹܝܢ ܫܸܡ ܪܲܒ̇. ܘܡܵܘܬܲܒ̣ܗܹܝܢ ܫܲܦܝܼܪ: ܘܫܸܠܝܵܐ ܘܫܲܝܢܵܐ ܐܝܼܬ̣ ܚܕ݂ܵܪ̈ܲܝܗܹܝܢ.
38: ܘܗܵܠܹܝܢ ܫܡܵܗܹ̈ܐ ܕܪܵܘ̱ܪ̈ܒ̣ܵܢܹܐ ܕܐܝܼܬ̣ ܬܲܡܵܢ: ܠܫܲܪ̈ܒ̣ܵܬ̣ܗܘܿܢ ܘܲܠܒܹܝܬ̣ ܐܲܒ̣ܵܗܲܝ̈ܗܘܿܢ.
39: ܘܐܸܬ̣ܵܘ ܠܡܲܥܠܵܢܵܐ ܕܓ̣ܵܕ݂ܵܪ: ܥܕܲܡܵܐ ܠܡܲܕ݂ܢ̱ܚܹܗ ܕܢܲܚܠܵܐ: ܠܡܸܒ̣ܥܵܐ ܪܸܥܝܵܐ ܠܥܵܢ̈ܗܘܿܢ.
40: ܘܐܸܫܟܲܚܘ ܪܸܥܝܵܐ ܕܛܵܒ̣ ܘܫܲܡܝܼܢ: ܘܐܲܪܥܵܐ ܪܲܒܵܐ ܘܛܵܒ̣ܵܐ ܘܫܲܝܢܵܐ ܘܲܫܠܵܡܵܐ ܐܝܼܬ̣ ܬܲܡܵܢ: ܡܸܛܠ ܕܗܸܢܘܿܢ ܝܵܬ̣ܒ̇ܝܼܢ ܗ̄ܘ̣ܵܘ ܒܵܗ̇ ܡ̣ܢ ܠܘܼܩܕܲܡ.
41: ܘܐܲܝܬ̇ܝܼܘ ܗܵܠܹܝܢ ܓܲܒ̣ܪܹ̈ܐ ܕܲܟ݂ܬ̣ܝܼܒ̣ܝܼܢ ܗ̄ܘ̣ܵܘ: ܒܲܫܢܲـ̈ـܝܵܐ ܕܚܹܙܲܩܝܵܐ ܡܲܠܟܵܐ: ܕܒܹܝܬ̣ ܝܼܗܘܼܕ݂ܵܐ ܘܐܲܚܪܸܒ̣ܘ ܝܵܬ̣ ܡܲܫܟ̇ܢܲܝ̈ܗܘܿܢ ܘܟ݂ܠ ܡܲܒ̇ܘܼ̈ܥܹܐ ܕܡܲـ̈ـܝܵܐ ܕܐܝܼܬ̣ ܬܲܡܵܢ: ܛܲܡܸܡܘ ܐܸܢܘܿܢ: ܥܕܲܡܵܐ ܠܝܵܘܡܵܢܵܐ. ܘܝܼܬܸܒ̣ܘ ܒܕ݂ܘܼܟܲܬ̣ܗܘܿܢ. ܡܸܛܠ ܕܪܸܥܝܵܐ ܕܥܵܢ̈ܗܘܿܢ ܫܲܦܝܼܪ ܗ̄ܘ̣ܵܐ ܬܲܡܵܢ.
42: ܘܡܸܢܗܘܿܢ ܘܡ̣ܢ ܒܢܲܝ̈ ܫܸܡܥܘܿܢ: ܐܸܙܲܠ̣ܘ ܠܛܘܼܪܵܐ ܕܓ̣ܒܸܠ: ܓܲܒ̣ܪܹ̈ܐ ܚܲܡܸܫܡܵܐܐ. ܘܗܵܠܹܝܢ ܫܡܵܗܹ̈ܐ ܕܓܲܒ̣ܪܹ̈ܐ ܕܐܸܙܲܠ̣ܘ ܒܪܹܫܗܘܿܢ: ܦܠܲܛܝܵܐ ܘܡܲܬ̇ܝܼܬ̣ܵܐ: ܘܲܪܦܵܝܵܐ: ܘܥܘܼܙܝܼܐܹܝܠ ܗܵܠܹܝܢ ܐܲܪܒ̇ܥܵܐ ܓܲܒ̣ܪ̈ܝܼܢ ܒܢܲܝ̈ ܐܝܼܫܥܝܼ: ܐܸܙܲܠܘ ܒܪܹܫܗܘܿܢ.
43: ܘܲܚܪܲܒ̣ܘ ܟܠ ܫܲܪܟܵܐ ܕܐܸܫܬ̇ܚܲܪܘ ܠܲܥܡܵܠܩܵܝܹ̈ܐ: ܘܝܸܬܸܒ̣ܘ ܒܕ݂ܘܼܟܲܬ̣ܗܘܿܢ ܥܕܲܡܵܐ ܠܝܵܘܡܵܢܵܐ.
ܩܹܦܵܠܹܐܘܿܢ : ܗ.
1: ܘܲܒ̣ܢܵܘ̈ܗܝ ܕܪܘܼܒܹܝܠ: ܒܘܼܟ݂ܪܹܗ ܕܝܼܣܪܵܝܹܠ: ܡܸܛܠ ܕܗ̤ܘ ܗܘ̤ܵܐ ܒܘܼܟ݂ܪܹܗ ܕܐܲܒ̣ܘܗܝ ܘܛܵܘܸܫ ܬܸܫܘܝܼܬ̣ܵܐ ܕܐܲܒ̣ܘܼܗܝ: ܐܸܬ̣ܝܲܗ̄ܒܲܬ̤ ܒܘܼܟ݂ܪܘܼܬܹܗ ܠܝܵܘܣܸܦ ܐܲܚܘܼܗܝ ܒܲܪ ܝܼܣܪܵܝܹܠ ܘܥܲܠ ܗܵܠܹܝܢ ܬܪ̈ܲܝܗܘܿܢ ܐܵܬ̣̈ܝܵܢ ܒܘܼܪ̈ܟܵܬ̣ܵܐ: ܡ̣ܢ ܟܠܗܘܿܢ ܫܲܒ̣ܛܹ̈ܐ ܕܝܼܣܪܵܝܹܠ.
2: ܡ̣ܢ ܝܼܗܘܼܕ݂ܵܐ ܢܸܦܘܿܩ ܡܲܠܟܵܐ ܡܫܝܼܚܵܐ: ܘܒ̣ܘܼܟ݂ܪܘܼܬ̣ܵܐ ܬܸܬ̣̱ܝܼܗܸܒ̣ ܠܝܵܘܣܸܦ.
3: ܒܢܵܘ̈ܗܝ ܕܪܘܿܒܹܝܠ: ܒܘܼܟ݂ܪܹܗ ܕܝܼܣܪܵܝܹܠ: ܚܢܘܿܟ݂: ܘܦܲܠܘܿ: ܘܚܸܨܪܘܿܢ: ܘܟܲܪܡܝܼ.
4: ܘܲܒ̣ܢܵܘ̈ܗܝ ܕܟܲܪܡܝܼ: ܫܡܲܥܝܵܐ ܒܪܹܗ: ܘܕ݂ܘܿܐܵܓ̣ ܒܪܹܗ: ܫܲܡܥܝܼ ܒܪܹܗ.
5: ܡܝܼܟ݂ܵܐ ܒܪܹܗ: ܐܘܿܪܝܼܵܐ ܒܪܹܗ: ܒܵܠܵܥ ܒܪܹܗ.
6: ܐܲܒ̣ܕ݂ܝܼܵܐ ܒܪܹܗ. ܕܓܲܠܝܼ ܬܲܓ̣ܠܲܬ̣ ܦܲܠܣܲܪ ܡܲܠܟܵܐ ܕܐܵܬ̣ܘܿܪ ܗ̤ܘ ܗܘ̤ܵܐ ܪܹܫܵܐ ܕܫܲܒ̣ܛܵܐ ܕܒܹܝܬ̣ ܪܘܼܒܹܝܠ.
7: ܘܐܲܚܵܘ̈ܗܝ ܠܫܲܪ̈ܒ̣ܵܬ̣ܗܘܿܢ: ܟܲܕ݂ ܐܸܫܬ̇ܪܸܒ̣ܘ ܒܛܘܿܗܡܲܝ̈ܗܘܿܢ: ܪܹܫܗܘܿܢ ܥܲܙܪܵܐܹܝܠ: ܬܸܢܝܵܢܵܐ ܙܟܲܪܝܵܐ.
8: ܘܒܲܠܵܥ ܒܲܪ ܥܘܿܙܝܼ: ܒܲܪ ܫܲܡܥܝܼ: ܒܲܪ ܝܘܿܐܹܝܠ. ܗ̤ܘ ܝܵܬܹܒ̣ ܗ̄ܘ̣ܵܐ ܒܥܲܕ݂ܘܵܥܝܼܪ: ܘܲܥܕܲܡܵܐ ܠܢܵܒ̣ܘܼ: ܘܥܲܠ ܦܩܲܥܬ̣ܵܐ ܕܲܡܥܘܿܢ.
9: ܘܲܥܕܲܡܵܐ ܠܡܲܕ݂ܢܵܚܹ̈ܗ̇: ܥܕܲܡܵܐ ܠܲܬ̣ܚܘܼܡܵܐ ܕܡܲܕ݂ܒ̇ܪܵܐ: ܕܡ̣ܢ ܢܲܗܪܵܐ ܦܪܵܬ̣. ܡܸܛܠ ܕܲܣܓ̣ܝܼܘ ܗܸܢܘܿܢ ܘܩܸܢܝܵܢܗܘܿܢ: ܒܐܲܪܥܵܐ ܕܓܸܠܥܵܕ݂.
10: ܘܲܒ̣ܝܵܘܡܵܘ̈ܗܝ ܕܫܵܐܘܿܠ: ܥܒܲܕ݂ܘ ܩܪܵܒ̣ܵܐ ܥܲܡ ܥܲܪ̈ܒ̣ܵܝܹܐ: ܥܵܡܪ̈ܲܝ ܣܲܩܵܐ ܘܐܸܬ̣̱ܝܼܗܸܒ̣ܘ ܒܐܝܼܕܲܝ̈ܗܘܿܢ ܘܝܼܬܸܒ̣ܘ ܒܡܲܫܟ̇ܢܲܝ̈ܗܘܿܢ: ܥܲܠ ܟܠ ܐܲܦܲܝ̈ ܡܲܕܢ̱ܚܵܐ ܕܐܲܪܥܵܐ ܕܓܸܠܥܵܕ݂.
11: ܘܲܒ̣ܢܵܘ̈ܗܝ ܕܓ̣ܵܕ݂: ܝܼܬܸܒ̣ܘ ܠܘܼܩܒܲܠܗܘܿܢ ܒܐܲܪܥܵܐ ܕܡܲܬ̣ܢܝܼܢ: ܥܕܲܡܵܐ ܠܲܬ̣ܚܘܼܡܵܐ ܕܣܝܼܒ̣ܵܐ ܘܲܕ݂ܣܲܠܟ݂ܵܐ.
12: ܘܝܘܿܐܹܝܠ ܢܦܲܩ̣ ܒܪܹܫܗܘܿܢ. ܘܲܗܘ̤ܵܐ ܕܵܐܹ̇ܢ ܠܗܘܿܢ: ܘܡܲܠܸܦ ܠܗܘܿܢ ܟܬ̣ܵܒܹ̈ܐ ܫܲܦܝܼܪ.
14: ܗܵܠܹܝܢ ܒܢܵܘ̈ܗܝ ܕܐܲܒ̣ܝܼܚܸܠ ܒܲܪ ܚܘܿܪܝܼ: ܒܲܪ ܙܲܪܚ: ܒܲܪ ܓܸܠܥܵܕ݂: ܒܲܪ ܡܵܟ݂ܝܼܪ: ܒܲܪ ܥܲܒ̣ܕܵܐܹܝܠ: ܒܲܪ ܥܹܠܝܼ: ܪܹ̈ܫܹܐ ܕܐܲܒ̣ܵܗܵܬ̣̈ܗܘܿܢ.
16: ܘܝܸܬܸܒ̣ܘ ܒܡܲܬ̣ܢܝܼܢ: ܘܲܒ̣ܟܲܦܪ̈ܘܿܢܹܝܗ̇.
17: ܟܠܗܘܿܢ ܐܸܫܬ̇ܪܸܒ̣ܘ ܒܝܵܘ̈ܡܲܝ ܝܘܿܬ̣ܵܡ ܡܲܠܟܵܐ ܕܒܹܝܬ̣ ܝܼܗܘܼܕ݂ܵܐ: ܘܲܒ̣ܝܵܘܡܵܘ̈ܗܝ ܕܝܘܿܪܲܒ̣ܥܲܡ ܡܲܠܟܵܐ ܕܝܼܣܪܵܝܹܠ.
18: ܘܲܒ̣ܢܵܘ̈ܗܝ ܕܪܘܿܒܹܝܠ: ܘܓ̣ܵܕ݂: ܘܦܸܠܓ̇ܘܼܬ̣ ܫܲܒ̣ܛܵܐ ܕܲܡܢܲܫܹܐ: ܐ̄ܢܵܫܵܐ ܐܲܚܝܼ̈ܕܲܝ ܣܲܝ̈ܦܹܐ ܘܣܲܟ̇ܪܹ̈ܐ: ܘܫܵܕ݂ܝܲܝ̈ ܒܩܸܫܬܵܐ: ܘܝܵܕ݂̈ܥܲܝ ܩܪܵܒ̣ܵܐ: ܐܲܪܒ̇ܥܝܼܢ ܘܐܲܪܒ̇ܥܵܐ ܐܲܠܦ̈ܝܼܢ: ܘܫܸܬ̣ܡܵܐܐ ܘܸܫܬ̇ܝܼܢ ܘܸܫܬܵܐ.
19: ܗܵܠܹܝܢ ܟܠܗܘܿܢ ܢܦܲܩ̣ܘ ܒܲܩܪܵܒ̣ܵܐ: ܘܲܥܒܲܕ݂ܘ ܩܪܵܒ̣ܵܐ ܥܲܡ ܥܵܡܪ̈ܲܝ ܣܲܩܵܐ.
20: ܘܐܸܫܬ̇ܠܸܡܘ ܒܐܝܼܕܲܝ̈ܗܘܿܢ: ܡܸܛܠ ܕܲܠܡܵܪܝܵܐ ܨܲܠܝܼܘ ܒܲܩܪܵܒ̣ܵܐ ܘܲܫܡܲܥ ܒܩܵܠܗܘܿܢ: ܡܸܛܠ ܕܐܸܬ̇ܬ̇ܟܸܠܘ ܥܠܵܘܗܝ.
21: ܘܲܫܒ̣ܵܘ ܢܸܟ݂ܣܹ̈ܐ ܣܲܓ̇ܝܼ̈ܐܹܐ ܘܩܸܢܝܵܢܵܐ: ܓܲܡܠܹ̈ܐ ܚܲܡܫܝܼܢ ܐܲܠܦ̈ܝܼܢ: ܘܥܵـ̈ـܢܵܐ ܡܲܐܬܹ̇ܝܢ ܘܚܲܡܫܝܼܢ ܐܲܠܦ̈ܝܼܢ: ܘܚܸܡܪ̈ܵܐ ܬܪܹܝܢ ܐܲܠܦ̈ܝܼܢ: ܘܢܲܦ̮̈ܫܵܬ̣ܵܐ ܕܐ̄ܢܵܫܵܐ ܡܵܐܐ ܐܲܠܦ̈ܝܼܢ.
22: ܡܸܛܠ ܕܲܩܛܝܼ̈ܠܹܐ ܣܲܓ̇ܝܼ̈ܐܹܐ ܢܦܲܠ̣ܘ ܡ̣ܢ ܡܲܫܟ̇ܢܲܝ̈ܗܘܿܢ ܒܲܩܪܵܒ̣ܵܐ: ܘܝܸܬܸܒ̣ܘ ܒܕ݂ܘܼܟ̇ܬ̣ܗܘܿܢ ܥܲܠ ܡܲܫܟ̇ܢܲܝ̈ܗܘܿܢ.
23: ܘܲܒ̣ܢܲܝ̈ ܦܸܠܓ̇ܘܼܬ̣ ܫܲܒ̣ܛܵܐ ܕܲܡܢܲܫܸܐ: ܝܼܬܸܒ̣ܘ ܒܐܲܪܥܵܐ ܕܡܲܬ̣ܢܝܼܢ: ܘܲܥܕܲܡܵܐ ܠܲܦܩܲܥܬ̣ܵܐ ܕܛܘܼܪܵܐ ܕܚܸܪܡܘܿܢ. ܥܕܲܡܵܐ ܠܗܵܪ ܬܲܡܵܢ ܣܓ̣ܝܼܘ ܘܝܼܪܸܒ̣ܘ.
24: ܗܵܠܹܝܢ ܪܹ̈ܫܹܐ ܕܒܹܝܬ̣ ܐܲܒ̣ܵܗܲܝ̈ܗܘܿܢ: ܥܲܦܵܐ: ܘܫܘܿܒ̣: ܘܐܸܠܕ݂ܥܵܐ: ܘܥܲܙܪܵܐܹܝܠ: ܘܐܲܕ݂ܘܿܡܝܼܵܐ: ܘܐܘܿܪܝܼܵܐ: ܘܲܚܙܵܐܹܝܠ: ܓܲܒ̣ܪܹ̈ܐ ܓܲܢ̄ܒܵܪ̈ܲܝ ܚܲܝܠܵܐ: ܓܲܒ̣ܪܹ̈ܐ ܕܲܫ̈ܡܵܗܵܬ̣ܵܐ: ܕܗܸܢܘܿܢ ܪܹ̈ܫܹܐ ܕܒܹܝܬ̣ ܐܲܒ̣ܵܗܲܝ̈ܗܘܿܢ.
25: ܘܟܲܕܸ̇ܒ̣ܘ ܒܐܲܠܵܗܵܐ ܕܐܲܒ̣ܵܗܲܝ̈ܗܘܿܢ: ܘܲܛܥܵܘ ܒܵܬܲܪ ܐܲܠܵܗܹ̈ܐ ܕܥܲܡܡܹ̈ܐ ܕܐܲܪܥܵܐ: ܕܐܵܘܒܸ̇ܕ݂ ܡܵܪܝܵܐ ܡ̣ܢ ܩܕ݂ܵܡܲܝܗܘܿܢ.
26: ܘܐܲܥܝܼܪ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ ܥܠܲܝܗܘܿܢ: ܪܘܼܚܹܗ ܕܬܲܓ̣ܠܲܬ̣ ܦܲܠܣܲܪ ܡܲܠܟܵܐ ܕܐܵܬ̣ܘܿܪ ܘܓܲܠܝܼ ܠܫܲܒ̣ܛܵܐ ܕܒܹܝܬ̣ ܪܘܼܒܹܝܠ: ܘܲܠܫܲܒ̣ܛܵܐ ܕܒܹܝܬ̣ ܓܵܕ݂: ܘܲܠܦܸܠܓ̇ܘܼܬ̣ ܫܲܒ̣ܛܵܐ ܕܲܡܢܲܫܸܐ. ܘܐܲܝܬ̇ܝܼ ܐܸܢܘܿܢ ܠܲܚܠܲܚ: ܘܲܠܚܵܒ̣ܵܪ ܢܗܲܪ ܓܵܘܙܵܢ: ܩܘܼܪ̈ܝܵܐ ܕܡܵܕܲܝ ܘܗܸܢܘܿܢ ܝܵܬ̣ܒ̇ܝܼܢ ܬܲܡܵܢ ܥܕܲܡܵܐ ܠܝܵܘܡܵܢܵܐ.
ܩܹܦܵܠܹܐܘܿܢ : ܘ.
1: ܒܢܵܘ̈ܗܝ ܕܠܹܘܝܼ: ܓܸܪܫܘܿܢ: ܘܩܵܗܵܬ̣: ܘܲܡܪܵܪܝܼ.
2: ܘܲܒ̣ܢܵܘ̈ܗܝ ܕܩܵܗܵܬ̣: ܥܲܡܪܲܡ: ܘܝܲܨܗܵܪ: ܘܚܸܒ̣ܪܘܿܢ: ܘܥܘܼܙܝܼܐܹܠ.
3: ܘܲܒ̣ܢܵܘ̈ܗܝ ܕܥܲܡܪܲܡ: ܡܘܼܫܹܐ: ܘܐܲܗܪܘܿܢ: ܘܡܲܪܝܲܡ. ܘܲܒ̣ܢܵܘ̈ܗܝ ܕܐܲܗܪܘܿܢ: ܢܵܕ݂ܵܒ̣: ܘܐܲܒ̣ܝܼܗܘܿ: ܘܐܹܠܝܼܥܵܙܲܪ: ܘܐܝܼܬ̣ܵܡܵܪ.
4: ܘܐܹܠܝܼܥܵܙܲܪ ܐܵܘܠܸܕ݂ ܠܦܝܼܢܚܸܣ ܘܦܝܼܢܚܸܣ ܐܵܘܠܸܕ݂ ܠܐܲܒ̣ܝܼܫܘܿܥ.
5: ܘܐܲܒ̣ܝܼܫܘܿܥ ܐܵܘܠܸܕ݂ ܠܐܲܒ̣ܝܼܩܵܪ. ܘܐܲܒ̣ܝܼܩܵܪ ܐܵܘܠܸܕ݂ ܠܥܲܙܝܼ.
6: ܘܥܲܙܝܼ ܐܵܘܠܸܕ݂ ܠܲܙܪܲܚܝܵܐ. ܘܙܲܪܲܚܝܵܐ ܐܵܘܠܸܕ݂ ܠܡܲܪܘ.
7: ܘܡܲܪܘ ܐܵܘܠܸܕ݂ ܠܐܵܡܲܪܝܵܐ: ܘܐܵܡܲܪܝܵܐ ܐܵܘܠܸܕ݂ ܠܐܲܚܝܼܛܘܿܒ̣.
8: ܘܐܲܚܝܼܛܘܿܒ̣ ܐܵܘܠܸܕ݂ ܠܨܵܕ݂ܘܿܩ. ܘܨܵܕ݂ܘܿܩ ܐܵܘܠܸܕ݂ ܠܐܲܚܝܼܡܥܸܨ.
9: ܘܐܲܚܝܼܡܥܸܨ ܐܵܘܠܸܕ݂ ܠܥܲܙܲܪܝܵܐ. ܘܥܲܙܲܪܝܵܐ ܐܵܘܠܸܕ݂ ܠܝܘܿܚܲܢܵܢ.
10: ܘܝܘܿܚܲܢܵܢ ܐܵܘܠܸܕ݂ ܠܥܲܙܲܪܝܵܐ. ܘܥܲܙܲܪܝܵܐ ܗ̤ܘ ܫܲܡܸܫ ܒܒܲܝܬܵܐ ܕܲܒ̣ܢܵܐ ܫܠܹܝܡܘܿܢ ܒܐܘܿܪܸܫܠܸܡ.
11: ܘܐܵܘܠܸܕ݂ ܥܲܙܲܪܝܵܐ ܠܐܵܡܲܪܝܵܐ: ܘܐܵܡܲܪܝܵܐ ܐܵܘܠܸܕ݂ ܠܐܲܚܝܼܛܘܿܒ̣.
12: ܘܐܲܚܝܼܛܘܿܒ̣ ܐܵܘܠܸܕ݂ ܠܨܵܕ݂ܘܿܩ ܘܨܵܕ݂ܘܿܩ ܐܵܘܠܸܕ݂ ܠܫܵܠܘܿܡ.
13: ܘܫܵܠܘܿܡ ܐܵܘܠܸܕ݂ ܠܚܹܠܲܩܝܵܐ ܘܚܹܠܲܩܝܵܐ ܐܵܘܠܸܕ݂ ܠܥܲܙܲܪܝܵܐ.
14: ܘܥܲܙܲܪܝܵܐ ܐܵܘܠܸܕ݂ ܠܲܣܪܵܝܵܐ ܘܲܣܪܵܝܵܐ ܐܵܘܠܸܕ݂ ܠܨܵܕ݂ܘܿܩ.
15: ܘܨܵܕ݂ܘܿܩ ܐܸܫܬ̇ܒ̣ܝܼ: ܟܲܕ݂ ܓܲܠܝܼ ܡܵܪܝܵܐ ܠܐ̄ܢܵܫܲܝ̈ ܝܼܗܘܼܕ݂ܵܐ ܘܠܐܘܿܪܸܫܠܸܡ: ܠܒ̣ܵܒܹܠ ܠܘܵܬ̣ ܢܒ̣ܘܼܟܲܕ݂ܢܵܨܲܪ.
16: ܒܢܵܘ̈ܗܝ ܕܠܹܘܝܼ: ܓܪܸܫܘܿܢ: ܘܩܵܗܵܬ̣: ܘܲܡܪܵܪܝܼ.
17: ܘܗܵܠܹܝܢ ܫܡܵܗܹ̈ܐ: ܕܲܒ̣ܢܲܝ̈ ܓܸܪܫܘܿܢ: ܠܲܒ̣ܢܝܼ: ܘܫܲܡܥܝܼ.
18: ܘܲܒ̣ܢܵܘ̈ܗܝ ܕܩܵܗܵܬ̣: ܥܲܡܪܲܡ: ܘܝܲܨܗܵܪ: ܘܚܸܒ̣ܪܘܿܢ: ܘܥܘܼܙܝܼܐܹܠ.
19: ܘܲܒ̣ܢܵܘ̈ܗܝ ܕܲܡܪܵܪܝܼ: ܡܲܚܠܝܼ: ܘܡܘܼܫܝܼ. ܗܵܠܹܝܢ ܐܸܢܹܝܢ ܫܲܪ̈ܒ̣ܵܬ̣ܵܐ ܕܠܹܘܵܝܹ̈ܐ: ܠܐܲܒ̣ܵܗܵܬ̣̈ܗܘܿܢ.
20: ܓܸܪܫܘܿܢ ܒܪܹܗ: ܢܵܚܵܬ̣ ܒܪܹܗ: ܙܹܡܵܐ ܒܪܹܗ.
21: ܝܘܿܐܵܚ ܒܪܹܗ: ܐܲܕ̇ܘܼ ܒܪܹܗ: ܝܵܬ̣ܘܿܪ ܒܪܹܗ.
22: ܒܢܵܘ̈ܗܝ ܕܩܵܗܵܬ̣: ܥܲܡܝܼܢܵܕ݂ܵܒ̣ ܒܪܹܗ: ܩܘܿܪܚ ܒܪܹܗ: ܘܐܵܣܝܼܪ ܒܪܹܗ.
23: ܗܲܠܩܵܢܵܐ ܒܪܹܗ: ܐܲܟܸܢܣܵܦ ܒܪܹܗ.
24: ܬܵܚܘܿܬ̣ ܒܪܹܗ: ܐܘܿܪܝܹܠ ܒܪܹܗ: ܥܘܿܙܝܼܵܐ ܒܪܹܗ: ܫܵܐܘܿܠ ܒܪܹܗ.
25: ܘܲܒ̣ܢܵܘ̈ܗܝ ܕܗܲܠܩܵܢܵܐ: ܥܲܡܫܝܼ: ܘܐܲܚܝܼܡܘܼܬ̣.
26: ܗܲܠܩܵܢܵܐ ܒܪܹܗ: ܨܘܿܦ ܒܪܹܗ: ܢܵܚܵܬ̣ ܒܪܹܗ: ܙܲܪܚ ܒܪܹܗ: ܫܡܲܠܵܐ ܒܪܹܗ: ܡܲܪܝܼ ܒܪܹܗ.
27: ܐܹܠܝܼܵܒ̣ ܒܪܹܗ: ܓܲܕ݂ܚܝܼܠ ܒܪܹܗ: ܗܲܠܩܵܢܵܐ ܒܪܹܗ.
28: ܘܲܒ̣ܢܲܝ̈ ܫܡܘܼܐܹܝܠ: ܒܪܹܗ ܒܘܼܟ݂ܪܹܗ: ܝܘܿܐܹܝܠ: ܘܲܫܡܵܐ ܕܲܒ̣ܪܹܗ ܬܸܢܝܵܢܵܐ ܐܲܒ̣ܝܼܵܐ.
29: ܘܲܒ̣ܢܲܝ̈ ܡܪܵܪܝܼ: ܡܲܚܠܝܼ ܒܪܹܗ: ܠܸܒ̣ܢܝܼ ܒܪܹܗ.
30: ܫܲܡܥܝܼ ܒܪܹܗ: ܥܲܙܵܐ ܒܪܹܗ: ܫܡܲܥܝܵܐ ܒܪܹܗ: ܥܫܵܢܵܐ ܒܪܹܗ.
31: ܘܗܵܠܹܝܢ ܟܠܗܘܿܢ ܕܐܲܩܝܼܡ ܕܵܘܝܼܕ݂ ܕܢܸܗܘܘܿܢ ܡܫܲܡܫܝܼܢ ܒܒܲܝܬܹ̇ܗ ܕܡܵܪܝܵܐ: ܒܕ݂ܘܼܟ̇ܬ̣ܵܐ ܕܣܝܼܡܵܐ ܬܲܡܵܢ ܩܹܒ̣ܘܿܬ̣ܵܐ.
32: ܘܢܸܗܘܘܿܢ ܡܫܲܡܫܝܼܢ ܩܕ݂ܵܡ ܡܵܪܝܵܐ ܒܡܲܫܟܲܢܙܲܒ̣ܢܵܐ: ܒܬܸܫ̈ܒ̇ܚܵܬ̣ܵܐ ܪܵܘ̱ܪ̈ܒ̣ܵܬ̣ܵܐ: ܥܕܲܡܵܐ ܕܲܒ̣ܢܹܐ ܫܠܹܝܡܘܿܢ ܒܲܝܬܹ̇ܗ ܕܡܵܪܝܵܐ: ܕܒ̣ܐܘܿܪܸܫܠܸܡ. ܘܐܲܩܝܼܡ ܐܸܢܘܿܢ ܐܲܝܟ݂ ܢܵܡܘܿܣܲܝ̈ܗܘܿܢ ܥܲܠ ܥܒ̣ܝܼ̈ܕ݂ܵܬ̣ܗܘܿܢ.
33: ܘܗܵܠܹܝܢ ܡܫܲܡܫܵܢܹ̈ܐ ܗܸܢܘܿܢ ܘܲܒ̣ܢܲܝ̈ܗܘܿܢ: ܡ̣ܢ ܒܢܲܝ̈ ܩܵܗܵܬ̣: ܡ̣ܢ ܫܲܪܒ̇ܬ̣ܵܐ ܕܠܹܘܵܝܹ̈ܐ: ܗܵܡܵܢ: ܘܝܘܿܐܹܝܠ ܒܲܪ ܫܡܘܼܐܹܝܠ.
34: ܒܲܪ ܗܲܠܩܵܢܵܐ: ܒܲܪ ܝܲܪܚܘܿܡ: ܒܲܪ ܐܲܠܝܼܾܠ: ܒܲܪ ܬܵܚܘܿ.
35: ܒܲܪ ܨܘܿܦ: ܒܲܪ ܗܲܠܩܵܢܵܐ: ܒܲܪ ܚܡܵܬ̣.
36: ܒܲܪ ܡܘܼܫܝܼ: ܒܲܪ ܗܲܠܩܵܢܵܐ: ܒܲܪ ܝܘܿܐܹܝܠ: ܒܲܪ ܥܲܙܲܪܝܵܐ: ܒܲܪ ܨܦܲܢܝܵܐ.
37: ܒܲܪ ܬܵܚܵܬ̣: ܒܲܪ ܐܵܣܝܼܪ: ܒܲܪ ܐܲܟ݂ܣܝܼܦ: ܒܲܪ ܩܘܿܪܚ.
38: ܒܲܪ ܝܲܨܗܵܪ: ܒܲܪ ܩܵܗܵܬ̣: ܒܲܪ ܠܹܘܝܼ: ܒܲܪ ܝܼܣܵܪܵܝܹܠ.
39: ܘܐܲܚܘܼܗܝ ܐܵܣܵܦ ܕܩܵܐܹ̇ܡ ܥܲܠ ܝܲܡܝܼܢܹܗ ܕܐܵܣܵܦ ܒܲܪ ܒܪܲܟ݂ܝܵܐ: ܒܲܪ ܫܡܲܥܝܵܐ.
40: ܒܲ ܡܝܼܟ݂ܵܐܝܹܠ: ܒܲܪ ܡܥܲܣܝܵܐ: ܒܲܪ ܡܠܲܟ݂ܝܵܐ.
41: ܒܲܪ ܐܵܬ̣ܝܼ: ܒܲܪ ܙܲܪܚ: ܒܲܪ ܥܲܪܝܼܵܐ.
42: ܒܲܪ ܐܵܬ̣ܵܢ: ܒܲܪ ܙܸܡܵܐ: ܒܲܪ ܫܲܡܥܝܼ.
43: ܒܲܪ ܝܘܿܚܵܐ: ܒܲܪ ܓܸܪܫܘܿܢ: ܒܲܪ ܠܹܘܝܼ.
44: ܒܢܵܘ̈ܗܝ ܕܲܡܪܵܪܝܼ ܐܲܚܘܼܗܘܿܢ: ܕܐܲܩܝܼܡ ܥܲܠ ܣܸܡܵܠܵܐ: ܐܵܬ̣ܵܢ ܒܲܪ ܩܝܼܫܝܼ: ܒܲܪ ܥܵܡܵܪ: ܒܲܪ ܡܵܠܘܿܟ݂.
45: ܒܲܪ ܚܫܲܒ̣ܝܵܐ: ܒܲܪ ܐܵܡܘܿܨܝܼܵܐ: ܒܲܪ ܚܹܠܲܩܝܵܐ: ܒܲܪ ܢܵܛܘܿܪ.
47: ܒܲܪ ܡܲܚܠܝܼ: ܒܲܪ ܡܘܼܫܝܼ: ܒܲܪ ܡܪܵܪܝܼ: ܒܲܪ ܠܹܘܝܼ.
48: ܘܐܲܚܲܝ̈ܗܘܿܢ ܠܹܘܵܝܹ̈ܐ ܕܝܵܗ̄ܒ̇ܝܼܢ ܠܟ݂ܠܗܹܝܢ ܥܒ̣ܝܼ̈ܕ݂ܵܬ̣ܵܐ ܕܒܹܝܬ̣ ܡܲܫܟ̇ܢܵܐ ܕܒܹܝܬ̣ ܡܵܪܝܵܐ.
49: ܘܐܲܗܪܘܿܢ ܘܲܒ̣ܢܵܘ̈ܗܝ ܥܲܠ ܡܲܕ݂ܒ̇ܚܵܐ ܡܩܪܒ̣ܝܼܢ ܥܠܵـ̈ـܘܵܬ̣ܵܐ: ܠܟ݂ܠ ܥܒ̣̈ܝܼܕ݂ܵܬ̣ܵܐ ܕܲܩܕ݂ܘܿܫ ܩܘܼܕ݂ܫܹ̈ܐ ܠܲܡܚܲܣܵܝܘܼ ܥܲܠ ܝܼܣܪܵܝܹܠ.
ܐܲܟ݂ܡܵܐ ܕܦܲܩܸܕ݂ ܡܘܼܫܹܐ ܥܲܒ̣ܕܹ̇ܗ ܕܡܵܪܝܵܐ.
50: ܘܗܵܠܹܝܢ ܒܢܵܘ̈ܗܝ ܕܐܲܗܪܘܿܢ: ܐܸܠܝܼܥܵܙܲܪ ܒܪܹܗ: ܐܲܒ̣ܝܼܫܘܿܥ ܒܪܹܗ.
51: ܒܲܩܝܼ ܒܪܹܗ: ܥܲܙܝܼ ܒܪܹܗ: ܙܪܲܚܝܵܐ ܒܪܹܗ.
52: ܡܲܪܘܼ ܒܪܹܗ: ܐܵܡܲܪܝܵܐ ܒܪܹܗ: ܐܲܚܝܼܛܘܿܒ̣ ܒܪܹܗ.
53: ܨܵܕ݂ܘܿܩ ܒܪܹܗ: ܐܲܚܝܼܡܥܸܨ ܒܪܹܗ.
54: ܘܗܵܠܹܝܢ ܫܡܵܗܹ̈ܐ ܕܩܘܼܪ̈ܝܵܐ ܕܲܡܛܲܝ̈ ܥܲܠ ܫܲܪ̈ܒ̣ܵܬ̣ܵܐ ܒܲܬ̣ܚܘܼ̈ܡܲܝܗܹܝܢ: ܠܲܒ̣ܢܵܘ̈ܗܝ ܕܐܲܗܪܘܿܢ ܠܫܲܪܒ̇ܬ̣ܵܐ ܕܩܵܗܵܬ̣: ܡܸܛܠ ܕܲܠܗܘܿܢ ܡܛܵܬ̤ ܦܸܣܵܐ ܩܲܕ݂ܡܵܝܑܬ̣.
55: ܘܝܲܗ̄ܒ̣ܘ ܠܗܘܿܢ ܚܸܒ̣ܪܘܿܢ ܒܐܲܪܥܵܐ ܕܲܝܗܘܼܕ݂ܵܐ: ܘܟ݂ܠܗܘܿܢ ܟܲܦܪ̈ܘܿܢܹܐ ܕܲܚܕ݂ܵܪܹ̈ܝܗ̇ ܕܐܝܼܬ̣ ܒܐܲܪܥܵܐ ܕܲܝܗܘܼܕ݂ܵܐ.
56: ܘܲܠܟ݂ܠܗܹܝܢ ܚܲܩ̈ܠܵܬ̣ܵܐ ܕܲܩܪܝܼܬ̣ܵܐ: ܘܕܲܚܕ݂ܵܪܹ̈ܝܗ̇: ܝܲܗ̄ܒ̣ܘ ܠܟ݂ܵܠܵܒ̣ ܒܲܪ ܝܘܿܦܲܢܵܐ.
57: ܘܠܲܒ̣ܢܵܘ̈ܗܝ ܕܐܲܗܪܘܿܢ: ܝܲܗ̄ܒ̣ܘ ܠܟ݂ܠܗܹܝܢ ܩܘܼܪ̈ܝܵܐ ܕܲܡܫܵܘܙܒ̣ܘܼܬ̣ܵܐ. ܝܲܗ̄ܒ̣ܘ ܠܟ݂ܵܗܢܹ̈ܐ: ܠܚܸܒ̣ܪܘܿܢ ܘܲܠܟܲܦܪ̈ܘܿܢܹܝܗ̇ ܘܲܠܠܸܒ̣ܢܵܐ ܘܲܠܟܲܦܪ̈ܘܿܢܹܝܗ̇: ܘܲܠܝܵܬ̣ܵܪ ܘܲܠܟܲܦܪ̈ܘܿܢܹܝܗ̇: ܘܠܲܠܚܸܡ ܘܲܠܟܲܦܪ̈ܘܿܢܹܝܗ̇.
58: ܘܠܸܐܫܬ̇ܡܘܿܥ ܘܲܠܟܲܦܪ̈ܘܿܢܹܝܗ̇: ܘܲܠܕ݂ܵܒ̣ܝܼܪ ܘܲܠܟܲܦܪ̈ܘܿܢܹܝܗ̇.
59: ܘܲܠܥܵܫܵܢ ܘܲܠܟܲܦܪ̈ܘܿܢܹܝܗ̇: ܘܲܠܥܸܛܪܵܐ ܘܲܠܟܲܦܪ̈ܘܿܢܹܝܗ̇: ܘܲܠܒܹܝܬ̣ ܫܡܸܫ ܘܲܠܟܲܦܪ̈ܘܿܢܹܝܗ̇.
60: ܡ̣ܢ ܫܲܒ̣ܛܵܐ ܕܒܸܢܝܵܡܹܝܢ: ܝܲܗ̄ܒ̣ܘ ܓܒܲܥ ܘܟܲܦܪ̈ܘܿܢܹܝܗ̇: ܥܲܠܡܘܼܬ̣ ܘܟܲܦܪ̈ܘܿܢܹܝܗ̇: ܥܢܵܬ̣ܘܿܬ̣ ܘܟܲܦܪ̈ܘܿܢܹܝܗ̇ ܟܠܗܹܝܢ ܩܘܼܪ̈ܝܵܐ: ܬܠܵܬ̣ܥܸܣܪܹ̈ܐ ܠܫܲܪ̈ܒ̣ܵܬ̣ܗܘܿܢ.
51: ܘܠܲܒ̣ܢܵܘ̈ܗܝ ܕܩܵܗܵܬ̣ ܕܝܼܪܸܬ̣ܘ ܡ̣ܢ ܫܲܒ̣ܛܵܐ ܕܲܡܢܲܫܹܐ: ܒܡܸܢܝܵܢܵܐ ܩܘܼܪ̈ܝܵܐ ܥܣܲܪ.
52: ܘܲܒ̣ܢܵܘ̈ܗܝ ܕܓܸܪܫܘܿܢ ܠܫܲܪ̈ܒ̣ܵܬ̣ܗܘܿܢ: ܡ̣ܢ ܫܲܒ̣ܛܵܐ ܕܐܝܼܣܵܟ݂ܵܪ: ܘܡ̣ܢ ܫܲܒ̣ܛܵܐ ܕܒܹܝܬ̣ ܐܵܫܹܝܪ: ܘܡ̣ܢ ܫܲܒ̣ܛܵܐ ܕܲܡܢܲܫܹܐ: ܘܡ̣ܢ ܫܲܒ̣ܛܵܐ ܕܒܹܝܬ̣ ܢܲܦ̮ܬܵܠܝܼ: ܒܡܲܬ̣ܢܝܼܢ ܩܘܼܪ̈ܝܵܐ ܬܠܵܬ̣ܥܸܣܪܹ̈ܐ.
53: ܠܲܒ̣ܢܵܘ̈ܗܝ ܕܲܡܪܵܪܝܼ ܠܫܲܪ̈ܒ̣ܵܬ̣ܗܘܿܢ: ܡ̣ܢ ܫܲܒ̣ܛܵܐ ܕܒܹܝܬ̣ ܪܘܼܒܹܝܠ: ܘܡ̣ܢ ܫܲܒ̣ܛܵܐ ܕܲܒ̣ܢܲܝ̈ ܕܵܢ: ܘܡ̣ܢ ܫܲܒ̣ܛܵܐ ܕܲܒ̣ܢܲܝ̈ ܙܒ̣ܘܿܠܘܿܢ: ܒܡܸܢܝܵܢܵܐ ܩܘܼܪ̈ܝܵܐ ܬܲܪܬܲܥܸܣܪܹ̈ܐ.
54: ܝܲܗ̄ܒ̣ܘ ܒܢܲܝ̈ ܝܼܣܪܵܝܹܠ ܠܠܹܘܵܝܹ̈ܐ: ܩܘܼܪ̈ܝܵܐ ܗܵܠܹܝܢ ܘܟܲܦܪ̈ܘܿܢܲܝܗܹܝܢ.
55: ܘܝܲܗ̄ܒ̣ܘ ܡ̣ܢ ܫܲܒ̣ܛܵܐ ܕܒܹܝܬ̣ ܝܼܗܘܼܕ݂ܵܐ: ܘܡ̣ܢ ܫܲܒ̣ܛܵܐ ܕܲܒ̣ܢܲܝ̈ ܫܸܡܥܘܿܢ: ܘܡ̣̤ ܫܲܒ̣ܛܵܐ ܕܒܸܢܝܵܡܹܝܢ: ܩܘܼܪ̈ܝܵܐ ܗܵܠܹܝܢ ܕܩܵܪܹܝܢ ܗ̄ܘ̣ܵܘ ܠܗܹܝܢ: ܒܫܸܡ ܫܲܪ̈ܒ̣ܵܬ̣ܵܐ ܕܲܒ̣ܢܲܝ̈ ܩܵܗܵܬ̣.
56: ܘܲܗ̤ܘܲܝ̈ ܩܘܼܪ̈ܝܵܐ ܘܲܬ̣ܚܘܼ̈ܡܲܝܗܹܝܢ: ܡ̣ܢ ܫܲܒ̣ܛܵܐ ܕܒܹܝܬ̣ ܐܲܦܪܹܝܡ.
57: ܘܝܲܗ̄ܒ̣ܘ ܠܗܘܿܢ ܠܩܘܼܪ̈ܝܵܐ ܕܲܡܫܵܘܙܒ̣ܘܼܬ̣ܵܐ: ܠܲܫܟܹܝܡ ܘܲܠܟܲܦܪ̈ܘܿܢܹܝܗ̇ ܒܛܘܼܪܵܐ ܕܫܲܒ̣ܛܵܐ ܐܲܦܪܹܝܡ: ܘܲܠܝܲܥܙܝܼܪ ܘܲܠܟܲܦܪ̈ܘܿܢܹܝܗ̇.
58: ܘܲܠܒܹܝܬ̣ ܚܵܘܪܵܢ ܘܲܠܟܲܦܪ̈ܘܿܢܹܝܗ̇.
59: ܘܲܠܐܝܼܠܘܿܢ ܘܲܠܟܲܦܪ̈ܘܿܢܹܝܗ̇: ܘܲܠܓܸܬ̣ܪܸܡܘܿܢ ܘܲܠܟܲܦܪ̈ܘܿܢܹܝܗ̇.
60: ܘܡ̣ܢ ܦܸܠܓ̇ܘܼܬ̣ ܫܲܒ̣ܛܵܐ ܕܲܡܢܲܫܹܐ: ܝܲܗ̄ܒ̣ܘ ܥܢܵܬ̣ ܘܟܲܦܪ̈ܘܿܢܹܝܗ̇: ܘܝܲܒ̣ܠܝܼܢ ܘܟܲܦܪ̈ܘܿܢܹܝܗ̇: ܘܲܠܫܲܪܒ̇ܬ̣ܵܐ ܕܲܒ̣ܢܲܝ̈ ܩܵܗܵܬ̣: ܕܝܼܪܸܬ̣ܘ.
61: ܘܠܲܒ̣ܢܵܘ̈ܗܝ ܕܓܸܪܫܘܿܢ ܡ̣ܢ ܦܸܠܓܘܼܬ̣ ܫܲܒ̣ܛܵܐ ܕܲܡܢܲܫܹܐ: ܥܘܵܠܵܢ ܕܲܒ̣ܡܲܬ̣ܢܝܼܢ ܘܟܲܦܪ̈ܘܿܢܹܝܗ̇: ܘܥܲܫܬ̇ܘܿܪ ܘܟܲܦܪ̈ܘܿܢܹܝܗ̇.
62: ܘܡ̣ܢ ܫܲܒ̣ܛܵܐ ܕܐܝܼܣܵܟ݂ܵܪ: ܪܩܸܡ ܘܟܲܦܪ̈ܘܿܢܹܝܗ̇: ܕܲܒ̣ܪܘܼܬ̣ ܘܟܲܦܪ̈ܘܿܢܹܝܗ̇.
63: ܥܝܼܠܵܡ ܘܟܲܦܪ̈ܘܿܢܹܝܗ̇.
64: ܘܡ̣ܢ ܫܲܒ̣ܛܵܐ ܕܒܹܝܬ̣ ܐܵܫܹܝܪ: ܡܵܫܵܠ ܘܟܲܦܪ̈ܘܿܢܹܝܗ̇ ܥܒ̣ܪܘܿܢ ܘܟܲܦܪ̈ܘܿܢܹܝܗ̇.
65: ܥܩܝܼܩ ܘܟܲܦܪ̈ܘܿܢܹܝܗ̇: ܕܵܗܵܒ̣ ܘܟܲܦܪ̈ܘܿܢܹܝܗ̇.
66: ܘܡ̣ܢ ܫܲܒ̣ܛܵܐ ܕܒܹܝܬ̣ ܢܲܦ̮ܬܵܠܝܼ: ܪܩܸܡ ܕܒܲܓ̣ܠܝܼܠܵܐ ܘܟܲܦܪ̈ܘܿܢܹܝܗ̇: ܗܵܡܘܿܢ ܘܟܲܦܪ̈ܘܿܢܹܝܗ̇: ܩܘܼܪܝܲܬ̇ܝܼܡ ܘܟܲܦܪ̈ܘܿܢܹܝܗ̇.
67: ܡ̣ܢ ܫܲܒ̣ܛܵܐ ܕܒܹܝܬ̣ ܡܪܵܪܝܼ: ܕܝܼܪܸܬ̣ܘ ܡ̣ܢ ܫܲܒ̣ܛܵܐ ܕܒܹܝܬ̣ ܙܒ̣ܘܿܠܘܿܢ: ܐܲܪܡܘܿܢܝܼ ܘܟܲܦܪ̈ܘܿܢܹܝܗ̇: ܬܵܒ̣ܘܿܪ ܘܟܲܦܪ̈ܘܿܢܹܝܗ̇.
68: ܘܲܒ̣ܥܸܒ̣ܪܵܐ ܕܝܘܿܪܕ̇ܢܵܢ ܕܐܝܼܪܝܼܚܘܿ ܡ̣ܢ ܡܲܕ݂ܢܵܚܲܝ̈ ܝܘܿܪܕ̇ܢܵܢ: ܡ̣ܢ ܫܲܒ̣ܛܵܐ ܕܒܹܝܬ̣ ܪܘܼܒܹܝܠ: ܒܘܿܨܵܪ ܕܲܒ̣ܡܲܕ݂ܒ̇ܪܵܐ ܘܟܲܦܪ̈ܘܿܢܹܝܗ̇: ܡܦܘܿܦܲܬ̣ ܘܟܲܦܪ̈ܘܿܢܹܝܗ̇: ܝܵܗܵܨ ܘܟܲܦܪ̈ܘܿܢܹܝܗ̇.
69: ܩܲܕ݂ܡܘܼܬ̣ ܘܟܲܦܪ̈ܘܿܢܹܝܗ̇: ܡܵܘܥܦܲܬ̣ ܘܟܲܦܪ̈ܘܿܢܹܝܗ̇.
70: ܪܲܡܘܼܬ̣ ܘܟܲܦܪ̈ܘܿܢܹܝܗ̇: ܡܲܚܠܲܡ ܘܟܲܦܪ̈ܘܼܢܹܝܗ̇.
71: ܝܲܥܙܝܼܪ ܘܟܲܦܪ̈ܘܿܢܹܝܗ̇: ܚܸܫܒ̇ܘܿܢ ܘܟܲܦܪ̈ܘܿܢܹܝܗ̇.
ܩܹܦܵܠܹܐܘܿܢ : ܙ.
1: ܒܢܵܘ̈ܗܝ ܕܐܝܼܣܵܟ݂ܵܪ: ܬܘܿܠܵܥ: ܘܦܘܿܐܵܐ: ܘܫܘܿܒ̣: ܘܫܸܡܪܘܿܢ. ܗܵܠܹܝܢ ܐܲܪܒ̇ܥܵܐ ܒܢܵܘ̈ܗܝ.
2: ܒܢܲܝ̈ ܬܘܿܠܵܥ: ܥܲܙܝܼ: ܐܲܪܦܵܝܵܐ: ܝܘܿܐܹܝܠ: ܠܲܚܡܝܼ: ܘܝܲܒ̣ܣܲܡ: ܘܲܫܡܘܼܐܹܝܠ: ܪܹ̈ܫܲܝ ܒܹܝܬ̣ ܐܲܒ̣ܵܗܵܬ̣̈ܗܘܿܢ. ܘܗܵܠܹܝܢ ܒܢܵܘ̈ܗܝ ܕܬ̣ܘܿܠܵܥ: ܓܲܢ̄ܒܵܪ̈ܲܝ ܚܲܝܠܵܐ: ܠܫܲܪ̈ܒ̣ܵܬ̣ܗܘܿܢ ܠܬ̣ܵܘ̈ܠܕ݂ܵܬ̣ܗܘܿܢ: ܒܡܸܢܝܵܢܗܘܿܢ: ܘܲܒ̣ܝܵܘܡܵܘ̈ܗܝ ܕܕ݂ܵܘܝܼܕ݂ ܥܸܣܪܝܼܢ ܘܲܬ̣ܪܹܝܢ ܐܲܠܦ̈ܝܼܢ ܘܫܸܬ̣ܡܵܐܐ.
3: ܘܲܒ̣ܢܵܘ̈ܗܝ ܕܥܘܿܙ: ܐܝܼܙܲܪܚܵܢ ܘܲܒ̣ܢܵܘ̈ܗܝ ܕܐܝܼܙܲܪܚܵܢ: ܡܲܠܟܵܐܝܹܠ: ܘܥܘܿܒܲܕ݂ܝܵܐ: ܘܝܘܿܐܹܝܠ: ܘܐܝܼܫܘܵܐ.
4: ܐܲܪܒ̇ܥܵܐ ܪܹ̈ܫܲܝ ܟܠܗܹܝܢ ܫܲܪ̈ܒ̣ܵܬ̣ܗܘܿܢ ܠܒܹܝܬ̣ ܐܲܒ̣ܵܗܲܝ̈ܗܘܿܢ: ܓܲܢ̄ܒܵܪ̈ܲܝ ܚܲܝܠܵܐ: ܘܥܵܒ̣̈ܕܲܝ ܩܪܵܒ̣ܵܐ: ܬܠܵܬ̣ܝܼܢ ܘܸܫܬܵܐ ܐܲܠܦ̈ܝܼܢ ܡܸܛܠ ܕܲܣܓ̣ܝܼܘ ܗܸܢܘܿܢ ܘܢܸܫܲܝ̈ܗܘܿܢ: ܘܲܒ̣ܢܲܝ̈ܗܘܿܢ: ܘܐܲܚܲܝ̈ܗܘܿܢ.
5: ܟܠ ܫܲܪ̈ܒ̣ܵܬ̣ܵܐ ܕܒܹܝܬ̣ ܐܝܵܣܵܟ݂ܵܪ ܓܲܢ̄ܒܵܪ̈ܲܝ ܚܲܝܠܵܐ: ܬܡܵܢܐܝܼܢ ܘܫܲܒ̣ܥܵܐ ܐܲܠܦ̈ܝܼܢ.
6: ܘܗܵܠܹܝܢ ܫܡܵܗܹ̈ܐ ܕܲܒ̣ܢܲܝ̈ ܒܸܢܝܵܡܹܝܢ: ܒܵܠܵܥ: ܘܐܲܟ݂ܒܵܪ: ܘܲܐܫܟܵܠ: ܘܓܸܪܵܐ: ܘܢܲܥܡܵܢ: ܘܐܲܚܝܼ ܘܐܵܘܪܘܿܫ: ܘܡܵܦܝܼ: ܘܚܝܼܬ̣ܝܼܡ: ܘܐܵܕ݂ܵܪ.
7: ܘܲܒ̣ܢܵܘ̈ܗܝ ܕܒ̣ܵܠܵܥ: ܐܲܨܒ̇ܥܘܿܢ: ܘܥܲܙܝܼ: ܘܙܵܐܹܝܠ: ܘܝܲܪܡܘܼܬ̣: ܘܥܲܙܝܼ: ܚܲܡܫܵܐ ܪܹ̈ܫܲܝ ܒܹܝܬ̣ ܐܲܒ̣ܵـ̈ـܗܵܬ̣ܵܐ: ܓܲܢ̄ܒܵܪ̈ܲܝ ܚܲܝܠܵܐ. ܘܲܗܘ̤ܵܐ ܡܸܢܝܵܢܗܘܿܢ: ܥܸܣܪܝܼܢ ܘܲܬ̣ܪܹܝܢ ܐܲܠܦ̈ܝܼܢ ܘܲܬ̣ܠܵܬ̣ܝܼܢ ܘܐܲܪܒ̇ܥܵܐ.
8: ܘܲܒ̣ܢܵܘ̈ܗܝ ܕܐܲܟ݂ܒܵܪ: ܙܡܘܿܪܵܐ: ܘܝܲܥܘܿܫ: ܘܐܹܠܝܼܥܵܙܲܪ: ܘܐܸܠܥܵܢܝܼ: ܘܥܲܡܪܝܼ: ܘܝܲܪܡܘܼܬ̣: ܘܐܲܒ̣ܝܼܵܐ: ܘܲܥܢܵܬ̣ܘܿܬ̣: ܘܥܲܠܡܘܼܬ̣ ܗܵܠܹܝܢ ܟܠܗܘܿܢ ܒܢܵܘ̈ܗܝ ܕܐܲܟ݂ܒܵܪ.
9: ܘܲܗܘ̤ܵܐ ܚܘܼܫܒܵܢܗܘܿܢ ܠܫܲܪ̈ܒ̣ܵܬ̣ܗܘܿܢ: ܠܪܹ̈ܫܲܝ ܒܹܝܬ̣ ܐܲܒ̣ܵܗܲܝ̈ܗܘܿܢ: ܠܬ̣ܵܘ̈ܠܕ݂ܵܬ̣ܗܘܿܢ: ܓܲܢܵܒܵܪ̈ܲܝ ܚܲܝܠܵܐ: ܥܸܣܪܝܼܢ ܘܲܬ̣ܪܹܝܢ ܐܲܠܦ̈ܝܼܢ ܘܡܲܐܬܹ̇ܝܢ.
10: ܗܵܠܹܝܢ ܒܢܵܘ̈ܗܝ ܕܐܲܫܟ̇ܘܿܠ: ܒܲܠܗܵܢ. ܘܲܒ̣ܢܵܘ̈ܗܝ ܕܒܲܠܗܵܢ: ܝܲܥܘܿܫ: ܘܒܸܢܝܵܡܹܝܢ: ܘܐܝܼܗܘܿܪ: ܘܲܟ݂ܢܲܥܢܵܝܵܐ: ܘܙܲܝܬ̇ܘܿܢ: ܘܬܲܪܫܝܼܫ: ܘܐܲܚܫܪܲܚ.
11: ܟܠܗܘܿܢ ܗܵܠܹܝܢ ܒܢܵܘ̈ܗܝ ܕܐܲܫܟ̇ܘܿܠ ܠܪܹܫ ܐܲܒ̣ܵܗܵܬ̣̈ܗܘܿܢ: ܓܲܢ̄ܒܵܪ̈ܲܝ ܚܲܝܠܵܐ: ܫܒܲܬܲܥܣܲܪ ܐܲܠܦ̈ܝܼܢ ܘܡܲܐܬܹ̇ܝܢ ܕܢܵܦ̇ܩܝܼܢ ܒܚܲܝܠܵܐ ܒܲܩܪܵܒ̣ܵܐ.
12: ܘܫܵܦܵܢ ܘܲܚܦܝܼܣ: ܒܢܵܘ̈ܗܝ ܕܥܘܼܕ݂: ܒܢܲܝ̈ ܚܘܿܫܵܐ.
13: ܒܢܲܝ̈ ܢܲܦ̮ܬܵܠܝܼ: ܝܲܨܗܵܐܹܝܠ: ܘܓ̣ܘܿܢܝܼ: ܘܢܵܨܵܪ: ܘܫܵܠܘܿܡ ܗܵܠܹܝܢ ܒܢܹ̈ܝܗ̇ ܕܒܲܠܗܵܐ.
14: ܒܢܵܘ̈ܗܝ ܕܲܡܢܲܫܸܐ ܕܝܸܠܕܲܬ̤ ܠܹܗ ܕܪܘܼܟ݂ܬܹ̇ܗ: ܐܝܼܣܲܪܟܸ̇ܠ ܘܐܲܕ݂ܘܿܢܝܼܵܐ ܘܝܸܠܕܲܬ̤ ܠܡܵܟ݂ܝܼܪ ܐܲܒ̣ܘܼܗܝ ܕܓܸܠܥܵܕ݂.
15: ܘܡܵܟ݂ܝܼܪ ܢܣܲܒ̣ ܐܲܢ̄ܬ̇ܬ̣ܵܐ ܚܕ݂ܵܐ ܒܲܪܬ̣ ܪܵܘ̱ܪ̈ܒ̣ܵܢܹܐ. ܘܲܫܡܵܐ ܕܚܵܬ̣ܵܗ̇ ܡܲܠܟܵܐ. ܘܲܫܡܵܐ ܕܐܲܚܘܼܗܝ ܩܲܫܝܼܫܵܐ ܨܸܠܦܚܲܕ݂. ܘܲܠܨܸܠܦܚܲܕ݂ ܠܵܐ ܗܘ̤ܵܘ ܠܹܗ ܒ̈ܢܲܝܵܐ: ܐܸܠܵܐ ܒ̈ܢܵܬ̣ܵܐ.
16: ܘܐܵܦ ܡܲܥܟܵܐ ܐܸܡܹܗ ܕܡܵܟ݂ܝܼܪ: ܝܸܠܕܲܬ̤ ܒܪܵܐ: ܘܲܩܪܵܬ̤ ܫܡܹܗ ܦܪܸܫ. ܘܲܫܡܵܐ ܕܐܲܚܘܼܗܝ ܫܪܸܫ.
17: ܘܲܒ̣ܢܵܘ̈ܗܝ ܕܐܲܠܘܿܡ ܪܩܸܡ ܘܲܒ̣ܢܵܘ̈ܗܝ ܕܲܪܩܸܡ ܒܵܪܵܢ. ܗܵܠܹܝܢ ܒܢܵܘ̈ܗܝ ܕܓܸܠܥܵܕ݂ ܒܲܪ ܡܵܟ݂ܝܼܪ ܒܲܪ ܡܢܲܫܸܐ.
18: ܘܚܵܬܹܗ ܡܲܥܟܵܐ ܝܸܠܕܲܬ̤ ܠܐܲܫܚܘܿܪ ܘܠܲܐܒ̣ܝܼܥܵܙܲܪ.
19: ܘܠܲܫܡܝܼܪܵܐ ܘܠܲܐܥܠܹܝܢܘܿܢ: ܘܲܠܫܹܝܡ ܘܲܠܐܝܼܬ̣ܥܲܡ.
20: ܘܲܒ̣ܢܵܘ̈ܗܝ ܕܐܲܦܪܹܝܡ: ܫܘܼܬ̣ܠܵܚ: ܘܒ̣ܵܟ݂ܵܪ ܒܪܹܗ: ܘܬ̣ܵܚܵܬ̣ ܒܪܹܗ: ܘܐܸܠܕܲܥܵܐ ܒܪܹܗ: ܘܐܵܚܵܬ̣ ܒܪܹܗ.
21: ܘܙܵܒ̣ܘܿܪ ܒܪܹܗ: ܘܫܘܼܬ̣ܠܵܚ ܒܪܹܗ: ܘܠܵܥܵܙܲܪ ܒܪܹܗ: ܐ̄ܢܵܫܵܐ ܒܢܲܝ̈ ܓܵܬ̣ ܕܐܸܬ̣̱ܝܼܠܸܕ݂ܘ ܒܐܲܪܥܵܐ: ܢܚܸܬ̣ܘ ܗ̄ܘ̣ܵܘ ܠܡܸܣܲܒ̣ ܢܸܟ݂ܣܲܝ̈ܗܘܿܢ.
22: ܘܡܸܬ̣ܐ̱ܒܸܠ ܗ̄ܘ̣ܵܐ ܐܲܦܪܹܝܡ ܐܲܒ̣ܘܼܗܘܿܢ ܝܵܘ̈ܡܵܬ̣ܵܐ ܣܲܓ̇ܝܼ̈ܐܹܐ ܘܐܸܬ̣ܵܘ ܗ̄ܘ̣ܵܘ ܐܲܚܵܘ̈ܗܝ ܠܲܡܒܲܝܲܐܘܼܬܹܗ: ܘܲܠܡܸܡܠܵܐ ܒܠܸܒܹ̇ܗ.
23: ܘܐܸܬ̣ܵܐ ܠܘܵܬ̣ ܐܲܢ̄ܬ̇ܬܹܗ ܘܒܸܛܢܲܬ̤ ܗ̄ܘ̣ܵܬ̣: ܘܝܸܠܕܲܬ̤ ܒܪܵܐ. ܘܲܩܪܵܬ̤ ܫܡܹܗ ܒܪܝܼܥܵܐ: ܡܸܛܠ ܕܒ̣ܝܼܫ ܗ̄ܘ̣ܵܐ ܠܵܗ̇ ܒܒܲܝܬܹ̇ܗ.
24: ܘܒܲܪܬ̣ܵܗ̇ ܕܐܸܫܬܲܚܪܲܬ̤ ܒܹܝܬ̣ ܚܘܿܪܵܢ ܬܲܚܬܵܝܬܵܐ ܘܥܸܠܵܝܬܵܐ: ܘܟ݂ܠܗܹܝܢ ܗܵܠܹܝܢ ܕܐܸܫܬ̇ܚܲܪ: ܐܲܣܝܲܬ̤ ܒܲܪܬ̣ܵܗ̇.
25: ܡܸܛܠ ܕܐܵܣܝܼܬ̣ܵܐ ܗ̄ܘ̣ܵܬ̣: ܘܡܲܐܣܝܲܬ̣ ܟܪ̈ܝܼܗܝܼܢ.
26: ܘܐܲܣܝܲܬ̤ ܠܥܲܕܵܢ ܒܲܪ ܥܲܡܝܼܗܘܿܕ݂.
27: ܡ̣ܢ ܒܢܵܘ̈ܗܝ ܕܐܲܢܘܿܢ ܐܲܒ̣ܘܼܗܝ ܕܗܘܿܫܵܥ.
28: ܘܝܘܼܪܬܵܢܗܘܿܢ ܘܥܲܪ̈ܣܵܬ̣ܗܘܿܢ ܒܹܝܬ̣ܐܹܝܠ: ܘܟܲܦܪ̈ܘܿܢܹܝܗ̇: ܘܲܫܟܹܝܡ ܘܟܲܦܪ̈ܘܿܢܹܝܗ̇: ܘܲܥܢܵܬ̣ ܘܟܲܦܪ̈ܘܿܢܹܝܗ̇.
29: ܥܲܠ ܬܚܘܼܡܵܐ ܕܲܒ̣ܢܲܝ̈ ܡܢܲܫܹܐ: ܒܹܝܬ̣ ܫܟܹܝܡ ܘܟܲܦܪ̈ܘܿܢܹܝܗ̇: ܬܲܥܢܵܟ݂ ܘܟܲܦܪ̈ܘܿܢܹܝܗ̇: ܘܡܲܓܕ̇ܘܿ ܘܟܲܦܪ̈ܘܿܢܹܝܗ̇: ܕܘܿܪ ܘܟܲܦܪ̈ܘܿܢܹܝܗ̇. ܐܲܝܟ݂ ܗܵܠܹܝܢ ܩܘܼܪ̈ܝܵܐ ܐܵܘܬܸ̇ܒ̣ܘ ܒܢܲܝ̈ ܝܵܘܣܸܦ ܒܲܪ ܝܼܣܪܵܝܹܠ.
30: ܒܢܵܘ̈ܗܝ ܕܐܵܫܹܝܪ: ܝܲܡܢܵܐ: ܘܲܫܘܵܐ: ܘܲܫܘܝܼ: ܘܲܒ̣ܪܝܼܥܵܐ: ܘܣܵܪܵܚ ܚܵܬ̣ܗܘܿܢ.
31: ܘܲܒ̣ܢܲܝ̈ ܒܪܝܼܥܵܐ: ܚܵܒ̣ܵܪ: ܘܡܲܠܟܹ̇ܝܠ: ܕܗ̤ܘ ܐܲܒ̣ܘܼܗܝ ܕܒܲܪ ܙܝܼܬ̣.
32: ܘܚܵܒ̣ܵܪ ܐܵܘܠܸܕ݂ ܠܲܦܠܸܛ: ܘܲܠܫܵܡܝܼܪ: ܘܲܠܚܵܬ̣ܘܿܡ: ܘܲܠܫܘܿܥ ܚܵܬ̣ܗܘܿܢ.
33: ܘܲܒ̣ܢܵܘ̈ܗܝ ܕܲܦܠܸܛ: ܦܲܐܣܵܟ݂: ܘܒܸܡܗܲܠ: ܘܲܥܫܘܿܬ̣: ܗܵܠܹܝܢ ܒܢܵܘ̈ܗܝ ܕܲܦܠܸܛ.
34: ܐܵܪܵܚ: ܚܢܵܢܵܐܹܝܠ.
35: ܗܵܠܹܝܢ ܒܢܵܘ̈ܗܝ ܕܐܵܫܹܝܪ: ܪܹ̈ܫܲܝ ܒܹܝܬ̣ ܐܲܒ̣ܵܗܵܬ̣̈ܗܘܿܢ: ܒܕܲܪ̈ܲܝܗܘܿܢ ܓܲܢ̄ܒܵܪ̈ܲܝ ܚܝ̈ܠܹܐ: ܪܹ̈ܫܲܝ ܪܵܘ̱ܪ̈ܒ̣ܵܢܹܐ: ܕܲܗܘ̤ܵܐ ܚܘܼܫܒܵܢܗܘܿܢ ܒܚܲܝܠܵܐ ܕܲܩܪܵܒ̣ܵܐ ܒܡܸܢܝܵܢܗܘܿܢ: ܓܲܒ̣ܪܹ̈ܐ ܥܸܣܪܝܼܢ ܘܸܫܬܵܐ ܐܲܠܦ̈ܝܼܢ.
ܩܹܦܵܠܹܐܘܿܢ : ܚ.
1: ܘܒܸܢܝܵܡܹܝܢ ܐܵܘܠܸܕ݂ ܠܒ̣ܵܠܵܥ ܒܘܼܟ݂ܪܹܗ: ܘܠܲܟ݂ܒ̣ܵܪ ܬܸܢܝܵܢܵܐ: ܘܠܲܫܟ݂ܘܿܠ ܬܠܝܼܬ̣ܵܝܵܐ.
2: ܘܲܠܓܸܪܵܐ ܪܒ̣ܝܼܥܵܝܵܐ: ܘܲܠܢܲܥܡܵܢ ܚܡܝܼܫܵܝܵܐ: ܘܐܲܚܝܼ ܫܬ̇ܝܼܬ̣ܵܝܵܐ: ܘܐܵܪܘܿܫ ܫܒ̣ܝܼܥܵܝܵܐ: ܘܡܵܬ̣ܝܼܡ ܬܡܝܼܢܵܝܵܐ: ܘܚܵܣܝܼܡ ܬܫܝܼܥܵܝܵܐ: ܘܐܵܕ݂ܵܪ ܥܣܝܼܪܵܝܵܐ.
3: ܘܲܗܘ̤ܵܐ ܒܢܲـ̈ـܝܵܐ ܠܒ̣ܵܠܵܥ: ܐܲܒ̣ܕ̇ܘܼ ܘܓܸܪܵܐ ܘܐܲܒ̣ܝܼܗܘܿܪ.
4: ܘܐܲܒ̣ܝܼܫܘܿܥ: ܘܢܲܥܡܵܢ: ܘܐܲܚܝܵܐ.
5: ܘܫܵܦܝܼܡ: ܘܚܘܿܦܵܡ: ܘܐܲܚܝܼܪܵܡ.
6: ܘܗܵܠܹܝܢ ܒܢܲـ̈ـܝܵܐ ܕܐܲܒ̣ܝܼܗܘܿܪ: ܘܗܵܠܹܝܢ ܐܸܢܘܿܢ ܪܹ̈ܫܲܝ ܐܲܒ̣ܵܗܵܬ̣̈ܗܘܿܢ ܠܫܲܪ̈ܒ̣ܵܬ̣ܗܘܿܢ ܘܓܲܠܝܼܘ ܠܲܦܩܲܥܬ̣ܵܐ ܕܢܲܥܡܵܢ.
7: ܘܐܵܘܠܸܕ݂ ܡ̣ܢ ܚܵܪܵܫ ܐܲܢ̄ܬ̇ܬܹܗ ܠܝܘܿܒ̣ܵܒ̣: ܘܲܠܨܲܒ̣ܝܵܐ: ܘܲܠܡܲܠܟ̇ܘܿܡ.
10: ܘܠܲܡܢܲܫܸܐ: ܘܲܠܣܲܪܝܼܵܐ: ܘܲܠܝܲܪܡܵܢܵܐ: ܘܠܲܨܒ̣ܵܨ. ܗܵܠܹܝܢ ܒܢܵܘ̈ܗܝ: ܪܹ̈ܫܲܝ ܐܲܒ̣ܵـ̈ـܗܵܬ̣ܵܐ.
11: ܡܲܚܫܝܼܡ ܐܵܘܠܸܕ݂ ܠܝܼܚܘܿܒ̣ܵܛ ܘܠܹܐܠܝܼܦܠܸܓ̣.
12: ܘܲܒ̣ܢܵܘ̈ܗܝ ܕܐܹܠܝܼܦܠܸܓ̣: ܥܘܿܒ̣ܝܼܪ ܘܡܲܫܠܲܡ: ܘܫܵܡܝܼܪ ܗ̤ܘ ܒܢ̣ܵܐ ܠܐܝܼܘܿ ܘܲܠܠܘܿܕ݂ ܘܲܠܟܲܦܪ̈ܘܿܢܹܝܗ̇.
13: ܘܲܗܘ̤ܵܐ ܪܹܫܵܐ ܕܐܲܒ̣ܵـ̈ـܗܵܬ̣ܵܐ: ܥܲܠ ܝܵܬ̣ܒܲܝ̈ ܓܵܬ̣.
14: ܫܝܼܫܵܩ: ܘܝܲܪܡܘܿܬ̣.
15: ܘܲܙܒܲܕ݂ܝܵܐ: ܘܥܵܙܘܿܪ: ܘܥܲܕ̇ܝܼ.
16: ܘܡܲܢܟܹ̇ܠ: ܘܐܲܢܫܝܼܦܝܼ: ܘܥܸܒ̣ܪܘܿܢ: ܘܙܲܒ̣ܕ̇ܝܼ.
ܟܕ: ܘܚܲܢܲܢܝܼ: ܘܚܲܢܲܢܝܵܐ: ܘܥܘܿܠܲܡ: ܘܲܥܢܵܬ̣ܘܿܬ̣.
ܟܗ: ܘܲܦܪܵܝܵܐ: ܘܦܲܐܹܠ: ܘܲܒ̣ܢܲܝ̈ ܫܝܼܫܵܩ ܘܲܫܡܝܼܪܵܐ.
18: ܗܵܠܹܝܢ ܪܹ̈ܫܲܝ ܐܲܒ̣ܵـ̈ـܗܵܬ̣ܵܐ ܠܬ̣ܵܘ̈ܠܕ݂ܵܬ̣ܗܘܿܢ. ܗܵܠܹܝܢ ܕܗܸܢܘܿܢ. ܝܵܬ̣ܒ̇ܝܼܢ ܗ̄ܘ̣ܵܘ ܒܐܘܿܪܸܫܠܸܡ: ܩܲܕ݂ܡܵܝܑܬ̣.
19: ܘܲܒ̣ܓܸܒ̣ܥܘܿܢ ܝܵܬܹܒ̣ ܗ̄ܘ̣ܵܐ ܐܲܒ̣ܘܼܗܝ ܕܓܸܒ̣ܥܘܿܢ. ܘܲܫܡܵܐ ܕܐܲܢ̄ܬ̇ܬܹܗ ܡܲܥܟܵܐ.
20: ܘܲܒ̣ܪܹܗ ܒܘܼܟ݂ܪܹܗ: ܥܹܒ̣ܪܘܿܢ: ܘܩܝܼܫ: ܘܒ̣ܵܠܵܥ: ܘܢܵܕ݂ܵܒ̣.
21: ܘܓ̣ܘܼܕ݂: ܘܐܵܚܝܼܒ̣: ܘܐܝܼܙܵܒ̣ܵܪ: ܘܡܲܩܠܘܿܬ̣.
22: ܘܡܲܩܠܘܿܬ̣ ܐܵܘܠܸܕ݂ ܡܵܐܐ. ܘܐܵܦ ܗܸܢܘܿܢ ܝܵܬ̣ܒ̇ܝܼܢ ܗ̄ܘ̣ܵܘ ܠܘܼܩܒܲܠ ܐܲܚܲܝ̈ܗܘܿܢ ܒܐܘܿܪܸܫܠܸܡ.
23: ܘܡܝܼܪ ܐܵܘܠܸܕ݂ ܠܩܝܼܫ ܘܩܝܼܫ ܐܵܘܠܸܕ݂ ܠܫܵܐܘܿܠ ܘܫܵܐܘܿܠ ܐܵܘܠܸܕ݂ ܠܝܘܿܢܵܬ̣ܵܢ: ܘܲܠܡܲܠܟ̇ܝܼܫܘܿܥ: ܘܲܠܝܲܫܘܝܼ: ܘܠܲܐܫܒܵܫܘܿܠ.
24: ܘܲܒ̣ܪܹܗ ܕܝܘܿܢܵܬ̣ܵܢ: ܡܲܚܓܲܪ ܒܪܸ̈ܓ̣ܠܵܘܗܝ. ܘܲܠܝܲܫܘܝܼ ܗܘ̤ܵܐ ܒܪܵܐ: ܡܪܲܒ̇ܥܸܠ. ܘܲܡܪܲܒ̇ܥܸܠ ܐܵܘܠܸܕ݂ ܠܡܝܼܟ݂ܵܐ.
25: ܘܲܒ̣ܢܵܘ̈ܗܝ ܕܡܝܼܟ݂ܵܐ: ܦܝܼܬ̣ܘܿܢ: ܘܲܡܠܸܟ݂: ܘܬ̣ܵܪܵܥ: ܘܐܵܚܘܿܪ: ܘܐܵܪܵܢ.
26: ܘܲܡܪܲܒ̇ܥܸܠ ܐܵܘܠܸܕ݂ ܠܝܵܗܘܿܝܵܕ݂ܵܥ. ܘܝܵܗܘܿܝܵܕ݂ܵܥ: ܐܵܘܠܸܕ݂ ܠܥܲܡܘܿܬ̣: ܘܲܠܥܲܙܡܘܿܬ̣: ܘܲܠܙܲܡܪܝܼ ܘܙܲܡܪܝܼ ܐܵܘܠܸܕ݂ ܠܡܘܿܨܝܼܵܐ.
27: ܘܡܘܿܨܝܼܵܐ ܐܵܘܠܸܕ݂ ܠܲܟ݂ܢܲܥܢܝܼܵܐ ܘܲܟ݂ܢܲܥܢܝܼܵܐ ܐܵܘܠܸܕ݂ ܠܙܘܿܦܵܐ: ܘܐܸܠܥܲܣܵܐ ܒܪܹܗ: ܐܵܨܵܠ ܒܪܹܗ.
28: ܘܠܵܐܨܵܠ ܗܘ̤ܵܘ ܠܹܗ ܫܬܵܐ ܒܢ̈ܝܼܢ: ܥܲܙܪܝܼ ܒܘܼܟ݂ܪܹܗ: ܩܝܼܡ ܬܸܢܝܵܢܹܗ: ܘܐܝܼܫܡܵܥܹܝܠ ܬܠܝܼܬ̣ܵܝܵܐ: ܘܲܫܥܲܕ݂ܝܵܐ: ܘܥܘܿܒܲܕ݂ܝܵܐ: ܘܚܲܢܲܢ. ܗܵܠܹܝܢ ܟܠܗܘܿܢ ܒܢܵܘ̈ܗܝ ܕܐܵܨܵܠ.
29: ܘܲܒ̣ܢܵܘ̈ܗܝ ܕܲܥܫܝܼܩ ܐܲܚܘܼܗܝ: ܐܘܿܠܲܡ ܒܘܼܟ݂ܪܹܗ: ܝܲܥܘܿܫ ܬܸܢܝܵܢܵܐ: ܐܹܠܝܼܦܠܲܛ ܬܠܝܼܬ̣ܵܝܵܐ.
30: ܘܲܗܘ̤ܵܐ ܒܢܲـ̈ـܝܵܐ ܕܐܘܿܠܲܡ: ܓܲܒ̣ܪܹ̈ܐ ܓܲܢ̄ܒܵܪ̈ܲܝ ܚܲܝܠܵܐ: ܘܐܚܝܼܕܲܝ̈ ܩܸܫܬܵܐ ܘܡܲܠܦܝܼܢ ܗܸܢܘܿܢ ܒܢܲܝ̈ܗܘܿܢ ܘܲܒ̣ܢܲܝ̈ ܒܢܲܝ̈ܗܘܿܢ: ܡܵܐܐ ܘܚܲܡܫܝܼܢ. ܘܟ݂ܠܗܘܿܢ ܗܵܠܹܝܢ ܡ̣ܢ ܫܲܒ̣ܛܵܐ ܕܲܒ̣ܢܲܝ̈ ܒܸܢܝܵܡܹܝܢ.
ܩܹܦܵܠܹܐܘܿܢ : ܛ.
1: ܘܐܸܬ̣ܚܲܫܲܒ̣ܘ ܟܠܗܘܿܢ ܒܢܲܝ̈ ܝܼܣܪܵܝܹܠ ܘܲܒ̣ܢܲܝ̈ ܝܼܗܘܼܕ݂ܵܐ: ܥܵܘܼܠܵܐ ܗܸܢܘܿܢ ܕܓܲܠܝܼܘ ܠܒ̣ܵܒܹܠ ܒܥܵܘܿܠܘܼܬ̣ܗܘܿܢ.
2: ܘܲܕ݂ܝܵܬ̣ܒ̇ܝܼܢ ܗ̄ܘ̣ܵܘ ܩܲܕ݂ܡܵܝܑܬ̣ ܒܝܵܪܬ̇ܘܼܬ̣ܗܘܿܢ: ܘܲܒ̣ܩܘܼܪ̈ܝܼܗܘܿܢ ܝܼܣܪܵܝܹܠ: ܘܟ݂ܵܗ̈ܢܹܐ: ܘܠܹܘܵܝܹ̈ܐ: ܘܓ̣ܝܼܘܿܪܹ̈ܐ.
3: ܘܒ̣ܐܘܿܪܸܫܠܸܡ ܝܵܬ̣ܒ̇ܝܼܢ ܗ̄ܘ̣ܵܘ: ܡ̣ܢ ܝܼܗܘܼܕ݂ܵܐ: ܘܡ̣ܢ ܒܢܲܝ̈ ܒܸܢܝܵܡܹܝܢ: ܘܡ̣ܢ ܒܢܲܝ̈ ܐܲܦܪܹܝܡ: ܘܡ̣ܢ ܒܢܲܝ̈ ܡܢܲܫܸܐ.
4: ܙܥܘܿܪܝܼ ܒܲܪ ܥܲܡܝܼܗܘܿܕ݂: ܒܲܪ ܥܲܡܪܝܼ: ܒܲܪ ܐܲܡܪܝܼ: ܒܲܪ ܒܸܢܝܵܡܹܝܢ: ܒܢܲܝ̈ ܦܲܪܨ: ܒܢܲܝ̈ ܝܼܗܘܼܕ݂ܵܐ.
5: ܘܡ̣ܢ ܐܵܬ̣ܪܵܐ ܕܫܝܼܠܘܿܢܝܼܵܐ: ܥܫܵܝܵܐ ܒܘܼܟ݂ܪܹܗ: ܘܒ̣ܵܨܝܵܐ ܐܲܚܘܼܗܝ.
6: ܘܡ̣ܢ ܒܢܲܝ̈ ܙܲܪܚ: ܝܲܥܘܵܐܹܝܠ: ܘܐܲܚܲܝ̈ܗܘܿܢ ܫܸܬ̣ܡܵܐܐ ܘܬܸܫܥܝܼܢ.
7: ܘܡ̣ܢ ܒܢܵܘ̈ܗܝ ܕܒܸܢܝܵܡܹܝܢ: ܣܲܠܘܼ ܒܲܪ ܡܲܫܠܲܡ: ܒܲܪ ܗܘܿܕ݂ܝܼܵܐ: ܒܲܪ ܝܲܗܒܵܢܵܐ.
8: ܘܝܘܿܟܲܢܝܵܐ ܒܲܪ ܝܲܪܚܘܿܡ ܗܵܠܹܝܢ ܒܢܲܝ̈ ܥܲܙܝܼ ܒܲܪ ܡܵܟ݂ܝܼܪ: ܘܡܲܫܠܲܡ ܒܲܪ ܐܲܪܥܘܿܒܸܠ: ܒܲܪ ܝܼܟܲܢܝܵܐ.
9: ܘܐܲܚܲܝ̈ܗܘܿܢ ܠܫܲܪ̈ܒ̣ܵܬ̣ܗܘܿܢ: ܬܫܲܥܡܵܐܐ ܘܬܸܫܥܝܼܢ ܘܬܸܫܥܵܐ ܟܠܗܘܿܢ ܗܵܠܹܝܢ ܓܲܒ̣ܪܹ̈ܐ ܓܲܢ̄ܒܵܪ̈ܲܝ ܚܲܝܠܵܐ: ܪܹ̈ܫܲܝ ܡܲܐ̈ܘܵܬ̣ܵܐ ܠܫܲܪ̈ܒ̣ܵܬ̣ܗܘܿܢ.
10: ܘܡ̣ܢ ܟܵܗ̈ܢܹܐ ܝܘܿܢܵܕ݂ܵܒ̣: ܝܘܿܕ݂ܵܥ: ܙܵܟ݂ܝܼܡ.
11: ܥܲܙܲܪܝܵܐ ܒܲܪ ܚܹܠܲܩܝܵܐ ܒܲܪ ܡܲܫܠܲܡ: ܒܲܪ ܨܵܕ݂ܘܿܩ: ܒܲܪ ܡܲܙܘܼ: ܒܲܪ ܐܲܚܝܼܛܘܿܒ̣: ܕܲܫܪܸܐ ܗ̄ܘ̣ܵܐ ܒܲܝܬܹ̇ܗ ܠܘܼܩܒܲܠ ܒܲܝܬܹ̇ܗ ܕܡܵܪܝܵܐ.
12: ܘܥܲܙܲܪܝܵܐ ܒܲܪ ܝܲܪܚܘܿܡ: ܒܲܪ ܦܲܫܚܘܿܪ: ܒܲܪ ܡܠܲܟ݂ܝܵܐ: ܘܡܲܢܣܝܼ ܒܲܪ ܥܘܼܕ݂ܝܵܐܹܝܠ: ܒܲܪ ܝܘܿܚܲܢܵܢ: ܒܲܪ ܡܲܫܠܲܡ: ܒܲܪ ܡܲܫܕܵܐܘܼܬ̣: ܒܲܪ ܐܵܡܵܪ.
13: ܘܐܲܚܲܝ̈ܗܘܿܢ ܪܹ̈ܫܹܐ ܕܒܹܝܬ̣ ܐܲܒ̣ܵܗܲܝ̈ܗܘܿܢ: ܐܵܠܹܦ ܘܲܫܒܲܥܡܵܐܐ ܘܸܫܬ̇ܝܼܢ: ܓܲܢ̄ܒܵܪ̈ܲܝ ܚܲܝܠܵܐ: ܥܵܒ̣ܕܲܝ̈ ܥܒ̣̈ܝܼܕ݂ܵܬ̣ܵܐ ܕܒܲܝܬܹ̇ܗ ܕܡܵܪܝܵܐ.
14: ܘܡ̣ܢ ܠܹܘܵܝܹ̈ܐ: ܫܡܲܥܝܵܐ ܒܲܪ ܚܫܘܿܡ: ܒܲܪ ܥܙܲܪܩܝܼܡ: ܒܲܪ ܚܫܲܒ̣ܝܵܐ.
15: ܡ̣ܢ ܒܢܲܝ̈ ܡܪܵܪܝܼ: ܝܲܪܚܘܿܡ ܒܲܪ ܚܕ݂ܘܿܫ: ܒܲܪ ܥܠܵܠ: ܡܬܲܢܝܵܐ ܒܲܪ ܡܝܼܟ݂ܵܐ: ܒܲܪ ܙܲܒ̣ܕ̇ܝܼ: ܒܲܪ ܐܵܣܵܦ.
16: ܘܥܘܿܒܲܕ݂ܝܵܐ ܒܲܪ ܫܡܲܥܝܵܐ: ܒܲܪ ܟܠܵܠ ܒܲܪ ܝܼܪܝܼܬ̣ܘܿܢ ܘܲܒ̣ܪܲܟ݂ܝܵܐ ܒܲܪ ܐܵܣܵܦ: ܒܲܪ ܗܲܠܩܵܢܵܐ: ܕܝܵܬܹ̇ܒ̣ ܗ̄ܘ̣ܵܐ ܒܪܵܡܬ̣ܵܐ.
17: ܫܵܠܘܿܡ: ܘܝܲܥܩܘܿܒ̣: ܘܛܵܠܵܢ: ܘܚܲܡܢܘܿܢ: ܘܐܲܚܝܼܗܘܿܡ: ܘܫܵܠܘܿܡ.
18: ܥܕܲܡܵܐ ܠܗܵܪܟܵܐ ܬܲܪܥܵܐ ܕܡܲܠܟܵܐ ܡܲܕ݂ܢ̱ܚܵܝܵܐ. ܗܵܠܹܝܢ ܐܸܢܘܿܢ ܬܲܪ̈ܥܹܐ ܕܩܵܝ̇ܡܝܼܢ ܒܗܘܿܢ ܡܲܛܲܪܬܵܐ ܕܲܒ̣ܢܲܝ̈ ܠܹܘܝܼ.
19: ܘܫܵܠܘܿܡ ܒܲܪ ܩܘܿܪܵܐ: ܒܲܪ ܐܲܟ݂ܣܝܼܦ: ܒܲܪ ܩܘܿܪܚ. ܘܐܲܚܵܘ̈ܗܝ ܘܐ̄ܢܵܫܲܝ̈ ܒܹܝܬ̣ ܐܲܒ̣ܘܼܗܝ: ܕܩܵܝܡܝܼܢ ܥܲܠ ܥܒ̣ܝܼ̈ܕ݂ܵܬ̣ܵܐ: ܘܢܵܛܪ̈ܲܝ ܬܲܪܥܹܗ ܕܡܲܫܟ̇ܢܵܐ: ܘܐܲܒ̣ܵܗܹ̈ܐ ܕܝܼܠܗܘܿܢ ܥܲܠ ܡܲܫܪܝܼܬ̣ܵܐ. ܘܗܸܢܘܿܢ ܗܘ̤ܵܘ ܢܵܛܪ̈ܲܝ ܡܲܦܩܵܢܵܐ ܘܡܲܥܠܵܢܵܐ.
20: ܘܦܝܼܢܚܸܣ ܒܲܪ ܐܹܠܝܼܥܵܙܲܪ: ܗܘ̤ܵܐ ܪܲܒܵܐ ܥܠܲܝܗܘܿܢ: ܡ̣ܢ ܠܘܼܩܕ݂ܵܡ: ܘܡܵܪܝܵܐ ܥܲܡܹܗ.
21: ܙܟܲܪܝܵܐ ܒܲܪ ܡܲܫܠܲܡ: ܢܵܛܲܪ ܬܲܪܥܵܐ ܕܡܲܫܟܲܢ ܙܲܒ̣ܢܵܐ.
22: ܟܠܗܘܿܢ ܗܵܠܹܝܢ ܩܵܝܡܝܼܢ ܒܬܲܪ̈ܥܹܐ: ܒܡܸܢܝܵܢܵܐ ܡܲܐܬܹ̇ܝܢ ܘܲܬ̣ܪܸܥܣܲܪ ܗܵܠܹܝܢ ܐܸܬ̣ܚܲܫܲܒ̣ܘ ܒܕ݂ܵܪ̈ܲܝܗܘܿܢ: ܗܵܠܹܝܢ ܕܲܥܒܲܕ݂ܘ ܕܵܘܝܼܕ݂ ܘܲܫܡܘܼܐܹܝܠ ܢܒ̣ܝܼܵܐ: ܒܗܲܝܡܵܢܘܼܬ̣ܗܘܿܢ.
23: ܘܗܸܢܘܿܢ ܐܲܩܝܼܡܘ ܠܗܵܠܹܝܢ: ܠܗܘܿܢ ܘܠܲܒ̣ܢܲܝ̈ܗܘܿܢ. ܕܢܸܗܘܘܿܢ ܢܵܛܪܝܼܢ ܬܲܪ̈ܥܹܐ ܗܵܠܹܝܢ ܕܒܲܝܬܹ̇ܗ ܕܡܵܪܝܵܐ: ܘܲܠܒܹܝܬ̣ ܡܲܫܟܲܢ ܙܲܒ̣ܢܵܐ: ܘܡܲܛܪ̈ܵܬ̣ܵܐ.
24: ܠܐܲܪܒܲܥ ܪ̈ܘܼܚܝܼܢ ܦܬ̣ܝܼܚܝܼܢ ܗ̄ܘ̣ܵܘ ܗܵܠܹܝܢ ܬܲܪ̈ܥܹܐ: ܠܡܲܕ݂ܢ̱ܚܵܐ: ܘܲܠܡܲܥ̱ܪܒ̣ܵܐ: ܘܲܠܓܲܪܒ̇ܝܵܐ: ܘܲܠܬܲܝܡܢܵܐ.
25: ܘܐܲܚܲܝ̈݁ܗܘܿܢ ܗܵܠܹܝܢ ܢܵܛܪܝܼܢ ܗ̄ܘ̣ܵܘ ܒܕ݂ܵܪ̈ܲܝܗܘܿܢ: ܘܠܵܐ ܥܵܐܠܝܼܢ ܗ̄ܘ̣ܵܘ: ܐܸܠܵܐ ܚܕ݂ܵܐ ܠܫܲܒ̣ܥܵܐ ܝܵܘ̈ܡܝܼܢ: ܡ̣ܢ ܥܸܕܵܢ ܠܥܸܕܵܢ.
26: ܡܸܛܠ ܕܲܒ̣ܗܲܝܡܵܢܘܼܬ̣ܵܐ ܗܘ̤ܵܘ ܗܸܢܘܿܢ ܗܵܠܹܝܢ. ܡܸܛܠ ܕܥܲܠ ܐܲܪܒܲܥ ܪ̈ܘܼܚܝܼܢ ܕܬܲܪ̈ܥܹܐ ܗܵܠܹܝܢ: ܠܹܘܵܝܹ̈ܐ ܩܵܝ̇ܡܝܼܢ ܘܢܵܛܪܝܼܢ ܗ̄ܘ̣ܵܘ. ܘܗܸܢܘܿܢ ܩܵܝܡܝܼܢ ܗ̄ܘ̣ܵܘ ܥܲܠ ܥܒ̣ܝܼ̈ܕ݂ܵܬ̣ܵܐ: ܘܥܲܠ ܓܲܙܵܐ ܕܒܲܝܬܹ̇ܗ ܕܡܵܪܝܵܐ.
27: ܘܲܟ݂ܪܝܼܟ݂ܝܼܢ ܗ̄ܘ̣ܵܘ ܠܒܲܝܬܹ̇ܗ ܕܡܵܪܝܵܐ: ܘܒ̣ܵܝܬ̇ܝܼܢ ܡܸܛܠ ܕܗܵܕܹܐ ܗܘ̤ܵܬ̣ ܡܲܛܲܪܬ̇ܗܘܿܢ ܥܲܠ ܬܲܪ̈ܥܹܐ.
28: ܘܲܒ̣ܟ݂ܠ ܨܦܲܪ ܘܲܨܦܲܪ ܣܵܥܪܝܼܢ ܗ̄ܘ̣ܵܘ ܟܠܗܘܿܢ ܡܵܐܢܹ̈ܐ ܕܦܘܼܠܚܵܢܵܐ: ܡܸܛܠ ܕܲܒ̣ܡܸܢܝܵܢܵܐ ܡܲܥܠܝܼܢ ܗ̄ܘ̣ܵܘ ܠܗܘܿܢ: ܘܲܒ̣ܡܸܢܝܵܢܵܐ ܡܲܦܩܝܼܢ ܗ̄ܘ̣ܵܘ ܠܗܘܿܢ.
29: ܘܡܸܢܗܘܿܢ ܡ̣ܢ ܠܹܘܵܝܹ̈ܐ ܡܫܲܠܛܝܼܢ ܗ̄ܘ̣ܵܘ ܥܲܠ ܡܵܐܢܹ̈ܐ: ܘܥܲܠ ܟܠܗܹܝܢ ܥܒ̣ܝܼ̈ܕ݂ܵܬ̣ܵܐ ܕܩܘܼܕ݂ܫܵܐ: ܥܲܠ ܡܲܕ݂ܒ̇ܚܵܐ: ܘܥܲܠ ܡܵܐܢܹ̈ܐ: ܘܥܲܠ ܚܲܡܪܵܐ: ܘܥܲܠ ܡܸܫܚܵܐ: ܘܥܲܠ ܠܒ̣ܘܿܢ̄ܬܵܐ: ܘܥܲܠ ܒܸܣܡܹ̈ܐ ܕܟܲܝܵܐ.
30: ܘܡ̣ܢ ܒܢܲܝ̈ ܟܵܗ̈ܢܹܐ ܡܲܬ̣ܩ̄ܢܝܼܢ ܒܸܣܡܹ̈ܐ ܠܦܝܼܪ̈ܡܹܐ. ܘܡܵܘܗܲܒ̣ܬ̣ܵܐ ܡ̣ܢ ܠܹܘܵܝܹ̈ܐ ܡܸܬ̣ܝܲܗ̄ܒܵܐ ܗ̄ܘ̣ܵܬ̣.
31: ܘܡܲܬ̣ܝܼܬ̣ܵܐ ܡ̣ܢ ܠܹܘܵܝܹ̈ܐ: ܗܘ̤ܝܘܼ ܗܘ̤ܵܐ ܒܘܼܟ݂ܪܹܗ ܕܫܵܠܘܿܡ. ܒܗܲܝܡܵܢܘܼܬ̣ܵܐ ܫܲܠܝܼܛ ܗ̄ܘ̣ܵܐ ܥܲܠ ܥܒ̣ܵܕܹ̈ܐ ܟܣܲܝܵܐ.
32: ܘܐܵܦ ܡ̣ܢ ܒܢܵܘ̈ܗܝ ܕܩܵܗܵܬ̣: ܡܫܲܠܛܝܼܢ ܗ̄ܘ̣ܵܘ ܥܲܠ ܐܲܚܲܝ̈ܗܘܿܢ: ܘܥܲܠ ܠܲܚܡܵܐ ܕܣܸܕ݂ܪܹ̈ܐ: ܠܲܡܛܲܝܵܒ̣ܘܼ ܫܵܪܘܼܬ̣ܵܐ ܕܫܲܒ̇ܬ̣ܵܐ ܒܫܲܒܬ̣ܵܐ.
33: ܘܗܵܠܹܝܢ ܡܫܲܡ̈ܫܵܢܹܐ ܪܹ̈ܫܲܝ ܐܲܒ̣ܵܗܹ̈ܐ ܕܠܹܘܵܝܹ̈ܐ: ܢܵܛܪܝܼܢ ܗ̄ܘ̣ܵܘ ܒܚܵܢ̈ܘܵܬ̣ܵܐ ܕܲܚܕ݂ܵܪ̈ܵܘܗܝ ܕܒܲܝܬܵܐ. ܡܸܛܠ ܕܗܸܢܘܿܢ ܡܫܲܠܛܝܼܢ ܗ̄ܘ̣ܵܘ ܥܲܠ ܥܒ̣ܝܼ̈ܕ݂ܵܬ̣ܵܐ: ܒܐܝܼܡܵܡܵܐ ܘܲܒ̣ܠܸܠܝܵܐ.
34: ܘܗܵܠܹܝܢ ܗܘ̤ܵܘ ܪܹ̈ܫܲܝ ܐܲܒ̣ܵܗܵܬ̣̈ܗܘܿܢ ܕܠܹܘܵܝܹ̈ܐ: ܒܬ̣ܵܘ̈ܠܕ݂ܵܬ̣ܗܘܿܢ: ܘܗܵܠܹܝܢ ܝܵܬ̣ܒ̇ܝܼܢ ܗ̄ܘ̣ܵܘ ܒܐܘܿܪܸܫܠܸܡ.
35: ܘܲܒ̣ܓܸܒ̣ܥܘܿܢ ܝܵܬܹܒ̣ ܗ̄ܘ̣ܵܐ ܐܲܒ̣ܘܼܗܝ ܕܓܸܒ̣ܥܘܿܢ ܘܲܫܡܵܐ ܕܲܒ̣ܪܹܗ ܒܘܼܟ݂ܪܹܗ: ܝܘܿܐܹܝܠ. ܘܲܫܡܵܐ ܕܐܲܢ̄ܬ̇ܬܹܗ ܡܲܥܟܵܐ.
36: ܘܲܒ̣ܪܹܗ ܬܸܢܝܵܢܵܐ ܥܸܒ̣ܪܘܿܢ: ܘܨܘܿܪ: ܘܩܝܼܫܘܿܢ: ܘܒ̣ܵܠܵܥ: ܘܢܝܼܪ: ܘܢܵܕ݂ܵܒ̣.
37: ܘܲܓ̣ܕ݂ܘܿܪ: ܘܐܲܚܝܼܵܐ: ܘܲܙܟܲܪܝܵܐ.
38: ܘܡܲܩܠܘܿܬ̣ ܘܡܲܩܠܘܿܬ̣ ܐܵܘܠܸܕ݂ ܠܫܲܡܲܐܨ. ܘܐܵܦ ܗܸܢܘܿܢ ܠܘܼܩܒܲܠ ܐܲܚܲܝ̈ܗܘܿܢ ܥܵܡܪܝܼܢ ܗ̄ܘ̣ܵܘ ܥܲܡ ܐܲܚܲܝ̈ܗܘܿܢ ܒܐܘܿܪܸܫܠܸܡ.
39: ܘܢܝܼܪ ܐܵܘܠܸܕ݂ ܠܫܝܼܩ. ܘܩܝܼܫ ܐܵܘܠܸܕ݂ ܠܫܵܐܘܿܠ ܘܫܵܐܘܿܠ ܐܵܘܠܸܕ݂ ܠܝܘܿܢܵܬ̣ܵܢ: ܘܲܠܡܲܠܟ̇ܝܼܫܘܿܥ: ܘܲܠܝܲܫܘܝܼ: ܘܠܲܐܫܒܵܫܘܿܠ.
40: ܘܲܠܝܲܫܘܝܼ ܗܘ̤ܵܐ ܒܪܵܐ: ܘܲܫܡܹܗ ܡܪܲܒ̇ܥܸܠ. ܘܲܡܪܲܒ̇ܥܸܠ ܐܵܘܠܸܕ݂ ܠܡܝܼܟ݂ܵܐ.
41: ܘܲܒ̣ܢܵܘ̈ܗܝ ܕܡܝܼܟ݂ܵܐ: ܦܝܼܬ̣ܘܿܢ: ܘܐܝܼܡܠܸܟ݂: ܘܐܵܚܵܙ.
42: ܘܐܵܚܵܙ ܐܵܘܠܸܕ݂ ܠܝܲܥܙܲܢܝܵܐ. ܘܝܲܥܙܲܢܝܵܐ ܐܵܘܠܸܕ݂ ܠܥܲܠܡܘܿܬ̣ ܘܥܲܠܡܘܿܬ̣ ܐܵܘܠܸܕ݂ ܠܙܲܡܪܝܼ. ܘܙܲܡܪܝܼ ܐܵܘܠܸܕ݂ ܠܡܘܿܨܵܐ.
43: ܘܡܘܿܨܵܐ ܐܵܘܠܸܕ݂ ܠܲܟ݂ܢܲܥܢܵܝܵܐ: ܐܲܪܦܝܼܵܐ ܒܪܹܗ: ܐܵܨܵܠ ܒܪܹܗ: ܐܹܠܥܲܣܵܐ ܒܪܹܗ.
44: ܘܠܵܐܨܵܠ ܗܘ̤ܵܘ ܫܬܵܐ ܫܢ̈ܝܼܢ ܘܗܵܠܹܝܢ ܫܡܵܗܲܝ̈ܗܘܿܢ: ܥܲܙܝܼ ܒܘܼܟ݂ܪܹܗ: ܩܝܼܡ ܬܸܢܝܵܢܵܐ: ܘܐܲܫܡܲܥ ܒܪܹܗ: ܫܥܲܕ݂ܝܵܐ ܒܪܹܗ: ܥܘܿܒܲܕ݂ܝܵܐ ܒܪܹܗ: ܚܲܢܵܢ ܒܪܹܗ. ܗܵܠܹܝܢ ܒ̈ܢܲܝܵܐ ܕܐܵܨܵܠ.
ܩܹܦܵܠܹܐܘܿܢ : ܝ.
1: ܘܲܦܠܸܫܬܵܝܹ̈ܐ ܡܸܬ̣ܟܲܬ̇ܫܝܼܢ ܗ̄ܘ̣ܵܘ ܥܲܡ ܝܼܣܪܵܝܹܠ. ܘܲܥܪܲܩ̣ܘ ܓܲܒ̣ܪܹ̈ܐ ܕܝܼܣܪܵܝܹܠ ܡ̣ܢ ܦܠܸܫܬܵܝܹ̈ܐ. ܘܢܲܦܲܠ̣ܘ ܩܛܝܼ̈ܠܹܐ ܣܲܓ̇ܝܼ̈ܐܹܐ ܒܛܘܼܪܵܐ ܕܲܓ̣ܠܲܒ̇ܘܿܥ.
2: ܘܐܲܕ݂ܪܸܟ݂ܘ ܦܠܸܫܬܵܝܹ̈ܐ ܠܫܵܐܘܿܠ ܘܠܲܒ̣ܢܵܘ̈ܗܝ. ܘܲܚܪܲܒ̣ܘ ܦܠܸܫܬܵܝܹ̈ܐ ܠܝܘܿܢܵܬ̣ܵܢ ܘܲܠܝܲܫܘܝܼ: ܘܲܠܡܲܠܟ̇ܝܼܫܘܿܥ ܒܢܵܘ̈ܗܝ ܕܫܵܐܘܿܠ.
3: ܘܲܥܫܸܢ ܩܪܵܒ̣ܵܐ ܥܲܠ ܫܵܐܘܿܠ: ܘܐܸܫ̣ܟ̇ܚܘܼܗ̄ܝ ܐ̄ܢܵܫܵܐ ܩܲܫܵܬܹ̈ܐ ܕܐܘܼܡܵܢ̈ܝܼܢ ܛܵܒ̣ ܠܡܸܫܕܵܐ ܒܩܸܫܬܵܐ. ܘܟܲܕ݂ ܚ̣ܙܵܐ ܫܵܐܘܿܠ: ܕܚܸܠ̣ ܛܵܒ̣ ܡ̣ܢ ܩܕ݂ܵܡܲܝ̈ܗܘܿܢ.
4: ܘܐܸܡܲܪ ܫܵܐܘܿܠ ܠܫܵܩܹ̇ܠ ܡܵܐܢܵܘ̈ܗܝ: ܫܡܘܿܛ ܚܲܪܒܵܟ݂ ܘܲܕ݂ܩܘܿܪܲܝܢܝ ܒܵܗ̇: ܥܲܕ݂ܠܵܐ ܢܹܐܬ̣ܘܿܢ ܥܘܼܪ̈ܠܵܐ ܗܵܠܹܝܢ: ܘܢܸܩܛܠܘܼܢܵܢܝ: ܘܢܸܫܬܲܢܕ݂ܘܼܢ ܒܝܼ. ܘܠܵܐ ܨܒ̣ܵܐ ܫܵܩܹ̇ܠ ܡܵܐܢܵܘ̈ܗܝ: ܡܸܛܠ ܕܲܕ݂ܚܸܠ ܛܵܒ̣. ܘܲܫܡܲܛ ܫܵܐܘܿܠ ܣܲܝܦܹܗ: ܘܲܢܦܲܠ̣ ܥܠܵܘܗܝ.
5: ܘܲܚܙ̣ܵܐ ܫܵܩܹ̇ܠ ܡܵܐܢܵܘܗܝ ܕܡ̣ܝܼܬ̣ ܠܹܗ ܫܵܐܘܿܠ: ܘܲܢܦܲܠ̣ ܐܵܦ ܗ̤ܘ ܥܲܠ ܣܲܝܦܹܗ: ܘܡ̣ܝܼܬ̣ ܥܲܡܹܗ.
6: ܘܡ̣ܝܼܬ̣ ܫܵܐܘܿܠ: ܘܲܬ̣ܠܵܬ̣ܵܐ ܒܢܵܘ̈ܗܝ: ܘܫܵܩܹ̇ܠ ܡܵܐܢܵܘ̈ܗܝ. ܘܟ݂ܠ ܓܲܢ̄ܒܵܪ̈ܵܘܗܝ ܡܝܼܬ̣ܘ ܒܝܵܘܡܵܐ ܗܵܘ̇ ܐܲܟ݂ܚ̄ܕ݂ܵܐ.
7: ܘܲܚܙ̣ܵܘ ܟܠ ܐ̄ܢܵܫܵܐ ܕܝܼܣܪܵܝܹܠ ܕܐܝܼܬ̣ ܒܥܸܒ̣ܪܵܐ ܕܒܲܦܩܲܥܬ̣ܵܐ: ܘܕ݂ܐܝܼܬ̣ ܒܥܸܒ̣ܪܵܐ ܕܝܘܿܪܕܢܵܢ: ܕܲܥܪܲܩ̣ ܠܹܗ ܥܲܡܵܐ ܕܝܼܣܪܵܝܹܠ: ܘܕܸܐܬ̣ܩܛܸܠ ܫܵܐܘܿܠ ܘܲܒ̣ܢܵܘ̈ܗܝ ܘܲܫܒܲܩܘ ܩܘܼܪ̈ܝܵܐ: ܘܲܥܪܲܩ̣ܘ ܘܐܸܬ̣ܵܘ ܦܠܸܫܬܵܝܹ̈ܐ: ܘܲܥܡܲܪܘ ܒܗܹܝܢ.
8: ܘܲܗܘ̤ܵܐ ܡ̣ܢ ܒܵܬܲܪ ܝܵܘܡܵܐ: ܘܐܸܬ̣ܵܘ ܦܠܸܫܬܵܝܹ̈ܐ ܠܲܡܚܲܠܵܨܘܼ ܩܛܝܼ̈ܠܹܐ. ܘܐܸܫܟܲܚܘ ܠܫܵܐܘܿܠ ܘܠܲܬ̣ܠܵܬ̣ܵܐ ܒܢܵܘ̈ܗܝ ܩܛܝܼܠܝܼܢ: ܘܲܪܡܹܝܢ ܒܛܘܼܪܵܐ ܕܲܓ̣ܠܲܒ̇ܘܿܥ.
9: ܘܲܫܩܲܠܘ ܪܹ̈ܫܲܝܗܘܿܢ: ܘܫܲܠܲܚ̣ܘ ܡܵܐܢܲܝ̈ܗܘܿܢ: ܘܫܲܕܲܪܘ ܠܐܲܪܥܵܐ ܕܲܦܠܸܫܬܵܝܹ̈ܐ: ܠܩܘܼܪ̈ܝܵܐ ܘܠܲܡܕ݂ܝܼ̈ܢܵܬ̣ܵܐ ܘܲܠܟܲܪ̈ܟܹܐ: ܠܲܡܣܲܒܵܪܘܼ ܒܹܝܬ̣ ܦܬܲܟ݂ܪ̈ܲܝܗܘܿܢ: ܘܲܠܥܲܡܗܘܿܢ.
10: ܘܣܵܡ̣ܘ ܡܵܐܢܲܝ̈ܗܘܿܢ ܘܙܲܝܢܗܘܿܢ ܒܹܝܬ̣ ܦܬܲܟ݂ܪ̈ܲܝܗܘܿܢ ܘܦܲܓ̣ܪ̈ܲܝܗܘܿܢ ܬܠܵܘ ܒܫܘܼܪܵܐ ܕܒܹܝܬ̣ ܝܵܫܵܢ.
11: ܘܲܫܡܲܥܘ ܝܵܬ̣ܒܲܝ̈ ܝܵܒ̣ܝܼܫ ܕܓܸܠܥܵܕ݂: ܡܸܕܸ̇ܡ ܕܲܥܒܲܕ݂ܘ ܦܠܸܫܬܵܝܹ̈ܐ ܠܫܵܐܘܿܠ.
12: ܘܩܵܡ̣ܘ ܟܠ ܓܒܲܪ ܡܵܪܹܐ ܚܲܝܠܵܐ. ܘܐܸܙܲܠ̣ܘ ܟܠܹܗ ܠܸܠܝܵܐ: ܘܲܢܣܲܒ̣ܘ ܦܲܓ̣ܪܹܗ ܕܫܵܐܘܿܠ ܘܦܲܓ̣ܪܹ̈ܐ ܕܲܒ̣ܢܵܘ̈ܗܝ ܡ̣ܢ ܫܘܼܪܵܐ ܕܒܹܝܬ̣ ܝܵܫܵܢ: ܘܐܲܝܬ̇ܝܼܘ ܠܝܵܒ̣ܝܼܫ: ܘܐܵܘܩܸܕ݂ܘ ܐܸܢܘܿܢ ܬܲܡܵܢ. ܘܲܢܣܲܒ̣ܘ ܓܲܪ̈ܡܲܝܗܘܿܢ: ܛܡܲܪܘ ܬܚܹܝܬ̣ ܒܸܛܡ̱ܬ̣ܵܐ ܕܲܒ̣ܝܵܒ̣ܝܼܫ ܘܨܵܡ̣ܘ ܫܲܒ̣ܥܵܐ ܝܵܘ̈ܡܝܼܢ.
13: ܘܡ̣ܝܼܬ̣ ܫܵܐܘܿܠ: ܥܲܠ ܕܟܲܕܸ̇ܒ̣ ܟܲܕܵܒ̣ܘܼܬ̣ܵܐ ܒܡܵܪܝܵܐ: ܘܡܸܕܸ̇ܡ ܕܦܲܩܕܹܗ ܠܵܐ ܢܛܲܪ.
14: ܘܐܵܦ ܫܐܸܠ ܒܙܲܟ̇ܘܼܪܹ̈ܐ: ܘܲܒ̣ܡܵܪܝܵܐ ܐܲܠܵܗܹܗ ܠܵܐ ܫܐܸܠ ܘܐܸܬ̣ܝܲܗ̄ܒܲܬ̤ ܡܲܠܟ̇ܘܼܬܹܗ ܠܕ݂ܵܘܝܼܕ݂ ܒܲܪ ܐܝܼܫܲܝ.
ܩܹܦܵܠܹܐܘܿܢ : ܝܐ.
1: ܘܐܸܬ̣ܟܲܢܲܫܘ ܟܠܗܘܿܢ ܒܢܲܝ̈ ܝܼܣܪܵܝܹܠ ܠܘܵܬ̣ ܕܵܘܝܼܕ݂ ܠܚܸܒ̣ܪܘܿܢ: ܘܐܵܡ̇ܪܝܼܢ ܠܹܗ: ܕܡܵܟ݂ ܚܢܲܢ ܘܒܸܣܪܵܟ݂: ܘܐܵܦ ܐܸܬ̣ܡܵܠܝܼ ܘܲܡܢܵܬ̣ܡܵܠܝ.
2: ܟܲܕ݂ ܫܵܐܘܿܠ ܗܘ̤ܵܐ ܡܲܠܟܵܐ ܥܠܲܝܢ: ܐܲܢ̄ܬ̇ ܢܵܦܹܩ ܗ̄ܘܲܝܬ̇: ܘܥܵܐܹ̇ܠ ܒܪܹܫܹܗ ܕܝܼܣܪܵܝܹܠ. ܘܐܸܡܪ ܠܵܟ݂ ܡܵܪܝܵܐ: ܙܸܠ ܐܲܢ̄ܬ̇ ܬܸܪܥܸܐ ܠܥܲܡܝ ܝܼܣܪܵܝܹܠ ܘܐܲܢ̄ܬ̇ ܬܸܗܘܹܐ ܡܕܲܒ̇ܪܵܢܵܐ ܥܲܠ ܟܠܗܘܿܢ ܫܲܒ̣̈ܛܹܐ ܕܝܼܣܪܵܝܹܠ.
3: ܘܐܸܬ̣ܵܘ ܟܠܗܘܿܢ ܣܵܒܹ̈ܐ ܕܲܒ̣ܢܲܝ̈ ܝܼܣܪܵܝܹܠ ܠܘܵܬ̣ ܡܲܠܟܵܐ ܠܚܸܒ̣ܪܘܿܢ ܘܝܼܡܵܐ ܠܗܘܿܢ ܡܲܠܟܵܐ ܕܵܘܝܼܕ݂: ܒܡܵܘܡܵܬ̣ܵܐ ܒܚܸܒ̣ܪܘܿܢ ܩܕ݂ܵܡ ܡܵܪܝܵܐ: ܘܐܲܩܝܼܡܘ ܠܕ݂ܵܘܝܼܕ݂ ܕܢܸܗܘܹܐ ܡܲܠܟܵܐ ܥܲܠ ܝܼܣܪܵܝܹܠ. ܘܐܸܬ̣ܩܲܝܲܡ ܡܸܠܵܘ̈ܗܝ ܕܲܫܡܘܼܐܹܝܠ ܢܒ̣ܝܼܵܐ: ܕܡܲܠܸܠ ܗ̄ܘ̣ܵܐ ܒܲܫܡܹܗ ܕܡܵܪܝܵܐ.
4: ܘܐܸܙܲܠ ܕܵܘܝܼܕ݂ ܘܟ݂ܠܗܘܿܢ ܒܢܲܝ̈ ܝܼܣܪܵܝܹܠ ܠܐܘܿܪܸܫܠܸܡ: ܕܗ̤ܝ ܡܸܬ̣ܩܲܪܝܵܐ ܗ̄ܘ̣ܵܬ̣ ܝܵܒ̣ܘܿܣ ܡ̣ܢ ܠܘܼܩܕܲܡ ܘܬܲܡܵܢ ܗ̄ܘ̣ܵܘ ܝܵܒ̣ܘܿܣܵܝܹ̈ܐ ܥܵܡܘܿܪܹ̈ܝܗ̇ ܕܐܲܪܥܵܐ.
5: ܘܐܵܡ̇ܪܝܼܢ ܐ̄ܢܵܫܵܐ ܝܵܬ̣ܒܲܝ̈ ܝܵܒ̣ܘܿܣ ܠܕ݂ܵܘܝܼܕ݂: ܠܵܐ ܬܸܥܘܿܠ ܠܗܵܪܟܵܐ ܘܟܲܢܸܫ ܕܵܘܝܼܕ݂ ܠܟ݂ܠܹܗ ܥܲܡܵܐ: ܘܲܟܒܲܫ ܠܩܘܼܪ̈ܝܵܐ ܕܨܸܗܝܘܿܢ ܗܵܢܹܝܢ ܗܵܠܹܝܢ ܕܐܸܬ̣ܩܪܝܼ ܩܘܼܪ̈ܝܵܐ ܕܕ݂ܵܘܝܼܕ݂.
6: ܗܵܝܕܹ̇ܝܢ ܐܸܡܲܪ ܕܵܘܝܼܕ݂: ܟܠܡܲܢ ܕܢܸܩܛܘܿܠ ܠܘܼܩܕܲܡ ܓܲܒ̣ܪܵܐ ܝܵܒ̣ܘܿܣܵܝܵܐ: ܗ̤ܘ ܢܸܗܘܹܐ ܪܹܫܵܐ ܘܪܲܒ̇ ܚܲܝܠܵܐ. ܘܲܣܠܸܩ̣ ܝܘܿܐܵܒ̣ ܒܲܪ ܨܘܿܪܝܼܵܐ ܠܘܼܩܕܲܡ. ܘܐܲܩܝܼܡܹܗ ܡܲܠܟܵܐ ܕܵܘܝܼܕ݂ ܪܹܫܵܐ ܘܪܲܒ̇ ܚܲܝܠܵܐ.
7: ܘܝܼܬܸܒ̣ ܕܵܘܝܼܕ݂ ܒܩܘܼܪ̈ܝܵܐ ܕܨܸܗܝܘܿܢ ܡܸܛܠ ܗܵܢܵܐ ܩܵܪܹܝܢ ܗ̄ܘ̣ܵܘ ܠܗܹܝܢ ܩܘܼܪ̈ܝܵܐ ܕܕ݂ܵܘܝܼܕ݂.
8: ܘܲܒ̣ܢܵܐ ܕܵܘܝܼܕ݂ ܚܕ݂ܵܪܹ̈ܝܗ̇ ܕܲܩܪܝܼܬ̣ܵܐ ܡ̣ܢ ܚܹܐܪܝܼܬ̣ܵܐ ܕܲܠܒܲܪ ܘܝܲܗ̄ܒ̣ ܕܵܘܝܼܕ݂ ܝܲܡܝܼܢܵܐ ܠܫܲܪܟܵܐ ܕܲܒ̣ܢܲܝ̈ ܐ̄ܢܵܫܵܐ ܕܐܝܼܬ̣ ܒܩܘܼܪ̈ܝܵܐ.
9: ܘܕܘܝܼܕ݂ ܐܵܙܹ̇ܠ ܗ̄ܘ̣ܵܐ ܘܥܵܬܲܪ ܘܡܵܪܝܵܐ ܚܲܝܠܬ̣ܵܢܵܐ ܥܲܡܹܗ.
10: ܘܗܵܠܹܝܢ ܪܹ̈ܫܹܐ ܕܓܲܒ̣ܪܹ̈ܐ ܕܕ݂ܵܘܝܼܕ݂: ܕܲܡܥܲܫܢܝܼܢ ܗ̄ܘ̣ܵܘ ܥܲܡܹܗ ܒܡܲܠܟ̇ܘܼܬܹܗ: ܠܲܡܩܵܡܘܼܬܹܗ ܡܲܠܟܵܐ ܥܲܠ ܟܠܹܗ ܝܼܣܪܵܝܹܠ: ܐܲܝܟ݂ ܡܸܠܬܹܗ ܕܡܵܪܝܵܐ ܕܡܲܠܸܠ̣ ܥܲܠ ܝܼܣܪܵܝܹܠ.
11: ܘܗܵܠܹܝܢ ܡܸܢܝܵܢܹ̈ܐ ܕܓܲܒ̣ܪ̈ܵܘܗܝ ܕܕ݂ܵܘܝܼܕ݂. ܝܵܬܹܒ̣ ܒܡܵܘܬܒ̣ܵܐ ܩܲܕ݂ܡܵܝܵܐ ܪܹܫܵܐ ܕܲܬ̣ܠܵܬ̣ܝܼܢ: ܗ̤ܘܝܘܼ ܓܸܕ݂ܚܘܼ ܓܲܢ̄ܒܵܪܵܐ. ܗ̤ܘ ܫ̣ܡܲܛ ܪܘܼܡܚܵܐ: ܘܲܩܛܲܠ ܬܠܵܬ̣ܡܵܐܐ ܓܲܒ̣ܪ̈ܝܼܢ ܒܫܵܥܬ̣ܵܐ ܚܕ݂ܵܐ.
12: ܒܵܬ̣ܪܹܗ ܗܘ̤ܵܐ ܐܹܠܝܼܥܵܙܲܪ ܒܲܪ ܕܵܕܹܗ ܡ̣ܢ ܕܵܚܘܿܚ ܩܪܝܼܬ̣ܵܐ: ܗ̤ܘ ܗܘ̤ܵܐ ܥܲܠ ܬܠܵܬ̣ܡܵܐܐ ܓܲܒ̣ܪ̈ܝܼܢ.
13: ܟܲܕ݂ ܗܘ̤ܵܐ ܥܲܡ ܕܵܘܝܼܕ݂ ܒܦܲܣܝܼ ܕܡܲـ̈ـܝܵܐ: ܘܲܦܠܸܫܬܵܝܹ̈ܐ ܥܵܒ̣ܕ̇ܝܼܢ ܗ̄ܘ̣ܵܘ ܬܲܡܵܢ ܩܪܵܒ̣ܵܐ. ܘܲܗܘ̤ܵܬ̣ ܬܲܡܵܢ ܚܲܩܠܵܐ ܚܕ݂ܵܐ ܕܲܙܪܝܼܥܵܐ ܣܥܵܪܹ̈ܐ. ܘܥܲܡܵܐ ܐܸܬ̣ܒܲܕܲܪ ܡ̣ܢ ܩܕ݂ܵܡ ܦܠܸܫܬܵܝܹ̈ܐ.
14: ܘܩܵܡ̣ܘ ܒܓ̣ܵܘ ܚܲܩܠܵܐ ܘܦܲܨܝܘܼܗ̇: ܘܲܚܪܲܒ̣ܘ ܠܲܦܠܸܫܬܵܝܹ̈ܐ ܘܲܥܒܲܕ݂ ܡܵܪܝܵܐ ܢܸܨܚܵܢܵܐ ܪܲܒܵܐ.
15: ܘܲܢܚܸܬ̣ܘ ܬܠܵܬ̣ܵܐ ܡ̣ܢ ܓܲܒ̣ܪܹ̈ܐ ܠܘܵܬ̣ ܕܵܘܝܼܕ݂ ܠܲܡܥܲܪܬ̣ܵܐ ܕܥܲܪܠܲܡ: ܘܡܲܫ̱ܪ̈ܝܵܬ̣ܵܐ ܕܲܦܠܸܫܬܵܝܹ̈ܐ ܫܲܪ̈ܝܵܢ ܗ̄ܘܲܝ̈ ܒܲܦܩܲܥܬ̣ܵܐ ܕܓܲܢ̄ܒܵܪܹ̈ܐ.
16: ܘܕ݂ܵܘܝܼܕ݂ ܫܪܸܐ ܗ̄ܘ̣ܵܐ ܒܡܲܫܟ̇ܢܵܐ: ܘܓܲܒ̣ܪܹ̈ܐ ܕܦܠܸܫܬܵܝܹ̈ܐ ܒܒܹܝܬ̣ ܠܚܸܡ.
17: ܘܐܸܬ̣ܪܲܓ̣ܪܲܓ̣ ܕܵܘܝܼܕ݂: ܘܐܸܡܲܪ: ܡ̇ܢ ܕܹܝܢ ܝܲܗ̄ܒ̣ܠܝܼ ܡܲـ̈ـܝܵܐ ܕܐܸܫܬ̇ܝܼܬ̣ ܡ̣ܢ ܓܘܼܒܵܐ ܪܲܒܵܐ ܕܒܹܝܬ̣ ܠܚܸܡ: ܕܐܝܬ̣ ܒܬܲܪܥܵܐ ܕܲܩܪܝܼܬ̣ܵܐ.
18: ܘܒ̣ܵܗ̇ ܒܫܵܥܬ̣ܵܐ ܫܡܲܥܘ ܬܠܵܬ̣ܵܐ ܓܲܒ̣ܪ̈ܝܼܢ: ܘܲܨܪܵܘ ܘܥܲܠ̣ܘ ܒܡܲܫܪܝܼܬ̣ܵܐ ܕܲܦܠܸܫܬܵܝܹ̈ܐ. ܘܐܸܙܲܠܘ: ܘܲܡܠܵܘ ܡܲـ̈ـܝܵܐ ܡ̣ܢ ܓܘܼܒܵܐ ܪܲܒܵܐ ܕܐܝܼܬ̣ ܒܒܹܝܬ̣ ܠܚܸܡ: ܒܬܲܪܥܵܐ ܕܲܩܪܝܼܬ̣ܵܐ.
ܘܲܢܣܲܒ̣ܘ ܘܐܲܝܬ̇ܝܼܘ: ܘܝܲܗ̄ܒ̣ܘ ܠܕ݂ܵܘܝܼܕ݂. ܘܠܵܐ ܨܒ̣ܵܐ ܠܡܸܫܬܵܐ ܐܸܢܘܿܢ: ܘܲܢܣܲܟ݂ ܐܸܢܘܿܢ ܩܕ݂ܵܡ ܡܵܪܝܵܐ.
19: ܘܐܸܡܲܪ ܚܵܣ ܠܝܼ ܡ̣ܢ ܡܵܪܝܵܐ ܕܐܸܥܒܸ̇ܕ݂ ܗܵܢܵܐ ܩܕ݂ܵܡ ܐܲܠܵܗܝ. ܐ̄ܢܵܫܵܐ ܗܵܠܹܝܢ ܢܦܲܩ̣ܘ ܐܸܙܲܠܘ ܥܲܠ ܕܡܵܐ ܕܨܵܘܪ̈ܲܝܗܘܿܢ ܘܠܵܐ ܨܒ̣ܵܐ ܠܡܸܫܬܵܐ ܐܸܢܘܿܢ. ܗܵܠܹܝܢ ܥܒܲܕ݂ܘ ܬܠܵܬ̣ܵܐ ܓܲܒ̣ܪ̈ܝܼܢ.
20: ܘܐܲܒ̣ܝܼܫܲܝ ܐܲܚܘܼܗܝ ܕܝܘܿܐܵܒ̣ ܗ̤ܘ ܗܘ̤ܵܐ ܪܹܫܵܐ ܕܲܬ̣ܠܵܬ̣ܝܼܢ ܘܗ̤ܘ ܫ̣ܡܲܛ ܪܘܼܡܚܵܐ ܥܲܠ ܬܠܵܬ̣ܡܵܐܐ ܩܛ̈ܝܼܠܝܼܢ ܘܠܹܗ ܐܝܼܬ̣ ܗ̄ܘ̣ܵܐ ܐܝܼܩܵܪܵܐ.
21: ܥܲܠ ܬܠܵܬ̣ܝܼܢ ܡܝܲܩܲܪ ܗ̄ܘ̣ܵܐ. ܘܲܗܘ̤ܵܐ ܥܠܲܝܗܘܿܢ ܪܹܫܵܐ. ܘܲܩܪܵܒ̣ܵܐ: ܐܲܝܟ݂ ܬܠܵܬ̣ܝܼܢ ܥܵܒܹ̇ܕ݂ ܗ̄ܘ̣ܵܐ.
22: ܒܢܵܝܵܐ ܒܲܪ ܝܘܿܝܵܕ݂ܵܥ: ܓܲܒ̣ܪܵܐ ܓܲܢ̄ܒܵܪ ܚܲܝܠܵܐ ܕܫܲܦܝܼܪܝܼܢ ܗ̄ܘ̣ܵܘ ܥܒ̣ܵܕ݂ܵܘ̈ܗܝ: ܡ̣ܢ ܟܲܪܟ݂ܵܐ ܕܩܲܒ̣ܨܵܐܹܝܠ. ܗ̤ܘ ܚ̣ܪܲܒ̣ ܠܲܬ̣ܪܹܝܢ ܓܲܢ̄ܒܵܪ̈ܝܼܢ ܕܡܘܼܐܵܒ̣. ܘܗ̤ܘ ܢܚܸܬ̣ ܘܲܩܛܲܠ ܠܐܲܪܝܵܐ ܒܓ̣ܵܘ ܥܵܒ̣ܵܐ: ܒܝܵܘܡܵܐ ܕܬܲܠܓܵܐ.
23: ܘܗ̤ܘ ܩܛܲܠ ܠܓܲܒ̣ܪܵܐ ܡܸܨܪܵܝܵܐ: ܓܲܒ̣ܪܵܐ ܡܵܪܹܐ ܚܲܝܠܵܐ: ܕܐܲܪܝܼܟ݂ ܗ̄ܘ̣ܵܐ ܚܲܡܸܫ ܐܲܡ̈ܝܼܢ: ܘܒ̣ܐܝܼܕܹܗ ܕܡܸܨܪܵܝܹܐ ܗܘ̤ܵܬ̣ ܪܘܼܡܚܵܐ ܕܗܵܘܹ̇ܐ ܗ̄ܘ̣ܵܐ ܥܲܒ̣ܝܵܐ ܕܲܫܢܵܢܵܗ̇: ܐܲܝܟ݂ ܢܵܘܠܵܐ ܕܓܲܪ̈ܕ̇ܝܵܝܹܐ ܘܲܢܚܸܬ̣ ܥܠܵܘܗܝ ܒܚܘܼܛܪܵܐ: ܘܢܲܣܒܵܗ̇ ܪܘܼܡܚܵܐ ܡ̣ܢ ܐܝܼܕܲܝ̈ܗܘܿܢ ܕܡܸܨܪܵܝܵܐ: ܘܩܲܛܠܹܗ ܒܵܗ̇ ܒܪܘܼܡܚܹܗ.
24: ܗܵܠܹܝܢ ܟܠܗܹܝܢ ܥܒܲܕ ܒܢܵܝܵܐ ܒܲܪ ܝܘܿܝܵܕ݂ܵܥ ܘܠܹܗ ܐܝܼܬ̣ ܗ̄ܘ̣ܵܐ ܫܡܵܐ ܝܲܬ̇ܝܼܪ ܡ̣ܢ ܬܠܵܬ̣ܵܐ ܓܲܒ̣ܪ̈ܝܼܢ.
25: ܘܡ̣ܢ ܬܠܵܬ̣ܵܐ ܓܹܝܪ ܡܝܲܩܲܪ ܗ̄ܘ̣ܵܐ. ܘܩܹܐܪܣܵܐ ܐܲܝܟ݂ ܬܠܵܬ̣ܵܐ ܥܵܒܹܕ݂ ܗ̄ܘ̣ܵܐ. ܘܐܲܩܝܼܡܹܗ ܕܵܘܝܼܕ݂ ܕܢܸܗܘܹܐ ܢܵܛܘܿܪܵܐ ܥܲܠ ܪܘܼܡܚܹܗ: ܘܥܲܠ ܓܲܢ̄ܒܵܪ̈ܲܝ ܚܲܝܠܵܐ.
26: ܥܫܵܐܝܹܠ ܐܲܚܘܼܗܝ ܕܝܘܿܐܵܒ̣: ܐܸܠܚܲܢܵܢ ܒܲܪ ܕܵܕܹܗ ܡ̣ܢ ܒܹܝܬ̣ ܠܚܸܡ.
27: ܫܡܘܿܬ̣ ܡ̣ܢ ܛܘܼܪ ܡܲܠܟܵܐ: ܚܵܠܵܨ ܕܡ̣ܢ ܦܵܠܝܵܛܘܿܢ.
28: ܥܝܼܪܵܐ ܒܲܪ ܥܩܝܼܣ ܕܡ̣ܢ ܬܩܘܿܥ: ܘܐܲܒ̣ܝܼܥܵܙܲܪ ܕܡ̣ܢ ܥܢܵܬ̣ܘܿܬ̣.
29: ܣܵܒ̣ܝܼ ܕܡ̣ܢ ܚܫܘܿܒܲܬ̣: ܥܲܠܝܼ ܕܡ̣ܢ ܚܘܿܚ.
30: ܡܲܗܪܝܼ ܕܡ̣ܢ ܢܵܛܘܿܦܲܬ̣: ܚܵܠܵܕ݂ ܒܲܪ ܒܲܥܢܵܐ ܕܡ̣ܢ ܢܛܘܿܦܲܬ̣.
31: ܐܵܬܲܝ ܒܲܪ ܪܲܒ̇ܝ ܕܡ̣ܢ ܓܒܲܥܬ̣ܵܐ ܕܲܒ̣ܢܲܝ̈ ܒܸܢܝܵܡܹܝܢ: ܒܢܵܝܵܐ ܒܲܪ ܦܪܲܥܬ̇ܘܿܢ.
32: ܚܲܕ̇ܝܼ ܕܡ̣ܢ ܢܚܸܠܓܝܼܫ: ܐܲܒ̣ܝܼܐܹܝܠ ܒܲܪ ܥܪܲܒ̣ܬ̇ܘܿܢ.
33: ܥܘܿܙܒܵܢ ܕܡ̣ܢ ܡܲܪܚܲܡ: ܐܹܠܝܼܦܵܐ ܕܡ̣ܢ ܫܲܠܒܲܡ.
34: ܒܢܲܝ̈ ܫܹܝܡ ܕܡ̣ܢ ܥܲܙܘܿܢ: ܝܘܿܢܵܬ̣ܵܢ ܒܲܪ ܫܵܓ̣ܵܐ ܕܡ̣ܢ ܛܘܼܪ ܟܲܪܡܠܵܐ.
35: ܐܲܚܝܼܪܵܡ ܒܲܪ ܣܵܟ݂ܵܡ ܕܡ̣ܢ ܛܘܼܪ ܒܲܝܬܵܐ: ܐܲܠܝܼܦܘܿܢ ܒܲܪ ܐܘܿܪ ܕܡ̣ܢ ܒܓܲܪܬ̇ܘܿܢ.
36: ܚܵܦܵܪ ܕܡ̣ܢ ܡܟܲܪܬ̇ܝܼܡ: ܐܲܚܝܼܵܐ ܕܡ̣ܢ ܚܵܨܵܪ.
37: ܚܲܨܪܝܼ ܕܡ̣ܢ ܟܲܪܡܠܵܐ. ܠܵܥܵܙܲܪ ܕܡ̣ܢ ܐܘܿܒ̣ܵܝ.
38: ܝܘܼܐܹܝܠ ܐܲܚܘܼܗܝ ܕܝܘܿܢܵܬ̣ܵܢ: ܡܲܟ݂ܚܲܕ݂ ܕܡ̣ܢ ܓܵܕ݂.
39: ܨܵܠܵܩ ܐܲܡܘܿܢܵܝܵܐ: ܡܲܚܙܝܼ ܒܪܵܬ̣ܵܝܵܐ: ܫܵܩܹܠ ܡܵܐܢܲܝ̈ ܙܲܝܢܹܗ ܕܝܘܿܐܵܒ̣ ܒܲܪ ܨܘܿܪܝܼܵܐ.
40: ܥܝܼܪܵܐ ܕܡ̣ܢ ܝܵܬ̣ܝܼܪ: ܥܵܪܵܒ̣ ܕܡ̣ܢ ܝܵܬ̣ܵܪ.
41: ܐܘܿܪܝܼܵܐ ܚܹܬ̣ܝܵܐ.
42: ܥܕ݂ܝܼܢܘܼ ܒܲܪ ܫܵܪܵܐ ܡ̣ܢ ܫܲܒ̣ܛܵܐ ܕܒܹܝܬ̣ ܪܘܼܒܹܝܠ. ܘܗ̤ܘܝܘܼ ܫܲܠܝܼܛ ܗ̄ܘ̣ܵܐ ܥܲܠ ܓܲܒ̣ܪܹ̈ܐ ܬܠܵܬ̣ܝܼܢ.
43: ܚܲܢܵܢ ܒܲܪ ܡܲܠܟܵܐ: ܥܲܙܝܼ ܕܡ̣ܢ ܥܢܵܬ̣ܘܿܬ̣.
44: ܝܘܿܫܵܦܵܛ ܕܡ̣ܢ ܥܸܣܬ̇ܪܘܼܬ̣: ܫܵܡܵܥ ܘܲܥܡܵܐܹܝܠ ܒܢܲܝ̈ ܚܘܿܬ̣ܵܡ ܕܡ̣ܢ ܥܲܪܥܪܘܼܬ̣.
45: ܝܲܕ݂ܥܵܐܹܝܠ ܒܲܪ ܫܲܡܪܝܼ: ܘܝܘܿܚܵܐ ܐܵܚܘܼܗܝ.
46: ܥܡܘܿܙܘܼܬ̣: ܘܲܥܢܵܐܹܝܠ: ܡܘܿܚܵܡ: ܡܘܿܨܝܹܠ: ܪܝܼܒܲܝ: ܘܐܲܫܘܵܐ ܒܪܹܗ: ܐܲܚܡܵܐܹܝܠ: ܘܝܲܬ̣ܡܵܐ: ܡܘܼܐܒ̣ܵܝܹ̈ܐ.
47: ܐܸܠܝܹܠ: ܘܝܲܬ̣ܡܵܐ: ܘܥܘܿܒ̣ܝܼܪ: ܠܲܠܣܵܐܹܝܠ ܘܐܲܫܟ݂ܝܼܪ.
ܩܹܦܵܠܹܐܘܿܢ : ܝܒ .
1: ܗܵܠܹܝܢ ܟܠܗܘܿܢ ܓܲܢ̄ܒܵܪ̈ܵܘܗܝ ܕܕ݂ܵܘܝܼܕ݂ ܩܵܝ̇ܡܝܼܢ ܗ̄ܘ̣ܵܘ ܥܲܡܹܗ ܒܲܩܪܵܒ̣ܵܐ. ܘܗܵܠܹܝܢ ܥܲܠܘ ܥܲܡ ܕܵܘܝܼܕ݂ ܠܨܸܢܩܵܠܵܓ̣ ܩܪܝܼܬ̣ܵܐ: ܟܲܕ݂ ܥܵܪܹܩ ܗ̄ܘ̣ܵܐ ܡ̣ܢ ܩܕ݂ܵܡ ܫܵܐܘܿܠ ܒܲܪ ܩܝܼܫ. ܘܗܸܢܘܿܢ ܒܓܲܢ̄ܒܵܪܘܼܬ̣ܵܐ ܩܵܝ̇ܡܝܼܢ ܗ̄ܘ̣ܵܘ ܟܠܗܘܿܢ ܩܕ݂ܵܡܵܘܗܝ ܕܕ݂ܵܘܝܼܕ݂. ܘܐܸܠܘܼ ܨܒ̣ܵܐ: ܩܵܛ̇ܠܝܼܢ ܗ̄ܘ̣ܵܘ ܠܫܵܐܘܿܠ ܒܲܪ ܩܝܼܫ. ܡܸܛܠ ܕܓܲܢ̄ܒܵܪ̈ܝܼܢ ܗ̄ܘ̣ܵܘ: ܘܓܲܒ̣ܪܹ̈ܐ ܗ̄ܘ̣ܵܘ ܥܵܒ̣̈ܕܲܝ ܩܪܵܒ̣ܵܐ. ܘܠܵܐ ܨܒ̣ܵܐ ܕܵܘܝܼܕ݂ ܠܡܸܫܒܲܩ ܐܸܢܘܿܢ ܠܡܸܩܛܠܹܗ ܠܫܵܐܘܿܠ.
2: ܡܸܛܠ ܕܐܲܚܝܼܕ݂ܝܼܢ ܗ̄ܘ̣ܵܘ ܩܸܫ̈ܬܵܬ̣ܵܐ ܒܣܸܡܵܠܲܝ̈ܗܘܿܢ: ܘܣܲܝܦܹ̈ܐ ܒܝܲܡܝܼܢܲܝ̈ܗܘܿܢ. ܘܩܸܫ̈ܬܵܬ̣ܗܘܿܢ ܡܲܠ̈ܝܵܢ ܗ̄ܘܲܝ̈ ܒܓܹܐܪܹ̈ܐ. ܘܠܵܐ ܨܒ̣ܵܐ ܕܵܘܝܼܕ݂ ܠܡܸܩܛܠܹܗ ܠܫܵܐܘܿܠ ܕܗ̤ܘ ܗܘ̤ܵܐ ܪܹܫܵܐ: ܪܸܫ ܫܲܒ̣ܛܵܐ ܕܒܹܝܬ̣ ܒܸܢܝܵܡܹܝܢ.
3: ܘܗܵܠܹܝܢ ܫܡܵܗܹ̈ܐ ܕܓܲܒ̣ܪ̈ܵܘܗܝ ܕܕ݂ܵܘܝܼܕ݂ ܕܲܗܘ̤ܵܘ ܥܲܡܹܗ: ܐܲܚܝܼܥܵܙܲܪ: ܘܝܘܿܐܵܫ ܒܪܹܗ: ܘܝܘܿܐܹܝܠ: ܕܡ̣ܢ ܡܲܟ݂ܣܵܐ: ܫܡܲܥܝܵܐ ܕܡ̣ܢ ܓܸܒ̣ܥܲܬ̣: ܦܠܸܛ ܘܲܒ̣ܪܲܟ݂ܝܵܐ ܒܢܲܝ̈ ܥܲܪܒ̣ܘܼܬ̣: ܝܵܗܘܿ ܕܡ̣ܢ ܥܢܵܬ̣ܘܿܬ̣.
4: ܫܡܲܥܝܵܐ ܕܡ̣ܢ ܓܸܒ̣ܥܘܿܢ ܗ̤ܘ ܗܘ̤ܵܐ ܫܲܠܝܼܛ ܥܲܠ ܬܠܵܬ̣ܝܼܢ: ܘܥܵܒܹܕ݂ ܩܪܵܒ̣ܵܐ ܐܲܝܟ݂ ܟܠܗܘܿܢ ܐܹܪܲܡܝܵܐ: ܢܲܚܙܵܐܹܝܠ: ܙܵܒ̣ܘܿܪ: ܥܵܙܵܪ.
5: ܓܲܕ̇ܝܼ: ܝܲܪܡܘܿܬ̣: ܒܥܲܠܝܵܐ: ܥܲܙܪܝܼ: ܫܡܲܪܝܵܐ: ܫܦܲܛܝܵܐ ܚܵܒ̣ܵܪ.
6: ܐܸܠܩܲܢܵܐ: ܝܲܫܘܵܐ: ܥܲܙܪܵܐܹܝܠ: ܫܲܒ̣ܢܵܐ: ܐܵܣܵܦ.
7: ܝܘܿܐܵܚ: ܙܟܲܪܝܵܐ: ܒܢܵܘ̈ܗܝ ܕܝܲܪܚܘܿܡ ܕܡ̣ܢ ܓܵܕ݂ܵܪ.
8: ܘܡ̣ܢ ܫܲܒ̣ܛܵܐ ܕܒܹܝܬ̣ ܓܵܕ݂: ܐܸܬ̣ܓ̇ܒ̣ܝܼܘ ܠܕ݂ܵܘܝܼܕ݂: ܠܡܸܦܲܩ ܥܲܡܹܗ ܠܡܲܨܪܘܼܬ̣ ܕܲܒ̣ܡܲܕ݂ܒ̇ܪܵܐ: ܓܲܒ̣ܪܹ̈ܐ ܓܲܢ̄ܒܵܪ̈ܲܝ ܚܲܝܠܵܐ: ܘܥܲܫܝܼ̈ܢܲܝ ܒܩܵܘ̈ܡܵܬ̣ܵܐ: ܘܓܲܒ̣ܪܹ̈ܐ ܡܵܪ̈ܲܝ ܚܲܝܠܵܐ ܠܩܹܐܪܣܵܐ: ܐܲܚܝܼ̈ܕܲܝ ܣܲܝ̈ܦܹܐ ܘܣܲܟ̇ܪܹ̈ܐ. ܓܵܘܢܵܐ ܕܐܲܪ̈ܝܵܘܵܬ̣ܵܐ ܓܵܘܢܗܘܿܢ ܘܡܵܐ ܕܡܸܬ̣ܟܲܬ̇ܫܝܼܢ ܥܲܠ ܛܘܼܪܵܐ: ܥܵܩܪܝܼܢ ܠܹܗ.
9: ܥܲܙܪܵܐ ܪܹܫܵܐ ܕܓܲܢ̄ܒܵܪܹ̈ܐ: ܥܘܿܒ̣ܵܕ݂ܝܵܐ ܬܸܢܝܵܢܵܐ: ܐܹܠܝܵܒ̣ ܬܠܝܼܬ̣ܵܝܵܐ.
10: ܐܵܫܘܿܪ ܪܒ̣ܝܼܥܵܝܵܐ: ܐܹܪܲܡܝܵܐ ܚܡܝܼܫܵܝܵܐ.
11: ܥܵܬܲܪ ܫܬ̇ܝܼܬ̣ܵܝܵܐ: ܐܹܠܝܹܠ ܫܒ̣ܝܼܥܵܝܵܐ.
12: ܝܘܿܚܲܢܵܢ ܬܡܝܼܢܵܝܵܐ: ܐܹܠܝܼܙܵܒܲܪ ܬܫܝܼܥܵܝܵܐ.
13: ܐܹܪܲܡܝܵܐ ܥܣܝܼܪܵܝܵܐ: ܫܦܲܛܝܵܐ ܕܲܚܕܲܥܣܲܪ.
14: ܗܵܠܹܝܢ ܡ̣ܢ ܒܢܵܘ̈ܗܝ ܕܓܵܕ݂ ܪܹ̈ܫܲܝ ܚܲܝܠܵܐ ܕܫܲܠܝܼܛܝܼܢ ܗ̄ܘ̣ܵܘ: ܚܲܕ݂ ܥܲܠ ܡܵܐܐ. ܘܐܲܚܪ̈ܢܹܐ ܫܲܠܝܼܛܝܼܢ ܗ̄ܘ̣ܵܘ ܥܲܠ ܐܵܠܹܦ.
15: ܗܵܠܹܝܢ ܐܸܢܘܿܢ ܕܥܲܒ̣ܪܘܼܗܝ ܠܝܘܿܪܕܢܵܢ: ܒܝܼܪܲܚ ܢܝܼܣܵܢ: ܟܲܕ݂ ܡܠܹܐ ܥܕܲܡܵܐ ܠܣܸܦܬܹܗ. ܘܐܲܥܪܸܩܘ ܗ̄ܘ̣ܵܘ ܠܟ݂ܠܹܗ ܚܲܝܠܵܐ ܕܲܫܪܸܐ ܗ̄ܘ̣ܵܐ ܒܲܦܩܲܥܬ̣ܵܐ: ܠܡܲܕ݂ܢ̱ܚܵܐ ܘܲܠܡܲܥ̱ܪܒ̣ܵܐ. ܘܗܵܠܹܝܢ ܡܸܢܝܵܢܹ̈ܐ ܕܪܹ̈ܫܲܝ ܚܲܝܠܵܐ: ܕܐܸܬ̣ܵܘ ܘܐܸܬ̣ܟܲܢܲܫܘ ܠܘܵܬ̣ ܕܵܘܝܼܕ݂ ܠܚܸܒ̣ܪܘܿܢ: ܠܡܸܬܲܠ ܠܹܗ ܡܲܠܟ̇ܘܿܬ̣ܵܐ ܕܫܵܐܘܿܠ: ܕܬܸܫܠܲܡ ܡܸܠܬܹܗ ܕܲܫܡܘܼܐܹܝܠ ܢܒ̣ܝܼܵܐ: ܕܡܲܠܸܠ ܡ̣ܢ ܦܘܼܡܹܗ ܕܡܵܪܝܵܐ.
16: ܘܐܸܬ̣ܵܘ ܡ̣ܢ ܒܢܲܝ̈ ܒܸܢܝܵܡܹܝܢ: ܘܡ̣ܢ ܒܢܲܝ̈ ܝܼܗܘܼܕ݂ܵܐ: ܥܕܲܡܵܐ ܕܲܡܛܵܘ ܠܡܲܫܪܝܼܬ̣ܵܐ ܠܘܵܬ̣ ܕܵܘܝܼܕ݂.
17: ܘܲܢܦܲܩ ܕܵܘܝܼܕ݂ ܠܐܘܼܪܥ̱ܗܘܿܢ: ܘܒܲܪܸܟ݂ ܐܸܢܘܿܢ ܘܐܸܡܲܪ ܠܗܘܿܢ: ܐܸܢ ܗܘ ܕܠܲܫܠܵܡܵܐ ܐܸܬܲܝܬ̇ܘܿܢ ܘܠܲܡܥܲܕܵܪܘܼܬܲܢ: ܡܵܪܝܵܐ ܢܸܬܸ̇ܠ ܠܟ݂ܘܿܢ ܚܲܕ݂ ܬܪܹܝܢ ܥܲܠ ܡܸܕܸ̇ܡ ܕܐܝܼܬ̣ ܒܠܸܒ̇ܟ݂ܘܿܢ. ܘܐܸܢܗ̤ܘ ܕܲܠܡܸܟ̇ܠܲܢܝ ܐܸܬܲܝܬ̇ܘܿܢ ܠܡܲܫܠܵܡܘܼܬܲܢܝ ܠܣܵܢܐܲܝ̈ ܡܸܛܠ ܕܡܸܕܸ̇ܡ ܠܵܐ ܚܛܹ̇ܝܬ̣ ܠܟ݂ܘܿܢ: ܘܐܵܦ ܠܲܝܬ̇ ܡܸܕܸ̇ܡ ܕܲܣܢܸܐ ܒܐܝܼܕܲܝ̈. ܝܵܕܲܥ ܗ̄ܘ̣ ܓܹܝܪ ܐܲܠܵܗܵܐ ܕܐܲܒ̣ܵܗܵܬ̣̈ܝ: ܘܗ̤ܘ ܢܲܟܸ̇ܣ ܒܲܝܢܵܬܲܢ: ܡ̇ܢ ܕܡܲܣܟܸ̇ܠ ܒܚܲܒ̣ܪܹܗ.
18: ܘܪܘܼܚܵܐ ܕܓܲܢ̄ܒܵܪܘܼܬ̣ܵܐ ܠܸܒ̣ܫܲܬ̤ ܠܥܲܡܣܵܐ ܒܲܪ ܝܵܬ̣ܵܪ ܪܹܫܵܐ ܕܲܬ̣ܠܵܬ̣ܝܼܢ. ܘܲܥܢ̣ܵܐ ܘܐܸܡܲܪ ܠܕ݂ܵܘܝܼܕ݂: ܬܵܐ ܠܵܟ݂ ܕܵܘܝܼܕ݂: ܬܵܐ ܠܵܟ݂ ܒܲܪ ܐܝܼܫܲܝ: ܘܐܵܦ ܐܸܢܵܐ ܥܲܡܵܟ݂ ܫܠܵܡ ܠܵܟ݂ ܠܵܐ ܬܸܕ݂ܚܲܠ. ܘܲܫܠܵܡܵܐ ܐܸܬ̣̱ܝܼܗܸܒ̣ ܠܵܟ݂ ܡ̣ܢ ܩܕ݂ܵܡ ܡܥܲܕ̇ܪܵܢܵܟ݂. ܡܸܛܠ ܕܥܵܕ݂ܘܿܪܵܟ݂ ܓܹܝܪ ܒܟ݂ܠ ܫܵܥܵܐ ܐܲܠܵܗܵܟ݂ ܗ̄ܘ̣. ܘܩܲܒܸ̇ܠ ܐܸܢܘܿܢ ܕܵܘܝܼܕ݂: ܘܐܲܩܝܼܡ ܐܸܢܘܿܢ ܕܵܘܝܼܕ݂ ܒܪܹܫܵܐ ܕܚܲܝܠܵܐ.
19: ܘܡ̣ܢ ܫܲܒ̣ܛܵܐ ܕܲܒ̣ܢܲܝ̈ ܡܢܲܫܹܐ ܐܸܙܲܠ̣ܘ ܥܲܡ ܕܵܘܝܼܕ݂: ܟܲܕ݂ ܐܸܙܲܠ ܗ̄ܘ̣ܵܐ ܠܡܸܥܒܲܕ݂ ܩܪܵܒ̣ܵܐ ܥܲܡ ܦܠܸܫܬܵܝܹ̈ܐ. ܘܥܲܡ ܫܵܐܘܿܠ ܠܵܐ ܨܒ̣ܵܘ ܗ̄ܘ̣ܵܘ ܠܡܹܐܙܲܠ ܠܲܩܪܵܒ̣ܵܐ: ܠܲܡܥܲܕܵܪܘܼܬܹܗ ܠܫܵܐܘܿܠ: ܡܸܛܠ ܕܣܵܢܹ̇ܝܢ ܗ̄ܘ̣ܵܘ ܠܹܗ. ܡܸܛܠ ܕܐ̄ܪܵܙܵܐ ܐܸܙܲܠܘ ܩܛܲܪܘ ܥܲܡ ܪܵܘ̱ܪ̈ܒ̣ܵܢܹܐ ܕܲܦܠܸܫܬܵܝܹ̈ܐ: ܘܐܵܡ̇ܪܝܼܢ ܠܗܘܿܢ: ܚܢܲܢ ܢܹܐܙܲܠ ܩܲܕ݂ܡܵܝܑܬ̣: ܘܢܸܦܸܠ ܥܲܠ ܫܵܐܘܿܠ ܡܵܪܲܢ: ܟܲܕ݂ ܐܵܙܹ̇ܠ ܠܨܸܢܩܠܵܓ̣ ܘܢܸܫܪܹܐ ܥܠܵܘܗܝ ܘܢܹܐܚܕ̇ܝܼܘܗܝ ܟܲܕ݂ ܚܲܝ.
20: ܘܗܵܠܹܝܢ ܫܡܵܗܲܝ̈ܗܘܿܢ: ܥܲܕܵܐ: ܙܵܒ̣ܘܼܪ: ܝܲܕ݂ܥܹܠ: ܡܲܢܟܹ̇ܝܠ: ܐܹܠܝܼܗܘܿ: ܘܝܘܼܙܵܒ̣ܵܪ: ܪܹ̈ܫܹܐ ܕܐܲܠܦܹ̈ܐ ܕܒܹܝܬ̣ ܡܢܲܫܹܐ.
21: ܘܗܸܢܘܿܢ ܐܸܙܲܠ̣ܘ ܗ̄ܘ̣ܵܘ ܘܥܲܕܲܪܘ ܠܕ݂ܵܘܝܼܕ݂: ܟܲܕ݂ ܐܵܙܹ̇ܠ ܗ̄ܘ̣ܵܐ ܥܲܠ ܓܲܝܣܵܐ. ܡܸܛܠ ܕܟ݂ܠܗܘܿܢ ܓܲܢ̄ܒܵܪ̈ܝܼܢ ܗ̄ܘ̣ܵܘ ܒܚܲܝܠܗܘܿܢ ܛܵܒ̣. ܘܲܗܘ̤ܵܘ ܫܲܠܝܼܛܝܼܢ ܥܲܠ ܟܠܹܗ ܚܲܝܠܵܐ. ܘܐܲܝܟܲܢܵܐ ܕܨܵܒܹ̇ܝܢ ܗ̄ܘ̣ܵܘ: ܥܵܒ̣ܕ̇ܝܼܢ ܒܹܗ.
22: ܘܟ݂ܠܝܘܿܡ ܒܝܘܿܡ ܥܵܐܠܝܼܢ ܗ̄ܘ̣ܵܘ ܩܕ݂ܵܡ ܕܵܘܝܼܕ݂: ܠܡܹܐܟܲܠ ܩܕ݂ܵܡܵܘܗܝ ܠܲܚܡܵܐ: ܡܸܛܠ ܕܪܵܚܹ̇ܡ ܗ̄ܘ̣ܵܐ ܠܗܘܿܢ ܛܵܒ̣.
24: ܘܲܒ̣ܢܵܘ̈ܗܝ ܕܲܝܗܘܼܕ݂ܵܐ ܫܵܩܠܲܝ̈ ܣܲܝܦܹ̈ܐ: ܘܐܲܚܝܼ̈ܕܲܝ ܪ̈ܘܼܡܚܹܐ: ܫܬܵܐ ܐܲܠܦ̈ܝܼܢ ܘܲܬ̣ܡܵܢܹܡܵܐܐ ܓܲܢ̄ܒܵܪ̈ܲܝ ܚܲܝܠܵܐ.
25: ܘܡ̣ܢ ܒܢܲܝ̈ ܫܸܡܥܘܿܢ: ܓܲܢ̄ܒܵܪ̈ܲܝ ܚܲܝܠܵܐ ܠܲܩܪܵܒ̣ܵܐ: ܬܡܵܢܝܵܐ ܐܲܠܦ̈ܝܼܢ ܘܲܫܒܲܥܡܵܐܐ.
26: ܘܡ̣ܢ ܒܢܲܝ̈ ܠܹܘܝܼ ܐܲܪܒ̇ܥܵܐ ܐܲܠܦ̈ܝܼܢ ܘܫܸܬ̣ܡܵܐܐ.
27: ܝܵܗܘܿܝܵܕ݂ܵܥ ܪܲܒܵܐ ܗ̄ܘ̣ܵܐ ܕܫܲܪܒ̇ܬܹܗ ܕܐܲܗܪܘܿܢ: ܘܲܕ݂ܥܲܡܹܗ ܬܠܵܬ̣ܵܐ ܐܲܠܦ̈ܝܼܢ ܘܲܫܒܲܥܡܵܐܐ.
28: ܘܨܵܕ݂ܘܿܩ ܥܠܲܝܡܵܐ ܓܲܢ̄ܒܵܪ ܚܲܝܠܵܐ: ܘܒܹܝܬ̣ ܐܲܒ̣ܘܼܗܝ ܘܐܲܚܵܘ̈ܗܝ ܪܵܘ̱ܪ̈ܒ̣ܵܢܹܐ ܥܸܣܪܝܼܢ ܘܲܬ̣ܪܹܝܢ.
29: ܘܡ̣ܢ ܒܢܵܘ̈ܗܝ ܕܒܸܢܝܵܡܹܝܢ ܐܲܚܵܘ̈ܗܝ ܕܫܵܐܘܿܠ: ܐܲܠܦܹ̈ܐ ܬܠܵܬ̣ܵܐ. ܘܲܥܕܲܡܵܐ ܠܝܵܘܡܵܐ ܕܐܸܬ̣ܩܛܸܠ ܫܵܐܘܿܠ: ܗܸܢܘܿܢ ܗ̄ܘ̣ܵܘ ܢܵܛܪ̈ܲܝ ܡܲܛܲܪܬܵܐ ܕܒܲܝܬܹ̇ܗ ܕܫܵܐܘܿܠ.
30: ܘܡ̣ܢ ܒܢܲܝ̈ ܐܲܦܪܹܝܡ: ܥܸܣܪܝܼܢ ܐܲܠܦ̈ܝܼܢ ܘܲܬ̣ܡܵܢܹܡܵܐܐ: ܓܲܒ̣ܪܹ̈ܐ ܓܲܢ̄ܒܵܪ̈ܲܝ ܚܲܝܠܵܐ: ܓܲܒ̣ܪܹ̈ܐ ܕܲܫܡܵـ̈ـܗܵܬ̣ܵܐ ܠܫܲܪ̈ܒ̣ܵܬ̣ܗܘܿܢ ܠܒܹܝܬ̣ ܐܲܒ̣ܵܗܲܝ̈ܗܘܿܢ.
31: ܘܡ̣ܢ ܦܵܠܓܘܼܬ̣ ܫܲܒ̣ܛܵܐ ܕܲܡܢܲܫܹܐ: ܬܡܵܢܸܥܣܲܪ ܐܲܠܦ̈ܝܼܢ ܐ̄ܢܵܫܵܐ. ܕܗܸܢܘܿܢ ܐܸܬ̣ܩܪܝܼܘ ܒܲܫܡܵܗܵܬ̣ܵܐ: ܘܗܸܢܘܿܢ ܐܸܬ̣ܵܘ ܠܲܡܩܵܡܘܼ ܠܘܼܩܕܲܡ ܠܕ݂ܵܘܝܼܕ݂ ܒܡܲܠܟ̇ܘܼܬ̣ܵܐ.
32: ܘܡ̣ܢ ܒܢܲܝ̈ ܐܝܼܣܵܟ݂ܵܪ: ܝܵܕ݂ܥܲܝ̈ ܚܸܟ݂ܡ̱ܬ̣ܵܐ ܒܙܲܒ̣ܢ̱ܗܘܿܢ: ܘܥܵܒ̣ܕܹ̈ܐ ܫܲܦܝܼܪܹ̈ܐ ܘܲܬ̣ܪ̈ܝܼܨܹܐ ܩܕ݂ܵܡ ܡܵܪܝܵܐ. ܪܹ̈ܫܲܝܗܘܿܢ ܡܲܐܬܹ̇ܝܢ: ܘܟ݂ܠܗܘܿܢ ܐܲܚܲܝ̈ܗܘܿܢ ܡܸܕܸ̇ܡ ܕܐܵܡ̇ܪܝܼܢ ܗ̄ܘ̣ܵܘ ܠܗܘܿܢ: ܗܵܘ̇ ܗ̄ܘ̇ ܥܵܒ̣ܕ̇ܝܼܢ ܗ̄ܘ̣ܵܘ.
33: ܘܡ̣ܢ ܫܲܒ̣ܛܵܐ ܕܒܹܝܬ̣ ܙܒ̣ܘܿܠܘܿܢ: ܢܦܲܩܘ ܓܲܒ̣ܪܹ̈ܐ ܓܲܢ̄ܒܵܪ̈ܲܝ ܚܲܝܠܵܐ: ܥܵܒ̣̈ܕܲܝ ܩܪܵܒ̣ܵܐ ܒܟ݂ܠܹܗ ܠܸܒ̇ܗܘܿܢ: ܘܲܒ̣ܡܵܐ̈ܢܲܝ ܙܲܝܢܗܘܿܢ: ܚܲܡܫܝܼܢ ܐܲܠܦ̈ܝܼܢ: ܠܡܸܥܒܲܕ݂ ܩܪܵܒ̣ܵܐ ܥܲܡ ܐܲܝܠܹܝܢ ܕܲܦܠܝܼܓ̣ܝܼܢ ܗ̄ܘ̣ܵܘ ܥܲܠ ܡܲܠܟ̇ܘܿܬܹܗ ܕܕ݂ܵܘܝܼܕ݂.
34: ܘܡ̣ܢ ܒܢܲܝ̈ ܢܲܦ̮ܬܵܠܝܼ: ܪܵܘ̱ܪ̈ܒ̣ܵܢܹܐ ܐܵܠܹܦ. ܘܐܝܼܬ̣ ܗ̄ܘ̣ܵܘ ܥܲܡܗܘܿܢ ܓܲܒ̣ܪܹ̈ܐ ܐܲܚܝܼܕܲܝ ܣܲܟ̇ܪܹ̈ܐ ܘܪ̈ܘܼܡܚܹܐ: ܬܠܵܬ̣ܝܼܢ ܘܫܲܒ̣ܥܵܐ ܐܲܠܦ̈ܝܼܢ.
35: ܘܡ̣ܢ ܕܒܹܝܬ̣ ܕܵܢ: ܢܦܲܩܘ ܓܲܒ̣ܪܹ̈ܐ ܥܵܒ̣ܕܲܝ ܩܪܵܒ̣ܵܐ: ܥܸܣܪܝܼܢ ܘܲܬ̣ܡܵܢܝܵܐ ܐܲܠܦ̈ܝܼܢ ܘܫܸܬ̣ܡܵܐܐ.
36: ܘܡ̣ܢ ܕܒܹܝܬ̣ ܐܵܫܹܝܪ: ܢܦܲܩܘ ܓܲܒ̣ܪܹ̈ܐ ܓܲܢ̄ܒܵܪ̈ܲܝ ܚܲܝܠܵܐ ܠܡܸܥܒܲܕ݂ ܩܪܵܒ̣ܵܐ: ܐܲܪܒ̇ܥܝܼܢ ܐܲܠܦ̈ܝܼܢ.
37: ܘܡ̣ܢ ܥܸܒ̣ܪܵܐ ܕܝܘܿܪܕܢܵܢ: ܡ̣ܢ ܫܲܒ̣ܛܵܐ ܕܒܹܝܬ̣ ܪܘܼܒܹܝܠ: ܘܡ̣ܢ ܓܵܕ݂: ܘܡ̣ܢ ܦܵܠܓܘܼܬ̣ ܫܲܒ̣ܛܵܐ ܕܲܡܢܲܫܹܐ: ܟܲܕ݂ ܡܙܲܝܢܝܼܢ ܒܡܵܐܢܲܝ̈ ܩܪܵܒ̣ܗܘܿܢ: ܡܵܐܐ ܘܥܸܣܪܝܼܢ ܐܲܠܦ̈ܝܼܢ.
38: ܟܠܗܘܿܢ ܗܵܠܹܝܢ ܢܚܸܬ̣ܘ ܠܲܩܪܵܒ̣ܵܐ ܓܲܒ̣ܪܹ̈ܐ ܓܲܢ̄ܒܵܪ̈ܲܝ ܚܲܝܠܵܐ: ܒܠܸܒܵܐ ܫܲܪܝܼܪܵܐ. ܘܐܸܬ̣ܵܘ ܠܚܸܒ̣ܪܘܿܢ ܠܲܡܩܵܡܘܼ ܠܕ݂ܵܘܝܼܕ݂ ܒܡܲܠܟ̇ܘܼܬ̣ܵܐ: ܥܲܠ ܟܠܹܗ ܝܼܣܪܵܝܹܠ. ܘܐܵܦ ܟܠܗܘܿܢ ܪܵܘ̱ܪ̈ܒ̣ܵܢܹܐ ܕܝܼܣܪܵܝܹܠ: ܐܸܬ̣ܵܘ ܒܠܸܒܵܐ ܫܲܪܝܼܪܵܐ ܠܲܡܩܵܡܘܼ ܠܕ݂ܵܘܝܼܕ݂ ܡܲܠܟܵܐ ܥܲܠ ܝܼܣܪܵܝܹܠ.
39: ܘܲܗܘ̤ܵܘ ܬܲܡܵܢ ܠܘܵܬ̣ ܕܵܘܝܼܕ݂: ܝܵܘ̈ܡܵܬ̣ܵܐ ܬܠܵܬ̣ܵܐ: ܐܵܟ݂ܠܝܼܢ ܗ̄ܘ̣ܵܘ ܘܫܵܬܹܝܢ ܡܸܛܠ ܕܝܲܗ̄ܒ̣ܘ ܗ̄ܘ̣ܵܘ ܠܗܘܿܢ ܐܲܚܲܝ̈ܗܘܿܢ ܣܲܝܒܵܪܬ̇ܗܘܿܢ.
40: ܘܗܵܠܹܝܢ ܫܡܵܗܹ̈ܐ ܕܫܲܒ̣ܛܹ̈ܐ: ܕܡܲܝܬܹ̇ܝܢ ܗ̄ܘ̣ܵܘ ܠܗܘܿܢ: ܕܩܲܪܝܼܒ̣ܝܼܢ ܠܗܘܿܢ: ܫܲܒ̣ܛܵܐ ܕܒܹܝܬ̣ ܐܝܼܣܵܟ݂ܵܪ ܘܕܲܙܒ̣ܘܿܠܘܿܢ: ܘܲܕܒܹܝܬ̣ ܢܲܦ̮ܬܵܠܝܼ: ܡܵܝܬܹ̇ܝܢ ܗ̄ܘ̣ܵܘ ܠܲܚܡܵܐ ܒܚܸܡܪ̈ܵܐ: ܘܒ̣ܓܲܡ̈ܠܹܐ: ܘܲܒ̣ܟ݂ܘܿܕܲܢ̈ܘܵܬ̣ܵܐ: ܘܩܲܡܚܵܐ: ܘܕܸܒ̣̈ܠܹܐ: ܘܩܲܪ̈ܬ̇ܠܵܘܵܬ̣ܵܐ ܕܥܸܢܒܹ̈ܐ: ܘܚܲܡܪܵܐ: ܘܡܸܫܚܵܐ: ܘܥܵـ̈ـܢܵܐ: ܘܬ̣ܵܘܪܹ̈ܐ: ܣܘܿܓ̣ܵܐܐ ܕܛܵܒ̣. ܡܸܛܠ ܕܚܲܕ݂ܘܼܬ̣ܵܐ ܪܲܒ̇ܬ̣ܵܐ ܗܘ̤ܵܬ̣ ܠܝܼܣܪܵܝܹܠ.
ܩܹܦܵܠܹܐܘܿܢ : ܝܓ .
1: ܘܐܸܬ̣ܡܲܠܲܟ݂ ܕܵܘܝܼܕ݂ ܥܲܡ ܪܵܘ̱ܪ̈ܒ̣ܵܢܹܐ ܕܐܲܠܦܹ̈ܐ ܘܡܲܐ̈ܘܵܬ̣ܵܐ: ܘܟ݂ܠܗܘܿܢ ܪܵܘ̱ܪ̈ܒ̣ܵܢܹܐ ܘܫܲܠܝܼܛܵܢܹ̈ܐ ܕܝܼܣܪܵܝܹܠ.
2: ܘܐܸܡܲܪ ܕܵܘܝܼܕ݂ ܠܟ݂ܠܗܘܿܢ ܟܢܘܼ̈ܫܵܬ̣ܵܐ ܕܝܼܣܪܵܝܹܠ: ܐܸܢܗ̤ܘ ܕܫܲܦܝܼܪ ܒܥܲܝܢܲܝ̈ܟ̇ܘܿܢ: ܢܸܒ̣ܥܹܐ ܡ̣ܢ ܡܵܪܝܵܐ ܐܲܠܵܗܲܢ. ܘܲܢܣܝܼܓ̣ ܠܲܢ ܬܘܼܪ̈ܥܵܬ̣ܵܐ ܕܐܲܚܲܝ̈ܢ ܕܩܵܝ̇ܡܝܼܢ ܒܟ݂ܠܗܹܝܢ ܩܘܼܪ̈ܝܵܐ ܕܝܼܣܪܵܝܹܠ. ܘܢܵܘܬܸ̇ܒ̣ ܥܲܡܗܘܿܢ ܟܵܗ̈ܢܹܐ ܘܠܹܘܵܝܹ̈ܐ: ܒܩܘܼܪ̈ܝܼܗܘܿܢ ܘܲܒ̣ܟܲܦܪ̈ܘܿܢܲܝܗܘܿܢ.
3: ܘܢܸܬ̣ܟܲܢܫܘܿܢ ܘܢܹܐܬ̣ܘܿܢ ܠܘܵܬܲܢ. ܘܲܢܨܲܠܘܿܢ ܩܕ݂ܵܡ ܡܵܪܝܵܐ: ܐܲܠܵܗܲܢ: ܘܢܸܒ̣ܥܹܐ ܡܸܢܹܗ ܥܲܠ ܚܛܵܗܲܝ̈ܢ: ܡܸܛܠ ܕܠܵܐ ܨܲܠܝܼܢ ܗ̄ܘܲܝܢ ܩܕ݂ܵܡܵܘܗܝ ܒܝܵܘ̈ܡܵܬ̣ܵܐ ܕܫܵܐܘܿܠ.
4: ܘܐܵܡ̇ܪ̈ܵܢ ܟܠܗܹܝܢ ܟܢ̈ܘܼܫܵܬ̣ܵܐ ܠܡܸܥܒܲܕ݂ ܗܵܟܲܢܵܐ.
5: ܘܟܲܢܸܫ ܕܵܘܝܼܕ݂ ܠܟ݂ܠܹܗ ܝܼܣܪܵܝܹܠ: ܡ̣ܢ ܢܲܗܪܵܐ ܕܡܸܨܪܝܼܢ: ܘܲܥܕܲܡܵܐ ܠܡܲܥܠܵܢܵܐ ܕܐܲܢܛܝܘܿܟ݂ܝ: ܠܡܲܝܬܵܝܘܼ ܩܹܒ̣ܘܿܬܹܗ ܕܡܵܪܝܵܐ: ܡ̣ܢ ܩܘܼܪܝܲܬ̣ ܢܲܥܪܝܼܢ.
6: ܘܲܣܠܸܩ ܕܵܘܝܼܕ݂ ܘܟ݂ܠܹܗ ܝܼܣܪܵܝܹܠ ܠܩܘܼܪܝܲܬ̣ ܢܲܥܪܝܼܢ: ܕܐܝܼܬ̣ ܒܲܬ̣ܚܘܼܡ ܐܲܪܲܥ ܫܲܒ̣ܛܵܐ ܕܲܝܗܘܼܕ݂ܵܐ: ܠܡܲܣܵܩܘܼ ܡ̣ܢ ܬܲܡܵܢ ܠܩܹܒ̣ܘܿܬܹܗ ܕܡܵܪܝܵܐ ܐܲܠܵܗܵܐ ܕܝܵܬܹ̇ܒ̣ ܥܲܠ ܟܪ̈ܘܿܒܹܐ ܥܸܠܵܝܹ̈ܐ: ܕܐܸܬ̣ܩܪܝܼ ܫܡܹܗ ܥܠܲܝܗܘܿܢ.
7: ܘܣܵܡܘ ܩܹܒ̣ܘܿܬܹܗ ܕܡܵܪܝܵܐ ܒܥܵܓܸܠܬ̣ܵܐ ܚܕܲܬܵܐ. ܘܫܲܩܠܘܼܗ̇ ܘܲܢܦܲܩܘ ܡ̣ܢ ܒܹܝܬ̣ ܐܲܒ̣ܝܢܵܕ݂ܵܒ̣. ܘܥܵܙܵܐ ܘܐܲܚܵܘ̈ܗܝ: ܕܵܒ̣ܪܝܼܢ ܗ̄ܘ̣ܵܘ ܠܥܵܓܸܠܬ̣ܵܐ.
8: ܘܕ݂ܵܘܝܼܕ݂ ܘܟ݂ܠܹܗ ܝܼܣܪܵܝܹܠ: ܡܫܲܒ̇ܚܝܼܢ ܗ̄ܘ̣ܵܘ ܩܕ݂ܵܡ ܡܵܪܝܵܐ: ܒܥܲܫܝܢܘܼܬ̣ܵܐ: ܘܲܒ̣ܬܸܫܒ̇ـ̈ـܚܵܬ̣ܵܐ: ܘܲܒ̣ܟܸܢܵܪܹ̈ܐ: ܘܲܒ̣ܢܲܒ̣̈ܠܹܐ: ܘܨܸܨ̈ܠܹܐ: ܘܒܲܪ̈ܒ̣ܝܼܥܹܐ.
9: ܘܐܸܬ̣ܵܘ ܠܐܸܕ̇ܪܵܐ ܕܲܪܡܝܼܢ. ܘܐܵܘܫܸܛ ܥܵܙܵܐ ܐܝܼܕܹܗ: ܠܡܸܣ̱ܡܟ݂ܵܗ̇ ܠܩܹܒ̣ܘܿܬ̣ܵܐ. ܡܸܛܠ ܕܲܪܗܸܛ̣ܘ ܗ̄ܘ̣ܵܘ ܠܗܘܿܢ ܬܵܘܪܹ̈ܐ ܠܐܸܕ̇ܪܵܐ.
10: ܘܐܸܬ̣ܚܲܡܲܬ̣ ܡܵܪܝܵܐ ܥܲܠ ܥܵܙܵܐ: ܘܲܡܚܵܝܗܝ ܗ̄ܘ̣ܵܐ ܬܲܡܵܢ: ܥܲܠ ܕܐܵܘܫܸܛ ܗ̄ܘ̣ܵܐ ܐܝܼܕܹܗ ܥܲܠ ܩܹܒ̣ܘܿܬ̣ܵܐ. ܘܡܝܼܬ̣ ܬܲܡܵܢ ܩܕ݂ܵܡܹܝܗ̇ ܕܩܹܒ̣ܘܿܬ̣ܵܐ.
11: ܘܟܸܪܝܲܬ̤ ܗ̄ܘ̣ܵܬ̣ ܠܕ݂ܵܘܝܼܕ݂: ܡܸܛܠ ܕܲܬ̣ܪܲܥ ܗ̄ܘ̣ܵܐ ܡܵܪܝܵܐ ܬܘܼܪܥ̱ܬ̣ܵܐ ܒܥܵܙܵܐ. ܘܐܸܬ̣ܩܲܪܝܲܬ̣ ܕܘܼܟ̇ܬ̣ܵܐ ܗܵܝ̇ ܬܘܼܪܥ̱ܬ̣ܵܐ ܕܥܵܙܵܐ ܥܕܲܡܵܐ ܠܝܵܘܡܵܢܵܐ.
12: ܘܲܕ݂ܚܸܠ ܗ̄ܘ̣ܵܐ ܕܵܘܝܼܕ݂ ܡ̣ܢ ܡܵܪܝܵܐ: ܒܝܵܘܡܵܐ ܗܵܘܿ: ܘܐܸܡܲܪ: ܐܲܝܟܲܢܵܐ ܐܲܥܸܠ ܠܘܵܬ̣ܝ ܩܹܒ̣ܘܿܬܹܗ ܕܡܵܪܝܵܐ.
13: ܘܠܵܐ ܨܒ̣ܵܐ ܗ̄ܘ̣ܵܐ ܕܵܘܝܼܕ݂ ܕܬܸܥܘܿܠ ܠܘܵܬܹܗ ܩܹܒ̣ܘܿܬ̣ܵܐ ܠܲܩܪܝܼܬ̣ܵܐ ܕܕ݂ܵܘܝܼܕ݂: ܘܐܸܡܲܪ ܕܵܘܝܼܕ݂ ܕܢܵܘܒ̇ܠܘܼܢܵܗ̇ ܠܒܲܝܬܹ̇ܗ ܕܥܘܼܒ̣ܵܪ ܐܲܕ݂ܘܿܡ ܓܵܬ̣ܵܝܵܐ.
14: ܘܝܸܬ̣ܒܲܬ̤ ܩܹܒ̣ܘܿܬܹܗ ܕܡܵܪܝܵܐ ܒܒܲܝܬܹ̇ܗ ܕܥܘܼܒ̣ܵܪ ܐܲܕ݂ܘܿܡ ܓܵܬ̣ܵܝܵܐ ܬܠܵܬ̣ܵܐ ܝܲܪ̈ܚܝܼܢ. ܘܒܲܪܸܟ݂ ܡܵܪܝܵܐ ܠܒܲܝܬܹ̇ܗ ܕܥܘܼܒ̣ܵܪ ܐܲܕ݂ܘܿܡ ܓܵܬ̣ܵܝܵܐ: ܘܲܠܟ݂ܠ ܡܸܕܸ̇ܡ ܕܐܝܼܬ̣ ܠܹܗ.
ܩܹܦܵܠܹܐܘܿܢ : ܝܕ.
1: ܘܫܲܕܲܪ ܚܝܼܪܵܡ ܡܲܠܟܵܐ ܕܨܘܿܪ ܐܝܼܙ̈ܓܲܕܹ̇ܐ ܠܘܵܬ̣ ܕܵܘܝܼܕ݂. ܘܫܲܕܲܪ ܠܹܗ ܩܲܝܣܹ̈ܐ ܕܐܲܪܙܵܐ: ܘܐܲܪ̈ܕܸ̇ܟ݂ܠܹܐ ܕܒܸܢܝܵܢܵܐ: ܘܢܲܓܵܪܹ̈ܐ ܕܩܲܝܣܹ̈ܐ: ܠܡܸܒ̣ܢܵܐ ܠܹܗ ܒܲܝܬܵܐ.
2: ܗܵܝܕܹ̇ܝܢ ܝܼܕܲܥ ܗ̄ܘ̣ܵܐ ܕܵܘܝܼܕ݂ ܕܲܓ̣ܒ̣ܵܝܗܝ ܡܵܪܝܵܐ ܕܢܸܗܘܹܐ ܡܲܠܟܵܐ ܥܲܠ ܝܼܣܪܵܝܹܠ. ܘܐܸܬ̇ܬ̇ܪܝܼܡܲܬ̣ ܡܲܠܟ̇ܘܼܬܹܗ ܠܥܸܠ: ܕܢܸܗܘܹܐ ܡܲܠܟܵܐ ܥܲܠ ܥܲܡܹܗ ܝܼܣܪܵܝܹܠ.
3: ܘܲܢܣܲܒ̣ ܕܵܘܝܼܕ݂ ܢܸܫܹ̈ܐ ܡ̣ܢ ܐܘܿܪܸܫܠܸܡ: ܡ̣ܢ ܒܵܬܲܪ ܕܐܸܬ̣ܵܐ ܡ̣ܢ ܚܸܒ̣ܪܘܿܢ: ܘܐܸܬ̣̱ܝܼܠܸܕ݂ ܠܹܗ ܒ̈ܢܲܝܵܐ ܘܲܒ̣̈ܢܵܬ̣ܵܐ.
4: ܘܗܵܠܹܝܢ ܫܡܵܗܹ̈ܐ ܕܲܒ̣̈ܢܲܝܵܐ ܕܐܸܬ̣̱ܝܼܠܸܕ݂ܘ ܠܹܗ ܒܐܘܿܪܸܫܠܸܡ: ܫܵܡܘܿܥ: ܘܫܵܟ݂ܘܿܒ̣: ܘܢܵܬ̣ܵܢ: ܘܲܫܠܹܝܡܘܿܢ.
5: ܘܝܲܒ̣ܚܵܪ: ܘܐܹܠܝܼܫܲܥ: ܘܐܹܠܝܼܦܠܲܛ.
6: ܘܢܝܼܚ: ܘܲܢܦܵܓ̣: ܘܲܢܦܝܼܠ.
7: ܘܐܹܠܝܼܫܡܲܥ: ܘܐܹܠܝܼܕܲܥ: ܘܐܹܠܝܼܦܠܲܛ.
8: ܘܲܫܡܲܥܘ ܦܠܸܫܬܵܝܹ̈ܐ ܕܐܸܬ̣ܡ̱ܫܲܚ ܕܵܘܝܼܕ݂ ܕܢܲܡܠܸܟ݂ ܥܲܠ ܟܠܹܗ ܝܼܣܪܵܝܹܠ ܘܲܣܠܸܩܘ ܗ̄ܘ̣ܵܘ ܟܠܗܘܿܢ ܦܠܸܫܬܵܝܹ̈ܐ: ܕܢܸܒ̣ܥܘܿܢ ܠܕ݂ܵܘܝܼܕ݂ ܘܫܡܲܥ ܕܵܘܝܼܕ݂: ܘܲܢܦܲܩ ܠܐܘܼܪ̱ܥܗܘܿܢ.
9: ܘܲܦܠܸܫܬܵܝܹ̈ܐ ܐܸܬ̣ܵܘ: ܘܲܫܪܵܘ ܒܥܘܼܡܩܵܐ ܕܓܲܢ̄ܒܵܪܹ̈ܐ.
10: ܘܲܫܐܸܠ ܕܵܘܝܼܕ݂ ܒܡܵܪܝܵܐ: ܘܐܸܡܲܪ: ܐܸܣܲܩ ܥܲܠ ܦܠܸܫܬܵܝܹ̈ܐ: ܘܬܸܬܸ̇ܠ ܐܸܢܘܿܢ ܒܐܝܼ̈ܕܲܝ. ܘܐܸܡܲܪ ܠܹܗ ܣܲܩ: ܘܐܸܬܸ̇ܠ ܐܸܢܘܿܢ ܒܐܝܼܕܲܝ̈ܟ.
11: ܘܲܣܠܸܩ ܠܲܦܩܲܥܬ̣ܵܐ ܕܬ̣ܘܼܪ̱ܥܬ̣ܵܐ. ܘܲܚܪܲܒ̣ ܐܸܢܘܿܢ ܬܲܡܵܢ ܕܵܘܝܼܕ݂. ܘܐܸܡܲܪ: ܬܪܲܥ̣ ܡܵܪܝܵܐ ܠܲܒ̣ܥܸܠܕ̇ܒ̣ܵܒܲܝ̈ ܩܕ݂ܵܡܲܝ: ܐܲܝܟ݂ ܬܘܼܪ̱ܥܬ̣ܵܐ ܕܡܲـ̈ـܝܵܐ ܡܸܛܠ ܗܵܢܵܐ ܩܪܵܐ ܫܡܵܗ̇ ܕܕ݂ܘܼܟ̇ܬ̣ܵܐ ܗܵܝ̇ ܦܩܲܥܬ̣ܵܐ ܕܬ̣ܘܼܪ̱ܥܬ̣ܵܐ.
12: ܘܲܫܒܲܩܘ ܬܲܡܵܢ ܦܬܲܟ݂ܪ̈ܲܝܗܘܿܢ. ܘܐܸܡܲܪ ܕܵܘܝܼܕ݂ ܠܓܲܢ̄ܒܵܪ̈ܵܘܗܝ: ܐܵܘܩܸܕ݂ܘ ܐܸܢܘܿܢ ܒܢܘܼܪܵܐ: ܘܲܕ݂ܪܵܘ: ܥܲܦ̱ܪܗܘܿܢ: ܒܪܘܼܚܵܐ.
13: ܘܐܵܘܣܸܦܘ ܬܘܼܒ̣ ܦܠܸܫܬܵܝܹ̈ܐ ܠܡܸܣܲܩ: ܘܲܫܪܵܘ ܗ̄ܘ̣ܵܘ ܒܲܦܩܲܥܬ̣ܵܐ ܕܓܲܢ̄ܒܵܪܹ̈ܐ.
14: ܘܲܫܐܸܠ̣ ܬܘܼܒ̣ ܕܵܘܝܼܕ݂ ܒܡܵܪܝܵܐ. ܘܐܸܡܲܪ ܠܹܗ: ܠܵܐ ܬܸܣܲܩ: ܐܸܬ̣ܗܲܦܟ݂ ܠܵܟ݂ ܡܸܢܗܘܿܢ: ܘܙܸܠ ܩܲܒܸ̇ܠ ܐܸܢܘܿܢ ܡ̣ܢ ܩܕ݂ܵܡܲܝܗܘܿܢ.
15: ܘܟܲܕ݂ ܬܸܫܡܲܥ ܩܵܠܵܐ ܕܝܑܼܠܲܠܬܵܐ ܒܪܹܫܹܗ ܕܛܘܼܪܵܐ: ܗܵܝܕܹ̇ܝܢ ܬܸܦܘܿܩ ܠܩܹܐܪܣܵܐ ܡܸܛܠ ܕܗܵܝܕܹ̇ܝܢ ܗ̄ܘ̣ ܢܵܦܹܩ ܡܵܪܝܵܐ ܩܕ݂ܵܡܲܝܟ: ܠܡܸܚܪܲܒ̣ ܠܡܲܫܪܝܼܬ̣ܵܐ ܕܲܦܠܸܫܬܵܝܹ̈ܐ.
16: ܘܲܥܒܲܕ݂ ܕܵܘܝܼܕ݂ ܗܵܟܲܢܵܐ: ܐܲܝܟܲܢܵܐ ܕܦܲܩܕܹܗ ܡܵܪܝܵܐ. ܘܲܚܪܲܒ̣ ܠܡܲܫܪܝܼܬ̣ܵܐ ܕܲܦܠܸܫܬܵܝܹ̈ܐ ܡ̣ܢ ܓܸܒ̣ܥܘܿܢ ܘܲܥܕܲܡܵܐ ܠܓܵܕ݂ܵܪ.
17: ܘܲܢܦܲܩ ܗ̄ܘ̣ܵܐ ܕܵܘܝܼܕ݂ ܠܟ݂ܠܗܹܝܢ ܡܕ݂ܝܼ̈ܢܵܬ̣ܵܐ. ܘܡܵܪܝܵܐ ܝܲܗ̄ܒ̣ ܕܸܚ̱ܠܬܹܗ ܥܲܠ ܟܠܗܘܿܢ ܥܲܡܡܹ̈ܐ.
ܩܹܦܵܠܹܐܘܿܢ : ܝܗ.
1: ܘܲܒ̣ܢܵܐ ܗ̄ܘ̣ܵܐ ܠܹܗ ܐܵܦܲܕܢܹ̈ܐ ܒܩܘܼܪ̈ܝܵܐ ܕܕ݂ܵܘܝܼܕ݂. ܘܲܒ̣ܢܵܐ ܗ̄ܘ̣ܵܐ ܕܘܼܟ̇ܬ̣ܵܐ ܠܩܹܒ̣ܘܿܬ̣ܵܐ ܕܡܵܪܝܵܐ ܘܲܠܡܵܐܲܢ̈ܝ ܡܲܫܟ̇ܢܵܐ.
2: ܗܵܝܕܹ̇ܝܢ ܐܸܡܲܪ ܗ̄ܘ̣ܵܐ ܕܵܘܝܼܕ݂ ܠܠܹܘܵܝܹ̈ܐ ܠܡܸܫܩܲܠ ܩܹܒ̣ܘܿܬܹܗ ܕܡܵܪܝܵܐ: ܘܲܠܡܵܐ̈ܢܲܝ ܡܲܫܟ̇ܢܵܐ: ܡܸܛܠ ܕܲܠܗܘܿܢ ܠܠܹܘܵܝܹ̈ܐ ܓܒ̣ܵܐ ܡܵܪܝܵܐ: ܠܲܡܫܲܡܵܫܘܼ ܘܲܠܡܸܫܩܲܠ ܩܸܒ̣ܘܿܬܹܗ ܕܡܵܪܝܵܐ: ܘܠܲܡܫܲܡܵܫܘܼܬ̣ܵܗ̇ ܠܥܵܠܲܡ.
3: ܘܟܲܢܸܫ ܕܵܘܝܼܕ݂ ܠܟ݂ܠܹܗ ܝܼܣܪܵܝܹܠ: ܠܐܘܿܪܸܫܠܸܡ: ܠܡܲܣܵܩܘܼܬ̣ܵܗ̇ ܠܩܹܒ̣ܘܿܬܹܗ ܕܡܵܪܝܵܐ ܠܕ݂ܘܼܟ̇ܬ̣ܵܐ ܕܲܒ̣ܢܵܐ ܠܵܗ̇.
4: ܘܟܲܢܸܫ ܕܵܘܝܼܕ݂ ܠܲܒ̣ܢܵܘ̈ܗܝ ܕܐܲܗܪܘܿܢ: ܘܲܠܠܹܘܵܝܹ̈ܐ: ܘܐܸܡܲܪ ܠܗܘܿܢ.
5: ܘܠܲܒ̣ܢܵܘ̈ܗܝ ܕܩܵܗܵܬ̣: ܠܐܘܿܪܹܝܠ ܩܲܫܝܼܫܵܐ ܘܠܲܐܚܵܘ̈ܗܝ: ܡܵܐܐ ܘܥܸܣܪܝܼܢ.
6: ܘܲܒ̣ܢܵܘ̈ܗܝ ܕܲܡܪܵܪܝܼ: ܥܫܵܐܝܹܠ ܩܲܫܝܼܫܵܐ ܘܠܲܐܚܵܘ̈ܗܝ: ܡܲܐܬܹ̇ܝܢ ܘܥܸܣܪܝܼܢ.
7: ܠܲܒ̣ܢܵܘ̈ܗܝ ܕܓܸܪܫܘܿܢ: ܝܘܿܐܹܝܠ ܩܲܫܝܼܫܵܐ ܘܐܲܚܵܘ̈ܗܝ: ܡܵܐܐ ܘܲܬ̣ܠܵܬ̣ܝܼܢ.
8: ܘܠܲܒ̣ܢܵܘ̈ܗܝ ܕܐܹܠܝܼܨܵܦܵܢ: ܫܡܲܥܝܵܐ ܩܲܫܝܼܫܵܐ ܘܐܲܚܵܘ̈ܗܝ: ܡܲܐܬܹ̇ܝܢ.
9: ܠܲܒ̣ܢܵܘ̈ܗܝ ܕܚܸܒ̣ܪܘܿܢ: ܐܹܠܝܲܒ̣ ܩܲܫܝܼܫܵܐ ܘܐܲܚܵܘ̈ܗܝ: ܬܡܵܢܐܝܼܢ.
10: ܠܲܒ̣ܢܵܘ̈ܗܝ ܕܥܘܿܙܵܐܹܝܠ: ܥܲܡܝܼܢܵܕ݂ܵܒ̣ ܩܲܫܝܼܫܵܐ ܘܐܲܚܵܘ̈ܗܝ: ܡܵܐܐ: ܘܲܬ̣ܪܸܥܣܲܪ.
11: ܘܲܩܪܵܐ ܕܵܘܝܼܕ݂ ܠܨܵܕ݂ܘܿܩ ܟܵܗܢܵܐ: ܘܠܲܐܒ̣ܝܼܬ̣ܵܪ: ܘܲܠܠܹܘܵܝܹ̈ܐ: ܘܲܠܐܘܿܪܹܝܠ: ܘܲܠܥܲܡܣܵܐ: ܘܲܠܝܘܿܐܹܝܠ: ܘܠܲܥܫܵܝܵܐ: ܘܠܲܫܡܲܥܝܵܐ: ܘܲܠܐܘܿܪܹܝܠ: ܘܲܠܥܲܡܝܼܢܵܕ݂ܵܒ̣.
12: ܘܐܸܡܲܪ ܠܗܘܿܢ: ܐܲܢ̄ܬ̇ܘܿܢ ܪܹ̈ܫܲܝ ܐܲܒ̣ܵـ̈ـܗܵܬ̣ܵܐ ܕܠܹܘܵܝܹ̈ܐ: ܐܸܬ̣ܩܲܕܲܫܘ ܐܲܢ̄ܬ̇ܘܿܢ ܘܐܲܚܲܝ̈ܟ̇ܘܿܢ. ܘܬܲܣܩܘܼܢ ܠܩܹܒ̣ܘܿܬ̣ܵܐ ܕܡܵܪܝܵܐ ܐܲܠܵܗܵܐ ܕܝܼܣܪܵܝܹܠ: ܠܕ݂ܘܼܟ̇ܬ̣ܵܐ ܕܒܲܢܝܵܐ ܗ̄ܘ̣ܵܬ̣ ܠܵܗ̇ ܡ̣ܢ ܠܘܼܩܕܲܡ.
13: ܕܠܵܐ ܢܸܬ̣ܪܘܿܥ ܡܵܪܝܵܐ ܐܲܠܵܗܲܢ: ܡܸܛܠ ܕܠܵܐ ܬܒܲܥܢܵܝܗܝ ܐܲܝܟ݂ ܕܝܼܢܵܐ.
14: ܘܐܸܬ̣ܩܲܕܲܫܘ ܟܵܗ̈ܢܹܐ ܘܠܹܘܵܝܹ̈ܐ: ܠܡܲܣܵܩܘܼ ܠܩܹܒ̣ܘܿܬܹܗ ܕܡܵܪܝܵܐ ܐܲܠܵܗܵܐ ܕܝܼܣܪܵܝܹܠ.
15: ܘܲܫܩܲܠܘ ܠܹܘܵܝܹ̈ܐ ܠܩܹܒ̣ܘܿܬܹܗ ܕܡܵܪܝܵܐ: ܐܲܝܟܲܢܵܐ ܕܦܲܩܸܕ݂ ܡܘܼܫܹܐ ܒܡܸܠܬܹܗ ܕܡܵܪܝܵܐ. ܘܲܫܩܲܠܘ ܗܸܢܘܿܢ ܒܟܲܬ̣ܦܵܬ̣̈ܗܘܿܢ.
16: ܘܐܸܡܲܪ ܕܵܘܝܼܕ݂ ܠܩܲܫܝܼ̈ܫܹܐ ܕܠܹܘܵܝܹ̈ܐ: ܠܲܡܩܵܡܘܼ ܠܐܲܚܲܝ̈ܗܘܿܢ ܠܐܲܝܠܹܝܢ ܕܚܲܝܼܢ: ܘܲܡܫܲܒ̇ܚܝܼܢ ܒܡܵܐܢܲܝ̈ ܬܸܫܒ̇ܚܵܬ̣ܵܐ: ܒܢܲܒ̣̈ܠܹܐ ܘܲܒ̣ܟܸܢܵܪܹ̈ܐ: ܘܲܒ̣ܨܸܨ̈ܠܹܐ. ܕܢܸܗܘܘܿܢ ܡܲܫܡ̱ܥܝܼܢ ܠܲܡܪܵܡܘܼ ܩܵܠܲܝܗ̈ܘܿܢ ܒܚܲܕ݂ܘܼܬ̣ܵܐ.
17: ܘܐܲܩܝܼܡܘ ܠܹܘܵܝܹ̈ܐ ܠܗܵܡܵܢ ܒܲܪ ܝܘܼܐܹܝܠ: ܘܡ̣ܢ ܐܲܚܵܘ̈ܗܝ: ܠܐܵܣܵܦ ܒܲܪ ܒܪܲܟ݂ܝܵܐ: ܘܡ̣ܢ ܒܢܲܝ̈ ܡܪܵܪܝܼ ܐܲܚܲܝ̈ܗܘܿܢ: ܐܵܬ̣ܵܢ ܒܲܪ ܩܲܫܝܵܗܘܼ.
18: ܘܥܲܡܗܘܿܢ ܐܲܚܘܼܗܘܿܢ ܬܸܢܝܵܢܵܐ: ܙܟܲܪܝܵܐ ܒܲܪ ܢܥܵܐܹܝܠ: ܘܝܘܿܚܝܵܐܹܝܠ ܘܐܸܠܝܼܵܐܒ̣: ܘܲܒ̣ܢܵܝܵܐ: ܘܐܵܣܵܐ: ܘܡܲܬ̣ܝܼܬ̣ܵܐ: ܘܐܹܠܝܼܦܲܠܗܘܿ: ܘܡܸܩܝܵܗܘܼ: ܘܥܘܼܒ̣ܵܪ ܐܲܕ݂ܘܿܡ ܘܝܘܿܥܵܐܹܝܠ.
19: ܗܵܠܹܝܢ ܟܠܗܘܿܢ ܕܩܵܝܡܝܼܢ ܥܲܠ ܬܲܪ̈ܥܹܐ: ܘܲܡܫܲܒ̇ܚܝܼܢ: ܗܵܡܵܢ: ܘܐܵܣܵܦ: ܘܐܵܬ̣ܵܢ.
20: ܗܵܠܹܝܢ ܟܠܗܘܿܢ ܡܫܲܒ̇ܚܝܼܢ ܒܬܸܫܒ̇ܚܵـ̈ـܬ̣ܵܐ ܕܡܵܐܢܲܝ̈ ܢܚܵܫܵܐ: ܠܲܡܫܲܡܵܫܘܼ: ܥܲܙܲܪܝܵܐ: ܥܲܙܝܵܐܹܝܠ: ܘܝܘܿܚܝܼܠ: ܘܝܲܥܢܝܼ: ܘܐܸܠܝܼܵܒ̣: ܘܲܡܥܲܣܝܵܐ: ܘܲܒ̣ܢܵܝܵܐ.
21: ܘܕܲܡܫܲܒ̇ܚܝܼܢ ܒܬܸܫܒ̇ـ̈ـܚܵܬ̣ܵܐ: ܡܲܬ̇ܝܼܬ̣ܵܐ: ܘܡܸܩܝܵܗܘܼ: ܘܥܘܼܒ̣ܵܪ ܐܲܕ݂ܘܿܡ: ܘܥܘܿܙܵܐܹܝܠ: ܘܥܘܿܙܲܢܝܵܐ: ܗܵܠܹܝܢ ܡܫܲܒ̇ܚܝܼܢ ܒܟܸܢܵܪܹ̈ܐ ܟܠ ܝܘܿܡ ܒܝܘܿܡ: ܒܫܵܥ̈ܝܼܢ ܬܠܵܬ̣: ܘܲܒ̣ܫܸܬ̣: ܘܒܲܬ̣ܫܲܥ.
22: ܘܲܒ̣ܢܲܝܵܐ ܪܲܒܵܐ ܕܠܹܘܵܝܹ̈ܐ ܫܩܲܠ ܟܠ ܝܘܿܡ ܒܡܲܛܘܼܠܵܐ: ܡܸܛܠ ܕܕ݂ܘܼܟ̇ܬ̣ܵܐ ܡܲܬ̣ܩ̄ܢܵܐ ܗ̄ܘܬ̣ ܠܹܗ.
23: ܘܲܒ̣ܪܲܟ݂ܝܵܐ. ܘܗܲܠܩܵܢܵܐ: ܣܵܥܪܝܼܢ ܗ̄ܘ̣ܵܘ ܠܩܹܒ̣ܘܿܬ̣ܵܐ ܡܸܕܸ̇ܡ ܕܡܸܬ̣ܒ̇ܥܹܐ ܠܵܗ̇.
24: ܘܫܲܒ̣ܢܵܐ: ܘܝܘܿܫܵܦܵܛ: ܘܢܲܬ̣ܢܝܼܐܹܝܠ: ܘܥܲܡܫܝܼ: ܘܲܙܟܲܪܝܵܐ: ܘܲܒ̣ܢܵܝܵܐ: ܘܐܹܠܝܼܥܵܙܲܪ: ܗܵܠܹܝܢ ܟܵܗ̈ܢܹܐ ܕܩܵܪܹܝܢ ܗ̄ܘ̣ܵܘ ܒܩܲܪ̈ܢܵܬ̣ܵܐ ܩܕ݂ܵܡ ܩܹܒ̣ܘܿܬܹܗ ܕܡܵܪܝܵܐ. ܘܥܘܼܒ̣ܵܪ ܐܲܕ݂ܘܿܡ ܘܐܲܚܝܼܵܐ ܣܵܥܪܝܼܢ ܗ̄ܘ̣ܵܘ ܠܩܹܒ̣ܘܿܬ̣ܵܐ.
25: ܘܲܗܘ̤ܵܐ ܕܵܘܝܼܕ݂: ܘܩܲܫܝܼ̈ܫܹܐ ܕܝܼܣܪܵܝܹܠ: ܘܪܵܘ̱ܪ̈ܒ̣ܵܢܹܐ ܕܐܲܠܦܹ̈ܐ: ܐܵܙ̇ܠ̄ܝܼܢ ܠܡܲܣܵܩܘܼ ܩܹܒ̣ܘܿܬ̣ܵܐ ܕܲܕ݂ܝܵܬܹܩܹܐ ܕܡܵܪܝܵܐ: ܡ̣ܢ ܒܲܝܬܹ̇ܗ ܕܥܘܼܒ̣ܵܪ ܐܲܕ݂ܘܿܡ ܠܲܩܪܝܼܬܹܗ ܕܕ݂ܵܘܝܼܕ݂ ܒܚܲܕ݂ܘܼܬ̣ܵܐ ܪܲܒ̇ܬ̣ܵܐ.
26: ܘܲܗܘ̤ܵܐ ܕܟܲܕ݂ ܥܲܕܲܪ ܡܵܪܝܵܐ ܠܠܹܘܵܝܹ̈ܐ: ܕܲܫܩܝܼܠܝܼܢ ܩܹܒ̣ܘܿܬ̣ܵܐ ܕܐܝܼܬ̣ ܒܵܗ̇ ܕܝܵܬܹܩܹܐ ܕܡܵܪܝܵܐ: ܕܒܲܚܘ ܫܲܒ̣ܥܵܐ ܬܵܘܪ̈ܝܼܢ: ܘܫܲܒ̣ܥܵܐ ܕܸܟ݂ܪ̈ܝܼܢ.
27: ܘܕ݂ܵܘܝܼܕ݂ ܠܒ̣ܝܼܫ ܢܲܚ̈ܬܹ̇ܐ ܕܒ̣ܘܼܨܵܐ. ܘܟ݂ܠܗܘܿܢ ܠܹܘܵܝܹ̈ܐ ܕܲܫܩܝܼܠܝܼܢ ܩܹܒ̣ܘܿܬ̣ܵܐ ܠܒ̣ܝܼܫܝܼܢ ܐܵܦ ܗܸܢܘܿܢ ܢܲܚ̈ܬܹ̇ܐ ܕܒ̣ܘܼܨܵܐ. ܘܲܠܥܸܠ ܡ̣ܢ ܢܲܚܬܵܘ̈ܗܝ ܕܕ݂ܵܘܝܼܕ݂ ܕܒ̣ܘܼܨܵܐ: ܠܒ̣ܝܼܫ ܗ̄ܘ̣ܵܐ ܦܸܕ̇ܬ̣ܵܐ ܕܒ̣ܘܼܨܵܐ.
28: ܘܕ݂ܵܘܝܼܕ݂ ܘܟ݂ܠܗܘܿܢ ܕܒܹܝܬ̣ ܝܼܣܪܵܝܹܠ: ܡܲܣܩܝܼܢ ܠܩܹܒ̣ܘܿܬ̣ܵܐ ܕܐܝܼܬ̣ ܒܵܗ̇ ܕܝܵܬܹܩܹܐ ܕܡܵܪܝܵܐ ܒܬܸܫ̈ܒ̇ܚܵܬ̣ܵܐ: ܘܲܒ̣ܩܵܠܵܐ ܕܩܲܪ̈ܢܵܬ̣ܵܐ ܦܫܝܼ̈ܛܵܬ̣ܵܐ ܘܲܟ݂ܦܝܼ̈ܦܵܬ̣ܵܐ ܘܡܲܥܫ̄ܢܝܼܢ ܩܵܠܗܘܿܢ ܥܕܲܡܵܐ ܠܲܡܪܵܘܡܵܐ.
29: ܘܲܗܘ̤ܵܐ ܕܟܲܕ݂ ܡܲܛܚܲܬ̤ ܩܹܒ̣ܘܿܬ̣ܵܐ ܕܐܝܼܬ̣ ܒܵܗ̇ ܕܝܵܬܹܩܹܐ ܕܡܵܪܝܵܐ: ܘܥܸܠܲܬ̤ ܘܲܡܛܵܬ̤ ܠܲܩܪܝܼܬܹܗ ܕܕ݂ܵܘܝܼܕ݂: ܡܲܠܟܹ̇ܠ ܒܲܪܬ̣ ܫܵܐܘܿܠ ܐܲܕ݂ܝܼܩܲܬ̤ ܡ̣ܢ ܟܵܘܬ̣ܵܐ: ܘܲܚܙܵܬܹܗ ܠܡܲܠܟܵܐ ܕܵܘܝܼܕ݂ ܕܡܸܫܬ̇ܥܹܐ: ܘܐܲܫܛܝܲܬ̤ ܥܠܵܘܗܝ ܒܠܸܒܵܗ̇.
ܩܹܦܵܠܹܐܘܿܢ : ܝܘ.
1: ܘܐܲܝܬ̇ܝܘܼܗ̇ ܠܩܹܒ̣ܘܿܬ̣ܵܐ ܕܡܵܪܝܵܐ: ܘܣܵܡܘܼܗ̇ ܒܕ݂ܘܼܟ̇ܬ̣ܵܗ̇: ܒܓ̣ܵܘ ܡܲܫܟ̇ܢܵܐ ܕܲܢܩܲܫ ܠܵܗ̇ ܕܵܘܝܼܕ݂. ܘܩܲܪܸܒ̣ܘ ܥܠܵـ̈ـܘܵܬ̣ܵܐ ܘܫܲܠܡܹ̈ܐ ܩܕ݂ܵܡ ܩܹܒ̣ܘܿܬ̣ܵܐ ܕܡܵܪܝܵܐ.
2: ܘܟܲܕ݂ ܫܲܠܸܡ ܕܵܘܝܼܕ݂ ܠܲܡܩܲܪܵܒ̣ܘܼ ܥܠܵـ̈ـܘܵܬ̣ܵܐ ܘܫܲܠܡܹ̈ܐ: ܒܲܪܸܟ݂ ܠܥܲܡܵܐ ܕܝܼܣܪܵܝܹܠ ܒܲܫܡܹܗ ܕܡܵܪܝܵܐ ܚܲܝܠܬ̣ܵܢܵܐ.
3: ܘܦܲܠܸܓ̣ ܠܟ݂ܠܹܗ ܥܲܡܵܐ: ܠܟ݂ܠܗܘܿܢ ܕܒܹܝܬ̣ ܝܼܣܪܵܝܹܠ: ܡ̣ܢ ܓܲܒ̣ܪܹ̈ܐ ܘܲܥܕܲܡܵܐ ܠܢܸܫܹ̈ܐ: ܘܡ̣ܢ ܓܲܕ̇ܘܼ̈ܕܹܐ ܠܝܵܢܩܲܝ̈ ܬܕܲܝܵܐ ܠܟܠ ܓܒܲܪ ܘܲܓ̣ܒܲܪ: ܓܪܝܼܨܬܵܐ ܕܠܲܚܡܵܐ ܚܕ݂ܵܐ: ܘܲܡܢܵܬ̣ܵܐ ܚܕ݂ܵܐ: ܘܲܣܢܵܪܩܵܐ ܚܕ݂ܵܐ: ܘܐܸܙܲܠܘ ܟܠܹܗ ܥܲܡܵܐ ܐ̄ܢܵܫ ܠܒܲܝܬܹ̇ܗ.
4: ܘܝܲܗ̄ܒ̣ ܩܕ݂ܵܡ ܩܹܒ̣ܘܿܬ̣ܵܐ ܕܡܵܪܝܵܐ: ܠܹܘܵܝܹ̈ܐ ܕܲܡܫܲܡܫܝܼܢ ܩܕ݂ܵܡ ܡܵܪܝܵܐ: ܘܡܲܕ݂ܟ̇ܪܝܼܢ ܘܡܵܘܕܹ̇ܝܢ: ܘܲܡܫܲܒ̇ܚܝܼܢ ܠܡܵܪܝܵܐ ܐܲܠܵܗܵܐ ܕܝܼܣܪܵܝܹܠ.
5: ܐܵܣܵܦ ܪܹܫܗܘܿܢ: ܬܸܢܝܵܢܵܐ ܙܟܲܪܝܵܐ: ܘܝܘܿܥܹܝܠ: ܘܝܘܿܚܵܐܹܝܠ: ܘܡܲܬ̇ܝܼܬ̣ܵܐ: ܘܐܹܠܝܼܵܒ̣: ܘܲܒ̣ܢܵܝܵܐ: ܘܐܵܣܵܦ: ܘܥܲܡܝܼܢܵܕ݂ܵܒ̣: ܘܐܵܣܵܦ: ܘܢܲܚܙܵܐܹܝܠ: ܘܐܵܣܵܦ.
6: ܗܵܠܹܝܢ ܟܠܗܘܿܢ ܟܵܗ̈ܢܹܐ ܕܩܵܪܹܝܢ ܒܩܲܪ̈ܢܵܬ̣ܵܐ: ܐܲܡܝܼܢܵܐܝܼܬ̣ ܩܕ݂ܵܡ ܩܹܒ̣ܘܿܬܹܗ ܕܡܵܪܝܵܐ.
7: ܗܵܝܕܹ̇ܝܢ ܦܬܲܚ ܦܘܼܡܹܗ ܕܵܘܝܼܕ݂ ܒܝܵܘܡܵܐ ܗܵܘ̇: ܗ̤ܘ ܘܪܹ̈ܫܲܝ ܟܠܗܘܿܢ ܟܵܗܢܹ̈ܐ ܘܠܹܘܵܝܹ̈ܐ ܠܲܡܫܲܒܵܚܘܼ ܠܡܵܪܝܵܐ: ܥܲܠ ܛܝܵܪܵܐ ܕܐܵܣܵܦ ܘܕܲܐܚܵܘ̈ܗܝ ܘܗܵܠܹܝܢ ܪܹ̈ܫܹܐ ܕܬܸܫ̈ܒ̇ܚܵܬ̣ܵܐ ܕܐܸܡܲܪ ܕܵܘܝܼܕ݂: ܩܕ݂ܵܡ ܩܹܒ̣ܘܿܬܹܗ ܕܡܵܪܝܵܐ ܒܝܵܘܡܵܐ ܗܵܘ̇.
8: ܐܵܘܕܵܘ ܠܡܵܪܝܵܐ: ܘܲܩܪܵܘ ܫܡܹܗ. ܐܵܘܕܲܥܘ ܒܹܝܬ̣ ܥܲܡܡܹ̈ܐ ܥܒ̣ܵܕ݂ܵܘ̈ܗܝ.
9: ܫܲܒܲܚܘ ܠܹܗ: ܘܐܵܘܕܵܘ ܠܹܗ: ܐܸܫܬܲܥܵܘ ܟܠܗܹܝܢ ܓܒܲܪ̈ܘܵܬܹܗ.
10: ܐܸܫܬܲܒܲܚܘ ܒܲܫܡܵܐ ܕܩܘܼܕ݂ܫܹܗ: ܢܸܚܕܹ̇ܐ ܠܸܒܵܐ ܕܟ݂ܠ ܕܒ̣ܵܥܹܝܢ ܠܡܵܪܝܵܐ ܘܲܠܥܘܼܫܢܹܗ.
11: ܨܲܠܵܘ ܩܕ݂ܵܡܵܘܗܝ ܐܲܡܝܼܢܵܐܝܼܬ̣.
12: ܐܸܬ̇ܕܲܟ݂ܪܘ ܓܒܲܪ̈ܘܵܬܹܗ ܕܲܥܒܲܕ݂: ܓܒܲܪ̈ܘܵܬܹܗ ܘܕ݂ܝܼܢܹ̈ܐ ܕܦܘܼܡܹܗ.
13: ܙܲܪܥܹܗ ܕܐܲܒ̣ܪܵܗܵܡ ܥܲܒ̣ܕܹ̇ܗ: ܘܲܒ̣ܢܵܘܗܝ ܕܝܲܥܩܘܿܒ̣ ܓܒܲܝܵܐ ܕܲܓ̣ܒ̣ܵܐ.
14: ܗ̤ܘܝܘܼ ܡܵܪܝܵܐ ܐܲܠܵܗܲܢ: ܕܲܒ̣ܟ݂ܠܵܗ̇ ܐܲܪܥܵܐ ܢܵܡܘܿܣܵܘ̈ܗܝ.
15: ܐܸܬ̇ܕܲܟ݂ܪܘ ܠܥܵܠܲܡ ܕܝܵܬܹܩܹܐ ܕܝܼܠܹܗ: ܡܸܠܬ̣ܵܐ ܕܦܲܩܸܕ݂ ܠܐܵܠܸܦ ܕܵܪ̈ܝܼܢ.
16: ܕܝܼܡܵܐ ܠܐܲܒ̣ܪܵܗܵܡ: ܘܲܕ݂ܝܵܬ̣ܩܹܐ ܕܝܲܗ̄ܒ̣ ܠܲܒ̣ܢܵܘ̈ܗܝ ܕܐܝܼܣܚܵܩ: ܘܓܲܙܪܵܗ̇ ܠܝܲܥܩܘܿܒ̣ ܠܥܵܠܲܡ.
17: ܠܝܼܣܪܵܝܹܠ ܝܲܗ̄ܒ̣ ܠܗܘܿܢ ܕܝܵܬܹܩܹܐ ܠܥܵܠܲܡ ܥܵܠܡܝܼܢ.
18: ܘܐܸܡܲܪ ܠܗܘܿܢ: ܕܲܠܟ݂ܘܿܢ ܝܵܗܹܒ̣ ܐ̄ܢܵܐ ܠܵܗ̇ ܐܲܪܥܵܐ ܕܲܟ݂ܢܲܥ̄ܢ: ܦܸܨܬ̣ܵܐ ܕܝܵܪܬ̇ܘܼܬ̣ܟ݂ܘܿܢ.
19: ܟܲܕ݂ ܗ̤ܘܲܝܬ̇ܘܿܢ ܐ̄ܢܵܫܲܝ̈ ܡܸܢܝܵܢܵܐ: ܙܥܘܿܪ̈ܝܼܢ ܘܥܵܡܘܿܪ̈ܝܼܢ ܒܵܗ̇.
20: ܘܐܸܫܬ̇ܒ̣ܝܼܬ̇ܘܿܢ ܡ̣ܢ ܥܲܡܵܐ ܠܥܲܡܵܐ: ܘܡ̣ܢ ܡܲܠܟ̇ܘܼܬ̣ܵܐ ܠܡܲܠܟ̇ܘܼܬ̣ܵܐ ܐ̄ܚܪܹܬ̣ܵܐ.
21: ܠܵܐ ܫܒܲܩ ܠܫܲܠܝܼܛܵܢܹ̈ܐ ܕܢܵܗܪܘܼܢܵܟ݂ܘܿܢ. ܘܲܪܕܵܐ ܡܸܛܠܵܬ̣ܟ݂ܘܿܢ ܡܲܠ̈ܟܹ̇ܐ: ܘܐܸܡܲܪ ܠܗܘܿܢ.
22: ܠܵܐ ܬܸܬ̣ܩܲܪܒ̣ܘܿܢ ܠܲܡܫܝܼܚܲܝ̈: ܘܲܠܢܒ̣ܝܲܝ̈ ܠܵܐ ܬܲܒ̣ܐ̱ܫܘܼܢ.
23: ܫܲܒܲܚܘ ܠܡܵܪܝܵܐ ܟܠܵܗ̇ ܐܲܪܥܵܐ: ܣܲܒܲܪܘ ܟܠܝܘܿܡ ܒܝܘܿܡ ܦܘܼܪܩܵܢܹܗ.
24: ܐܸܫܬܲܥܵܘ ܒܹܝܬ̣ ܥܲܡܡܹ̈ܐ ܐܝܼܩܵܪܹܗ.
25: ܡܸܛܠ ܕܪܲܒ̇ ܗ̄ܘ̣ ܡܵܪܝܵܐ ܘܲܫܒ̣ܝܼܚ ܛܵܒ̣: ܘܲܕ݂ܚܝܼܠ ܗ̄ܘ̣ ܥܲܠ ܟܠܗܘܿܢ ܡܲܠ̈ܟܹ̇ܐ.
26: ܡܸܛܠ ܕܟ݂ܠܗܘܿܢ ܦܬܲܟ݂ܪܹ̈ܐ ܕܥܲܡܡܹ̈ܐ ܨܲܠܡܹ̈ܐ ܐܸܢܘܿܢ: ܘܡܵܪܝܵܐ ܫܡܲܝܵܐ ܥܒܲܕ݂.
27: ܬܸܫܒ̇ܘܿܚܬܵܐ ܘܝܵܐܝܘܼܬ̣ܵܐ ܩܕ݂ܵܡܵܘܗܝ. ܥܘܼܫܢܵܐ ܘܪܲܒ̇ܘܼܬ̣ܵܐ ܒܡܲܩܕ̇ܫܹܗ.
28: ܐܵܘܕܵܘ ܠܡܵܪܝܵܐ ܫܲܪ̈ܒ̣ܵܬ̣ܵܐ ܕܥܲܡܡܹ̈ܐ. ܐܵܘܕܵܘ ܩܕ݂ܵܡ ܡܵܪܝܵܐ ܒܐܝܼܩܵܪܹܗ ܘܲܒ̣ܥܘܼܫܢܹܗ.
29: ܐܵܘܕܵܘ ܠܡܵܪܝܵܐ ܒܐܝܼܩܵܪܵܐ ܕܲܫܡܹܗ. ܫܩܘܿܠܘ ܩܘܼܪ̈ܒܵܢܹܐ: ܘܐܵܘܕܵܘ ܩܕ݂ܵܡܵܘܗܝ ܒܲܨܠܘܿܬ̣ܵܐ ܕܦܘܼܡܟ݂ܘܿܢ ܘܲܣܓܘܿܕ݂ ܠܡܵܪܝܵܐ ܒܬܸܫܒ̇ܚܵܬ̣ܵܐ ܕܩܘܼܕ݂ܫܵܐ.
30: ܬܙܘܼܥ ܡ̣ܢ ܩܕ݂ܵܡܵܘܗܝ ܟܠܵܗ̇ ܐܲܪܥܵܐ: ܘܬܸܬ̣ܩܲܢ ܬܹܒܹܝܠ ܕܠܵܐ ܬܙܘܼܥ.
31: ܢܸܚܕ̇ܘܼܢ ܫܡܲܝܵܐ: ܘܲܬ̣ܫܲܒܲܚ ܐܲܪܥܵܐ. ܘܢܹܐܡܪܘܿܢ ܒܹܝܬ̣ ܥܲܡܡܹ̈ܐ: ܡܵܪܝܵܐ ܐܲܡ̣ܠܸܟ݂.
32: ܢܫܲܒܲܚ ܝܲܡܵܐ ܒܲܡܠܐܹܗ ܘܢܸܚ̈ܕ̇ܝܵܢ ܚܲܩ̈ܠܵܬ̣ܵܐ ܘܟ݂ܠ ܕܐܝܼܬ̣ ܒܗܹܝܢ.
33: ܗܵܝܕܹ̇ܝܢ ܢܫܲܒ̇ܚܘܼܢ ܐܝܼܠܵܢܹ̈ܐ ܕܥܵܒ̣ܵܐ: ܡ̣ܢ ܩܕ݂ܵܡ ܡܵܪܝܵܐ ܕܐܵܬܹܐ ܠܲܡܕ݂ܵܢܵܗ̇ ܠܐܲܪܥܵܐ. ܢܕ݂ܘܼܢ ܬܹܒܹܝܠ ܒܟܹܐܢܘܼܬ̣ܵܐ: ܘܢܲܟܸ̇ܣ ܠܥܲܡܡܹ̈ܐ ܒܗܲܝܡܵܢܘܼܬ̣ܵܐ.
34: ܘܐܸܡܲܪ: ܐܵܘܕܵܘ ܠܡܵܪܝܵܐ ܕܛܵܒ̣ ܗ̄ܘ̣: ܘܲܠܥܵܠܲܡ ܛܲܝܒ̇ܘܼܬܹܗ.
35: ܦܪܘܿܩܲܝܢ ܡܵܪܝܵܐ: ܦܪܘܿܩܲܝܢ ܘܟܲܢܸܫܲܝܢ: ܘܩܲܪܸܒܲܝܢ ܡ̣ܢ ܒܹܝܬ̣ ܥܲܡܡܹ̈ܐ: ܠܡܵܘܕܵܝܘܼ ܠܲܫܡܵܐ ܕܩܘܼܕ݂ܫܵܟ݂: ܘܠܲܡܫܲܒܵܚܘܼ ܬܸܫܒ̇ܚܵܬ̣ܵܟ݂.
36: ܒܪܝܼܟ݂ ܡܵܪܹܐ ܡܵܪ̈ܵܘܵܬ̣ܵܐ ܕܝܼܣܪܵܝܹܠ: ܡ̣ܢ ܥܵܠܡܹ̈ܐ ܘܲܥܕܲܡܵܐ ܠܥܵܠܡܹ̈ܐ. ܘܢܹܐܡܲܪ ܟܠܹܗ ܥܲܡܵܐ ܐܵܡܹܝܢ. ܒܦܘܼܡܵܐ ܒܲܣܝܼܡܵܐ ܘܕܲܟ݂ܝܵܐ: ܢܫܲܒ̇ܚܘܼܢ ܠܐܲܠܵܗܗܘܿܢ.
37: ܘܲܫܒܲܩ ܬܲܡܵܢ ܩܕ݂ܵܡ ܩܹܒ̣ܘܿܬ̣ܵܐ ܕܲܕ݂ܝܵܬܹܩܵܐ ܕܡܵܪܝܵܐ: ܠܐܵܣܵܦ ܘܠܲܐܚܵܘ̈ܗܝ: ܠܲܡܫܲܡܵܫܘܼ ܩܕ݂ܵܡ ܡܵܪܝܵܐ ܐܲܡܝܼܢܵܐܝܼܬ̣: ܐ̄ܢܵܫ ܐ̄ܢܵܫ ܒܝܵܘܡܹܗ.
38: ܘܥܘܼܒ̣ܵܪ ܐܲܕ݂ܘܿܡ ܘܐܲܚܵܘ̈ܗܝ ܫܬ̇ܝܼܢ ܘܲܬ̣ܡܵܢܝܵܐ ܘܥܘܼܒ̣ܵܪ ܐܲܕ݂ܘܿܡ ܙܥܘܿܪܵܐ ܒܪܹܗ ܕܝܘܿܬ̣ܵܡ: ܘܚܵܣܘܼ ܗܵܠܹܝܢ ܟܠܗܘܿܢ ܢܵܛܪ̈ܲܝ ܬܲܪ̈ܥܹܐ ܒܲܪ̈ܵܝܹܐ.
39: ܘܨܵܕ݂ܘܿܩ ܟܵܗܢܵܐ: ܘܐܲܚܵܘ̈ܗܝ ܟܵܗܢܹ̈ܐ: ܗܵܠܹܝܢ ܟܠܗܘܿܢ ܟܵܗܢܹ̈ܐ ܕܲܡܫܲܡܫܝܼܢ ܩܕ݂ܵܡ ܡܲܫܟ̇ܢܹܗ ܕܡܵܪܝܵܐ: ܒܒ̣ܘܼܣܵܡܵܐ ܪܲܒܵܐ ܒܩܘܼܪܝܲܬ̣ ܓܸܒ̣ܥܘܿܢ.
40: ܠܲܡܩܲܪܵܒ̣ܘܼ ܥܠܵܘܵܬ̣ܵܐ ܠܡܵܪܝܵܐ ܥܲܠ ܡܲܕ݂ܒ̇ܚܵܐ ܕܲܥܠܵܬ̣ܵܐ: ܐܲܡܝܼܢܵܐܝܼܬ̣ ܒܨܲܦܪܵܐ ܘܲܒ̣ܪܲܡܫܵܐ: ܘܲܠܡܸܥܒܲܕ݂ ܟܠ ܡܵܐ ܕܲܟ݂ܬ̣ܝܼܒ̣ ܒܢܵܡܘܿܣܵܐ ܕܡܵܪܝܵܐ: ܕܝܲܗ̄ܒ̣ ܥܲܠ ܐܝܼܕ݂ܵܐ ܕܡܘܼܫܹܐ: ܠܡܲܠܵܦܘܼ ܠܲܒ̣ܢܲܝ̈ ܝܼܣܪܵܝܹܠ.
41: ܘܗܵܠܹܝܢ ܫܡܵܗܹ̈ܐ ܕܓܲܒ̣ܪܹ̈ܐ ܕܩܵܝ̇ܡܝܼܢ ܒܬܸܫ̈ܒ̇ܚܵܬ̣ܵܐ: ܗܵܡܵܢ ܘܐܵܪܝܼܬ̣ܘܼܢ: ܘܫܲܪܟܵܐ ܕܐ̄ܢܵܫܵܐ ܙܲܕ̇ܝܼܩܹ̈ܐ ܐܲܝܠܹܝܢ ܕܐܸܬ̣ܟܲܣܝܼܘ ܫܡܵܗܲܝ̈ܗܘܿܢ: ܠܡܵܘܕܵܝܘܼ ܠܡܵܪܝܵܐ ܡܸܛܠ ܕܲܠܥܵܠܲܡ ܛܲܝܒ̇ܘܼܬܹܗ.
42: ܘܗܸܢܘܿܢ ܗܵܠܹܝܢ ܐ̄ܢܵܫܵܐ ܙܲܕ̇ܝܼܩܹ̈ܐ ܡܫܲܒ̇ܚܝܼܢ ܗ̄ܘ̣ܵܘ: ܠܵܐ ܗ̄ܘ̣ܵܐ ܒܡܵܐܢܲܝ̈ ܬܸܫ̈ܒ̇ܚܵܬ̣ܵܐ: ܘܠܵܐ ܒܲܦ̈ܠܲܓܹܐ: ܘܠܵܐ ܒܲܪ̈ܒ̣ܝܼܥܹܐ: ܘܠܵܐ ܒܩܲܪ̈ܢܵܬ̣ܵܐ ܟܦܝܼ̈ܦܵܬ̣ܵܐ: ܘܐܵܦܠܵܐ ܒܲܦܫܝܼ̈ܛܵܬ̣ܵܐ: ܘܐܵܦܠܵܐ ܒܨܸܨ̈ܠܹܐ ܡܫܲܒ̇ܚܝܼܢ ܗ̄ܘ̣ܵܘ: ܐܸܠܵܐ ܒܦܘܼܡܵܐ ܒܲܣܝܼܡܵܐ: ܘܒܲܨܠܘܿܬ̣ܵܐ ܕܟ݂ܝܼܬ̣ܵܐ ܘܲܡܫܲܡܠܲܝܬܵܐ: ܘܲܒ̣ܟܹܐܢܘܼܬ̣ܵܐ ܘܲܒ̣ܬܲܡܝܼܡܘܼܬ̣ܵܐ: ܠܡܵܪܝܵܐ ܐܲܠܵܗܵܐ ܚܲܝܠܬ̣ܵܢܵܐ ܡܵܪܹܗ ܕܝܼܣܪܵܝܹܠ: ܡܵܪܵܐ ܕܟ݂ܠܗܘܿܢ ܥܒ̣ܵܕܹ̈ܐ.
43: ܘܲܫ̣ܪܵܐ ܕܵܘܝܼܕ݂ ܠܥܲܡܵܐ. ܘܐܸܙܲܠܘ ܥܲܡܵܐ ܐ̄ܢܵܫ ܐ̄ܢܵܫ ܠܒܲܝܬܹ̇ܗ ܘܲܗܦܲܟ݂ ܕܵܘܝܼܕ݂ ܠܒܲܝܬܹ̇ܗ ܠܲܡܒܲܪܵܟ݂ܘܼ ܠܲܒ̣ܢܲܝ̈ ܒܲܝܬܹ̇ܗ.
ܩܹܦܵܠܹܐܘܿܢ : ܝܙ.
1: ܘܲܗܘ̤ܵܐ ܕܟܲܕ݂ ܝܼܬܸܒ̣ ܕܵܘܝܼܕ݂ ܒܒܲܝܬܹ̇ܗ: ܐܸܡܲܪ ܕܵܘܝܼܕ݂ ܠܢܵܬ̣ܵܢ ܢܒ̣ܝܼܵܐ: ܚܙܝܼ ܕܐܸܢܵܐ ܝܵܬܹ̇ܒ̣ ܒܒܲܝܬܵܐ ܕܲܡܛܲܠܲܠ ܒܩܵܪ̈ܝܵܬ̣ܵܐ ܕܐܲܪܙܵܐ: ܘܩܹܒ̣ܘܿܬܹܗ ܕܡܵܪܝܵܐ ܫܲܪܝܵܐ ܒܓ̣ܵܘ ܡܲܫܟ̇ܢܵܐ ܕܣܲܥܪܵܐ.
2: ܘܐܸܡܲܪ ܢܵܬ̣ܵܢ ܠܕ݂ܵܘܝܼܕ݂: ܟܠ ܡܵܐ ܕܲܒ̣ܠܸܒܵܟ݂: ܙܸܠ ܘܲܥܒܸܕ݂.
3: ܘܲܗܘ̤ܵܐ ܒܠܸܠܝܵܐ ܗܵܘ̇: ܘܡܸܠܬܹܗ ܕܡܵܪܝܵܐ ܗܘ̤ܵܬ̣ ܥܲܠ ܢܵܬ̣ܵܢ ܢܒ̣ܝܼܵܐ ܘܐܸܡܲܪ ܠܹܗ.
4: ܙܸܠ ܘܗܵܟܲܢܵܐ ܬܹܐܡܲܪ ܠܥܲܒ̣ܕ̇ܝܼ ܕܵܘܝܼܕ݂: ܕܐܲܢ̄ܬ̇ ܠܵܐ ܬܸܒ̣ܢܸܐ ܠܝܼ ܒܲܝܬܵܐ ܠܡܸܬܲܒ̣ ܒܹܗ.
5: ܡܸܛܠ ܕܠܵܐ ܝܵܬ̣ܒܹ̇ܬ̣ ܒܒܲܝܬܵܐ: ܡ̣ܢ ܝܵܘܡܵܐ ܕܐܲܣܩܹ̇ܬ̣ ܠܝܼܣܪܵܝܹܠ ܡ̣ܢ ܡܸܨܪܹܝܢ ܘܲܥܕܲܡܵܐ ܠܝܵܘܡܵܢܵܐ. ܘܲܗܘܹ̇ܝܬ̣ ܡܫܲܢܸܐ ܡ̣ܢ ܡܲܫܟ̇ܢܵܐ ܠܡܲܫܟܢܵܐ.
6: ܗܵܐ ܟܡܵܐ ܕܲܡܗܲܠܸܟ݂ ܗ̄ܘܹ̇ܝܬ̣ ܒܟ݂ܠܗܘܿܢ ܒܢܲܝ̈ ܝܼܣܪܵܝܹܠ: ܕܲܠܡܵܐ ܡܸܠܬ̣ܵܐ ܐܸܡ̇ܪܹܬ̣ ܠܚܲܕ݂ ܡ̣ܢ ܕܲܝܵܢܹ̈ܐ ܕܲܒ̣ܢܲܝ̈ ܝܼܣܪܵܝܹܠ: ܕܦܸܩܕܹ̇ܬ̣ ܠܲܡܕ݂ܵܢ ܠܥܲܡܝ ܝܼܣܪܵܝܹܠ: ܘܐܸܡ̇ܪܹܬ̣ ܠܗܘܿܢ: ܕܲܠܡܵܢܵܐ ܠܵܐ ܒܵܢܹ̇ܝܬ̇ܘܿܢ ܠܝܼ ܒܲܝܬܵܐ ܕܲܡܛܲܠܲܠ ܒܐܲܪ̈ܙܹܐ.
7: ܐܵܦ ܗܵܫܵܐ ܗܵܟܲܢܵܐ ܬܹܐܡܲܪ ܠܥܲܒ̣ܕ̇ܝܼ ܕܵܘܝܼܕ݂: ܗܵܟܲܢܵܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܐܸܢܵܐ ܕܒܲܪܬܵܟ݂ ܡ̣ܢ ܕܲܝܪܵܐ: ܡ̣ܢ ܒܵܬܲܪ ܥܵـ̈ـܢܵܐ: ܠܡܸܗܘܵܐ ܡܲܠܟܵܐ ܥܲܠ ܝܼܣܪܵܝܹܠ ܥܲܡܝ.
8: ܘܲܗܘܹ̇ܝܬ̣ ܥܲܡܵܟ݂ ܒܟ݂ܠ ܐܲܬܲܪ ܕܐܹܙܲܠܬ̇. ܘܐܲܘܒ̇ܕܹܬ̣ ܠܟ݂ܠܗܘܿܢ ܒܥܸܠܕ̇ܒ̣ܵܒܲܝ̈ܟ ܡ̣ܢ ܩܕ݂ܵܡܲܝܟ. ܘܥܸܒ̣ܕܹ̇ܬ̣ ܠܵܟ݂ ܫܡܵܐ ܪܲܒܵܐ: ܐܲܝܟ݂ ܫܡܵܐ ܕܪܵܘ̱ܪ̈ܒ̣ܵܢܹܐ ܕܐܝܼܬ̣ ܒܐܲܪܥܵܐ.
9: ܘܐܸܨܘܿܒ̣ ܕܘܼܟ̇ܬ̣ܵܐ ܠܥܲܡܝ ܝܼܣܪܵܝܹܠ: ܘܐܲܫܪܹܝܘܗܝ: ܘܢܸܬܸ̇ܒ̣ ܒܕ݂ܘܼܟ̇ܬܹܗ. ܘܠܵܐ ܢܙܘܼܥ ܬܘܼܒ̣ ܘܠܵܐ ܢܵܘܣܦܘܼܢ ܒܢܲܝ̈ ܥܵܘܼܠܵܐ ܠܲܡܓܲܠܵܝܘܼܬܹܗ ܐܲܝܟ݂ ܕܲܒ̣ܩܲܕ݂ܡܵܝܬܵܐ.
10: ܡ̣ܢ ܝܵܘܡܵܐ ܕܲܥܒܲܕ̇ܬܵܟ݂ ܕܲܝܵܢܵܐ ܥܲܠ ܥܲܡܝ ܝܼܣܪܵܝܹܠ: ܘܐܲܢܝܼܚܹܬ̣ ܠܵܟ݂ ܡ̣ܢ ܟܠܗܘܿܢ ܒܥܸܠܕ̇ܒ̣ܵܒܲܝ̈ܟ: ܘܚܵܘܝܵܟ݂ ܡܵܪܝܵܐ ܕܡܲܠܟ̇ܘܼܬ̣ܵܐ ܩܲܝܵܡܵܐ ܗ̄ܝܼ ܠܵܟ݂ ܠܥܵܠܲܡ.
11: ܘܟܲܕ݂ ܢܸܫ̱ܠܡܘܼܢ ܝܵܘܡܲܝ̈ ܚܲܝܲܝ̈ܟ: ܘܬܹܐܙܲܠ ܘܬܸܬ̣ܟܲܢܲܫ ܠܘܵܬ̣ ܐܲܒ̣ܵܗܲܝ̈ܟ ܐܲܩܝܼܡ ܙܲܪܥܵܟ݂ ܡ̣ܢ ܒܵܬ̣ܪܵܟ݂: ܕܢܵܦܹ̇ܩ ܡ̣ܢ ܚܲܨܵܟ݂: ܘܐܲܬ̣ܩܢܝܼܗ̇ ܠܡܲܠܟ̇ܘܼܬ̣ܵܟ݂.
12: ܘܗ̤ܘ ܢܸܒ̣ܢܸܐ ܠܝܼ ܒܲܝܬܵܐ ܠܫܹܡܝ. ܘܐܲܬ̣ܩܸܢ ܟܘܼܪܣܝܵܐ ܕܡܲܠܟ̇ܘܼܬܹܗ ܠܥܵܠܲܡ.
13: ܐܸܢܵܐ ܐܸܗܘܹܐ ܠܹܗ ܠܐܲܒ̣ܵܐ. ܘܗ̤ܘ ܢܸܗܘܹܐ ܠܝܼ ܠܲܒ̣ܪܵܐ. ܘܛܲܝܒ̇ـ̈ـܘܵܬ̣ܝ ܠܵܐ ܢܸܥܒ̇ܪ̈ܵܢ ܡ̣ܢ ܠܘܵܬܹܗ: ܐܲܝܟ݂ ܕܐܲܥܒ̇ܪܹܬ̣ ܡ̣ܢ ܫܵܐܘܿܠ: ܕܲܗܘ̤ܵܐ ܡ̣ܢ ܩܕ݂ܵܡܲܝܟ.
14: ܘܐܹܫܲܠܛܝܼܘܗܝ ܒܒܲܝܬ̇ܝ ܘܲܒ̣ܡܲܠܟ̇ܘܼܬ̣ܝ ܠܥܵܠܲܡ ܥܵܠܡܝܼܢ. ܘܟ݂ܘܼܪܣܝܵܐ ܕܡܲܠܟ̇ܘܼܬܹܗ: ܢܸܗܘܹܐ ܡܛܲܝܲܒ̣ ܠܹܗ ܠܥܵܠܲܡ.
15: ܥܲܠ ܟܠܗܘܿܢ ܦܸܬ̣ܓ̣ܵܡܹ̈ܐ ܗܵܠܹܝܢ: ܘܥܲܠ ܟܠܹܗ ܚܸܙܘܵܐ ܗܵܢܵܐ: ܗܵܟܲܢܵܐ ܡܲܠܸܠ ܢܵܬܲܢ ܢܒ̣ܝܼܵܐ ܥܲܡ ܕܵܘܝܼܕ݂.
16: ܘܐܸܬ̣ܵܐ ܡܲܠܟܵܐ ܕܵܘܝܼܕ݂: ܘܝܼܬܸܒ̣ ܩܕ݂ܵܡ ܡܵܪܝܵܐ: ܘܐܸܡܲܪ: ܡܵܢܵܐ ܚܫܝܼܒ̣ ܐ̄ܢܵܐ ܩܕ݂ܵܡܲܝܟ ܡܵܪܹܐ ܡܵܪ̈ܵܘܵܬ̣ܵܐ ܘܡܵܢܵܐ ܗ̄ܘܼ ܒܲܝܬ̇ܝ: ܕܡܲܛܝܼܬܵܢܝ ܥܕܲܡܵܐ ܠܗܵܪܟܵܐ.
17: ܙܥܘܿܪܝܵܐ ܗ̄ܝܼ ܗܵܕܹܐ ܒܥܲܝܢܲܝ̈ܟ: ܡܵܪܹܐ ܡܵܪ̈ܵܘܵܬ̣ܵܐ: ܕܡܲܠܸܠܬ̇ ܥܲܠ ܒܲܝܬܹ̇ܗ ܕܥܲܒ̣ܕܵܟ݂ ܡ̣ܢ ܠܩܘܼܕ݂ܡܝܼܢ ܘܟ݂ܠܗܘܿܢ ܒܢܲܝ̈ܢܵܫܵܐ ܕܥܵܒ̣ܕܝܼܢ ܕܸܚ̱ܠܬ̣ܵܟ݂ ܒܟ݂ܠܹܗ ܠܸܒ̇ܗܘܿܢ: ܡܲܦܸܩ ܐܲܢ̄ܬ̇ ܡ̣ܢ ܚܸܫܘܿܟ݂ܵܐ ܠܢܲܗܝܼܪܵܐ ܡܵܪܹܐ ܡܵܪ̈ܵܘܵܬ̣ܵܐ.
18: ܘܡܵܢܵܐ ܢܸܫܬܲܒ̣ܗܲܪ ܬܘܼܒ̣ ܕܵܘܝܼܕ݂ ܠܲܡܡܲܠܵܠܘܼ ܩܕ݂ܵܡܲܝܟ. ܓܠܹܝܢ ܥܒ̣ܵܕ݂ܵܘ̈ܗܝ ܕܥܲܒ̣ܕܵܟ݂ ܡܵܪܹܐ ܡܵܪ̈ܵܘܵܬ̣ܵܐ.
19: ܡܸܛܠ ܕܝܵܕܲܥ ܐܲܢ̄ܬ̇: ܡܵܢܵܐ ܐܝܼܬ̣ ܒܠܸܒܹ̇ܗ ܕܥܲܒ̣ܕܵܟ݂. ܥܒܲܕ̇ܬ̇ ܠܹܗ ܟܠܗܹܝܢ ܪܵܘ̱ܪ̈ܒ̣ܵܬ̣ܵܐ ܗܵܠܹܝܢ: ܠܡܵܘܪܵܒ̣ܘܼ ܠܥܵܒ̣ܕܵܟ݂.
20: ܡܸܛܠ ܗܵܢܵܐ ܝܼܕܲܥ̣ܬ̇ ܡܵܪܹܐ ܡܵܪ̈ܵܘܵܬ̣ܵܐ: ܡܸܛܠ ܕܠܲܝܬ̇ ܐܲܟ݂ܘܵܬ̣ܵܟ݂: ܘܠܲܝܬ̇ ܐܲܠܵܗܵܐ ܐܸܠܵܐ ܐܸܢ ܐܲܢ̄ܬ̇: ܐܲܝܟ݂ ܟܠ ܕܲܫܡܲܥ̄ܢ ܒܐܸܕ݂ܢܲܝ̈ܢ.
21: ܘܡܲܢܘܼ ܐܝܼܬ̣ ܠܵܟ݂ ܐܲܝܟ݂ ܥܲܡܵܟ݂ ܝܼܣܪܵܝܹܠ. ܥܲܡܵܐ ܚܲܕ݂ ܒܐܪܥܵܐ. ܕܐܸܬ̣ܓ̇ܠܝܼܬ̇ ܡ̣ܢ ܫܡܲܝܵܐ ܘܲܦܪܲܩ̣ܬ̇ ܐܸܢܘܿܢ: ܘܡܸܛܠܵܬ̣ܗܘܿܢ ܥܒܲܕ̇ܬ̇ ܢܸܣܝܘܿܢܹ̈ܐ ܪܵܘ̱ܪ̈ܒܹܐ ܘܲܕ݂ܚܝܼ̈ܠܹܐ: ܘܡܲܚ̈ܘܵܬ̣ܵܐ ܪܵܘ̱ܪ̈ܒ̣ܵܬ̣ܵܐ ܥܲܠ ܡܸܨܪ̈ܵܝܹܐ: ܥܕܲܡܵܐ ܠܐܲܝܟܵܐ ܕܐܲܦܸܩܬ̇ ܐܸܢܘܿܢ ܡ̣ܢ ܒܲܝܢܵܬ̣ܗܘܿܢ.
22: ܘܐܲܬ̣ܩܸܢܬ̇ ܠܵܟ݂ ܠܥܲܡܵܟ݂ ܝܼܣܪܵܝܹܠ: ܠܡܸܗܘܵܐ ܠܵܟ݂ ܥܲܡܵܐ: ܥܕܲܡܵܐ ܠܥܵܠܲܡ ܥܵܠܡܝܼܢ. ܘܐܲܢ̄ܬ̇ ܡܵܪܝܵܐ ܗ̤ܘܲܝܬ̇ ܠܗܘܿܢ ܐܲܠܵܗܵܐ.
23: ܡܸܟܹ̇ܝܠ ܡܵܪܝܵܐ: ܡܸܠܬ̣ܵܐ ܕܐܸܡܲܪܬ̇ ܥܲܠ ܥܲܒ̣ܕܵܟ݂: ܘܥܲܠ ܒܢܲܝ̈ ܒܲܝܬܹ̇ܗ: ܩܲܝܸܡ ܠܥܵܠܲܡ ܘܲܥܒܸܕ݂ ܐܲܝܟܲܢܵܐ ܕܐܸܡܲܪܬ̇.
24: ܘܢܸܫܬܲܪܪܘܼܢ ܥܒ̣ܵܕܲܝ̈ܟ ܠܥܵܠܲܡ ܘܢܸܫܬܲܒܲܚ ܫܡܵܟ݂ ܠܥܵܠܲܡ ܒܓ̣ܵܘ ܥܵܠܡܵܐ. ܘܢܸܗܘܘܿܢ ܐܵܡ̇ܪܝܼܢ: ܡܵܪܝܵܐ ܚܲܝܠܬ̣ܵܢܵܐ ܡܵܪܹܐ ܡܵܪ̈ܵܘܵܬ̣ܵܐ: ܐܲܠܵܗܵܐ ܕܝܼܣܪܵܝܹܠ ܘܒܲܝܬܹ̇ܗ ܕܕ݂ܵܘܝܼܕ݂ ܥܲܒ̣ܕܵܟ݂: ܢܸܗܘܹܐ ܡܲܬ̣ܩܲܢ ܩܕ݂ܵܡܲܝܟ ܠܥܵܠܲܡ.
25: ܡܸܛܠ ܕܐܲܢ̄ܬ̇ ܐܲܠܵܗܝ ܓܠܲܝܬ̇ ܐ̄ܪܵܙܵܐ ܠܥܲܒ̣ܕܵܟ݂: ܘܐܸܡܪܬ̇ ܠܹܗ: ܕܒܲܝܬܵܐ ܒܢܝܼ ܠܵܟ݂: ܡܸܛܠ ܗܵܢܵܐ ܣܕܲܪ ܥܲܒ̣ܕܵܟ݂ ܒܠܸܒܹ̇ܗ: ܠܲܡܨܲܠܵܝܘܼ ܩܕ݂ܵܡܲܝܟ ܨܠܘܿܬ̣ܵܐ ܗܵܕܹܐ.
26: ܡܸܟܹ̇ܝܠ ܡܵܪܝܵܐ ܐܲܢ̄ܬ̇ ܗ̄ܘ̣ ܐܲܠܵܗܝ: ܘܟ݂ܠ ܡܸܠܲܝ̈ܟ ܬܪ̈ܝܼܨܵܬ̣ܵܐ: ܐܲܝܠܹܝܢ ܕܡܲܠܸܠ̣ܬ̇ ܠܥܲܒ̣ܕܵܟ݂: ܛܵܒ̣ܵـ̈ـܬ̣ܵܐ ܐܸܢܹܝܢ.
27: ܘܡܸܟܹ̇ܝܠ ܐܸܬ̣ܓܲܠܚ ܠܲܡܒܲܪܵܟ݂ܘܼ ܠܒܲܝܬܹ̇ܗ ܕܥܲܒ̣ܕܵܟ݂: ܕܢܸܗܘܹܐ ܩܕ݂ܵܡܲܝܟ ܠܥܵܠܲܡ ܥܵܠܡܝܼܢ. ܡܸܛܠ ܕܐܲܢ̄ܬ̇ ܗ̄ܘ̣ ܡܵܪܝܵܐ ܡܵܪܹܐ ܡܵܪ̈ܵܘܵܬ̣ܵܐ ܡܲܠܸܠ̣ܬ̇ ܘܡ̣ܢ ܒܘܼܪܟܵܬ̣ܵܟ݂ ܡܸܬ̣ܒܲܪܟ݂ܝܼܢ ܒܵܬܲܝ̈ܗܘܿܢ ܕܙܲܕ̇ܝܼܩܹ̈ܐ ܠܥܵܠܲܡ.
ܩܹܦܵܠܹܐܘܿܢ : ܝܚ.
1: ܘܲܗܘ̤ܵܐ ܡ̣ܢ ܒܵܬܲܪ ܗܵܠܹܝܢ: ܘܲܚܪܲܒ̣ ܕܵܘܝܼܕ݂ ܠܲܦܠܸܫ̈ܬܵܝܹܐ ܘܐܵܘܒܸ̇ܕ݂ ܐܸܢܘܿܢ. ܘܲܢܣܲܒ̣ ܕܵܘܝܼܕ݂ ܚܘܼܛܵܐ ܕܲܡܫܘܼܚܬ̣ܵܐ: ܡ̣ܢ ܐܝܼܕ݂ܵܐ ܕܲܦܠܸܫܬܵܝܹ̈ܐ. ܘܲܢܣܲܒ̣ ܠܓܵܬ̣ ܘܲܠܟܲܦܪ̈ܘܿܢܹܝܗ̇: ܗܵܠܹܝܢ ܕܲܩܕ̇ܩܹ̈ܐ ܕܲܚܕ݂ܝܼܪܝܼܢ ܗ̄ܘ̣ܵܘ ܠܵܗ̇ ܡ̣ܢ ܦܠܸܫܬܵܝܹ̈ܐ.
2: ܘܲܚܪܲܒ̣ ܠܡܘܼܐܒ̣ܵܝܹ̈ܐ: ܘܲܗܘ̤ܵܘ ܡܘܼܐܒ̣ܵܝܹ̈ܐ ܥܲܒ̣̈ܕܹ̇ܐ ܫܵܩܠܲܝ̈ ܡܲܕܲܐܬ̣ܵܐ.
3: ܘܲܩܛܲܠ ܕܵܘܝܼܕ݂ ܠܲܗܕܲܪܥܙܲܪ ܡܲܠܟܵܐ ܕܲܢܨܝܼܒ̣ܝܼܢ: ܟܲܕ݂ ܐܸܙܲܠ̣ ܣܵܡ̣ ܬܚܘܼܡܵܐ ܒܢܲܗܪܵܐ ܦܪܵܬ̣.
4: ܘܐܹܚܲܕ݂ ܕܵܘܝܼܕ݂ ܡܸܢܹܗ ܐܵܠܹܦ ܙܵܘ̈ܓ̇ܝܼܢ: ܘܫܲܒ̣ܥܵܐ ܐܲܠܦ̈ܝܼܢ ܦܲܪ̈ܵܫܝܼܢ. ܘܲܥܩܲܪ ܕܵܘܝܼܕ݂ ܠܟ݂ܠܗܘܿܢ ܙܵܘ̈ܓܹ̇ܐ: ܘܲܫܒܲܩ ܡܸܢܗܘܿܢ ܡܵܐܐ ܙܵܘ̈ܓ̇ܝܼܢ.
5: ܘܐܸܬ̣ܵܘ ܐ̄ܢܵܫܲܝ̈ ܐܲܕ݂ܘܿܡ ܘܕܲܪܡܣܘܿܩ: ܠܲܡܥܲܕܵܪܘܼ ܠܲܗܕܲܪܥܙܲܪ ܡܲܠܟܵܐ ܕܲܢܨܝܼܒ̣ܝܼܢ. ܘܩܲܛܸܠ ܕܵܘܝܼܕ݂ ܡ̣ܢ ܐܲܕ݂ܘܿܡ: ܥܸܣܪܝܼܢ ܘܲܬ̣ܪܹܝܢ ܐܲܠܦ̈ܝܼܢ ܓܲܒ̣ܪ̈ܝܼܢ.
6: ܘܐܲܩܝܼܡ ܕܵܘܝܼܕ݂ ܫܲܠܝܼܛܵܢܹ̈ܐ ܒܕܲܪܡܣܘܿܩ: ܘܲܗܘ̤ܵܘ ܕܲܪ̈ܡܘܼܣܩܵܝܹܐ ܥܲܒ̣̈ܕܹ̇ܐ ܠܕ݂ܵܘܝܼܕ݂: ܫܵܩܠܲܝ̈ ܡܲܕܲܐܬ̣ܵܐ ܘܲܦܪܲܩ̣ ܡܵܪܝܵܐ ܠܕ݂ܵܘܝܼܕ݂ ܒܟ݂ܠ ܕܘܼܟܵܐ ܕܐܸܙܲܠ.
7: ܘܲܫܩܲܠ ܕܵܘܝܼܕ݂ ܫܲܠܛܹ̈ܐ ܕܕܲܗܒ̣ܵܐ ܕܲܗܘ̤ܵܘ ܬܠܹܝܢ ܥܲܠ ܪ̈ܲܟ݂ܫܵܐ ܕܥܲܒ̣ܕܵܘ̈ܗܝ ܕܲܗܕܲܪܥܙܲܪ: ܘܐܲܝܬ̇ܝܼ ܐܸܢܘܿܢ ܠܐܘܿܪܸܫܠܸܡ.
8: ܘܡ̣ܢ ܛܒܲܚ: ܘܡ̣ܢ ܒܪܘܼܬ̣ܝ: ܩܘܼܪ̈ܝܵܐ ܕܲܗܕܲܪܥܙܲܪ: ܢ̣ܣܲܒ̣ ܕܵܘܝܼܕ݂ ܢܚܵܫܵܐ ܕܣܲܓ̇ܝܼ ܛܵܒ̣. ܘܡܸܢܹܗ ܥ̣ܒܲܕ݂ ܕܵܘܝܼܕ݂: ܝܲܡܵܐ ܕܲܢܚܵܫܵܐ: ܘܐܸܣܛܘܿܢܹ̈ܐ ܕܲܢܚܵܫܵܐ: ܘܬ̣ܵܘܪܹ̈ܐ ܕܲܢܚܵܫܵܐ: ܘܡܵܐܢܲܝ̈ ܢܚܵܫܵܐ: ܣܘܿܓ̣ܵܐܐ ܕܛܵܒ̣.
9: ܘܲܫܡܲܥ̣: ܦܘܿܠ ܡܲܠܟܵܐ ܕܐܲܢܛܝܘܿܟ݂ܵܝܹ̈ܐ: ܕܲܚܪܲܒ̣ ܕܵܘܝܼܕ݂ ܚܲܝܠܵـ̈ـܘܵܬ̣ܵܐ ܕܲܗܕܲܪܥܙܲܪ ܡܲܠܟܵܐ ܕܲܢܨܝܼܒ̣ܝܼܢ.
10: ܘܫܲܕܲܪ ܠܝܘܿܪܵܡ ܒܪܹܗ ܠܘܵܬ̣ ܡܲܠܟܵܐ ܕܵܘܝܼܕ݂: ܠܡܸܫܐܲܠ ܒܲܫܠܵܡܹܗ: ܘܠܲܡܒܲܪܵܟ݂ܘܼܬܹܗ: ܥܲܠ ܕܐܸܬ̣ܟܲܬܲܫ ܥܲܡ ܗܕܲܪܥܙܲܪ ܘܲܡܚܵܝܗܝ: ܡܸܛܠ ܕܓܲܒ̣ܪܵܐ ܗ̄ܘ̣ܵܐ ܩܪܲܒ̣ܬ̣ܵܢܵܐ ܗܕܲܪܥܙܲܪ. ܘܒ̣ܐܝܼܕܹܗ ܕܝܘܿܪܵܡ ܗ̄ܘ̣ܵܘ ܡܵܐܢܲܝ ܟܸܣܦܵܐ: ܘܡܵܐܢܲܝ̈ ܕܲܗܒ̣ܵܐ: ܘܡܵܐܢܲܝ̈ ܢܚܵܫܵܐ.
11: ܘܐܵܦ ܡܸܢܗܘܿܢ ܩܲܕܸ̇ܫ ܡܲܠܟܵܐ ܕܵܘܝܼܕ݂ ܠܡܵܪܝܵܐ: ܥܲܡ ܟܸܣܦܵܐ ܘܕܲܗܒ̣ܵܐ ܕܲܢܣܲܒ̣ ܡ̣ܢ ܟܠܗܘܿܢ ܥܲܡܡܹ̈ܐ ܕܲܟ݂ܒܲܫ̣: ܡ̣ܢ ܐܲܕ݂ܘܿܡܵܝܹ̈ܐ: ܘܡ̣ܢ ܒܢܲܝ̈ ܥܲܡܘܿܢ: ܘܡ̣ܢ ܡܘܼܐܒ̣ܵܝܹ̈ܐ: ܘܡ̣ܢ ܦܠܸܫܬܵܝܹ̈ܐ: ܘܡ̣ܢ ܥܡܵܠܩܵܝܹ̈ܐ.
12: ܘܐܲܒ̣ܝܼܫܲܝ ܒܲܪ ܨܘܿܪܝܼܵܐ: ܐܲܚܘܼܗܝ ܕܝܘܿܐܵܒ̣: ܗ̤ܘ ܚ̣ܪܲܒ̣ ܠܐܲܕ݂ܘܿܡܵܝܹ̈ܐ ܒܢܲܚܠܵܐ ܕܡܸܠܚܵܐ: ܬܡܵܢܬܲܥܣܲܪ ܐܲܠܦ̈ܝܼܢ ܓܲܒ̣ܪ̈ܝܼܢ.
13: ܘܐܲܩܝܼܡ ܕܘܝܼܕ݂ ܥܲܠ ܐܲܕ݂ܘܿܡܵܝܹ̈ܐ ܫܲܠܝܼܛܵܢܹ̈ܐ. ܘܲܗܘ̤ܵܘ ܟܠܗܘܿܢ ܐܲܕ݂ܘܿܡܵܝܹ̈ܐ ܥܲܒ̣̈ܕܹ̇ܐ ܠܕ݂ܵܘܝܼܕ݂. ܘܲܦܪܲܩ̣ ܡܵܪܝܵܐ ܠܕ݂ܵܘܝܼܕ݂ ܒܟ݂ܠ ܕܘܼܟܵܐ ܕܐܵܙܹ̇ܠ ܗ̄ܘ̣ܵܐ.
14: ܘܐܲܡ̣ܠܸܟ݂ ܕܵܘܝܼܕ݂ ܥܲܠ ܟܠܹܗ ܝܼܣܪܵܝܹܠ. ܘܲܗܘ̤ܵܐ ܕܵܘܝܼܕ݂ ܥܵܒܹ̇ܕ݂ ܕܝܼܢܵܐ ܘܙܲܕ̇ܝܼܩܘܼܬ̣ܵܐ ܠܟ݂ܠܹܗ ܥܲܡܵܐ.
15: ܘܝܘܿܐܵܒ̣ ܒܲܪ ܨܘܿܪܝܼܵܐ ܫܲܠܝܼܛ ܥܲܠ ܟܠܗܘܿܢ ܚܝ̈ܠܵܘܵܬ̣ܵܐ: ܘܝܵܗܘܿܫܵܦܵܛ ܒܲܪ ܐܲܚܝܼܠܘܿܕ݂ ܡܕܲܒ̇ܪܵܢܵܐ.
16: ܘܨܵܕ݂ܘܿܩ ܒܲܪ ܐܲܚܝܼܛܘܿܒ̣: ܘܐܲܚܝܼܡܲܠܟ ܒܲܪ ܐܲܒ̣ܝܼܬ̣ܵܪ ܟܵܗܢܹ̈ܐ: ܘܣܲܪܝܼܵܐ ܣܵܦܪܵܐ.
17: ܘܲܒ̣ܢܵܝܵܐ ܒܲܪ ܝܘܿܝܵܕ݂ܵܥ: ܥܲܠ ܩܲܫܵܬܹ̈ܐ ܘܥܲܠ ܩܸܠܥܹ̈ܐ. ܘܲܒ̣ܢܵܘ̈ܗܝ ܕܕ݂ܵܘܝܼܕ݂ ܪܵܘ̱ܪ̈ܒ̣ܝܼܢ ܗ̄ܘ̣ܵܘ.
ܩܹܦܵܠܹܐܘܿܢ : ܝܛ.
1: ܘܲܗܘ̤ܵܐ ܡ̣ܢ ܒܵܬܲܪ ܗܵܠܹܝܢ: ܘܡ̣ܝܼܬ̣ ܢܵܚܵܫ ܡܲܠܟܵܐ ܕܲܒ̣ܢܲܝ̈ ܥܲܡܘܿܢ ܘܐܲܡ̣ܠܸܟ݂ ܚܵܢܘܿܢ ܒܪܹܗ ܒܵܬ̣ܪܹܗ.
2: ܘܐܸܡܲܪ ܕܵܘܝܼܕ݂: ܡܸܥܒܲܕ݂ ܐܸܥܒܸ̇ܕ݂ ܚܸܣܕ݂ܵܐ ܥܲܡ ܚܵܢܘܿܢ ܒܲܪ ܢܵܚܵܫ: ܐܲܝܟܲܢܵܐ ܕܲܥܒܲܕ݂ ܐܲܒ̣ܘܼܗܝ ܥܲܡܝ ܚܸܣܕ݂ܵܐ ܘܫܲܕܲܪ ܕܵܘܝܼܕ݂ ܐܝܼܙ̈ܓܲܕܹ̇ܐ ܠܲܡܒܲܝܵܐܘܼܬܹܗ ܥܲܠ ܐܲܒ̣ܘܼܗܝ ܘܐܸܬ̣ܵܘ ܥܲܒ̣ܕܵܘ̈ܗܝ ܕܕ݂ܵܘܝܼܕ݂ ܠܐܲܪܥܵܐ ܕܲܒ̣ܢܲܝ̈ ܥܲܡܘܿܢ: ܠܘܵܬ̣ ܚܵܢܘܿܢ ܠܲܡܒܲܝܵܐܘܼܬܹܗ.
3: ܘܐܵܡ̇ܪܝܼܢ ܪܵܘ̱ܪ̈ܒ̣ܵܢܹܐ ܕܲܒ̣ܢܲܝ̈ ܥܲܡܘܿܢ ܠܚܵܢܘܿܢ ܡܵܪܗܘܿܢ: ܡܝܲܩܵܪܘܼ ܡܝܲܩܲܪ ܗ̄ܘ̣ܵܐ ܕܵܘܝܼܕ݂ ܠܐܲܒ̣ܘܼܟ݂ ܒܚܲܝܵܘ̈ܗܝ ܡܸܛܠ ܕܗܵܐ ܫܲܕܲܪ ܠܵܟ݂ ܡܒܲܝܵܐܢܹ̈ܐ. ܡܸܛܠ ܕܲܠܡܸܓܲܫ ܡܕ݂ܝܼܢ̄ܬܵܐ: ܘܲܠܡܸܕܲܥ ܡܲܦܩܵܢܹ̈ܐ ܘܡܲܥܠܵܢܹ̈ܐ: ܫܲܕܲܪ ܕܵܘܝܼܕ݂ ܥܲܒ̣ܕܵܘ̈ܗܝ ܠܘܵܬܲܢ.
4: ܘܲܕ݂ܒܲܪ ܚܵܢܘܿܢ ܠܥܲܒ̣ܕܵܘ̈ܗܝ ܕܕ݂ܵܘܝܼܕ݂: ܘܲܓ̣ܪܲܓ̣ ܦܵܠܓܘܼܬ̣ ܕܲܩܢܲܝ̈ܗܘܿܢ: ܘܦܵܠܓܘܼܬ̣ ܪܹ̈ܫܲܝܗܘܿܢ: ܘܩܲܕܸ̇ܕ݂ ܟܘܿܬ̇ܝܼܢ̈ܝܵܬ̣ܗܘܿܢ: ܥܕܲܡܵܐ ܠܲܟ݂ܢܘܼܬ̣ ܫܸܪ̈ܲܝܗܘܿܢ: ܘܫܲܕܲܪ ܐܸܢܘܿܢ.
5: ܘܚܵܘܝܼܘ ܠܕ݂ܵܘܝܼܕ݂. ܘܫܲܕܲܪ ܠܐܘܼܪܥ̱ܗܘܿܢ ܕܓܲܒ̣ܪܹ̈ܐ: ܡܸܛܠ ܕܒܲܗܝܼܬ̣ܝܼܢ ܗ̄ܘ̣ܵܘ. ܘܐܸܡܲܪ ܠܗܘܿܢ ܡܲܠܟܵܐ: ܬܸܒ̣ܘ ܒܐܝܼܪܝܼܚܘܿ ܥܕܲܡܵܐ ܠܐܲܝܟܵܐ ܕܢܹܐܗܘܿܢ ܕܲܩܢܲܝ̈ܟ̇ܘܿܢ: ܘܬܸܗܦܟ݂ܘܿܢ.
6: ܘܲܚܙܲܘ ܒܢܲܝ̈ ܥܲܡܘܿܢ ܕܐܲܣܟܸ̇ܠܘ ܒܥܲܒ̣ܕܵܘ̈ܗܝ ܕܕ݂ܵܘܝܼܕ݂ ܘܫܲܕܲܪ ܚܵܢܘܿܢ ܘܲܒ̣ܢܲܝ̈ ܥܲܡܘܿܢ ܠܡܹܐܓܲܪ ܠܗܘܿܢ ܒܐܵܠܹܦ ܟܲܟ̇ܪ̈ܝܼܢ ܕܟܸܣܦܵܐ: ܡ̣ܢ ܐܵܪܵܡ ܢܲܗܪ̈ܝܼܢ: ܘܡ̣ܢ ܚܵܪܵܢ: ܘܡ̣ܢ ܢܨܝܼܒ̣ܝܼܢ: ܘܡ̣ܢ ܐܵܕܿܘܿܡ: ܙܵܘ̈ܓܹ̇ܐ ܘܦܲܪ̈ܵܫܹܐ.
7: ܘܐܸܓܲܪܘ ܠܗܘܿܢ ܬܠܵܬ̣ܝܼܢ ܘܲܬ̣ܪܹܝܢ ܐܲܠܦ̈ܝܼܢ ܦܲܪ̈ܵܫܝܼܢ: ܘܲܠܡܲܠܟܵܐ ܕܚܵܪܵܢ: ܘܲܠܡܲܠܟܵܐ ܕܐܲܕ݂ܘܿܡ: ܘܲܠܡܲܠܟܵܐ ܕܐܵܪܡ ܢܲܗܪ̈ܝܼܢ: ܘܲܠܡܲܠܟܵܐ ܕܲܢܨܝܼܒ̣ܝܼܢ: ܘܲܠܚܲܝ̈ܠܵܘܵܬ̣ܗܘܿܢ ܘܐܸܬ̣ܵܘ ܘܲܫܪܵܘ ܩܕ݂ܵܡ ܡܲܐܕ̇ܒ̣ܵܐ. ܘܲܒ̣ܢܲܝ̈ ܥܲܡܘܿܢ ܐܸܬ̣ܟܲܢܲܫܘ ܡ̣ܢ ܩܘܼܪ̈ܝܼܗܘܿܢ: ܘܐܸܬ̣ܵܘ ܠܲܩܪܵܒ̣ܵܐ.
8: ܘܲܫܡܲܥ ܕܵܘܝܼܕ݂: ܘܫܲܕܲܪ ܠܝܘܿܐܵܒ̣: ܘܲܠܟ݂ܠ ܚܲܝ̈ܠܵܘܵܬ̣ܵܐ ܕܓܲܢ̄ܒܵܪܹ̈ܐ.
9: ܘܲܢܦܲܩ̣ܘ ܒܢܲܝ̈ ܥܲܡܘܿܢ: ܘܲܥܒܲܕ݂ܘ ܩܪܵܒ̣ܵܐ ܩܕ݂ܵܡ ܬܲܪܥܵܐ. ܘܗܵܠܹܝܢ ܡܲܠܟܹ̇ܐ ܗܸܢܘܿܢ ܘܚܲܝ̈ܠܵܘܵܬ̣ܗܘܿܢ ܫܪܹܝܢ ܗ̄ܘ̣ܵܘ ܒܲܠܚܘܿܕܲܝ̈ܗܘܿܢ ܒܚܲܩ̈ܠܵܬ̣ܵܐ.
10: ܘܲܚܙܵܐ ܝܘܿܐܵܒ̣ ܕܲܥܫܸܢ ܥܠܵܘܗܝ ܩܪܵܒ̣ܵܐ. ܡ̣ܢ ܩܕ݂ܵܡܵܘܗܝ ܘܡ̣ܢ ܒܸܣܬ̇ܪܹܗ. ܘܲܓܒ̣ܵܐ ܠܹܗ ܡ̣ܢ ܟܠܗܘܿܢ ܓܲܢ̄ܒܵܪܹ̈ܐ ܕܝܼܣܪܵܝܹܠ: ܘܲܥܒܲܕ݂ ܩܪܵܒ̣ܵܐ ܠܘܼܩܒܲܠ ܐܲܕ݂ܘܿܡ.
11: ܘܫܲܪܟܵܐ ܕܥܲܡܵܐ: ܐܲܫܠܸܡ ܠܐܲܒ̣ܝܼܫܲܝ ܐܲܚܘܼܗܝ. ܘܲܣܕܲܪ ܠܘܼܩܒܲܠ ܒܢܲܝ̈ ܥܲܡܘܿܢ.
12: ܘܐܸܡܲܪ ܠܹܗ: ܐܸܢܗ̤ܘ ܕܢܸܬ̣ܩܲܦ ܡܹܢܝ ܐܲܕ݂ܘܿܡ: ܬܹܐܬܹܐ ܬܦܲܨܹܝܢܝ ܘܐܸܢ ܒܢܲܝ̈ ܥܲܡܘܿܢ ܢܸܬ̣ܩܦܘܼܢ ܡܸܢܵܟ݂: ܐܹܬܹܐ ܘܐܹܦܲܨܹܝܟ݂ ܡܸܢܗܘܿܢ.
13: ܬܩܲܦ: ܘܐܸܬ̇ܬܲܩܲܦ ܘܢܸܬ̣ܟܲܬܲܫ ܥܲܠ ܐܲܦܲܝ̈ ܥܲܡܲܢ: ܘܥܲܠ ܐܲܦܲܝ̈ ܩܘܼܪ̈ܝܵܐ ܕܐܲܠܵܗܵܐ. ܘܡܵܪܝܵܐ ܢܸܥܒܸ̇ܕ݂ ܡܸܕܸ̇ܡ ܕܫܲܦܝܼܪ ܒܥܲܝܢܵܘ̈ܗܝ.
14: ܘܲܩܪܸܒ̣ ܝܘܿܐܵܒ̣ ܘܥܲܡܵܐ ܕܐܝܼܬ̣ ܥܲܡܹܗ: ܠܡܸܬ̣ܟܲܬܵܫܘܼ ܥܲܡ ܐܲܕ݂ܘܿܡܵܝܹ̈ܐ: ܘܲܥܪܲܩܘ ܡ̣ܢ ܩܕ݂ܵܡܵܘܗܝ.
15: ܘܲܒ̣ܢܲܝ̈ ܥܲܡܘܿܢ ܚܙܵܘ ܕܲܥܪܲܩ̣ܘ ܐܲܕ݂ܘܿܡܵܝܹ̈ܐ. ܘܲܥܪܲܩ̣ܘ ܐܵܦ ܗܸܢܘܿܢ ܡ̣ܢ ܩܕ݂ܵܡ ܐܲܒ̣ܝܼܫܲܝ ܐܲܚܘܼܗܝ. ܘܐܸܬ̣ܵܘ ܠܲܩܪܝܼܬ̣ܵܐ. ܘܲܗܦܲܟ݂ ܝܘܿܐܵܒ̣ ܠܐܘܿܪܸܫܠܸܡ.
16: ܘܲܚܙ̣ܵܘ ܐܲܕ݂ܘܿܡܵܝܹ̈ܐ ܕܐܸܬ̇ܬ̇ܒܲܪܘ ܩܕ݂ܵܡ ܒܢܲܝ̈ ܝܼܣܪܵܝܹܠ. ܘܫܲܕܲܪܘ ܐܝܼܙ̈ܓܲܕܹ̇ܐ: ܘܐܲܦܸܩܘ ܠܐܲܕ݂ܘܿܡܵܝܹ̈ܐ ܕܐܝܼܬ̣ ܡ̣ܢ ܥܒܲܪ ܢܲܗܪܵܐ. ܘܐܸܬ̣ܵܘ ܠܚܝܼܠܲܡ: ܘܲܫܒ̣ܘܿܟ݂ ܪܲܒ̇ ܚܲܝܠܹܗ ܕܲܗܕܲܪܥܙܲܪ ܩܕ݂ܵܡܲܝܗܘܿܢ.
17: ܘܚܵܘܝܼܘ ܠܕ݂ܵܘܝܼܕ݂. ܘܟܲܢܸܫ ܠܟ݂ܠܹܗ ܝܼܣܪܵܝܹܠ: ܘܐܸܬ̣ܵܐ ܥܠܲܝܗܘܿܢ ܘܲܣܕܲܪ ܕܵܘܝܼܕ݂ ܠܘܼܩܒܲܠ ܐܲܕ݂ܘܿܡܵܝܹ̈ܐ ܩܪܵܒ̣ܵܐ. ܘܐܸܬ̣ܟܲܬܲܫ ܥܲܡܗܘܿܢ.
18: ܘܲܥܪܲܩ̣ܘ ܐܲܕ݂ܘܿܡܵܝܹ̈ܐ ܡ̣ܢ ܩܕ݂ܵܡ ܒܢܲܝ̈ ܝܼܣܪܵܝܹܠ ܘܲܚܪܲܒ̣ ܕܵܘܝܼܕ݂ ܒܐܲܕ݂ܘܿܡܵܝܹ̈ܐ: ܫܲܒ̣ܥܵܐ ܐܲܠܦ̈ܝܼܢ ܙܵܘ̈ܓ̇ܝܼܢ: ܘܐܲܪܒ̇ܥܵܐ ܐܲܠܦ̈ܝܼܢ ܓܲܒ̣ܪܹ̈ܐ ܪܸ̈ܓ̣ܠܵܝܹܐ. ܘܲܫܒ̣ܘܿܟ݂ ܪܲܒ̇ ܚܲܝܠܹܗ ܕܲܗܕܲܪܥܙܲܪ ܐܸܬ̣ܩܛܸܠ ܬܲܡܵܢ.
19: ܘܲܚܙܵܘ ܥܲܒ̣ܕܵܘ̈ܗܝ ܕܲܗܕܲܪܥܙܲܪ ܕܐܸܬ̇ܬ̇ܒܲܪܘ ܩܕ݂ܵܡ ܒܢܲܝ̈ ܝܼܣܪܵܝܹܠ ܘܐܲܫܠܸܡ̣ܘ ܠܕ݂ܵܘܝܼܕ݂: ܘܦܲܠܚܘܼܗܝ. ܘܠܵܐܨܒ̣ܵܘ ܐܲܕ݂ܘܿܡܵܝܹ̈ܐ ܠܲܡܥܲܕܵܪܘܼ ܬܘܼܒ̣ ܠܲܒ̣ܢܲܝ̈ ܥܲܡܘܿܢ.
ܩܹܦܵܠܹܐܘܿܢ : ܟܟ.
1: ܘܲܗܘ̤ܵܐ ܠܫܲܢ̄ܬܵܐ ܐ̄ܚܪܹܬܵܐ ܠܙܲܒ̣ܢܵܐ ܕܡܲܦܩܵܢܵܐ ܕܡܲܠ̈ܟܹ̇ܐ: ܘܟܲܢܸܫ ܝܘܿܐܵܒ̣ ܚܲܝ̈ܠܵܘܵܬ̣ܵܐ ܘܐܸܬ̣ܵܐ ܘܲܫ̣ܪܵܐ ܥܲܠ ܐܲܪܥܵܐ ܕܲܒ̣ܢܲܝ̈ ܥܲܡܘܿܢ: ܘܐܸܚܲܕ݂ ܒܵܗ̇. ܘܲܫܪܵܐ ܥܲܠ ܪܲܒ̇ܬ̣ ܡܕ݂ܝܼܢ̄ܬ̇ܗܘܿܢ ܪܲܒ̇ܬ̣ܵܐ. ܘܕ݂ܵܘܝܼܕ݂ ܝܵܬܹ̇ܒ̣ ܗ̄ܘ̣ܵܐ ܒܐܘܿܪܸܫܠܸܡ. ܘܐܸܚܲܕ݂ ܝܘܿܐܵܒ̣ ܠܪܲܒܲܬ̣ ܡܕ݂ܝܼܢ̄ܬ̇ܗܘܿܢ. ܘܥܲܩܪܵܗ̇.
2: ܘܲܢܣܲܒ̣ ܕܵܘܝܼܕ݂ ܬܵܓ̣ܵܐ ܕܡܲܠܟ̇ܗܘܿܢ ܡ̣ܢ ܪܹܫܹܗ. ܘܬܲܩܠܹܗ: ܘܐܸܫܟܲܚ ܒܹܗ ܡܲܬ̣ܩܵܠܵܐ ܕܟܲܟ̇ܪܵܐ ܕܕܲܗܒ̣ܵܐ. ܘܐܝܼܬ̣ ܗ̄ܘ̣ܵܘ ܒܹܗ ܛܲܒ̣ܥܹ̈ܐ ܛܵܒܹ̈ܐ. ܘܣܵܡܹܗ ܕܵܘܝܼܕ݂ ܒܪܹܫܹܗ. ܘܲܫܒ̣ܝܼܬ̣ܵܐ ܕܲܡܕ݂ܝܼܢ̄ܬܵܐ ܐܲܦܸܩ̣ ܣܘܿܓ̣ܵܐܐ ܕܛܵܒ̣.
3: ܘܥܲܡܵܐ ܕܐܝܼܬ̣ ܗ̄ܘ̣ܵܐ ܒܵܗ̇ ܐܲܦܸܩ̣ ܐܸܢܘܿܢ: ܘܐܸܣܲܪ ܒܫܸܫ̈ܠܵܬ̣ܵܐ ܘܲܒ̣ܩܘܼܠܵܪܹ̈ܐ ܕܦܲܪܙܠܵܐ: ܘܲܒ̣ܩ̈ܘܼܦܠܹܐ ܘܲܒ̣ܡܲܨ̈ܡܵܬ̣ܵܐ. ܘܐܸܣܲܪ ܐܸܢܘܿܢ ܠܟ݂ܠܗܘܿܢ: ܘܗܵܟܲܢܵܐ ܥܒܲܕ݂ ܠܟ݂ܠܗܘܿܢ ܒܢܲܝ̈ܢܵܫܵܐ: ܕܐܸܫܬ̇ܟܲܚܘ ܒܩܘܼܪ̈ܝܵܐ ܕܲܒ̣ܢܲܝ̈ ܥܲܡܘܿܢ. ܘܠܵܐ ܩܛܲܠ̣ ܐ̄ܢܵܫ ܡܸܢܗܘܿܢ. ܘܐܸܙܲܠ ܘܐܵܘܬܸ̇ܒ̣ ܐܸܢܘܿܢ ܒܩܘܼܪ̈ܝܵܐ ܕܐܲܪܥܵܐ ܕܝܼܣܪܵܝܹܠ ܘܲܗܦܲܟ݂ ܕܵܘܝܼܕ݂ ܘܟ݂ܠ ܕܥܲܡܹܗ ܠܐܘܿܪܸܫܠܸܡ.
4: ܘܡ̣ܢ ܒܵܬܲܪ ܗܵܠܹܝܢ ܬܘܼܒ̣: ܗܘ̤ܵܐ ܩܪܵܒ̣ܵܐ ܒܥܲܐܙܵܐ ܥܲܡ ܦܠܸܫܬܵܝܹ̈ܐ. ܘܗܵܝܕܹ̇ܝܢ ܩܛܲܠ ܣܲܒ̣ܟ̇ܝܼ ܕܡ̣ܢ ܚܲܡܫܲܬ̣ ܠܣܘܿܦܝܼ ܕܡ̣ܢ ܒܢܲܝ̈ ܓܲܢ̄ܒܵܪܹ̈ܐ.
5: ܘܲܗܘ̤ܵܐ ܬܘܼܒ̣ ܩܪܵܒ̣ܵܐ ܥܲܡ ܦܠܸܫܬܵܝܹ̈ܐ. ܘܲܩܛܲܠ ܐܸܠܚܲܢܵܢ ܒܲܪ ܝܵܥܝܼܪ ܠܠܲܚܡܝܼ ܕܡ̣ܢ ܒ̈ܢܲܝܵܐ ܕܓܲܕ݂ܦܵܐ ܡܚܲܣܕ݂ܵܢܝܼܬ̣ܵܐ: ܕܲܗܘ̤ܵܐ ܐܲܚܘܼܗܝ ܕܓ̣ܘܼܠܝܲܕ݂ ܓܲܢ̄ܒܵܪܵܐ ܕܡ̣ܢ ܓܵܬ̣. ܘܲܫܢܵܢܵܐ ܕܢܲܝܙܟܹܗ ܥܒܸܐ ܗ̄ܘ̣ܵܐ ܐܲܝܟ݂ ܢܵܘܠܵܐ ܕܓܲܪ̈ܕ̇ܝܵܝܹܐ.
6: ܘܲܗܘ̤ܵܐ ܬܘܼܒ̣ ܩܪܵܒ̣ܵܐ ܒܓ̣ܵܬ̣. ܘܲܗܘ̤ܵܐ ܬܲܡܵܢ ܓܲܢ̄ܒܵܪܵܐ ܓܲܒ̣ܪܵܐ ܚܲܕ݂ ܕܲܡܫܘܼܚܬ̣ܵܐ. ܘܨܸܒ̣̈ܥܵܬ̣ܵܐ ܕܐܝܼܕ݂ܵܘ̈ܗܝ ܘܲܕ݂ܪܸ̈ܓ̣ܠܵܘܗܝ: ܗ̤ܘܲܝ̈ ܫܸܬ̣ ܫܸܬ̣: ܥܸܣܪܝܼܢ ܘܐܲܪܒܲܥ ܒܡܸܢܝܵܢܵܐ ܘܐܵܦ ܗ̤ܘ ܐܸܬ̣̱ܝܼܠܸܕ݂ ܠܲܡܚܲܣܕ݂ܵܢܝܼܬ̣ܵܐ.
7: ܘܲܡܚܲܣܸܕ݂ ܗ̄ܘ̣ܵܐ ܠܝܼܣܪܵܝܹܠ: ܘܩܲܛܠܹܗ ܝܘܿܢܵܬ̣ܵܢ ܒܲܪ ܫܲܡܵܐ ܐܲܚܘܼܗܝ ܕܕ݂ܵܘܝܼܕ݂.
8: ܐܲܪܒ̇ܥܵܐ ܗܵܠܹܝܢ ܐܸܬ̣̱ܝܼܠܸܕ݂ ܠܲܡܚܲܣܕ݂ܵܢܝܼܬ̣ܵܐ: ܒܓܵܬ̣. ܘܐܸܬ̇ܬ̇ܒܲܪܘ ܒܐܝܼܕ݂ܵܐ ܕܕ݂ܵܘܝܼܕ݂ ܘܒ̣ܐܝܼܕ݂ܵܐ ܕܥܲܒ̣ܕܵܘ̈ܗܝ.
ܩܹܦܵܠܹܐܘܿܢ : ܟܐ.
1: ܘܩܵܡ̣ ܣܵܛܵܢܵܐ ܠܝܼܣܪܵܝܹܠ. ܘܣܲܪܗܸܒ̣ ܠܕ݂ܵܘܝܼܕ݂ ܠܡܸܡܢܵܐ ܠܝܼܣܪܵܝܹܠ.
2: ܘܐܸܡܲܪ ܕܵܘܝܼܕ݂ ܠܝܘܿܐܵܒ̣ ܒܲܪ ܨܘܿܪܝܼܵܐ ܘܲܠܪܵܘ̱ܪ̈ܒ̣ܵܢܵܘܗܝ ܕܥܲܡܵܐ: ܙܸܠܘ ܘܲܡܢܵܘ ܠܥܲܡܵܐ ܕܝܼܣܪܵܝܹܠ: ܡ̣ܢ ܒܹܪܫܒܲܥ ܘܲܥܕܲܡܵܐ ܠܕ݂ܵܢ. ܘܬ̣ܵܘ ܠܘܵܬ̣ܝ. ܘܐܸܕܲܥ ܡܸܢܝܵܢܹܗ ܕܥܲܡܵܐ.
3: ܘܐܸܡܲܪ ܝܘܿܐܵܒ̣ ܠܕ݂ܵܘܝܼܕ݂ ܡܲܠܟܵܐ: ܢܵܘܣܸܦ ܡܵܪܝܵܐ ܐܲܠܵܗܵܟ݂ ܥܲܠ ܥܲܡܹܗ: ܐܲܟ݂ܘܵܬ̣ܗܘܿܢ ܘܐܲܟ݂ܘܵܬ̣ܗܘܿܢ ܡܵܐܐ ܙܲܒ̣ܢ̈ܝܼܢ ܘܥܲܝܢܵܘ̈ܗܝ ܕܡܵܪܝ ܡܲܠܟܵܐ ܢܸܚܙ̈ܝܵܢ. ܡܸܛܠ ܕܟ݂ܠܗܘܿܢ ܥܲܒ̣ܕܵܘ̈ܗܝ ܐܸܢܘܿܢ. ܘܡܵܪܲܢ ܡܲܠܟܵܐ ܠܡܵܢܵܐ ܗ̄ܘ̣ ܐܸܨܛܒ̣ܝܼ ܒܵܗ̇ ܒܡܸܠܬ̣ܵܐ ܗܵܕܹܐ.
4: ܘܡܸܠܬܹܗ ܕܡܲܠܟܵܐ ܥܸܫܢܲܬ̤ ܥܲܠ ܝܘܿܐܵܒ̣. ܘܲܢܦܲܩ ܝܘܿܐܵܒ̣ ܘܗܲܠܸܟ݂ ܒܟ݂ܠܹܗ ܝܼܣܪܵܝܹܠ. ܘܲܗܦܲܟ݂ ܘܐܸܬ̣ܵܐ ܠܐܘܿܪܸܫܠܸܡ.
5: ܘܝܲܗ̄ܒ̣ ܝܘܿܐܵܒ̣ ܡܸܢܝܵܢܵܐ ܘܚܘܼܫܒܵܢܵܐ ܕܥܲܡܵܐ ܠܕ݂ܵܘܝܼܕ݂. ܘܲܗܘ̤ܵܐ ܚܘܼܫܒܵܢܵܐ ܕܲܒ̣ܢܲܝ̈ ܝܼܣܪܵܝܹܠ ܐܵܠܹܦ ܐܲܠܦ̈ܝܼܢ ܘܡܵܐܐ ܐܲܠܦ̈ܝܼܢ ܪܸ̈ܓ̣ܠܵܝܹܐ ܫܵܡܛܲܝ̈ ܣܲܝܦܵܐ ܘܫܲܒ̣ܛܵܐ ܕܒܹܝܬ̣ ܝܼܗܘܼܕ݂ܵܐ ܗܘ̤ܵܘ ܒܡܸܢܝܵܢܵܐ ܐܲܪܒ̇ܥܡܵܐܐ ܘܫܲܒ̣ܥܝܼܢ ܐܲܠܦ̈ܝܼܢ ܓܲܒ̣ܪܹ̈ܐ ܫܵܠܦܲܝ̈ ܣܲܝܦܵܐ.
6: ܘܠܹܘܵܝܹ̈ܐ ܘܟ݂ܵܗܢܹ̈ܐ: ܘܫܲܒ̣ܛܵܐ ܕܒܹܝܬ̣ ܒܸܢܝܵܡܹܝܢ ܠܵܐ ܐܸܬ̣̱ܡܢܝܼ ܥܲܡܗܘܿܢ: ܡܸܛܠ ܕܐܲܣܠܝܼ ܝܘܿܐܵܒ̣ ܡܸܠܬܹܗ ܕܡܲܠܟܵܐ. ܘܠܵܐ ܨܒ̣ܵܐ ܝܘܿܐܵܒ̣ ܠܡܸܡܢܵܐ ܐܸܢܘܿܢ.
7: ܘܐܸܬ̣ܒ̇ܐܸܫ ܦܸܬ̣ܓ̣ܵܡܵܐ ܒܥܲܝܢܲܝ̈ ܡܵܪܝܵܐ: ܥܲܠ ܕܲܡܢܵܐ ܕܵܘܝܼܕ݂ ܠܝܼܣܪܵܝܹܠ.
8: ܘܐܸܡܲܪ ܕܵܘܝܼܕ݂ ܠܡܵܪܝܵܐ: ܚܛܹ̇ܝܬ̣ ܛܵܒ̣ ܒܡܸܕܸ̇ܡ ܕܥܸܒ̣ܕܹܬ̣ ܒܦܸܬ̣ܓ̣ܵܡܵܐ ܗܵܢܵܐ. ܘܐܵܦ ܗܵܫܵܐ ܐܲܥܒܲܪ ܚܵܘܒܵܘ̈ܗܝ ܕܥܲܒ̣ܕܵܟ݂: ܡܸܛܠ ܕܐܲܣܟ̇ܠܹܬ̣ ܛܵܒ̣.
9: ܘܩܲܕܸ̇ܡ ܕܵܘܝܼܕ݂ ܒܨܲܦܪܵܐ ܘܡܸܠܬܹܗ ܕܡܵܪܝܵܐ ܗܘ̤ܵܬ̣ ܥܲܠ ܓܵܕ݂ ܢܒ̣ܝܼܵܐ: ܘܐܸܡܲܪ ܠܹܗ.
10: ܙܸܠ ܘܐܸܡܲܪ ܠܕ݂ܵܘܝܼܕ݂: ܗܵܟܲܢܵܐ ܐܵܡܲܪ ܡܵܪܝܵܐ: ܬܠܵܬ̣ ܒܝܼ̈ܫܵܢ ܡܲܝܬܹ̇ܐ ܐ̄ܢܵܐ ܥܠܲܝܟ ܓܒ̣ܝܼ ܠܵܟ݂ ܚܕ݂ܵܐ ܡܸܢܗܹܝܢ: ܘܐܸܥܒܸ̇ܕ݂ ܠܵܟ݂.
11: ܘܐܸܬ̣ܵܐ ܓܵܕ݂ ܢܒ̣ܝܼܵܐ ܠܘܵܬ̣ ܕܵܘܝܼܕ݂: ܘܐܸܡܲܪ ܠܹܗ: ܗܵܟܲܢܵܐ ܐܵܡܲܪ ܡܵܪܝܵܐ: ܩܲܒܸ̇ܠ ܠܵܟ݂.
12: ܐܵܘ ܬܠܵܬ̣ ܫܢ̈ܝܼܢ ܟܲܦܢܵܐ ܒܐܲܪܥܵܐ. ܐܵܘ ܬܠܵܬ̣ܵܐ ܝܲܪ̈ܚܝܼܢ ܬܸܬ̣̱ܡܣܲܪ ܩܕ݂ܵܡ ܒܥܸܠܕ̇ܒ̣ܵܒ̣ܵܟ݂: ܘܗ̤ܘ ܢܸܗܘܹܐ ܪܵܕܹܦ ܠܵܟ݂: ܘܗ̤ܘ ܢܸܗܘܹܐ ܫܲܠܝܼܛ ܒܵܟ݂ ܐܵܘ ܬܠܵܬ̣ܵܐ ܝܵܘ̈ܡܝܼܢ ܚܲܪܒܹ̇ܗ ܕܡܵܪܝܵܐ ܒܝܼܣܪܵܝܹܠ. ܘܐܵܦ ܗܵܫܵܐ ܕܲܥ ܘܲܚܙܝܼ ܡܵܢܵܐ ܝܵܗܹ̇ܒ̣ ܐܲܢ̄ܬ̇ ܦܸܬ̣ܓ̣ܵܡܵܐ ܠܘܵܬ̣ ܡܲܢ ܕܫܲܕ̇ܪܲܢܝ ܠܘܵܬ̣ܵܟ݂.
13: ܘܐܸܡܲܪ ܕܵܘܝܼܕ݂ ܠܓܵܕ݂: ܥܵܩܲܬ̤ ܠܝܼ ܛܵܒ̣. ܢܸܫܬ̇ܠܸܡ ܒܐܝܼܕ݂ܵܘ̈ܗܝ ܕܡܵܪܝܵܐ ܕܣܲܓ̇ܝܼܐܝܼܢ ܪ̈ܲܚܡܵܘܗܝ ܛܵܒ̣: ܘܒ̣ܐܝܼܕ݂ܵܐ ܕܲܒ̣ܢܲܝ̈ܢܵܫܵܐ ܠܵܐ ܢܸܫܬ̇ܠܸܡ.
14: ܘܝܲܗ̄ܒ̣ ܡܵܪܝܵܐ ܡܵܘܬܵܢܵܐ ܒܝܼܣܪܵܝܹܠ. ܘܲܢܦܲܠܘ ܡ̣ܢ ܝܼܣܪܵܝܹܠ ܫܲܒ̣ܥܝܼܢ ܐܲܠܦ̈ܝܼܢ ܓܲܒ̣ܪܹ̈ܐ.
15: ܘܫܲܕܲܪ ܡܵܪܝܵܐ ܡܲܠܲܐܟ݂ܵܐ ܠܐܘܿܪܸܫܠܸܡ ܠܸܡܚܲܒܵܠܘܼܬ̣ܵܗ̇. ܘܟܲܕ݂ ܡܚܲܒܸ̇ܠ ܠܵܗ̇: ܚ̣ܙܵܝܗܝ ܡܵܪܝܵܐ: ܘܐܸܬ̣ܒܲܝܲܐ ܡ̣ܢ ܒܝܼܫܬܵܐ. ܘܐܸܡܲܪ ܠܡܲܠܲܐܟ݂ܵܐ ܕܲܡܚܲܒܸ̇ܠ: ܣܲܓ̇ܝܼ ܚܲܒܸ̇ܠܬ̇ ܡܸܟܹ̇ܝܠ ܩܦܘܿܣ ܐܝܼܕ݂ܵܟ݂ ܘܡܲܠܲܐܟܹܗ ܕܡܵܪܝܵܐ: ܫܪܸܐ ܗ̄ܘ̣ܵܐ ܠܘܵܬ̣ ܐܸܕ̇ܪܹܗ ܕܐܵܪܵܢ ܝܵܒ̣ܘܿܣܵܝܵܐ.
16: ܘܐܲܪܝܼܡ ܕܵܘܝܼܕ݂ ܥܲܝܢܵܘ̈ܗܝ: ܘܲܚܙ̣ܵܐ ܡܲܠܲܐܟܹܗ ܕܡܵܪܝܵܐ ܩܵܐܹ̇ܡ ܒܹܝܬ̣ ܫܡܲܝܵܐ ܠܐܲܪܥܵܐ. ܘܣܲܝܦܹܗ ܫܡܝܼܛ ܒܐܝܼܕܹܗ: ܘܩܵܐܹ̇ܡ ܠܥܸܠ ܡ̣ܢ ܐܘܿܪܸܫܠܸܡ ܘܲܢܦܲܠ ܕܵܘܝܼܕ݂: ܘܩܲܫܝܼܫܹ̈ܐ ܕܐܝܼܬ̣ ܗ̄ܘ̣ܵܘ ܥܲܡܹܗ: ܡܟܲܣܹܝܢ ܗ̄ܘ̣ܵܘ ܣܲܩܹ̈ܐ: ܘܲܢܦܲܠܘ ܥܲܠ ܐܲܦܲܝ̈ܗܘܿܢ.
17: ܘܐܸܡܲܪ ܕܵܘܝܼܕ݂ ܠܡܵܪܝܵܐ: ܘܐܸܢܵܐ ܗ̄ܘ̣ ܚܛܹ̇ܝܬ̣: ܘܛܵܒ̣ ܪܲܒܵܐ ܗ̄ܝ̣ ܣܲܟ݂ܠܘܼܬ̣ܵܐ ܕܐܲܣܟ̇ܠܹܬ̣. ܗܵܠܹܝܢ ܕܹܝܢ ܥܵـ̈ـܢܵܐ ܬܲܡܝܼ̈ܡܵܬ̣ܵܐ ܡܵܢܵܐ ܥܒܲܕ݂. ܡܵܪܝܵܐ ܐܲܠܵܗܝ: ܬܸܗܘܹܐ ܐܝܼܕ݂ܵܟ݂ ܒܝܼ ܘܲܒ̣ܒܹܝܬ̣ ܐܵܒ̣ܝ ܡ̣ܢ ܥܲܡܵܐ ܢܸܬ̣ܟ̇ܠܹܐ ܡܵܘܬܵܢܵܐ.
18: ܘܡܲܠܲܐܟܹܗ ܕܡܵܪܝܵܐ ܐܸܡܲܪ ܠܓܵܕ݂: ܣܲܩ ܐܸܡܲܪ ܠܕ݂ܵܘܝܼܕ݂: ܣܵܠܹ̇ܩ ܒܵܢܹ̇ܐ ܡܲܕ݂ܒ̇ܚܵܐ ܠܡܵܪܝܵܐ: ܒܐܸܕ̇ܪܹܗ ܕܐܵܪܵܢ ܝܵܒ̣ܘܿܣܵܝܵܐ.
19: ܘܲܣܠܸܩ ܕܵܘܝܼܕ݂ ܐܲܝܟ݂ ܦܸܬ̣ܓ̣ܵܡܹܗ ܕܓܵܕ݂ ܕܐܸܡܲܪ ܒܲܫܡܹܗ ܕܡܵܪܝܵܐ.
20: ܘܲܚܙ̣ܵܐ ܕܵܘܝܼܕ݂ ܠܡܲܠܲܐܟ݂ܵܐ ܕܲܡܚܲܒܸ̇ܠ ܒܥܲܡܵܐ: ܕܲܩܦܲܣ ܐܝܼܕܹܗ: ܘܠܵܐ ܚܲܒܸ̇ܠ̣ ܬܘܼܒ̣.
21: ܘܐܸܬ̣ܵܐ ܕܵܘܝܼܕ݂ ܠܘܵܬ̣ ܐܵܪܵܢ: ܘܐܸܬ̣ܦܢܝܼ ܐܵܪܵܢ ܘܲܚܙ̣ܵܐ ܠܕ݂ܵܘܝܼܕ݂ ܘܲܣܓܸܕ݂ ܠܕ݂ܵܘܝܼܕ݂ ܥܲܠ ܐܲܦܵܘ̈ܗܝ ܥܲܠ ܐܲܪܥܵܐ ܘܲܢܦܲܩ ܐܵܪܵܢ ܡ̣ܢ ܐܸܕ̇ܪܹܗ.
22: ܘܐܸܡܲܪ ܕܵܘܝܼܕ݂ ܠܐܵܪܵܢ: ܗܲܒ̣ܠܝܼ ܕܘܼܟ̇ܬ̣ܵܐ ܕܐܸܕ̇ܪܵܐ ܗܵܢܵܐ: ܘܐܸܒ̣ܢܸܐ ܒܹܗ ܡܲܕ݂ܒ̇ܚܵܐ ܠܡܵܪܝܵܐ. ܒܟܸܣܦܵܐ ܘܒܲܕ݂ܡܲـ̈ـܝܵܐ ܛܵܒܹ̈ܐ: ܗܲܒܲܝܗܝ ܠܝܼ: ܘܢܸܬ̣ܟ̇ܠܹܐ ܡܵܘܬܵܢܵܐ ܡ̣ܢ ܥܲܡܵܐ.
23: ܘܐܸܡܲܪ ܐܵܪܵܢ ܠܕ݂ܵܘܝܼܕ݂: ܣܲܒ̣ ܠܵܟ݂ ܡܵܪܝ ܡܲܠܟܵܐ. ܘܢܸܥܒܸ̇ܕ݂ ܡܵܪܝ ܡܲܠܟܵܐ ܡܸܕܸ̇ܡ ܕܫܲܦܝܼܪ ܒܥܲܝܢܵܘ̈ܗܝ ܐܸܢܵܐ ܝܵܗܹ̇ܒ̣ ܐ̄ܢܵܐ ܬܵܘܪܹ̈ܐ ܠܲܥܠܵܬ̣ܵܐ: ܘܓܲܪܓ̇ܪܵܐ ܠܩܲܝܣܹ̈ܐ: ܘܚܸܛܹ̈ܐ ܠܩܘܼܪܒܵܢܵܐ ܘܟ݂ܠ ܡܸܕܸ̇ܡ ܕܡܸܬ̣ܒ̇ܥܹܐ: ܐܸܢܵܐ ܝܵܗܹ̇ܒ̣ ܐ̄ܢܵܐ.
24: ܘܐܸܡܲܪ ܡܲܠܟܵܐ ܕܵܘܝܼܕ݂ ܠܐܵܪܵܢ: ܚܵܣ ܠܝܼ. ܡܸܙܒܲܢ ܙܵܒܹ̇ܢ ܐ̄ܢܵܐ ܡܸܢܵܟ݂ ܒܟܸܣܦܵܐ ܘܒܲܕ݂ܡܲـ̈ـܝܵܐ: ܐܲܝܟ݂ ܕܫܵܘܹ̇ܐ ܡܸܛܠ ܕܠܵܐ ܢܵܣܹܒ̣ ܐ̄ܢܵܐ ܕܝܼܠܵܟ݂: ܘܡܲܣܸܩ ܐ̄ܢܵܐ ܠܡܵܪܝܵܐ ܥܠܵܬ̣ܐ ܕܡܲܓܵܢ.
25: ܘܲܙܒܲܢ ܕܵܘܝܼܕ݂ ܡ̣ܢ ܐܵܪܵܢ: ܕܘܼܟ̇ܬ̣ܵܐ ܗܵܝ̇ ܕܐܸܕ̇ܪܵܐ ܒܚܲܡܫܝܼܢ ܐܸܣܬܹ̇ܪ̈ܝܼܢ.
26: ܘܲܒ̣ܢܵܐ ܕܵܘܝܼܕ݂ ܬܲܡܵܢ ܡܲܕ݂ܒ̇ܚܵܐ ܠܡܵܪܝܵܐ ܘܩܲܪܸܒ̣ ܥܠܵـ̈ـܘܵܬ̣ܵܐ ܘܫܲܠܡܹ̈ܐ: ܐܸܡܪܹ̈ܐ. ܘܨܲܠܝܼ ܩܕ݂ܵܡ ܡܵܪܝܵܐ: ܘܲܥܢܵܝܗܝ ܘܢܸܚܬܲܬ̤ ܢܘܼܪܵܐ ܡ̣ܢ ܫܡܲܝܵܐ: ܘܐܸܟ݂ܠܲܬ̤ ܥܠܵـ̈ـܘܵܬ̣ܵܐ ܕܐܝܼܬ̣ ܗ̄ܘܲܝ̈ ܥܲܠ ܡܲܕ݂ܒ̇ܚܵܐ.
27: ܘܐܸܡܲܪ ܡܵܪܝܵܐ ܠܡܲܠܲܐܟ݂ܵܐ: ܟܲܕ݂ ܚ̣ܙܵܐ: ܐܲܗܦܸܟ݂ ܣܲܝܦܵܟ݂ ܠܚܸܠܬܹܗ.
28: ܒܙܲܒ̣ܢܵܐ ܗܵܘ̇ ܟܲܕ݂ ܚܙܵܐ ܕܵܘܝܼܕ݂ ܕܲܥܢܵܝܗܝ ܡܵܪܝܵܐ ܒܐܸܕ̇ܪܹܗ ܕܐܵܪܵܢ ܝܵܒ̣ܘܿܣܵܝܵܐ. ܘܕܲܒܲܚ ܬܲܡܵܢ ܕܸܒ̣ܚܹ̈ܐ ܪܵܘ̱ܪ̈ܒܹܐ.
29: ܘܨܲܠܝܼ ܬܲܡܵܢ ܩܕ݂ܵܡ ܡܲܫܟ̇ܢܵܐ ܕܲܥܒܲܕ݂ ܗ̄ܘ̣ܵܐ ܡܘܼܫܹܐ: ܒܡܲܕ݂ܒ̇ܪܵܐ: ܒܡܲܦܩܵܢܵܐ ܕܲܒ̣ܢܲܝ̈ ܝܼܣܪܵܝܹܠ ܡ̣ܢ ܡܸܨܪܹܝܢ.
30: ܒܹܗ ܒܙܲܒ̣ܢܵܐ ܗܵܘ̇: ܕܚܸܠ̣ ܗ̄ܘ̣ܵܐ ܕܵܘܝܼܕ݂ ܛܵܒ̣: ܘܠܵܐ ܡܸܫܟܲܚ ܗ̄ܘ̣ܵܐ ܠܡܹܐܙܲܠ ܠܲܡܨܲܠܵܝܘܼ ܩܕ݂ܵܡ ܡܵܪܝܵܐ. ܡܸܛܠ ܕܲܕ݂ܚܝܼܠ ܗ̄ܘ̣ܵܐ ܡ̣ܢ ܩܕ݂ܵܡ ܚܲܪܒܵܐ ܕܡܲܠܲܐܟܹܗ ܕܡܵܪܝܵܐ.
ܩܹܦܵܠܹܐܘܿܢ : ܟܒ.
1: ܘܐܸܡܲܪ ܕܵܘܝܼܕ݂ ܕܗܵܢܵܘ ܒܲܝܬܹ̇ܗ ܕܡܵܪܝܵܐ ܐܲܠܵܗܵܐ: ܘܗܵܢܵܘ ܡܲܕ݂ܒ̇ܚܵܐ ܕܲܥܠܵـ̈ـܘܵܬ̣ܵܐ ܕܝܼܣܪܵܝܹܠ.
2: ܘܐܸܡܲܪ ܕܵܘܝܼܕ݂ ܠܲܡܟܲܢܵܫܘܼ ܠܟ݂ܠܗܘܿܢ ܓܝܼܘܿܪܹ̈ܐ ܕܐܝܼܬ̣ ܗ̄ܘ̣ܵܐ ܒܐܲܪܥܵܐ ܕܝܼܣܪܵܝܹܠ. ܘܢܸܥܒ̇ܕ݂ܘܼܢ ܡܸܢܗܘܿܢ ܦܵܣ̈ܘܿܠܹܐ: ܢܸܦܣܩܘܼܢ ܟܹܐܦܹ̈ܐ ܠܒܲܝܬܹ̇ܗ ܕܡܵܪܝܵܐ.
3: ܘܲܠܡܸܥܒܲܕ݂ ܡܸܢܗܘܿܢ ܩܲܝܢܵܝܹ̈ܐ ܥܵܒ̣ܕܲܝ̈ ܦܲܪܙܠܵܐ: ܠܡܸܥܒܲܕ݂ ܦܲܕܘܼܥܹ̈ܐ: ܘܐܲܟ݂ܣܝܼ̈ܕܹܐ. ܘܡܘܼܟ݂̈ܠܹܐ ܕܦܲܪܙܠܵܐ ܬܲܩܸܢ ܕܵܘܝܼܕ݂: ܘܲܢܚܵܫܵܐ ܣܲܓ̇ܝܼܵܐܐ ܕܠܲܝܬ̇ ܠܹܗ ܡܲܬ̣ܩܵܠܵܐ.
4: ܘܩܲܝܣܹ̈ܐ ܕܐܲܪܙܵܐ ܕܠܲܝܬ̇ ܠܗܘܿܢ ܡܸܢܝܵܢܵܐ ܡܸܛܠ ܕܐܲܝܬ̇ܝܼܘ ܨܘܿܪ̈ܵܝܹܐ ܘܨܲܝܕ̇ܢܵܝܹ̈ܐ: ܩܲܝܣܹ̈ܐ ܕܐܲܪܙܵܐ ܣܘܿܓ̣ܵܐܐ ܕܛܵܒ̣ ܠܕ݂ܵܘܝܼܕ݂.
5: ܘܐܸܡܲܪ ܕܵܘܝܼܕ݂: ܫܠܹܝܡܘܿܢ ܒܹܪܝ ܥܕܲܡܵܐ ܠܗܵܫܵܐ ܛܲܠܝܵܐ ܗ̄ܘ̣ ܙܥܘܿܪܵܐ ܘܲܥܠܵܘܗܝ ܗ̄ܘ̣ ܐܲܡܝܼܪܵܐ ܒܲܟ݂ܬ̣ܵܒ̣ܵܐ: ܕܢܸܒ̣ܢܹܐ ܒܲܝܬܵܐ ܠܡܵܪܝܵܐ: ܕܢܵܘܪ̱ܒ̣ܝܼܘܗܝ ܠܥܸܠ ܠܲܫܡܵܐ ܘܲܠܪܲܒ̇ܘܼܬ̣ܵܐ ܘܲܠܬܸܫܒ̇ܘܿܚܬܵܐ: ܕܥܲܠ ܟܠܗܹܝܢ ܡܕ݂ܝܼ̈ܢܵܬ̣ܵܐ. ܐܹܛܲܝܸܒ̣ ܠܹܗ ܐܸܢܵܐ ܟܠ ܡܸܕܸ̇ܡ ܕܡܸܬ̣ܒ̇ܥܹܐ ܠܹܗ ܡ̣ܢ ܚܲܝܲܝ̈. ܘܛܲܝܸܒ̣ ܕܵܘܝܼܕ݂ ܟܠ ܡܸܕܸ̇ܡ ܕܡܸܬ̣ܒ̇ܥܹܐ ܗ̄ܘ̣ܵܐ ܠܹܗ ܠܒܲܝܬܵܐ ܘܡܸܕܸ̇ܡ ܠܵܐ ܚ̣ܣܲܪ.
6: ܘܲܩܪܵܐ ܠܲܫܠܹܝܡܘܿܢ ܒܪܹܗ: ܘܐܸܡܲܪ ܠܹܗ.
7: ܐܲܢ̄ܬ̇ ܬܸܒ̣ܢܸܐ ܒܲܝܬܵܐ ܠܡܵܪܝܵܐ ܐܲܠܵܗܵܐ ܡܵܪܹܐ ܡܵܪ̈ܵܘܵܬ̣ܵܐ ܕܝܼܣܪܵܝܹܠ.
8: ܡܸܛܠ ܕܫܲܕܲܪ ܥܠܲܝ ܒܐܝܼܕܲܝ ܕܲܢܒ̣ܝܼܵܐ: ܘܐܸܡܲܪ ܠܝܼ: ܕܡܵܐ ܣܲܓ̇ܝܼܵܐܐ ܐܸܫܲܕ̇ܬ̣ ܘܩܹܐܪ̈ܣܹܐ ܪܵܘ̱ܪ̈ܒܹܐ ܥܒܲܕ̇ܬ̇ ܐܲܢ̄ܬ̇ ܠܵܐ ܬܸܒ̣ܢܸܐ ܒܲܝܬܵܐ ܠܫܹܡܝ. ܡܸܛܠ ܕܲܕ݂ܡܵܐ ܣܲܓ̇ܝܼܵܐܐ ܐܸܫܲܕ̇ܬ̣ ܥܲܠ ܐܲܪܥܵܐ ܩܕ݂ܵܡܲܝ.
9: ܒܪܵܐ ܕܹܝܢ ܕܡܸܬ̣̱ܝܼܠܸܕ݂ ܠܵܟ݂: ܗ̤ܘ ܢܸܗܘܹܐ ܓܲܒ̣ܪܵܐ ܕܲܢܝܵܚܵܐ ܘܐܲܢܝܼܚ ܠܹܗ ܡ̣ܢ ܟܠܗܘܿܢ ܒܥܸܠܕ̇ܒ̣ܵܒ̣ܵܘ̈ܗܝ: ܕܲܚܕ݂ܝܼܪܝܼܢ ܠܹܗ. ܘܲܫܠܹܝܡܘܿܢ ܢܸܗܘܹܐ ܫܡܹܗ. ܘܲܫܠܵܡܵܐ ܘܲܢܝܵܚܵܐ ܢܸܗܘܹܐ ܥܲܠ ܟܠܹܗ ܝܼܣܪܵܝܹܠ ܒܝܵܘ̈ܡܵܬܹܗ.
10: ܘܗ̤ܘ ܢܸܒ̣ܢܹܐ ܒܲܝܬܵܐ ܠܫܹܡܝ ܘܗ̤ܘ ܢܸܗܘܹܐ ܠܝܼ ܐܲܝܟ݂ ܒܪܵܐ. ܘܐܸܢܵܐ ܐܸܗܘܹܐ ܠܹܗ ܐܲܝܟ݂ ܐܲܒ̣ܵܐ. ܘܐܲܬ̣ܩܸܢ ܟܘܼܪܣܝܵܐ ܕܡܲܠܟ̇ܘܼܬܹܗ ܥܲܠ ܝܼܣܪܵܝܹܠ: ܠܥܵܠܲܡ ܥܵܠܡܝܼܢ.
11: ܘܐܵܦ ܗܵܫܵܐ ܒܹܪܝ: ܢܸܗܘܹܐ ܡܵܪܝܵܐ ܥܲܡܵܟ݂: ܘܬܲܟ݂ܫܲܪ ܘܬܸܒ̣ܢܹܐ ܒܲܝܬܵܐ ܕܡܵܪܝܵܐ ܐܲܠܵܗܵܟ݂: ܐܲܝܟܲܢܵܐ ܕܐܸܡܲܪ ܠܝܼ.
12: ܘܗ̤ܘ ܢܸܬܸ̇ܠ ܠܵܟ݂ ܚܸܟ݂ܡ̱ܬ̣ܵܐ ܘܲܢܒ̣ܝܼܘܼܬ̣ܵܐ. ܘܢܸܦܩܕ݂ܵܟ݂ ܥܲܠ ܝܼܣܪܵܝܹܠ ܘܬܸܛܲܪ ܢܵܡܘܿܣܵܘ̈ܗܝ ܕܡܵܪܝܵܐ ܐܲܠܵܗܵܐ ܐܲܝܟܲܢܵܐ ܕܦܲܩܕ݂ܵܟ݂. ܘܗܵܝܕܹ̇ܝܢ ܬܲܟ݂ܫܲܪ.
13: ܘܐܸܢܗ̤ܘ ܕܬܸܛܲܪ ܘܬܸܥܒܸ̇ܕ݂ ܦܘܼܩ̈ܕܵܢܹܐ ܗܵܠܹܝܢ: ܘܢܵܡܘܿܣܹ̈ܐ ܘܕ݂ܝܼܢܹ̈ܐ ܐܲܝܟܲܢܵܐ ܕܦܲܩܸܕ݂ ܡܵܪܝܵܐ ܠܡܘܼܫܹܐ ܠܡܲܠܵܦܘܼ ܠܝܼܣܪܵܝܹܠ: ܗܵܝܕܹ̇ܝܢ ܐܸܬ̣ܥܲܫܲܢ ܘܐܸܬ̣ܓܲܢ̄ܒܲܪ. ܠܵܐ ܬܸܕ݂ܚܲܠ: ܘܐܵܦܠܵܐ ܬܙܘܼܥ.
14: ܘܟ݂ܠ ܡܸܕܸ̇ܡ ܗܵܐ ܛܲܝܒܹ̇ܬ̣ ܠܵܟ݂: ܟܠ ܡܸܕܸ̇ܡ ܕܡܸܬ̣ܒ̇ܥܹܐ ܠܒܸܢܝܵܢܵܐ ܠܒܲܝܬܹ̇ܗ ܕܡܵܪܝܵܐ. ܛܲܝܒܹ̇ܬ̣ ܠܵܟ݂ ܟܲܟ̇ܪܹ̈ܐ ܕܕܲܗܒ̣ܵܐ ܡܵܐܐ ܐܲܠܦ̈ܝܼܢ. ܛܲܝܒܹܬ̣ ܠܵܟ݂ ܣܹܐܡܵܐ ܐܵܠܹܦ ܐܲܠܦ̈ܝܼܢ ܟܲܟ̇ܪ̈ܝܼܢ. ܘܲܢܚܵܫܵܐ ܘܦܲܪܙܠܵܐ ܛܲܝܒܹܬ̣ ܠܵܟ݂: ܕܠܵܐ ܐܝܼܬ̣ ܠܹܗ ܡܸܢܝܵܢܵܐ. ܘܟ݂ܠ ܒܢܲܝ̈ܢܵܫܵܐ ܕܲܡܗܲܠܟ݂ܝܼܢ ܥܲܠ ܐܲܪܥܵܐ: ܠܵܐ ܝܵܕ݂ܥܝܼܢ ܠܡܸܚܫܲܒ̣ ܣܵܟ݂ܵܐ ܕܠܝܼܛܪ̈ܵܘܗܝ: ܡܸܛܠ ܕܣܲܓܝܼܵܐܐ ܗ̄ܘ̣. ܘܩܲܝܣܹ̈ܐ ܘܟܹܐܦܹ̈ܐ ܛܲܝܒܹ̇ܬ̣ ܠܵܟ݂: ܘܲܥܠܲܝܗܹܝܢ ܬܵܘܣܸܦ.
15: ܘܐܲܣܓܵܐ ܥܵܒ̣ܕܲܝ̈ ܥܒ̣ܝܼ̈ܕ݂ܵܬ̣ܵܐ: ܦܵܣ̈ܘܿܠܹܐ: ܘܐܲܪ̈ܕܸ̇ܟ݂ܠܹܐ: ܘܢܲܓܵܪܹ̈ܐ ܕܩܲܝܣܵܐ.
16: ܘܥܵܒ̣ܕܲܝ̈ ܕܲܗܒ̣ܵܐ: ܘܥܵܒ̣ܕܲܝ̈: ܣܹܐܡܵܐ: ܘܥܵܒ̣ܕܲܝ̈ ܢܚܵܫܵܐ: ܘܥܵܒ̣ܕܲܝ̈ ܦܲܪܙܠܵܐ: ܕܠܵܐ ܐܝܼܬ̣ ܠܗܘܿܢ ܡܸܢܝܵܢܵܐ ܘܐܸܫܬܲܕܲܪ ܘܲܥܒܸܕ݂. ܘܢܸܗܘܹܐ ܡܵܪܝܵܐ ܒܥܘܼܕ݂ܪܵܢܵܟ݂.
17: ܘܦܲܩܸܕ݂ ܕܵܘܝܼܕ݂ ܠܟ݂ܠܗܘܿܢ ܩܲܫܝܼ̈ܫܹܐ ܕܝܼܣܪܵܝܹܠ: ܘܐܸܡܲܪ ܠܗܘܿܢ: ܥܲܕܲܪܘ ܠܲܫܠܹܝܡܘܿܢ ܒܹܪܝ.
18: ܡܸܛܠ ܕܗܵܐ ܡܵܪܝܵܐ ܐܲܠܵܗܟ݂ܘܿܢ ܥܲܡܟ݂ܘܿܢ: ܘܲܡܥܲܕܲܪ ܠܟ݂ܘܿܢ: ܘܲܡܣܲܝܲܥ ܠܟܘܿܢ: ܡ̣ܢ ܟܠܗܘܿܢ ܚܕ݂ܵܪ̈ܲܝܟ̇ܘܿܢ ܘܗܵܐ ܐܲܫܠܸܡ ܩܕ݂ܵܡܲܝܟ̇ܘܿܢ: ܟܠܗܘܿܢ ܥܵܡܘܿܪܹ̈ܐ ܕܐܲܪܥܵܐ. ܘܬܸܬ̣ܟ̇ܒܸܫ ܐܲܪܥܵܐ ܩܕ݂ܵܡ ܡܵܪܝܵܐ ܘܲܩܕ݂ܵܡ ܥܲܡܹܗ.
19: ܘܐܵܦ ܗܵܫܵܐ ܐܲܬ̣ܩܸܢܘ ܠܸܒ̇ܟ݂ܘܿܢ ܘܢܲܦ̮ܫܟ݂ܘܿܢ: ܠܲܡܨܲܠܵܝܘܼ ܩܕ݂ܵܡ ܡܵܪܝܵܐ ܐܲܠܵܗܟ݂ܘܿܢ. ܘܩܘܼܡܘ ܘܲܒ̣ܢܵܘ ܡܲܩܕ̇ܫܵܐ ܕܡܵܪܝܵܐ ܐܲܠܵܗܵܐ. ܘܐܲܥܸܠܘ ܠܬܲܡܵܢ ܩܹܒ̣ܘܿܬ̣ܵܐ ܕܒ̣ܵܗ̇ ܣܝܼܡܵܐ ܕܝܵܬܹܩܹܐ ܕܡܵܪܝܵܐ ܐܲܠܵܗܲܢ: ܘܡܵܐܢܲܝ ܩܘܼܕ݂ܫܵܐ ܕܡܵܪܝܵܐ ܐܲܠܵܗܲܢ ܘܲܒ̣ܢܵܘ ܒܲܝܬܵܐ ܡܸܛܠ ܫܡܹܗ ܪܲܒܵܐ ܕܐܸܬ̣ܩܪܝܼ ܥܠܲܝܢ.
ܩܹܦܵܠܹܐܘܿܢ : ܟܓ.
1: ܘܕ݂ܵܘܝܼܕ݂ ܩܲܫ̣ ܘܲܣܒܲܥ ܒܝܵܘ̈ܡܵܬܹܗ. ܘܐܲܩܝܼܡ ܠܲܫܠܹܝܡܘܿܢ ܒܪܹܗ ܒܡܲܠܟ̇ܘܼܬ̣ܵܐ ܥܲܠ ܝܼܣܪܵܝܹܠ.
2: ܘܟܲܢܸܫ ܟܠܗܘܿܢ ܩܲܫܝܼ̈ܫܹܐ ܕܟ݂ܵܗܢܹ̈ܐ ܘܲܕ݂ܠܹܘܵܝܹ̈ܐ.
3: ܘܐܸܬ̣ܡ̱ܢܝܼܘ ܠܹܘܵܝܹ̈ܐ ܡ̣̤ ܒܲܪ ܬܠܵܬ̣ܝܼܢ ܫܢ̈ܝܼܢ ܘܲܠܥܸܠ. ܘܲܗܘ̤ܵܐ ܡܸܢܝܵܢܵܐ ܕܓܲܒ̣ܪܹ̈ܐ ܠܪܸܫ ܐ̄ܢܵܫ: ܬܠܵܬ̣ܝܼܢ ܘܲܬ̣ܡܵܢܝܵܐ ܐܲܠܦ̈ܝܼܢ.
4: ܘܐܲܩܝܼܡ ܡܸܢܗܘܿܢ ܕܵܘܝܼܕ݂ ܫܲܠܝܼܛܵܢܹ̈ܐ ܥܲܠ ܥܒ̣ܝܼ̈ܕ݂ܵܬ̣ܵܐ ܕܒܲܝܬܹ̇ܗ ܕܡܵܪܝܵܐ: ܥܸܣܪܝܼܢ ܘܐܲܪܒ̇ܥܵܐ ܓܲܒ̣ܪ̈ܝܼܢ ܥܲܠ ܐܵܠܹܦ: ܘܕܲܝܵܢܹ̈ܐ ܘܣܵܦܪܹ̈ܐ: ܫܬܵܐ ܫܬܵܐ ܥܲܠ ܡܲܐܬ̣ܵܐ.
5: ܕܢܸܗܘܘܿܢ ܚܵܙܹ̇ܝܢ ܒܸܢܝܵܢܵܐ: ܘܩܵܝ̇ܡܝܼܢ ܘܪܵܗ̇ܛܝܼܢ ܒܚܲܝܠܗܘܿܢ: ܘܲܒ̣ܡܲܪ̈ܗܵܛܲܝܗܘܿܢ: ܘܒܲܥܒ̣ܝܼ̈ܕ݂ܵܬ̣ܗܘܿܢ: ܘܲܒ̣ܚܘܼܫܒܵܢܲܝ̈ܗܘܿܢ: ܘܲܒ̣ܢܸܟ݂ܣܲܝ̈ܗܘܿܢ: ܘܲܒ̣ܙܸܕ݂ܩܵـ̈ـܬ̣ܵܐ. ܕܢܸܗܘܘܿܢ ܡܦܲܪܢܣܝܼܢ ܡܸܣܟܹ̇ܢܹ̈ܐ ܘܐܲܩܝܼܡ ܕܵܘܝܼܕ݂ ܥܲܠ ܡܸܣܟܹ̇ܢܹ̈ܐ ܘܥܲܠ ܒܵܝܫܹ̈ܐ: ܡܦܲܪ̈ܢܣܵܢܹܐ: ܘܩܲܝܘܼܡܹ̈ܐ: ܕܢܸܗܘܘܿܢ ܙܵܝܢܝܼܢ ܘܲܡܦܲܪܢܣܝܼܢ ܡܸܣܟܹ̇ܢܹ̈ܐ: ܚܲܕ݂ ܥܲܠ ܥܸܣܪܵܐ: ܘܡܸܕܸ̇ܡ ܠܵܐ ܡܲܚ̄ܣܪܝܼܢ ܠܗܘܿܢ.
6: ܘܐܲܩܝܼܡ ܐܸܢܘܿܢ ܕܵܘܝܼܕ݂ ܠܟ݂ܠܗܘܿܢ ܒܫܘܼܠܛܵܢܲܝ̈ܗܘܿܢ: ܠܲܒ̣ܢܵܘ̈ܗܝ ܕܠܹܘܝܼ: ܓܸܪܫܘܿܢ: ܩܵܗܵܬ̣: ܘܲܡܪܵܪܝܼ.
7: ܠܓܸܪܫܘܿܢ: ܠܲܥܕܵܢ: ܘܫܲܡܥܝܼ.
8: ܘܲܒ̣ܢܵܘ̈ܗܝ ܕܠܲܥܕܵܢ: ܩܲܫܝܼܫܹܗ ܢܲܚܠܵܐܝܹܠ: ܘܝܘܿܬ̣ܵܡ: ܘܝܘܿܐܹܝܠ. ܬܠܵܬ̣ܵܐ.
9: ܒܢܵܘ̈ܗܝ ܕܲܫܡܲܥܝܵܐ: ܣܲܠܡܘܿܬ̣: ܘܲܚܙܵܐܹܝܠ: ܘܐܵܪܵܢ. ܬܠܵܬ̣ܵܐ ܗܵܠܹܝܢ ܪܹ̈ܫܲܝ ܐܲܒ̣ܵـ̈ـܗܵܬ̣ܵܐ ܕܫܲܡܥܝܼ.
10: ܒܢܵܘ̈ܗܝ ܕܫܲܡܥܝܼ: ܢܵܚܵܬ̣: ܙܲܒ̣ܕܵܐ: ܝܲܥܘܿܫ: ܒܪܝܼܥܐ. ܗܵܠܹܝܢ ܒܢܵܘ̈ܗܝ ܕܫܲܡܥܝܼ ܐܲܪܒ̇ܥܵܐ.
11: ܘܲܗܘ̤ܵܐ ܢܵܚܵܬ̣ ܩܲܫܝܼܫܹܗ: ܘܙܲܒ̣ܕܵܐ ܬܸܢܝܵܢܵܐ: ܘܝܲܥܘܿܫ ܘܲܒ̣ܪܝܼܥܵܐ. ܘܲܒ̣ܪܝܼܥܵܐ ܠܵܐ ܐܲܣܓܝܼ ܠܹܗ ܒܢܲـ̈ـܝܵܐ. ܘܲܗܘ̤ܵܐ ܠܒܹܝܬ̣ ܐܲܒ̣ܘܼܗܘܿܢ ܫܲܪܒ̇ܬ̣ܵܐ ܚܕ݂ܵܐ.
12: ܒܢܵܘ̈ܗܝ ܕܩܵܗܵܬ̣: ܥܲܡܪܲܡ: ܘܝܲܨܗܵܪ: ܘܚܸܒ̣ܪܘܿܢ: ܘܥܘܼܙܹܝܠ: ܐܲܪܒ̇ܥܵܐ.
13: ܒܢܵܘ̈ܗܝ ܕܥܲܡܪܲܡ: ܐܲܗܪܘܿܢ: ܘܡܘܼܫܹܐ. ܘܐܸܬ̣ܓ̇ܒ̣ܝܼ ܐܲܗܪܘܿܢ ܠܲܡܫܲܡܵܫܘܼ ܒܲܩܕ݂ܘܿܫ ܩܘܼܕ݂ܫܹ̈ܐ: ܗ̤ܘ ܘܲܒ̣ܢܵܘ̈ܗܝ ܥܕܲܡܵܐ ܠܥܵܠܲܡ: ܠܲܡܩܲܪܵܒ̣ܘܼ ܩܕ݂ܵܡ ܡܵܪܝܵܐ ܩܲܛܪ̈ܘܼܩܹܐ ܕܒܸܣܡܹ̈ܐ: ܠܲܡܫܲܡܵܫܘܼܬܹܗ ܘܠܲܡܒܲܪܵܟ݂ܘܼ ܒܲܫܡܹܗ ܥܕܲܡܵܐ ܠܥܵܠܲܡ.
14: ܘܡܘܼܫܹܐ ܢܒ̣ܝܼܵܐ ܕܡܵܪܝܵܐ: ܐܸܬ̣ܩܪܝܼ ܫܲܒ̣ܛܵܐ ܕܒܹܝܬ̣ ܠܹܘܝܼ.
15: ܒܢܵܘ̈ܗܝ ܕܡܘܼܫܹܐ ܓܸܪܫܘܿܢ: ܘܐܹܠܝܼܥܵܙܲܪ.
16: ܒܢܵܘ̈ܗܝ ܕܓܸܪܫܘܿܢ: ܫܡܘܼܐܹܝܠ ܩܲܫܝܼܫܹܗ.
17: ܘܲܗܘ̤ܵܘ ܒܢܵܘ̈ܗܝ ܕܐܹܠܝܼܥܵܙܲܪ: ܐܲܪܚܝܼܡܵܐ ܩܲܫܝܼܫܹܗ. ܘܠܵܐ ܗܘ̤ܵܘ ܠܐܹܠܝܼܥܵܙܲܪ ܐ̄ܚܪ̈ܵܢܹܐ. ܘܲܒ̣ܢܵܘ̈ܗܝ ܕܐܲܪܚܝܼܡܵܐ: ܪܝܼܒ̣ܝܼ ܩܲܫܝܼܫܹܗ.
18: ܒܢܵܘ̈ܗܝ ܕܝܲܨܗܵܪ: ܣܲܠܡܘܿܬ̣ ܩܲܫܝܼܫܹܗ.
19: ܒܢܵܘ̈ܗܝ ܕܚܸܒ̣ܪܘܿܢ: ܝܘܼܕ݂ܵܐ ܩܲܫܝܼܫܹܗ: ܐܹܡܲܪܝܵܐ ܬܸܢܝܵܢܵܐ: ܢܲܚܙܵܐܹܝܠ ܬܠܝܼܬ̣ܵܝܵܐ: ܢܲܩܡܵܐܹܝܠ ܪܒ̣ܝܼܥܵܝܵܐ.
20: ܒܢܵܘ̈ܗܝ ܕܥܲܙܝܵܐܹܝܠ: ܡܝܼܟ݂ܵܐ ܩܲܫܝܼܫܹܗ: ܫܘܿܚ ܬܸܢܝܵܢܵܐ.
21: ܒܢܵܘ̈ܗܝ ܕܲܡܪܵܪܝܼ: ܡܲܚܠܝܼ: ܘܡܘܼܫܝܼ ܒܢܵܘ̈ܗܝ ܕܡܲܚܠܝܼ: ܐܹܠܝܼܥܵܙܲܪ ܘܩܝܼܫ.
22: ܘܡ̣ܝܼܬ̣ ܐܹܠܝܼܥܵܙܲܪ ܘܠܵܐ ܗܘ̤ܵܘ ܠܹܗ ܒܢܲـ̈ـܝܵܐ ܐܸܠܵܐ ܒܢܵـ̈ـܬ̣ܵܐ. ܘܲܢܣܲܒ̣ܘ ܐܸܢܹܝܢ ܒܢܵܘ̈ܗܝ ܕܩܝܼܫ ܕܵܕ݂ܗܹܝܢ.
23: ܒܢܵܘ̈ܗܝ ܕܡܘܼܫܝܼ: ܡܲܚܠܝܼ: ܘܥܵܕ݂ܵܪ: ܘܝܲܪܡܘܿܬ̣ ܬܠܵܬ̣ܵܐ.
24: ܗܵܠܹܝܢ ܒܢܵܘ̈ܗܝ ܕܠܹܘܝܼ ܠܒܹܝܬ̣ ܐܲܒ̣ܵܗܲܝ̈ܗܘܿܢ: ܪܹ̈ܫܲܝ ܐܲܒ̣ܵـ̈ـܗܵܬ̣ܵܐ ܠܡܸܢܝܵܢܗܘܿܢ ܒܡܸܢܝܵܢܵܐ ܕܲܫܡܵܗܲܝ̈ܗܘܿܢ: ܠܪܸܫ ܐ̄ܢܵܫ ܩܵܝܡܲܝ̈ ܥܲܠ ܥܒ̣ܝܼ̈ܕ݂ܵܬ̣ܵܐ ܕܒܲܝܬܹ̇ܗ ܕܡܵܪܝܵܐ: ܡ̣ܢ ܒܲܪ ܥܸܣܪܝܼܢ ܫܢ̈ܝܼܢ ܘܲܠܥܸܠ.
25: ܡܸܛܠ ܕܐܸܡܲܪ ܕܵܘܝܼܕ݂: ܐܲܢܝܼܚ ܡܵܪܹܐ ܡܵܪ̈ܵܘܵܬ̣ܵܐ ܠܝܼܣܪܵܝܹܠ ܥܲܡܹܗ: ܘܲܫ̣ܪܵܐ ܒܐܘܿܪܸܫܠܸܡ: ܡܸܟܹ̇ܝܠ ܘܲܥܕܲܡܵܐ ܠܥܵܠܲܡ.
26: ܘܐܵܦ ܠܹܘܵܝܹ̈ܐ ܗܸܢܘܿܢ: ܢܸܫ̄ܩܠܘܼܢ ܡܲܫܟ̇ܢܵܐ: ܘܟ݂ܠܗܘܿܢ ܡܵܐܢܲܝ̈ ܥܒ̣ܝܼ̈ܕ݂ܵܬܹܗ.
27: ܡܸܛܠ ܕܲܒ̣ܡܸܠܵܘ̈ܗܝ ܕܕ݂ܵܘܝܼܕ݂ ܐ̄ܚܪ̈ܵܝܵܬ̣ܵܐ: ܫܠܸܡ ܡܸܢܝܵܢܵܐ ܕܲܒ̣ܢܲܝ̈ ܠܹܘܝܼ: ܡ̣ܢ ܒܲܪ ܥܸܣܪܝܼܢ ܫܢ̈ܝܼܢ ܘܲܠܥܸܠ.
28: ܡܸܛܠ ܕܐܲܩܝܼܡ ܐܸܢܘܿܢ ܥܲܠ ܓܹܢ̄ܒ̣ ܒܢܲܝ̈ ܐܲܗܪܘܿܢ: ܕܢܸܗܘܘܿܢ ܫܲܠܝܼܛܝܼܢ ܒܒܲܝܬܹ̇ܗ ܕܡܵܪܝܵܐ: ܥܲܠ ܐܲܝܠܹܝܢ ܕܩܵܪܹܝܢ ܒܩܲܪ̈ܢܵܬ̣ܵܐ ܦܫܝܼ̈ܛܵܬ̣ܵܐ ܘܲܟ݂ܦ̈ܝܼܦܵܬ̣ܵܐ: ܘܥܲܠ ܦܲܪ̈ܕܲܝܣܩܹܐ ܕܚܵܡܠܝܼܢ ܒܗܘܿܢ ܡܵܐܢܲܝ̈ ܩܘܼܕ݂ܫܵܐ ܕܡܵܪܝܵܐ.
29: ܘܲܠܠܲܚܡܵܐ ܕܣܸܕ݂ܪܹ̈ܐ: ܘܠܲܢܫܝܼܦܵܐ: ܘܠܲܟ݂ܡܝܼܣܹ̈ܐ ܦܲܛܝܼܪܹ̈ܐ: ܘܲܠܟ݂ܠ ܕܲܡܫܲܒ̇ܚܝܼܢ ܘܡܵܘܕܹ̇ܝܢ.
30: ܕܢܸܗܘܘܿܢ ܩܵܝ̇ܡܝܼܢ ܒܟ݂ܠ ܨܦܲܪ ܘܲܨܦܲܪ: ܘܡܵܘܕܹ̇ܝܢ: ܘܲܡܫܲܒ̇ܚܝܼܢ ܠܡܵܪܝܵܐ: ܘܐܵܦ ܒܟ݂ܠ ܪܡܸܫ ܘܲܪܡܸܫ.
31: ܘܲܠܡܲܣܵܩܘܼ ܥܠܵـ̈ـܘܵܬ̣ܵܐ ܠܡܵܪܝܵܐ: ܒܫܲـ̈ـܒܹ̇ܐ: ܘܲܒ̣ܪܹܫ ܝܲܪ̈ܚܹܐ: ܘܲܒ̣ܥܹـ̈ـܐܕܹܐ ܒܡܸܢܝܵܢܗܘܿܢ: ܐܲܝܟ݂ ܕܙܵܕܹ̇ܩ ܠܗܘܿܢ ܐܲܡܝܼܢܵܐܝܼܬ̣ ܩܕ݂ܵܡ ܡܵܪܝܵܐ.
32: ܢܸܗܘܘܿܢ ܢܵܛ̇ܪܝܼܢ ܡܲܛܲܪܬܵܐ ܕܡܵܐܢܲܝ̈ ܡܲܫܟ̇ܢܵܐ: ܘܡܵܢܲܝ̈ ܩܘܼܕ݂ܫܵܐ. ܢܸܗܘܘܿܢ ܢܵܛ̇ܪܝܼܢ ܡܲܛܲܪܬܵܐ ܕܲܒ̣ܢܲܝ̈ ܐܲܗܪܘܿܢ ܐܲܚܲܝ̈ܗܘܿܢ: ܐܸܡܲܬ̣ܝ ܕܡܸܬ̣ܒ̇ܥܹܝܢ ܠܲܡܫܲܡܵܫܘܼ ܒܒܲܝܬܹ̇ܗ ܕܡܵܪܝܵܐ.
ܩܹܦܵܠܹܐܘܿܢ : ܟܕ.
1: ܘܠܲܒ̣ܢܵܘ̈ܗܝ ܕܐܲܗܪܘܿܢ ܦܵܠܓܘܼܬ̣ܗܘܿܢ: ܒܢܵܘ̈ܗܝ ܕܐܲܗܪܘܿܢ: ܢܵܕ݂ܵܒ̣: ܘܐܲܒ̣ܝܼܗܘܼ: ܘܐܹܠܝܼܥܵܙܲܪ: ܘܐܝܼܬ̣ܵܡܵܪ.
2: ܘܡܝܼܬ̣ܘ ܢܵܕ݂ܵܒ̣ ܘܐܲܒ̣ܝܼܗܘܼ ܒܚܲܝܵܘ̈ܗܝ ܕܐܲܗܪܘܿܢ ܐܲܒ̣ܘܼܗܘܿܢ ܘܲܒ̣̈ܢܲܝܵܐ ܠܵܐ ܗܘ̤ܵܐ ܠܗܘܿܢ. ܘܫܲܡܸܫ̣ܘ ܐܹܠܝܼܥܵܙܲܪ ܘܐܝܼܬ̣ܵܡܵܪ.
3: ܘܦܲܠܸܓ̣ ܐܸܢܘܿܢ ܕܵܘܝܼܕ݂: ܨܵܕ݂ܘܿܩ ܡ̣ܢ ܒܢܲܝ̈ ܐܹܠܝܼܥܵܙܲܪ: ܘܐܲܚܝܼܡܲܠܟ ܡ̣ܢ ܒܢܲܝ̈ ܐܝܼܬ̣ܵܡܵܪ: ܠܡܸܢܝܵܢܗܘܿܢ ܒܫܘܼܠܛܵܢܗܘܿܢ.
4: ܘܐܸܫܬ̇ܟܲܚܘ ܒܢܵܘ̈ܗܝ ܕܐܹܠܝܼܥܵܙܲܪ ܕܣܲܓ̇ܝܼܐܝܼܢ ܠܪܹܫ ܐ̄ܢܵܫ ܡ̣ܢ ܒܢܲܝ̈ ܐܝܼܬ̣ܵܡܵܪ. ܘܦܲܠܸܓ̣ ܐܸܢܘܿܢ ܠܲܒ̣ܢܵܘ̈ܗܝ ܕܐܹܠܝܼܥܵܙܲܪ ܠܪܹܫ ܐ̄ܢܵܫ ܠܒܹܝܬ̣ ܐܲܒ̣ܵܗܵܬ̣̈ܗܘܿܢ: ܘܲܗܘ̤ܵܘ ܒܡܸܢܝܵܢܵܐ ܫܸܬ̇ܬܲܥܣܲܪ: ܘܠܲܒ̣ܢܵܘ̈ܗܝ ܕܐܝܼܬ̣ܵܡܵܪ ܠܒܹܝܬ̣ ܐܲܒ̣ܵܗܵܬ̣̈ܗܘܿܢ: ܠܪܹܫ ܐ̄ܢܵܫ ܬܡܵܢܝܵܐ.
5: ܘܦܲܠܸܓ̣ ܐܸܢܘܿܢ ܒܦܸܨܹ̈ܐ: ܗܵܠܹܝܢ ܥܲܡ ܗܵܠܹܝܢ: ܡ̣ܢ ܒܢܵܘ̈ܗܝ ܕܐܹܠܝܼܥܵܙܲܪ: ܘܡ̣ܢ ܒܢܵܘ̈ܗܝ ܕܐܝܼܬ̣ܵܡܵܪ.
6: ܘܲܟܬܲܒ̣ ܐܸܢܘܿܢ ܫܡܲܥܝܵܐ ܒܲܪ ܡܲܬ̣ܢܝܹܠ ܣܵܦܪܵܐ ܡ̣ܢ ܠܹܘܵܝܹ̈ܐ: ܩܕ݂ܵܡ ܡܲܠܟܵܐ ܕܵܘܝܼܕ݂: ܘܲܩܕ݂ܵܡ ܩܲܫܝܼܫܹ̈ܐ ܕܝܼܣܪܵܝܹܠ: ܘܨܵܕ݂ܘܿܩ ܟܵܗܢܵܐ ܘܐܲܚܝܼܡܲܠܟ ܒܲܪ ܐܲܒ̣ܝܼܬ̣ܵܪ: ܪܹ̈ܫܲܝ ܐܲܒ̣ܵـ̈ـܗܵܬ̣ܵܐ ܕܟ݂ܵܗ̈ܢܹܐ ܘܲܕ݂ܠܹܘܵܝܹ̈ܐ: ܒܹܝܬ̣ ܐܲܒ̣ܵܐ ܩܲܕ݂ܡܵܝܵܐ ܚܲܕ݂ ܐܹܠܝܼܥܵܙܲܪ: ܘܚܲܕ݂ ܐ̄ܚܪܹܢܵܐ ܐܝܼܬ̣ܵܡܵܪ.
7: ܘܣܸܠܩܲܬ̤ ܦܸܨܬ̣ܵܐ ܩܲܕ݂ܡܵܝܬܵܐ ܠܝܵܗܘܿܝܵܕ݂ܵܥ: ܬܸܢܝܵܢܵܐ ܠܝܲܕ݂ܥܝܼܵܐ.
8: ܠܲܬ̣ܠܝܼܬ̣ܵܝܵܐ ܚܵܪܵܡ: ܠܲܪܒ̣ܝܼܥܵܝܵܐ ܣܥܘܿܪܝܼܡ.
9: ܠܲܚܡܝܼܫܵܝܵܐ ܡܠܲܟ݂ܝܵܐ: ܠܲܫܬ̇ܝܼܬ̣ܵܝܵܐ ܡܝܲܡܝܼܢ.
10: ܠܲܫܒ̣ܝܼܥܵܝܵܐ ܐܲܩܘܿܨ: ܠܲܬ̣ܡܝܼܢܵܝܵܐ ܐܲܒ̣ܝܼܵܐ.
11: ܠܲܬ̣ܫܝܼܥܵܝܵܐ ܐܹܠܝܼܫܲܥ: ܠܲܥܣܝܼܪܵܝܵܐ ܫܟܲܢܝܵܐ.
12: ܠܕܲܚܕܲܥܣܲܪ ܐܹܠܝܼܫܲܦ: ܠܕܲܬ̣ܪܸܥܣܲܪ ܐܹܠܝܼܩܪܲܒ̣.
13: ܠܕܲܬ̣ܠܵܬܲܥܣܲܪ ܚܘܼܦܵܐ: ܠܲܕ݂ܐܲܪܒܲܬܲܥܣܲܪ ܐܹܚܲܙܝܵܐ.
14: ܠܲܕ݂ܚܲܡܸܫܬܲܥܣܲܪ ܒܲܓܠܵܐ: ܠܲܕ݂ܫܸܬ̇ܬܲܥܣܲܪ ܐܵܡܲܪ.
15: ܠܕܲܫܒܲܬܲܥܣܲܪ ܐܹܚܲܙܝܵܐ: ܠܕܲܬ̣ܡܵܢܬܲܥܣܲܪ ܦܲܨܝܼܢ.
16: ܠܕܲܬ̣ܫܲܥܣܲܪ ܦܬ̣ܝܼܚܵܐ: ܠܲܕ݂ܥܸܣܪܝܼܢ ܚܲܙܩܝܼܐܹܝܠ.
17: ܠܲܕ݂ܚܲܕ݂ ܘܥܸܣܪܝܼܢ ܝܲܟ݂ܝܼܢ: ܠܕܲܬ̣ܪܹܝܢ ܘܥܸܣܪܝܼܢ ܓܡܘܿܠ.
18: ܠܕܲܬ̣ܠܵܬ̣ܵܐ ܘܥܸܣܪܝܼܢ ܕܠܵܝܵܐ: ܠܕܲܐܪܒ̇ܥܵܐ ܘܥܸܣܪܝܼܢ ܡܥܲܕ݂ܝܵܐ.
19: ܗܵܠܹܝܢ ܡܸܢܝܵܢܲܝ̈ܗܘܿܢ. ܠܲܥܒ̣ܝܼ̈ܕ݂ܵܬ̣ܗܘܿܢ. ܥܵܐܠܝܼܢ ܗ̄ܘ̣ܵܘ ܠܒܲܝܬܹ̇ܗ ܕܡܵܪܝܵܐ: ܐܲܝܟ݂ ܢܵܡܘܿܣܲܝ̈ܗܘܿܢ: ܐܲܝܟ݂ ܕܡܸܬ̣ܒ̇ܥܹܐ ܠܗܘܿܢ ܒܡܸܠܟܹ̇ܗ ܕܐܲܗܪܘܿܢ ܐܲܒ̣ܘܼܗܘܿܢ: ܐܲܝܟܲܢܵܐ ܕܦܲܩܸܕ݂ ܡܵܪܹܐ ܡܵܪ̈ܵܘܵܬ̣ܵܐ ܠܝܼܣܪܵܝܹܠ.
20: ܘܠܲܒ̣ܢܵܘ̈ܗܝ ܕܠܹܘܝܼ ܕܐܸܫܬ̇ܚܲܪܘ: ܠܲܒ̣ܢܵܘ̈ܗܝ ܕܥܲܡܪܲܡ: ܫܒ̣ܘܿܠ. ܠܲܒ̣ܢܵܘ̈ܗܝ ܕܲܫܒ̣ܘܿܠ: ܝܲܚܕ̇ܝܼܵܐ: ܘܐܲܪܚܲܒ̣ܝܵܐ.
21: ܠܲܒ̣ܢܵܘ̈ܗܝ ܕܐܲܪܚܲܒ̣ܝܵܐ: ܩܲܫܝܼܫܹܗ ܝܲܫܘܵܐ: ܘܨܵܗܵܪ: ܘܣܲܠܡܘܿܬ̣.
22: ܠܲܒ̣ܢܵܘ̈ܗܝ ܕܣܲܠܡܘܿܬ̣: ܢܵܚܵܬ̣.
23: ܘܐܹܪܲܡܝܵܐ: ܘܲܚܙܵܐܹܝܠ: ܘܲܢܫܵܡܝܼܡ.
24: ܘܲܒ̣ܢܵܘ̈ܗܝ ܕܲܥܙܵܐܹܝܠ: ܡܝܼܟ݂ܵܐ. ܠܲܒ̣ܢܵܘ̈ܗܝ ܕܡܝܼܟ݂ܵܐ: ܫܵܡܵܪ: ܘܝܲܫܘܵܐ.
25: ܠܲܒ̣ܢܵܘ̈ܗܝ ܕܝܲܫܘܵܐ: ܙܟܲܪܝܵܐ.
26: ܒܢܵܘ̈ܗܝ ܕܲܡܪܵܪܝܼ: ܡܲܚܠܝܼ ܘܡܘܼܫܝܼ.
ܩܹܦܵܠܹܐܘܿܢ : ܟܗ.
1: ܘܲܦܪܲܫ̣ ܕܵܘܝܼܕ݂ ܘܪܵܘ̱ܪ̈ܒ̣ܵܢܵܘܗܝ: ܚܲܝܠܵܐ ܠܲܥܒ̣ܝܼ̈ܕ݂ܵܬ̣ܵܐ ܕܲܒ̣ܢܲܝ̈ ܐܵܣܵܦ: ܗܵܡܵܢ: ܘܝܼܪܘܼܬ̣ܘܿܢ. ܒܢܵܘ̈ܗܝ ܕܥܲܙܪܲܡ ܒܪܹܗ. ܗܵܠܹܝܢ ܐܸܢܘܿܢ ܒܢܲܝ̈ ܠܹܘܵܝܹ̈ܐ ܠܒܹܝܬ̣ ܐܲܒ̣ܵܗܲܝ̈ܗܘܿܢ. ܘܐܲܪܝܼܡܘ ܐܵܦ ܗܸܢܘܿܢ ܦܸܨܹ̈ܐ ܠܘܼܩܒܲܠ ܐܲܚܲܝ̈ܗܘܿܢ: ܒܢܵܘ̈ܗܝ ܕܐܲܗܪܘܿܢ: ܩܕ݂ܵܡ ܕܵܘܝܼܕ݂ ܡܲܠܟܵܐ: ܘܨܵܕ݂ܘܿܩ: ܘܐܲܚܝܼܡܲܠܟ ܪܹ̈ܫܲܝ ܐܲܒ̣ܵـ̈ـܗܵܬ̣ܵܐ ܕܟ݂ܵܗ̈ܢܹܐ ܘܲܕ݂ܠܹܘܵܝܹ̈ܐ. ܒܚܘܼܫܒܵܢܵܐ ܘܡܸܢܝܵܢܵܐ: ܙܥܘܿܪܵܐ ܐܲܝܟ݂ ܐܲܚܘܼܗܝ ܩܲܫܝܼܫܵܐ: ܗܵܟܲܢܵܐ ܐܸܬ̣ܚܫܸܒ̣ܘ ܘܲܗܘ̤ܵܐ ܡܸܢܝܵܢܵܐ ܕܓܲܒ̣ܪܹ̈ܐ ܥܵܒ̣ܕܲܝ̈ ܥܒ̣ܵܕ݂ܵܐ ܠܲܥܒ̣ܝܼ̈ܕ݂ܵܬ̣ܗܘܿܢ.
2: ܒܢܵܘ̈ܗܝ ܕܐܵܣܵܦ: ܙܲܟ̇ܘܼܪܝܼ: ܝܵܘܣܸܦ: ܘܲܢܬܲܢܝܵܐ: ܘܝܼܣܪܵܝܹܠ ܘܲܒ̣ܢܵܘ̈ܗܝ ܕܐܵܣܵܦ ܗܵܠܹܝܢ ܕܐܲܫܠܸܡ ܡܲܠܟܵܐ ܠܝܼܪܘܼܬ̣ܘܿܢ ܒܬܸܫܒ̇ـ̈ـܚܵܬ̣ܵܐ.
3: ܒܢܵܘ̈ܗܝ ܕܝܼܪܘܼܬ̇ܘܿܢ: ܥܲܙܲܪܝܵܐ: ܘܐܹܫܲܥܝܵܐ: ܚܫܲܒ̣ܝܵܐ: ܘܡܲܬ̇ܝܼܬ̣ܵܐ: ܘܝܼܪܘܼܬ̣ܘܼܢ. ܫܬܵܐ ܗܵܠܹܝܢ: ܐܸܫܬ̇ܠܸܡܘ ܠܝܼܪܘܼܬ̣ܘܼܢ ܐܲܒ̣ܘܼܗܘܿܢ ܕܲܗܘ̤ܵܘ ܡܫܲܒ̇ܚܝܼܢ ܒܟܸܢܵܪܹ̈ܐ: ܘܡܵܘܕܹ̇ܝܢ ܠܡܵܪܝܵܐ.
4: ܡ̣ܢ ܒܢܵܘ̈ܗܝ ܕܗܵܡܵܢ: ܒܩܲܥܝܵܐ: ܡܬܲܢܝܵܐ: ܥܙܵܐܹܝܠ: ܫܒ̣ܘܿܠ: ܝܲܪܡܘܿܬ̣: ܚܲܢܲܢܝܵܐ.
7: ܘܲܗܘ̤ܵܐ ܡܸܢܝܵܢܗܘܿܢ ܥܲܡ ܐܲܚܲܝ̈ܗܘܿܢ: ܘܲܡܫܲܒ̇ܚܝܼܢ ܗ̄ܘ̣ܵܘ ܬܸܫܒ̇ـ̈ـܚܵܬ̣ܵܐ ܠܡܵܪܝܵܐ. ܘܲܗܘ̤ܵܘ ܡܸܢܝܵܢܹ̈ܐ ܕܗܵܠܹܝܢ ܡܫܲܒ̇ܚܵܢܹ̈ܐ: ܡܲܐܬܹ̇ܝܢ ܘܲܬ̣ܡܵܢܐܝܼܢ ܘܲܬ̣ܡܵܢܝܵܐ.
8: ܙܥܘܿܪܵܐ ܐܲܝܟ݂ ܩܲܫܝܼܫܵܐ ܐܸܬ̣ܚܫܸܒ̣: ܝܵܠܘܿܦܵܐ ܐܲܝܟ݂ ܡܲܠܦܵܢܵܐ.
9: ܘܣܸܠܩܲܬ̤ ܦܸܨܬ̣ܵܐ: ܩܲܕ݂ܡܵܝܬܵܐ: ܠܐܵܣܵܦ: ܠܝܵܘܣܸܦ: ܓܕܲܠܝܵܐ ܬܸܢܝܵܢܵܐ ܗ̤ܘ ܘܐܲܚܵܘ̈ܗܝ ܘܲܒ̣ܢܵܘ̈ܗܝ ܬܪܸܥܣܲܪ.
10: ܬܠܝܼܬ̣ܵܝܵܐ ܙܥܘܿܪܝ ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.
11: ܪܒ̣ܝܼܥܵܝܵܐ ܢܲܨܪܝܼ ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.
12: ܚܡܝܼܫܵܝܵܐ ܠܬܲܢܝܵܐ ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.
13: ܫܬ̇ܝܼܬ̣ܵܝܵܐ ܒܩܲܥܝܵܐ. ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.
14: ܫܒ̣ܝܼܥܵܝܵܐ ܠܲܣܪܵܝܹܠ ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.
15: ܬܡܝܼܢܵܝܵܐ ܐܹܫܲܥܝܵܐ. ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.
16: ܬܫܝܼܥܵܝܵܐ ܡܬܲܢܝܵܐ. ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.
17: ܥܣܝܼܪܵܝܵܐ ܫܡܲܥܠܝܼ ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.
18: ܕܲܚܕܲܥܣܲܪ ܥܙܵܐܹܝܠ ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.
19: ܕܲܬ̣ܪܸܥܣܲܪ ܚܫܲܒ̣ܝܵܐ. ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.
20: ܕܲܬ̣ܠܵܬ̣ܥܣܲܪ ܫܘܿܒܵܠ ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.
21: ܕܐܲܪܒܲܬܲܥܣܲܪ ܡܲܬ̇ܝܼܬ̣ܵܐ ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.
22: ܕܚܲܡܸܫܬܲܥܣܲܪ ܝܲܪܡܘܿܬ̣ ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.
23: ܕܫܸܬ̇ܬܲܥܣܲܪ ܚܲܢܲܢܝܵܐ. ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.
24: ܕܲܫܒܲܬܲܥܣܲܪ ܠܐܹܠܝܼܫܲܒ̣ ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.
25: ܕܲܬ̣ܡܵܢܬܲܥܣܲܪ ܠܚܲܢܵܢܝܼ ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.
26: ܕܲܬ̣ܫܲܬܲܥܣܲܪ ܠܡܲܠܘܼܬ̣ ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.
27: ܕܥܸܣܪܝܼܢ ܠܐܹܠܝܲܒ̣ ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.
28: ܕܚܲܕ݂ ܘܥܸܣܪܝܼܢ ܠܝܵܬ̣ܵܪ ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.
29: ܕܲܬ̣ܪܹܝܢ ܘܥܸܣܪܝܼܢ ܠܪܲܒܲܝ ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.
30: ܕܲܬ̣ܠܵܬ̣ܵܐ ܘܥܸܣܪܝܼܢ ܠܲܡܚܲܙܝܘܼܬ̣. ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.
31: ܕܐܲܪܒ̇ܥܵܐ ܘܥܸܣܪܝܼܢ ܠܪܘܿܡܵܢ ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.
ܩܹܦܵܠܹܐܘܿܢ : ܟܘ.
1: ܦܵܠ̈ܓܘܵܬ̣ܵܐ ܕܬ̣ܵܪ̈ܥܹܐ ܕܐܲܩܝܼܡ ܕܵܘܝܼܕ݂ ܡܲܠܟܵܐ ܢܵܛܘܼܪܹ̈ܐ: ܡܫܲܠܝܵܐ ܡ̣ܢ ܒܢܵܘ̈ܗܝ ܕܝܵܘܣܸܦ.
2: ܘܠܲܡܫܲܠܝܵܐ ܗܘ̤ܵܘ ܠܹܗ ܒ̈ܢܲܝܵܐ ܕܸܟ݂ܪܹ̈ܐ: ܫܲܒ̣ܥܵܐ: ܙܟܲܪܝܵܐ ܒܘܼܟ݂ܪܹܗ: ܝܲܕ݂ܥܹܝܠ ܬܸܢܝܵܢܵܐ: ܙܟܲܪܝܵܐ ܬܠܝܼܬ̣ܵܝܵܐ: ܢܲܬ̣ܢܝܼܐܹܝܠ ܪܒ̣ܝܼܥܵܝܵܐ.
3: ܥܝܼܠܵܡ ܚܡܝܼܫܵܝܵܐ: ܝܘܿܚܲܢܵܢ ܫܬ̇ܝܼܬ̣ܵܝܵܐ: ܝܲܕ݂ܥܝܼ ܫܒ̣ܝܼܥܵܝܵܐ.
4: ܘܲܠܥܘܼܒ̣ܵܪ ܐܲܕ݂ܘܿܡ: ܗܘ̤ܵܘ ܠܹܗ ܒ̈ܢܲܝܵܐ. ܫܡܲܥܝܵܐ ܒܘܼܟ݂ܪܹܗ: ܝܵܗܘܿܙܵܒ̣ܵܢ ܬܸܢܝܵܢܵܐ: ܝܘܿܐܵܚ ܬܠܝܼܬ̣ܵܝܵܐ: ܫܵܒ̣ܵܪ ܪܒ̣ܝܼܥܵܝܵܐ: ܡܲܛܠܲܠ ܚܡܝܼܫܵܝܵܐ.
5: ܓܡܵܝܹܠ ܫܬ̇ܝܼܬ̣ܵܝܵܐ: ܐܝܼܣܵܟ݂ܵܪ ܫܒ̣ܝܼܥܵܝܵܐ: ܦܲܥܠܝܼ ܬܡܝܼܢܵܝܵܐ: ܡܸܛܠ ܕܒܲܪܟܹܗ ܡܵܪܝܵܐ.
6: ܘܠܲܫܡܲܥܝܵܐ ܒܪܹܗ: ܐܸܬ̣̱ܝܼܠܸܕ݂ܘ ܒ̈ܢܲܝܵܐ ܕܫܲܠܝܼܛܝܼܢ ܥܲܠ ܒܹܝܬ̣ ܐܲܒ̣ܵܗܵܬ̣̈ܗܘܿܢ: ܡܸܛܠ ܕܓܲܢ̄ܒܵܪ̈ܲܝ ܚܲܝܠܵܐ ܐܸܢܘܿܢ.
7: ܒܢܵܘ̈ܗܝ ܕܲܫܡܲܥܝܵܐ: ܓܲܥܬ̣ܵܐܹܝܠ: ܘܟܲܕ݂ܚܵܐܹܝܠ: ܘܥܘܼܒ̣ܕ݂ܵܐܹܝܠ: ܘܲܙܟܲܪܝܵܐ ܓܲܢ̄ܒܵܪ ܚܲܝܠܵܐ: ܘܐܹܠܝܼܵܐ: ܘܲܣܡܲܟ݂ܝܵܐ.
8: ܟܠܗܘܿܢ ܗܵܠܹܝܢ ܡ̣ܢ ܒܢܵܘ̈ܗܝ ܕܥܘܼܒ̣ܵܪ ܐܲܕ݂ܘܿܡ: ܗܸܢܘܿܢ ܘܲܒ̣ܢܲܝ̈ܗܘܿܢ ܘܐܲܚܲܝ̈ܗܘܿܢ ܓܲܢ̄ܒܵܪ̈ܲܝ ܚܲܝܠܵܐ: ܕܚܲܝܠܵܐ ܕܲܥܒ̣̈ܝܼܕ݂ܵܬ̣ܵܐ ܕܒܹܝܬ̣ ܡܲܩܕ̇ܫܵܐ. ܫܬ̇ܝܼܢ ܘܲܬ̣ܪܹܝܢ ܒܢܵܘ̈ܗܝ ܕܥܘܼܒ̣ܵܪ ܐܲܕ݂ܘܿܡ.
9: ܘܠܲܡܫܲܠܝܵܐ ܒܪܹܗ ܩܲܫܝܼܫܵܐ: ܒ̈ܢܲܝܵܐ ܓܲܢ̄ܒܵܪ̈ܲܝ ܚܲܝܠܵܐ: ܬܡܵܢܬܲܥܣܲܪ.
10: ܘܲܠܚܵܣܵܐ ܡ̣ܢ ܒܢܲܝ̈ ܡܪܵܪܝܼ: ܒ̈ܢܲܝܵܐ ܓܲܢ̄ܒܵܪ̈ܲܝ ܚܲܝܠܵܐ. ܘܲܒ̣ܪܹܗ ܩܲܫܝܼܫܵܐ ܡ̣ܝܼܬ̣ ܗ̄ܘ̣ܵܐ ܠܹܗ. ܘܐܲܩܝܼܡ ܐܲܒ̣ܘܼܗܝ ܠܲܕ݂ܒ̣ܵܬ̣ܪܹܗ ܪܹܫܵܐ. ܘܠܵܐ ܩܪܵܝܗܝ ܒܲܫܡܵܐ ܕܩܲܫܝܼܫܘܼܬ̣ܵܐ.
11: ܚܹܠܲܩܝܵܐ ܬܸܢܝܵܢܵܐ: ܛܒܲܥܝܵܐ ܬܠܝܼܬ̣ܵܝܵܐ: ܙܟܲܪܝܵܐ ܪܒ̣ܝܼܥܵܝܵܐ ܟܠ ܒ̈ܢܲܝܵܐ ܘܐܲܚܵܘ̈ܗܝ ܕܚܵܣܵܐ ܬܠܵܬܲܥܣܲܪ.
12: ܠܗܵܠܹܝܢ ܐܸܬ̣ܦܲܠܲܓ̣ܘ ܬܲܪ̈ܥܹܐ: ܠܹܪܫ ܐ̄ܢܵܫ ܡܲܛܲܪܬܵܐ ܠܘܼܩܒܲܠ ܐܲܚܲܝ̈ܗܘܿܢ: ܕܢܸܗܘܘܿܢ ܡܫܲܡܫܝܼܢ ܒܹܝܬ̣ ܡܲܩܕ̇ܫܵܐ.
13: ܘܐܲܪܡܝܼܘ ܦܸܨܹ̈ܐ: ܙܥܘܿܪܵܐ ܐܲܝܟ݂ ܪܲܒܵܐ ܠܒܹܝܬ̣ ܐܲܒ̣ܵܗܲܝ̈ܗܘܿܢ: ܠܬܲܪܥܵܐ ܘܬܲܪܥܵܐ.
14: ܘܢܸܦܠܲܬ̤ ܦܸܨܬ̣ܵܐ ܠܡܲܕ݂ܢ̱ܚܵܐ ܠܲܫܠܲܡܝܵܐ. ܘܲܙܟܲܪܝܵܐ ܒܪܹܗ: ܡܵܠܘܿܟ݂ܵܐ ܒܣܘܼܟܵܠܵܐ. ܐܲܪܡܝܼܘ ܦܸܨܹ̈ܐ: ܘܢܸܦܩܲܬ̤ ܦܸܨܬܹܗ ܠܓܲܪܒ̇ܝܵܐ.
15: ܠܥܘܼܒ̣ܵܪ ܐܲܕ݂ܘܿܡ ܠܬܲܝܡܢܵܐ.
16: ܠܲܒ̣ܢܵܘ̈ܗܝ ܒܹܝܬ̣ ܣܸܦܹ̈ܐ ܠܫܘܿܦܝܼܡ: ܘܲܠܚܘܼܣܵܐ ܠܡܲܥ̱ܪܒ̣ܵܐ: ܥܕܲܡܵܐ ܠܬܲܪܥܵܐ ܕܡܲܬ̣ܩܲܢ ܒܲܫܒ̣ܝܼܠܵܐ ܕܣܵܠܹ̇ܩ.
17: ܡܲܛܲܪܬܵܐ ܠܘܼܩܒܲܠ ܡܲܛܲܪܬܵܐ ܠܡܲܕ݂ܢ̱ܚܵܐ: ܠܹܘܵܝܹ̈ܐ ܫܬܵܐ ܠܡܲܕ݂ܢ̱ܚܵܐ ܠܓܲܪܒ̇ܝܵܐ ܠܝܵܘ̈ܡܹܐ ܐܲܪܒ̇ܥܵܐ: ܘܲܠܬܲܝܡܢܵܐ ܠܝܵܘ̈ܡܵܐ ܐܲܪܒ̇ܥܵܐ: ܘܲܠܒܹܝܬ̣ ܣܸܦܹ̈ܐ ܬܪܹܝܢ ܬܪܹܝܢ.
18: ܠܦܲܪܒܲܪ ܠܡܲܥ̱ܪܒ̣ܵܐ: ܐܲܪܒ̇ܥܵܐ ܠܲܫܒ̣ܝܼ̈ܠܹܐ: ܬܪܹܝܢ ܠܦܲܪܒܲܪ.
19: ܗܵܠܹܝܢ ܦܵܠܓܘܵܬ̣ܵܐ ܕܬ̣ܵܪ̈ܥܹܐ ܕܲܒ̣ܢܵܘ̈ܗܝ ܕܩܘܿܪܚ: ܘܕܲܒ̣ܢܵܘ̈ܗܝ ܕܲܡܪܵܪܝܼ ܠܹܘܵܝܹ̈ܐ.
20: ܐܲܚܝܼܵܐ ܥܲܠ ܐܵܘܨܪܹ̈ܐ ܕܒܹܝܬ̣ ܐܲܠܵܗܵܐ: ܘܥܲܠ ܐܵܨܘܿܪܹ̈ܐ ܕܩܘܼܕ݂ܫܵܐ.
21: ܒܢܵܘ̈ܗܝ ܕܠܲܥܕܵܢ ܡ̣ܢ ܒܢܲܝ̈ ܓܸܪܫܘܿܢ: ܠܠܲܥܕܵܢ ܪܹ̈ܫܲܝ ܐܲܒ̣ܵـ̈ـܗܵܬ̣ܵܐ: ܠܠܲܥܕܵܢ ܓܲܪܫܘܿܢܵܝܵܐ.
22: ܢܲܚܠܝܼ: ܙܝܼܬ̣ܵܡ: ܘܝܘܼܐܹܝܠ ܐܲܚܵܘ̈ܗܝ: ܥܲܠ ܐܵܘܨܪܹ̈ܐ ܕܒܹܝܬ̣ ܡܵܪܝܵܐ.
23: ܠܥܲܡܪ̈ܲܡܵܝܹܐ: ܠܝܲܨܗܵܪ̈ܵܝܵܐ: ܠܚܸܒ̣ܪ̈ܘܿܢܵܝܹܐ. ܠܥܘܿܙ̈ܝܼܠܵܝܹܐ.
24: ܘܠܲܫܡܘܼܐܹܝܠ ܒܲܪ ܓܸܪܫܘܿܢ: ܒܲܪ ܡܘܼܫܹܐ: ܡܩܲܝܲܡ ܥܲܠ ܐܵܘܨܪܹ̈ܐ.
25: ܘܐܲܚܵܘ̈ܗܝ ܐܹܠܝܼܥܵܙܲܪ: ܪܚܲܒ̣ܝܵܐ ܒܪܹܗ: ܐܹܫܲܥܝܵܐ ܒܪܹܗ: ܝܘܿܪܵܡ ܒܪܹܗ: ܙܲܟ݂ܪܝܼ ܒܪܹܗ.
26: ܫܲܠܘܿܡܝܼܬ̣ ܒܪܹܗ ܗ̤ܘ ܫܲܠܘܿܡܝܼܬ̣ ܘܐܲܚܵܘ̈ܗܝ: ܥܲܠ ܟܠ ܐܵܘܨܪܹ̈ܐ ܕܩܘܼܕ݂ܫܹ̈ܐ: ܕܩܲܕܸ̇ܫ̣ ܕܵܘܝܼܕ݂ ܡܲܠܟܵܐ ܘܪܹ̈ܫܲܝ ܐܲܒ̣ܵـ̈ـܗܵܬ̣ܵܐ. ܘܪܵܘ̱ܪ̈ܒ̣ܵܢܹܐ ܕܐܲܠܦܹ̈ܐ ܘܲܕ݂ܡܲܐ̈ܘܵܬ̣ܵܐ.
27: ܘܪܵܘ̱ܪ̈ܒ̣ܵܢܹܐ ܕܚܲܝܠܵܐ ܡ̣ܢ ܩܪܵܒ̣ܵܐ: ܘܡ̣ܢ ܒܸܙܬ̣ܵܐ ܩܲܕܸ̇ܫܘ ܠܚܘܼܝܵܠܵܐ ܕܒܲܝܬܹ̇ܗ ܕܡܵܪܝܵܐ.
28: ܘܟ݂ܠ ܕܩܲܕܸ̇ܫ̣ ܫܡܘܼܐܹܝܠ ܚܲܙܵܝܵܐ: ܘܫܵܐܘܿܠ ܒܲܪ ܩܝܼܫ: ܘܐܲܒ̣ܢܝܼܪ ܒܲܪ ܢܝܼܪ: ܘܝܘܿܐܵܒ̣ ܒܲܪ ܨܘܿܪܝܼܵܐ: ܟܠ ܕܲܡܩܲܕܲܫ ܥܲܠ ܐܝܼܕ݂ܵܘ̈ܗܝ ܕܫܲܠܘܿܡܝܼܬ̣ ܘܕܲܐܚܵܘ̈ܗܝ.
29: ܠܝܲܨܗܵܪ̈ܝܹܐ: ܟܘܼܢܲܢܝܵܐ ܘܲܒ̣ܢܵܘ̈ܗܝ ܠܲܥܒ̣ܝܼ̈ܕ݂ܵܬ̣ܵܐ ܒܲܪ̈ܵܝܵܬ̣ܵܐ: ܥܲܠ ܝܼܣܪܵܝܹܠ: ܠܫܲܠܝܼܛܵܢܹ̈ܐ: ܘܲܠܕܲܝܵܢܹ̈ܐ.
30: ܘܲܠܚܸܒ̣ܪ̈ܘܿܢܵܝܹܐ: ܚܫܲܒ̣ܝܵܐ ܘܐܲܚܵܘ̈ܗܝ ܒܢܲܝ̈ ܚܲܝܠܵܐ: ܐܵܠܹܦ ܘܲܫܒܲܥܡܵܐܐ ܥܲܠ ܡܸܢܝܵܢܵܐ ܕܝܼܣܪܵܝܹܠ: ܘܡ̣ܢ ܥܸܒ̣ܪܵܐ ܕܝܘܿܪܕ̇ܢܵܢ: ܘܲܠܡܲܥ̱ܪܒ̣ܵܐ: ܠܟ݂ܠ ܥܒ̣ܝܼ̈ܕ݂ܵܬ̣ܵܐ ܕܡܵܪܝܵܐ ܘܲܠܦܘܼܠܚܵܢܵܐ ܕܡܲܠܟܵܐ.
31: ܠܚܸܒ̣ܪ̈ܘܿܢܵܝܹܐ: ܢܹܪܝܼܵܐ ܪܹܫܵܐ ܠܚܸܒ̣ܪ̈ܘܿܢܵܝܹܐ: ܠܬ̣ܵܘ̈ܠܕ݂ܵܬ̣ܗܘܿܢ ܠܒܹܝܬ̣ ܐܲܒ̣ܵܗܲܝ̈ܗܘܿܢ. ܒܲܫܢܲܬ̣ ܐܲܪܒ̇ܥܝܼܢ ܠܡܲܠܟ̇ܘܼܬܹܗ ܕܕ݂ܵܘܝܼܕ݂ ܐܸܬ̇ܬ̇ܒܲܥܘ: ܘܐܸܫܬܲܟܲܚܘ ܒܗܘܿܢ ܓܲܢ̄ܒܵܪ̈ܲܝ ܚܲܝܠܵܐ: ܒܝܲܥܙܝܼܪ ܕܓܸܠܥܵܕ݂.
32: ܘܐܲܚܵܘ̈ܗܝ ܒܢܲܝ̈ ܚܲܝܠܵܐ: ܬܪܹܝܢ ܐܲܠܦ̈ܝܼܢ ܘܲܫܒܲܥܡܵܐܐ ܪܹ̈ܫܲܝ ܐܲܒ̣ܵـ̈ـܗܵܬ̣ܵܐ: ܕܐܲܫܠܸܛ ܐܸܢܘܿܢ ܕܵܘܝܼܕ݂ ܡܲܠܟܵܐ ܥܲܠ ܒܢܲܝ̈ ܪܘܼܒܹܝܠ: ܘܲܒ̣ܢܲܝ̈ ܓܵܕ݂: ܘܥܲܠ ܦܸܠܓ̇ܘܼܬ̣ ܫܲܒ̣ܛܵܐ ܕܲܡܢܲܫܹܐ: ܠܟ݂ܠ ܦܸܬ̣ܓ̣ܵܡܵܐ ܕܐܲܠܵܗܵܐ ܘܦܸܬ̣ܓ̣ܵܡܵܐ ܕܡܲܠܟܵܐ.
ܩܹܦܵܠܹܐܘܿܢ : ܟܙ.
1: ܘܲܒ̣ܢܲܝ̈ ܝܼܣܪܵܝܹܠ ܠܡܸܢܝܵܢܗܘܿܢ ܪܹ̈ܫܲܝ ܐܲܒ̣ܵـ̈ـܗܵܬ̣ܵܐ: ܘܪܵܘ̱ܪ̈ܒ̣ܵܢܹܐ ܕܐܲܠܦܹ̈ܐ ܘܲܕ݂ܡܲܐ̈ܘܵܬ̣ܵܐ ܘܫܲܠܝܼܛܵܢܲܝ̈ܗܘܿܢ: ܕܲܡܫܲܡܫܝܼܢ ܠܡܲܠܟܵܐ: ܠܟ݂ܠ ܦܸܬ̣ܓ̣ܵܡܵܐ ܕܦܵܠܓܘܼܬ̣ܵܐ ܕܥܵܐܠܵܐ ܘܢܵܦܩܵܐ ܒܝܲܪܚܵܐ ܒܝܲܪܚܵܐ: ܠܟ݂ܠ ܝܲܪ̈ܚܹܐ ܕܫܲܢ̄ܬܵܐ ܦܵܠܓܘܼܬ̣ܵܐ ܚܕ݂ܵܐ: ܥܸܣܪܝܼܢ ܘܐܲܪܒ̇ܥܵܐ ܐܲܠܦ̈ܝܼܢ.
2: ܥܲܠ ܦܵܠܓܘܼܬ̣ܵܐ ܩܲܕ݂ܡܵܝܬܵܐ: ܠܝܲܪܚܵܐ ܩܲܕ݂ܡܵܝܵܐ: ܫܒܲܥܲܡ ܒܲܪ ܙܲܒ̣ܕܵܐܹܝܠ: ܘܥܲܠ ܦܵܠܓܘܼܬܹܗ ܥܸܣܪܝܼܢ ܘܐܲܪܒ̇ܥܵܐ ܐܲܠܦ̈ܝܼܢ.
3: ܡ̣ܢ ܒܢܵܘ̈ܗܝ ܕܦܲܨܲܪ: ܪܹ̈ܫܹܐ ܕܟ݂ܠ ܪܵܘ̱ܪ̈ܒ̣ܵܢܲܝ ܚܲܝ̈ܠܵܘܵܬ̣ܵܐ ܕܝܲܪܚܵܐ ܩܲܕ݂ܡܵܝܵܐ.
4: ܘܥܲܠ: ܦܵܠܓܘܼܬ̣ܵܐ ܕܝܲܪܚܵܐ ܬܸܢܝܵܢܵܐ: ܕܘܼܕܝܼ ܚܘܼܚܵܝܵܐ: ܘܦܵܠܓܘܼܬܹܗ: ܘܡܲܩܠܘܼܬ ܫܲܠܝܼܛܵܐ: ܘܥܲܠ ܦܵܠܓܘܼܬܹܗ ܥܸܣܪܝܼܢ ܘܐܲܪܒ̇ܥܵܐ ܐܲܠܦ̈ܝܼܢ.
5: ܪܲܒ̇ ܚܲܝܠܵܐ ܬܠܝܼܬ̣ܵܝܵܐ ܠܝܲܪܚܵܐ ܬܠܝܼܬ̣ܵܝܵܐ: ܒܢܵܝܵܐ ܒܲܪ ܝܘܿܝܵܕ݂ܵܥ ܟܵܗܢܵܐ ܪܹܫܵܝܵܐ. ܘܥܲܠ ܦܵܠܓܘܼܬܹܗ ܥܸܣܪܝܼܢ ܘܐܲܪܒ̇ܥܵܐ ܐܲܠܦ̈ܝܼܢ.
6: ܗ̤ܘ ܒܢܵܝܵܐ ܓܲܢ̄ܒܵܪܵܐ ܕܲܬ̣ܠܵܬ̣ܝܼܢ ܘܥܲܠ ܬܠܵܬ̣ܝܼܢ ܘܦܵܠܓܘܼܬܹܗ: ܡܝܼܙܒܲܪ ܒܪܹܗ.
7: ܪܒ̣ܝܼܥܵܝܵܐ: ܠܝܲܪܚܵܐ ܪܒ̣ܝܼܥܵܝܵܐ: ܥܫܵܐܹܝܠ ܐܲܚܘܼܗܝ ܕܝܘܿܐܵܒ̣: ܘܙܲܒ̣ܕܵܐܹܝܠ ܒܪܹܗ ܡ̣ܢ ܒܵܬ̣ܪܹܗ. ܘܥܲܠ ܦܵܠܓ̇ܘܼܬܹܗ ܥܸܣܪܝܼܢ ܘܐܲܪܒ̇ܥܵܐ ܐܲܠܦ̈ܝܼܢ.
8: ܚܡܝܼܫܵܝܵܐ ܠܝܲܪܚܵܐ ܚܡܝܼܫܵܝܵܐ: ܪܲܒܵܐ ܫܲܡܗܘܿܬ̣ ܢܙܲܪܚܝܵܐ. ܘܥܲܠ ܦܵܠܓ̇ܘܼܬܹܗ ܥܸܣܪܝܼܢ ܘܐܲܪܒ̇ܥܵܐ ܐܲܠܦ̈ܝܼܢ.
9: ܫܬ̇ܝܼܬ̣ܵܝܵܐ ܠܝܲܪܚܵܐ ܫܬ̇ܝܼܬ̣ܵܝܵܐ: ܥܝܼܪܵܐ ܒܲܪ ܥܩܝܼܣ ܬܩܘܿܥܵܝܵܐ. ܘܥܲܠ ܦܵܠܓ̇ܘܼܬܹܗ ܥܸܣܪܝܼܢ ܘܐܼܲܒ̇ܥܵܐ ܐܲܠܦ̈ܝܼܢ.
10: ܫܒ̣ܝܼܥܵܝܵܐ ܠܝܲܪܚܵܐ ܫܒ̣ܝܼܥܵܝܵܐ: ܚܵܠܵܨ ܦܵܠܘܿܢܵܝܵܐ: ܡ̣ܢ ܒܢܵܘ̈ܗܝ ܕܐܲܦܪܹܝܡ. ܘܥܲܠ ܦܵܠܓ̇ܘܼܬܹܗ ܥܸܣܪܝܼܢ ܘܐܲܪܒ̇ܥܵܐ ܐܲܠܦ̈ܝܼܢ.
11: ܬܡܝܼܢܵܝܵܐ ܠܝܼܲܪܚܵܐ ܬܡܝܼܢܵܝܵܐ: ܣܲܒ̣ܟ̇ܝܼ ܚܘܼܫܬ̣ܵܝܵܐ ܡ̣ܢ ܒܹܝܬ̣ ܙܲܪܚ ܘܥܲܠ ܦܵܠܓ̇ܘܼܬܹܗ ܥܸܣܪܝܼܢ ܘܐܲܪܒ̇ܥܵܐ ܐܲܠܦ̈ܝܼܢ.
12: ܬܫܝܼܥܵܝܵܐ ܠܝܲܪܚܵܐ ܬܫܝܼܥܵܝܵܐ: ܐܲܒ̣ܝܼܥܵܙܲܪ ܥܬ̣ܘܿܬ̣ܵܝܵܐ ܡ̣ܢ ܕܒܹܝܬ̣ ܒܸܢܝܵܡܹܝܢ ܘܥܲܠ ܦܵܠܓ̇ܘܼܬܹܗ ܥܸܣܪܝܼܢ ܘܐܲܪܒ̇ܥܵܐ ܐܲܠܦ̈ܝܼܢ.
13: ܥܣܝܼܪܝܵܐ ܠܝܲܪܚܵܐ ܥܣܝܼܪܵܝܵܐ: ܡܵܗܵܪ ܢܛܘܼܦܬ̣ܵܝܵܐ ܡ̣ܢ ܕܒܹܝܬ̣ ܙܲܪܚ. ܘܥܲܠ ܦܵܠܓܘܼܬܹܗ ܥܸܣܪܝܼܢ ܘܐܲܪܒ̇ܥܵܐ ܐܲܠܦ̈ܝܼܢ.
14: ܕܲܚܕܲܥܣܲܪ ܠܝܲܪܚܵܐ ܕܲܚܕܲܥܣܲܪ: ܒܢܵܝܵܐ ܦܪܲܥܬ̇ܘܿܢܵܝܵܐ ܡ̣ܢ ܒܢܵܘ̈ܗܝ ܕܐܲܦܪܹܝܡ ܘܥܲܠ ܦܵܠܓ̇ܘܼܬܹܗ ܥܸܣܪܝܼܢ ܘܐܲܪܒ̇ܥܵܐ ܐܲܠܦ̈ܝܼܢ.
15: ܕܲܬ̣ܪܸܥܣܲܪ ܠܝܲܪܚܵܐ ܕܲܬ̣ܪܸܥܣܲܪ: ܢܲܚܕ̇ܝܼ ܢܛܘܼܦܬ̣ܵܝܵܐ: ܕܒܹܝܬ̣ ܥܢܘܿܬ̣ܢܝܼܐܹܝܠ. ܘܥܲܠ ܦܵܠܓ̇ܘܼܬܹܗ ܥܸܣܪܝܼܢ ܘܐܲܪܒ̇ܥܵܐ ܐܲܠܦ̈ܝܼܢ.
16: ܘܥܲܠ ܫܲܒ̣̈ܛܹܐ ܕܲܒ̣ܢܲܝ̈ ܝܼܣܪܵܝܹܠ ܠܪ̈ܘܼܒܹܝܠܵܝܹܐ: ܡܕܲܒ̇ܪܵܢܵܐ ܐܹܠܝܼܥܵܙܲܪ ܒܲܪ ܙܲܟ݂ܪܝܼ: ܠܫܸܡܥ̈ܘܿܢܵܝܹܐ: ܫܦܲܛܝܵܐ ܒܲܪ ܡܲܥܟܵܐ.
17: ܠܠܹܘܝܼ ܚܫܲܒ̣ܝܵܐ ܒܲܪ ܩܡܘܼܐܹܝܠ: ܠܐܲܗܪܘܿܢ ܨܵܕ݂ܘܿܩ.
18: ܠܲܝܗܘܼܕ݂ܵܐ ܐܹܠܝܼܗܘܼ ܡ̣ܢ ܐܲܚܵܘ̈ܗܝ ܕܕ݂ܵܘܝܼܕ݂. ܠܐܝܼܣܵܟ݂ܵܪ ܥܡܘܿܪܝܼ ܒܲܪ ܡܝܼܟ݂ܵܐܹܝܠ.
19: ܠܲܙܒ̣ܘܿܠܘܿܢ ܫܡܲܥܝܵܐ ܒܲܪ ܥܘܿܒܲܕ݂ܝܵܐ: ܠܢܲܦ̮ܬܵܠܝܼ ܝܲܪܡܘܿܬ̣ ܒܲܪ ܥܲܙܪܵܐܹܝܠ.
20: ܠܲܒ̣ܢܵܘ̈ܗܝ ܕܐܲܦܪܹܝܡ ܗܘܿܫܲܥ ܒܲܪ ܥܲܙܲܢܝܵܐ.
21: ܠܦܸܠܓܘܼܬ̣ ܫܲܒ̣ܛܵܐ ܕܲܡܢܲܫܹܐ: ܝܘܼܐܹܝܠ ܒܲܪ ܦܸܪܝܵܐ. ܘܦܵܠܓܘܼܬ̣ܵܐ ܕܲܡܢܲܫܹܐ ܕܲܒ̣ܓܸܠܥܵܕ݂. ܝܲܕ̇ܘܿ ܒܲܪ ܙܟܲܪܝܵܐ: ܠܒܸܢܝܵܡܹܝܢ ܥܣܝܼܐܹܝܠ ܒܲܪ ܐܲܒ̣ܢܝܼܪ.
22: ܠܕ݂ܵܢ ܥܲܙܪܵܐܹܝܠ ܒܲܪ ܝܲܪܚܘܿܡ ܗܵܠܹܝܢ ܪܵܘ̱ܪ̈ܒ̣ܵܢܹܐ ܕܫܲܒ̣̈ܛܹܐ ܕܝܼܣܪܵܝܹܠ.
23: ܘܠܵܐ ܫ̣ܩܲܠ ܕܵܘܝܼܕ݂ ܡܸܢܝܵܢܗܘܿܢ ܡ̣ܢ ܒܲܪ ܥܸܣܪܝܼܢ ܫܢ̈ܝܼܢ ܘܲܠܬܲܚܬ̇: ܡܸܛܠ ܕܐܸܡܲܪ ܡܵܪܝܵܐ ܕܢܲܣܓܹ̇ܝܘܗܝ ܠܝܼܣܪܵܝܹܠ: ܐܲܝܟ݂ ܟܵܘ̈ܟ̇ܒܹܐ ܕܒܲܫܡܲܝܵܐ.
24: ܝܘܿܐܵܒ̣ ܒܲܪ ܨܘܿܪܝܼܵܐ ܫܲܪܝܼ ܕܢܸܡܢܸܐ ܘܠܵܐ ܫܲܠܸܡ ܘܲܗܘ̤ܵܐ ܪܘܼܓ̣ܙܵܐ ܥܲܠ ܝܼܣܪܵܝܹܠ ܘܠܵܐ ܣܠܸܩ̣ ܐܲܝܟ݂ ܡܸܢܝܵܢܵܐ ܕܲܕ݂ܒܲܪܝܲܡܝܼܡ ܠܡܲܠܟܵܐ ܕܵܘܝܼܕ݂.
25: ܘܥܲܠ ܐܵܘܨܪܹ̈ܐ ܕܡܲܠܟܵܐ: ܥܲܙܡܘܿܬ̣ ܒܲܪ ܓܕܲܠܝܵܐܹܝܠ. ܘܥܲܠ ܐܵܘܨܪܹ̈ܐ ܕܲܒ̣ܚܲܩܠܵܐ: ܕܲܒ̣ܩܘܼܪ̈ܝܵܐ: ܘܲܒ̣ܟܲܦܪ̈ܘܿܢܹܐ: ܘܲܒ̣ܡܲܓܕ̇ܠܹ̈ܐ: ܝܘܿܢܵܬ̣ܵܢ ܒܲܪ ܥܘܿܙܝܼܵܐ.
26: ܘܥܲܠ ܥܵܒ̣ܕܲܝ̈ ܥܒ̣̈ܝܼܕ݂ܵܬ̣ܵܐ ܕܚܲܩܠܵܐ ܠܦܘܼܠܚܵܢܵܐ ܕܐܲܪܥܵܐ: ܥܲܙܪܝܼ ܒܲܪ ܟܠܘܿܒ̣.
27: ܘܥܲܠ ܟܲܪ̈ܡܹܐ: ܫܡܲܥܝܵܐ ܪܵܡܬ̣ܵܝܵܐ. ܘܥܲܠ ܡܸܕܸ̇ܡ ܕܲܒ̣ܟܲܪ̈ܡܹܐ ܠܐܵܘܨܪܹ̈ܐ ܕܚܲܡܪܵܐ: ܙܲܒ̣ܕ̇ܝܼ ܫܲܦܡܵܝܵܐ.
28: ܘܥܲܠ ܙܲܝ̈ܬܹ̇ܐ ܘܫܲܩܡܹ̈ܐ ܕܲܒ̣ܥܘܼܡܩܵܐ: ܒܥܸܠܚܲܢܵܢ ܓܸܕ݂ܪܵܝܵܐ. ܘܥܲܠ ܐܵܘܨܪܹ̈ܐ ܕܡܸܫܚܵܐ ܝܲܥܘܿܫ.
29: ܘܥܲܠ ܬܵܘܪܹ̈ܐ ܕܪܵܥܝܼܢ ܒܫܵܪ̈ܘܿܢܹܐ: ܫܲܪܛܝܼ ܫܵܪܘܿܢܵܝܵܐ: ܘܥܲܠ ܬܵܘܪܹ̈ܐ ܕܲܒ̣ܥܘܼܡܩܵܐ: ܫܵܦܵܛ ܒܲܪ ܥܕ݂ܵܐܹܝܠ.
30: ܘܥܲܠ ܓܲܡ̈ܠܹܐ: ܐܲܒ̣ܝܼܠ ܐܝܼܫܡܵܥܝܼܠܵܐ: ܘܥܲܠ ܐܲܬܵܢܹ̈ܐ: ܝܼܗܘܼܕ݂ܵܐ ܡܲܪܬ̇ܘܿܢܵܝܵܐ.
31: ܘܥܲܠ ܥܵـ̈ـܢܵܐ ܝܲܙܝܼܙ ܚܲܓܪܵܝܵܐ ܟܠܗܘܿܢ ܗܵܠܹܝܢ ܪܵܘ̱ܪ̈ܒ̣ܵܢܹܐ ܕܩܸܢܝܵܢܵܐ ܕܡܲܠܟܵܐ ܕܵܘܝܼܕ݂.
32: ܘܝܘܿܢܵܬ̣ܵܢ ܚܲܒ̇ܝܼܒܹܗ ܕܕ݂ܵܘܝܼܕ݂: ܡܵܠܘܿܟ݂ܵܐ: ܓܲܒ̣ܪܵܐ ܗ̄ܘ̣ ܣܲܟ̇ܘܼܠܬ̣ܵܢܵܐ ܘܣܵܦܪܵܐ. ܘܲܚܢܵܢܵܐܹܝܠ ܒܲܪ ܚܲܟ݂ܡܘܼܢܝܼ ܥܲܡ ܒܢܵܘ̈ܗܝ ܕܡܲܠܟܵܐ.
33: ܘܐܲܚܝܼܬ̣ܘܿܦܹܝܠ ܡܵܠܘܿܟ݂ܵܐ ܕܡܲܠܟܵܐ. ܘܚܘܿܫܝܼ ܐܲܪܟܵܝܵܐ ܪܵܚܡܹ̇ܗ ܕܡܲܠܟܵܐ.
34: ܘܡ̣ܢ ܒܵܬܲܪ ܐܲܚܝܼܬ̣ܘܿܦܹܝܠ: ܝܘܿܝܵܕ݂ܵܥ ܒܲܪ ܒܢܵܝܵܐ. ܘܐܲܒ̣ܝܼܬ̣ܵܪ: ܘܪܲܒ̇ ܚܲܝܠܵܐ ܕܡܲܠܟܵܐ ܝܘܿܐܵܒ̣.
ܩܹܦܵܠܹܐܘܿܢ : ܟܚ.
1: ܘܟܲܢܸܫ ܕܵܘܝܼܕ݂ ܟܠܗܘܿܢ ܪܵܘ̱ܪ̈ܒ̣ܵܢܹܐ ܕܝܼܣܪܵܝܹܠ: ܘܪܵܘ̱ܪ̈ܒ̣ܵܢܹܐ ܕܫܲܒ̣̈ܛܹܐ: ܘܪܵܘ̱ܪ̈ܒ̣ܵܢܹܐ ܕܦܵܠܓ̇ܘܵܬ̣ܵܐ ܕܲܡܫܲܡܫܝܼܢ ܠܡܲܠܟܵܐ: ܘܪܵܘ̱ܪ̈ܒ̣ܵܢܹܐ ܕܐܲܠܦܹ̈ܐ: ܕܡܲܐ̈ܘܵܬ̣ܵܐ ܘܕܲܡܫܲܠܛܝܼܢ ܥܲܠ ܩܸܢܝܵܢܵܐ ܘܥܲܠ ܚܲܝ̈ܘܵܬ̣ܵܐ ܕܡܲܠܟܵܐ ܘܕܲܒ̣ܢܵܘ̈ܗܝ ܡܗܲܝܡ̈ܢܹܐ: ܘܓܲܢ̄ܒܵܪ̈ܲܝ ܚܲܝܠܵܐ. ܘܐܸܬ̣ܵܘ ܟܠܗܘܿܢ ܠܐܘܿܪܸܫܠܸܡ.
2: ܘܐܸܡܲܪ ܠܗܘܿܢ: ܫܘܼܡܥܘܼܢܝ ܐܲܚܲܝ̈ ܘܥܲܡܝ: ܐܸܢܵܐ ܕܹܝܢ ܒܠܹܒ̇ܝ ܗܘ̤ܵܐ ܗ̄ܘ̣ܵܐ ܠܡܸܒ̣ܢܵܐ ܒܲܝܬܵܐ ܕܲܢܝܵܚܵܐ: ܠܩܹܒ̣ܘܿܬ̣ܵܐ ܕܲܕ݂ܝܵܬܹܩܵܐ ܕܡܵܪܝܵܐ: ܘܠܲܐܬ̣ܪܵܐ ܕܲܫܟ݂ܝܼܢܬܹ̇ܗ ܕܐܲܠܵܗܲܢ. ܘܟ݂ܠ ܡܸܕܸ̇ܡ ܛܲܝܒܹ̇ܬ̣ ܗ̄ܘܹ̇ܝܬ̣ ܠܡܸܒ̣ܢܵܐ ܒܲܝܬܵܐ.
3: ܘܡܵܪܝܵܐ ܐܸܡܲܪ ܠܝܼ: ܕܠܵܐ ܬܸܒ̣ܢܸܐ ܒܲܝܬܵܐ ܠܫܹܡܝ. ܡܸܛܠ ܕܓܲܒ̣ܪܵܐ ܐܲܢ̄ܬ̇ ܩܪܲܒ̣ܬ̣ܵܢܵܐ. ܘܡܸܛܠ ܕܓܲܒ̣ܪܵܐ ܐܲܢ̄ܬ̇: ܕܲܕ݂ܡܵܐ ܣܲܓܝܼܵܐܐ ܐܸܫܲܕ̇ܬ̇.
4: ܘܲܓ̣ܒ̣ܵܢܝ ܠܝܼ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ: ܡ̣ܢ ܟܠܹܗ ܒܹܝܬ̣ ܐܵܒ̣ܝ: ܕܐܸܗܘܹܐ ܡܲܠܟܵܐ ܥܲܠ ܝܼܣܪܵܝܹܠ ܠܥܵܠܲܡ. ܡܸܛܠ ܕܡ̣ܢ ܒܹܝܬ̣ ܝܼܗܘܼܕ݂ܵܐ ܓܒ̣ܵܐ ܠܹܗ ܡܲܠܟܵܐ. ܘܡ̣ܢ ܫܲܪܒ̇ܬ̣ܵܐ ܕܒܹܝܬ̣ ܝܼܗܘܼܕ݂ܵܐ ܓܒ̣ܵܐ ܠܹܗ ܒܹܝܬ̣ ܐܵܒ̣ܝ. ܘܡ̣ܢ ܒܹܝܬ̣ ܐܵܒ̣ܝ ܠܝܼ ܓܒ̣ܵܐ ܕܐܸܗܘܹܐ ܡܲܠܟܵܐ ܥܲܠ ܝܼܣܪܵܝܹܠ.
5: ܘܡ̣ܢ ܟܠܗܘܿܢ ܒܢܲܝ̈: ܕܣܲܓ̇ܝܼܐܝܼܢ ܒ̈ܢܲܝܵܐ ܕܝܲܗ̄ܒ̣ܠܝܼ ܡܵܪܝܵܐ: ܓܒ̣ܵܐ ܠܲܫܠܹܝܡܘܿܢ ܒܹܪܝ: ܠܡܸܬܲܒ̣ ܥܲܠ ܟܘܼܪܣܝܵܐ ܕܡܲܠܟ̇ܘܼܬ̣ܵܐ: ܪܵܡܬ̣ܵܐ ܕܝܼܣܪܵܝܹܠ.
6: ܘܐܸܡܲܪ ܠܝܼ: ܕܲܫܠܹܝܡܘܿܢ ܒܪܵܟ݂: ܗ̤ܘ ܢܸܒ̣ܢܸܐ ܒܲܝܬ̇ܝ ܘܕ݂ܵܪ̈ܵܬ̣ܝ: ܡܸܛܠ ܕܠܹܗ ܓܒܹܝܬ̣ ܕܢܸܗܘܹܐ ܠܝܼ ܒܪܵܐ: ܘܐܸܢܵܐ ܐܸܗܘܹܐ ܠܹܗ ܐܲܒ̣ܵܐ.
7: ܘܐܲܬ̣ܩܸܢ ܟܘܼܪܣܝܵܐ ܕܡܲܠܟ̇ܘܼܬܹܗ ܠܥܵܠܲܡ. ܘܐܸܢܗ̤ܘ ܕܠܵܐ ܢܸܨܒܸ̇ܐ ܠܡܸܥܒܲܕ݂ ܦܘܼܩ̈ܕܵܢܲܝ ܘܕ݂ܝܼܢܲܝ̈ ܐܲܝܟ݂ ܕܝܵܘܡܵܢܵܐ: ܐܸܦܩܘܿܕ݂ ܒܫܲܒ̣ܛܵܐ ܥܵܘܼܠܹܗ.
8: ܘܐܵܦ ܗܵܫܵܐ ܠܥܹܝܢ ܟܠܹܗ ܝܼܣܪܵܝܹܠ ܥܲܡܵܐ ܕܡܵܪܝܵܐ: ܘܲܩܕ݂ܵܡ ܡܵܪܝܵܐ ܐܲܠܵܗܲܢ: ܛܲܪܘ ܘܲܬ̣ܒܲܥܘ ܦܘܼܩܕܵܢܵܘ̈ܗܝ ܘܐܲܢ̄ܬ̇ܘܿܢ ܬܹܐܪܬ̇ܘܼܢ ܐܲܪܥܵܐ ܗܵܕܹܐ ܠܥܵܠܲܡ ܥܵܠܡܝܼܢ. ܘܬ̣ܵܘܪܬ̣ܘܼܢ ܠܲܒ̣ܢܲܝ̈ܟ̇ܘܿܢ ܠܥܵܠܲܡ ܥܵܠܡܝܼܢ: ܘܠܵܐ ܬܸܬ̣ܚܲܒܲܠ.
9: ܘܐܲܢ̄ܬ̇ ܫܠܹܝܡܘܿܢ ܒܹܪܝ: ܕܲܥ ܟܠܡܵܐ ܕܦܲܩ̣ܕܲܢ ܡܵܪܝܵܐ ܐܲܠܵܗܵܐ. ܘܲܦܠܘܿܚܲܝܗܝ ܒܠܸܒܵܐ ܫܲܠܡܵܐ: ܘܲܒ̣ܨܸܒ̣ܝܵܢܵܐ ܕܢܲܦ̮ܫܵܟ݂: ܕܠܵܐ ܡ̣ܢ ܐܘܼܠܨܵܢ ܡܸܛܠ ܕܟ݂ܠ ܕܐܝܼܬ̣ ܒܠܸܒܵܐ: ܝܵܕܲܥ ܡܵܪܝܵܐ. ܘܟ݂ܠ ܕܡܸܬ̣ܪܲܥܹܝܢ ܒܢܲܝ̈ܢܵܫܵܐ ܒܪܸ̈ܥܝܵܢܲܝܗܘܿܢ: ܡܸܣܬܲܟܲܠ ܐܸܢ ܬܸܒ̣ܥܹܝܘܗܝ: ܢܸܫܬ̇ܟܲܚ ܠܵܟ݂. ܘܐܸܢ ܬܸܫܒ̇ܩܝܼܘܗܝ: ܢܵܘܒ̇ܕ݂ܵܟ݂.
10: ܕܲܥ ܘܲܚܙܝܼ ܕܡܵܪܝܵܐ ܓܒ̣ܵܟ݂: ܠܡܸܒ̣ܢܵܐ ܒܲܝܬܵܐ ܠܲܫܡܵܐ ܕܩܘܼܕ݂ܫܹܗ ܕܡܵܪܝܵܐ. ܐܸܬ̣ܥܲܫܲܢ ܘܐܸܬ̣ܓܲܢ̄ܒܲܪ ܘܲܥܒܸܕ݂.
11: ܘܝܲܗ̄ܒ̣ ܕܵܘܝܼܕ݂ ܠܲܫܠܹܝܡܘܿܢ ܒܪܹܗ: ܕܡܘܼܬ̣ܵܐ ܕܲܦܪ̈ܘܼܣܬ̇ܕܹܐ: ܘܲܡܫܘܼܚܬ̣ܵܐ ܕܒܲܝܬܵܐ: ܘܕܲܟ݂ܣܘܼܣܛܪܘܿܢ: ܘܲܕ݂ܥܸܠ̈ܝܵܬ̣ܵܐ: ܘܕܸܐܣܛܘܹ̈ܐ ܓܵܘܵܝܹ̈ܐ: ܘܕܸܐܣܛܘܹ̈ܐ ܒܲܪ̈ܵܝܹܐ: ܘܲܕ݂ܥܸܠܵܝܹ̈ܐ ܘܲܕ̇ܬܲܚ̈ܬܵܝܹܐ.
12: ܘܲܕ݂ܒܹܝܬ̣ ܓܲܙܵܐ: ܘܲܕ݂ܒܹܝܬ̣ ܬܸܫܡܸܫܬܵܐ ܕܒܲܝܬܹ̇ܗ ܕܡܵܪܝܵܐ: ܘܲܕ݂ܒܹܝܬ̣ ܛܲܒܵܚܹ̈ܐ: ܘܲܕ݂ܒܹܝܬ̣ ܫܵܩ̈ܘܵܬ̣ܵܐ: ܘܲܕ݂ܒܹܝܬ̣ ܫܪ̈ܲܓ̣ܬ̣ܵܢܹܐ.
15: ܘܕ݂ܘܼܟ̇ܬ̣ܵܐ ܕܣܵܝܡܝܼܢ ܒܵܗ̇ ܡܢܵܪ̈ܵܬ̣ܵܐ ܕܕܲܗܒ̣ܵܐ: ܘܲܫܪ̈ܵܓܲܝܗܹܝܢ ܕܕܲܗܒ̣ܵܐ: ܘܒ̣ܘܿܨܝܼܢܲܝ̈ܗܹܝܢ: ܘܨܸܒ̣ܬ̇ܗܹܝܢ: ܘܡܵܐܢܲܝ̈ܗܹܝܢ ܕܡܸܫܚܵܐ ܟܠ ܡܸܕܸ̇ܡ ܟܬܲܒ̣ ܕܵܘܝܼܕ݂: ܘܝܲܗ̄ܒ̣ ܠܲܫܠܹܝܡܘܿܢ ܒܪܹܗ.
16: ܦܵܬ̣ܘܿܪܹ̈ܐ ܕܣܹܐܡܵܐ: ܘܦܵܬ̣ܘܿܪܹ̈ܐ ܕܕܲܗܒ̣ܵܐ: ܠܲܓܹ̇ـ̈ـܐ ܕܣܹܐܡܵܐ. ܘܠܲܓܹ̇ܐ ܕܕܲܗܒ̣ܵܐ.
17: ܐܲܪ̈ܬ̇ܠܵܝܹܐ: ܘܡܲܫ̈ܠܵܘܵܬ̣ܵܐ: ܘܫܵܚ̈ܠܹܐ ܕܣܹܐܡܵܐ. ܠܵܐ ܗܘ̤ܵܐ ܡܸܢܝܵܢܵܐ ܠܡܲܬ̣ܩܵܠܹܗ ܕܕܲܗܒ̣ܗܘܿܢ ܕܡܵܐܢܹ̈ܐ ܗܵܠܹܝܢ.
20: ܘܐܸܡܲܪ ܕܵܘܝܼܕ݂ ܠܲܫܠܹܝܡܘܿܢ ܒܪܹܗ: ܥܫܲܢ: ܘܐܸܬ̣ܓܲܢ̄ܒܲܪ: ܘܲܥܒܸܕ݂ ܘܠܵܐ ܬܸܕ݂ܚܲܠ: ܘܠܵܐ ܬܙܘܼܥ ܡܸܛܠ ܕܡܵܪܹܐ ܡܵܪ̈ܵܘܵܬ̣ܵܐ ܥܲܡܵܟ݂: ܠܵܐ ܢܲܪܦܹܝܟ݂ ܘܠܵܐ ܢܸܫܒ̇ܩܵܟ݂: ܥܕܲܡܵܐ ܠܐܲܝܟܵܐ ܕܲܬ̣ܓܲܡܲܪ ܠܡܸܒ̣ܢܵܐ ܟܠܗܹܝܢ ܥܒ̣ܝܼ̈ܕ݂ܵܬ̣ܵܐ ܕܒܲܝܬܹ̇ܗ ܕܡܵܪܝܵܐ.
21: ܘܗܵܐ ܦܵܠܓ̇ـ̈ـܘܵܬ̣ܵܐ ܕܟ݂ܵܗܢܹ̈ܐ ܘܲܕ݂ܠܹܘܵܝܹ̈ܐ: ܐܲܫ̱ܠܛܹܬ̣ ܐܸܢܘܿܢ ܥܲܠ ܟܠܗܹܝܢ ܥܒ̣̈ܝܼܕ݂ܵܬ̣ܵܐ ܕܒܲܝܬܹ̇ܗ ܕܡܵܪܝܵܐ: ܘܥܲܡܵܟ݂ ܐܸܢܘܿܢ. ܘܗܸܢܘܿܢ ܡܫܲܠܛܝܼܢ ܥܲܠ ܟܠܗܹܝܢ ܥܒ̣ܝܼ̈ܕ݂ܵܬ̣ܵܐ ܘܗܸܢܘܿܢ ܥܵܒ̣ܕ̇ܝܼܢ ܠܗܹܝܢ ܒܚܲܟ̇ܝܼܡܘܼܬ̣ܵܐ: ܟܠ ܥܒ̣ܝܼ̈ܕ݂ܵܬ̣ܵܐ ܕܡܸܬ̣ܒܲܥ̈ܝܵܢ ܠܲܥܒ̣ܝܼܕ݂ܵܬ̣ܵܐ ܕܒܲܝܬܹ̇ܗ ܕܡܵܪܝܵܐ. ܘܗܵܐ ܐܲܩܝܼܡܹ̇ܬ̣ ܥܠܲܝܗܹܝܢ ܫܲܠܝܼܛܵܢܹ̈ܐ ܘܪܵܘ̱ܪ̈ܒ̣ܵܢܹܐ. ܕܗܸܢܘܿܢ ܢܸܬ̣ܒ̇ܥܘܿܢ ܘܢܸܥܒ̇ܕ݂ܘܼܢ: ܟܠ ܥܒ̣̈ܝܼܕ݂ܵܬ̣ܵܐ ܕܡܸܬ̣ܒܲܥ̈ܝܵܢ.
ܩܹܦܵܠܹܐܘܿܢ : ܟܛ.
1: ܘܐܸܡܲܪ ܕܵܘܝܼܕ݂ ܡܲܠܟܵܐ ܠܟ݂ܠܗܹܝܢ ܟܢܘܼ̈ܫܵܬ̣ܵܐ ܕܝܼܣܪܵܝܹܠ: ܫܠܹܝܡܘܿܢ ܗܵܢܵܐ ܒܹܪܝ: ܛܲܠܝܵܐ ܗ̄ܘ̣ ܙܥܘܿܪܵܐ. ܘܠܹܗ ܓܒ̣ܵܐ ܡܵܪܝܵܐ ܡ̣ܢ ܟܠܗܘܿܢ ܒܢܲܝ̈: ܡܸܛܠ ܕܛܲܠܝܵܐ ܚܲܟ̇ܝܼܡ ܘܣܲܟ̇ܘܼܠܬ̣ܵܢܵܐ ܗ̄ܘ̣. ܘܲܥܒ̣ܝܼܕ̇ܬܵܐ ܗܵܕܹܐ ܕܐܸܬ̣ܝܲܗ̄ܒܲܬ̤ ܠܹܗ: ܠܵܐ ܗܘ̤ܵܬ̣ ܙܥܘܿܪܵܐ. ܪܲܒܵܐ ܗ̄ܝܼ: ܡܸܛܠ ܕܲܠܒܲܪܢܵܫܵܐ ܠܵܐ ܐܸܬ̣ܝܲܗ̄ܒܲܬ̤ ܗܵܟܲܢܵܐ. ܐܸܬ̣ܥܲܫܲܢܘ ܘܐܸܬ̣ܓܲܢ̄ܒܲܪܘ ܒܵܗ̇. ܡܸܛܠ ܕܲܕ݂ܡܵܪܝܵܐ ܗ̄ܝܼ ܐܲܠܵܗܲܢ.
2: ܟܠ ܚܲܝ̈ܠܲܝ ܘܟ݂ܠ ܢܸܟ݂̈ܣܲܝ ܛܲܝܒܹ̇ܬ̣: ܟܠ ܡܸܕܸ̇ܡ ܕܡܸܬ̣ܒ̇ܥܹܐ ܠܒܲܝܬܹ̇ܗ ܕܡܵܪܝܵܐ ܐܲܠܵܗܝ. ܕܲܗܒ̣ܵܐ ܠܕܲܗܒ̣ܵܐ: ܘܣܹܐܡܵܐ ܠܣܹܐܡܵܐ: ܘܲܢܚܵܫܵܐ ܠܲܢܚܵܫܵܐ: ܘܦܲܪܙܠܵܐ ܠܦܲܪܙܠܵܐ: ܕܩܲܝ̈ܣܹܐ ܠܩܲܝ̈ܣܹܐ: ܘܐܲܪ̈ܙܹܐ ܠܐܲܪ̈ܙܹܐ: ܟܹܐܦܹ̈ܐ ܛܵܒ̣ܵـ̈ـܬ̣ܵܐ ܘܡܲܪ̈ܓܵܢܝܵܬ̣ܵܐ.
3: ܘܟ݂ܠ ܡܸܕܸ̇ܡ ܕܡܸܬ̣ܒ̇ܥܹܐ ܠܹܗ ܠܒܲܝܬܵܐ: ܛܲܝܒܹ̇ܬ̣ ܘܬܲܩܢܹ̇ܬ̣ ܠܹܗ ܡ̣ܢ ܡܸܣܟܹ̇ܢܘܼܬ̣ܝ: ܘܟܸܣܦܵܐ ܛܲܝܒܹ̇ܬ̣ ܠܲܢܦܲܩܬܹܗ ܕܒܲܝܬܵܐ ܕܐܲܠܵܗܝ ܡ̣ܢ ܡܸܣܟܹ̇ܢܘܼܬ̣ܝ.
4: ܐܵܠܹܦ ܐܲܠܦ̈ܝܼܢ ܟܲܟ̇ܪܹ̈ܐ ܕܕܲܗܒ̣ܵܐ: ܡ̣ܢ ܕܲܗܒ̣ܵܐ ܛܵܒ̣ܵܐ: ܘܬܲܪܬܹ̇ܝܢ ܙܲܒ̣ܢ̈ܝܼܢ ܐܵܠܹܦ ܐܲܠܦ̈ܝܼܢ ܟܲܟ̇ܪ̈ܝܼܢ ܕܟܸܣܦܵܐ: ܠܡܸܩܪܲܡ ܐܸܣܹ̈ܐ ܕܒܲܝܬܵܐ.
5: ܠܐܲܝܟܵܐ ܕܡܸܬ̣ܒ̇ܥܹܐ ܕܲܗܒ̣ܵܐ: ܢܹܐܙܲܠ ܕܲܗܒ̣ܵܐ. ܘܠܲܐܝܟܵܐ ܕܡܸܬ̣ܒ̇ܥܹܐ ܣܹܐܡܵܐ: ܢܹܐܙܲܠ ܣܹܐܡܵܐ. ܘܲܠܟ݂ܠܗܹܝܢ ܥܒ̣ܝܼ̈ܕ݂ܵܬ̣ܵܐ: ܕܬܸܫܠܲܡ ܥܒ̣ܝܼܕ̇ܬܵܐ ܒܝܲܪܚܵܗ̇. ܥܒ̣ܝܼܕ̇ܬܵܐ ܠܵܐ ܬܸܫܬܵܘܚܲܪ: ܐܸܠܵܐ ܕܬܸܫܠܲܡ ܐܲܝܟܲܢܵܐ ܕܡܸܬ̣ܒ̇ܥܹܐ ܠܵܗ̇ ܒܚܘܼܫܒܵܢܵܗ̇.
6: ܘܐܸܬ̣ܟܲܢܲܫܘ ܪܵܘ̱ܪ̈ܒ̣ܵܢܹܐ ܕܐܲܒ̣ܵـ̈ـܗܵܬ̣ܵܐ: ܘܪܵܘ̱ܪ̈ܒ̣ܵܢܹܐ ܕܫܲܒ̣̈ܛܹܐ ܕܝܼܣܪܵܝܹܠ: ܘܪܵܘ̱ܪ̈ܒ̣ܵܢܹܐ ܕܐܲܠܦܹ̈ܐ ܘܲܕ݂ܡܲܐ̈ܘܵܬ̣ܵܐ: ܘܕܲܐܝܠܹܝܢ ܕܫܲܠܝܼܛܝܼܢ ܥܲܠ ܥܒ̣ܝܼ̈ܕ݂ܵܬ̣ܵܐ ܕܡܲܠܟܵܐ.
7: ܘܝܲܗ̄ܒ̣ܘ ܠܲܥܒ̣ܝܼ̈ܕ݂ܵܬ̣ܵܐ ܕܒܲܝܬܹ̇ܗ ܕܡܵܪܝܵܐ: ܕܲܗܒ̣ܵܐ ܟܲܟ̇ܪܹ̈ܐ ܚܲܡܫܵܐ ܐܲܠܦ̈ܝܼܢ: ܘܐܵܢܟ݂ܵܐ ܛܵܒ̣ܵܐ ܠܣܝܼ̈ܠܘܿܢܹܐ: ܡܲܐܬܹ̇ܝܢ ܐܲܠܦ̈ܝܼܢ: ܘܣܹܐܡܵܐ ܟܲܟ̇ܪܹ̈ܐ ܥܸܣܪܝܼܢ ܐܲܠܦ̈ܝܼܢ: ܘܲܢܚܵܫܵܐ ܩܘܿܪܲܢܬ̇ܝܵܢܵܐ ܟܲܟ̇ܪܹ̈ܐ ܬܡܵܢܬܲܥܣܲܪ ܐܲܠܦ̈ܝܼܢ: ܘܦܲܪܙܠܵܐ ܡܵܐܐ ܐܲܠܦ̈ܝܼܢ ܟܲܟ̇ܪ̈ܝܼܢ.
8: ܘܟܸܣܦܵܐ ܘܕܲܗܒ̣ܵܐ ܐܲܝܟܲܢܵܐ ܕܡܸܬ̣ܒ̇ܥܹܐ ܗ̄ܘ̣ܵܐ ܠܹܗ: ܝܲܗ̄ܒ̣ܘ ܒܹܝܬ̣ ܓܲܙܵܐ ܕܒܲܝܬܹ̇ܗ ܕܡܵܪܝܵܐ: ܥܲܠ ܐܝܼܕ݂ܵܐ ܕܓܸܪܫܘܿܢ ܓܹܙܲܒ̣ܪܵܐ.
9: ܘܲܚܕ݂ܝܼܘ ܟܠܹܗ ܥܲܡܵܐ ܕܝܼܣܪܵܝܹܠ ܒܡܵܘ̈ܗܒ̣ܵܬ̣ܵܐ ܗܵܠܹܝܢ. ܡܸܛܠ ܕܲܒ̣ܠܸܒܵܐ ܫܲܠܡܵܐ ܝܲܗ̄ܒ̣ ܐܸܢܹܝܢ ܕܵܘܝܼܕ݂ ܩܕ݂ܵܡ ܡܵܪܝܵܐ. ܘܐܵܦ ܕܵܘܝܼܕ݂ ܚܕ݂ܝܼ ܚܲܕ݂ܘܼܬ̣ܵܐ ܪܲܒ̇ܬ̣ܵܐ: ܘܫܲܒܲܚ ܬܸܫܒ̇ـ̈ـܚܵܬ̣ܵܐ ܪܵܘ̱ܪ̈ܒ̣ܵܬ̣ܵܐ ܠܡܵܪܝܵܐ.
10: ܘܒܲܪܸܟ݂ ܕܵܘܝܼܕ݂ ܠܡܵܪܝܵܐ ܩܕ݂ܵܡ ܟܠܗܹܝܢ ܟܢܘܼ̈ܫܵܬ̣ܵܐ ܕܝܼܣܪܵܝܹܠ. ܘܐܸܡܲܪ ܕܵܘܝܼܕ݂ ܒܪܝܼܟ݂ ܐܲܢ̄ܬ̇ ܡܵܪܝܵܐ ܐܲܠܵܗܹܗ ܕܝܼܣܪܵܝܹܠ ܐܲܒ̣ܘܼܢ: ܡ̣ܢ ܥܵܠܡܹ̈ܐ ܘܲܥܕܲܡܵܐ ܠܥܵܠܡܹ̈ܐ.
11: ܡܸܛܠ ܕܕ݂ܝܼܠܵܟ݂ ܗ̄ܝܼ ܡܵܪܝܵܐ ܪܲܒ̇ܘܼܬ̣ܵܐ: ܘܓܲܢ̄ܒܵܪܘܼܬ̣ܵܐ: ܘܬܸܫܒ̇ܘܿܚܬܵܐ: ܘܝܵܐܝܘܼܬ̣ܵܐ: ܘܗܸܕ݂ܪܵܐ: ܘܐܝܼܩܵܪܵܐ ܡܸܛܠ ܕܐܲܢ̄ܬ̇ ܫܲܠܝܼܛ ܒܲܫܡܲܝܵܐ ܘܒܲܐܪܥܵܐ. ܕܝܼܠܵܟ݂ ܗ̄ܝ̣ ܡܵܪܝܵܐ ܡܲܠܟ̇ܘܼܬ̣ܵܐ: ܘܚܸܟ݂ܡ̱ܬ̣ܵܐ: ܘܓܲܢ̄ܒܵܪܘܼܬ̣ܵܐ: ܘܝܼܕܲܥܬ̣ܵܐ.
12: ܘܥܘܼܬ̣ܪܵܐ ܘܐܝܼܩܵܪܵܐ ܡ̣ܢ ܩܕ݂ܵܡܲܝܟ ܗ̄ܘ̣. ܘܐܲܢ̄ܬ̇ ܫܲܠܝܼܛ ܒܟ݂ܠ ܡܸܕܸ̇ܡ. ܘܕ݂ܝܼܠܵܟ݂ ܗ̄ܘ̣ ܚܲܝܠܵܐ ܘܓܲܢ̄ܒܵܪܘܼܬ̣ܵܐ ܘܐܲܢ̄ܬ̇ ܡܵܘܪܸܒ̣ ܘܲܡܥܲܫܸܢ ܠܟ݂ܠܗܹܝܢ ܒܸܪ̈ܝܵܬ̣ܵܐ ܕܐܲܢ̄ܬ̇ ܒܪܲܝܬ̇.
13: ܘܐܵܦ ܗܵܫܵܐ ܡܵܪܝܵܐ ܐܲܠܵܗܲܢ: ܡܵܘܕܹ̇ܝܢܲܢ ܠܵܟ݂ ܘܲܡܫܲܒ̇ܚܝܼܢܲܢ ܠܲܫܡܵܐ ܕܪܲܒ̇ܘܼܬ̣ܵܟ݂.
14: ܡܸܛܠ ܕܡܵܢܵܐ ܐܸܢܵܐ ܘܡܵܢܵܐ ܥܲܡܝ: ܡܸܛܠ ܕܡ̣ܢ ܟܠܗܘܿܢ ܡܲܠܦܵܢܲܝ̈ ܝܸܠܦܹ̇ܬ̣ ܡܸܛܠ ܕܐܘܼܪܚܵܟ݂ ܕܚܲܝܹ̈ܐ ܗ̄ܝ̣ ܥܲܕܲܪܬܲܢܝ: ܘܐܲܢ̄ܬ̇ܘܼ ܣܲܒ̣ܪܲܢ ܡܵܪܝܵܐ ܐܲܠܵܗܲܢ.
15: ܡܸܛܠ ܕܲܚܢܲܢ ܡܲܡܬ̇ܠܝܼܢܲܢ ܒܠܲܗܓܵܐ ܕܩܸܕ݂ܪܵܐ. ܘܥܵܡܘܿܪܹ̈ܐ ܚܢܲܢ ܩܕ݂ܵܡܲܝܟ: ܙܥܘܿܪܝܼܢ ܒܥܵܠܡܵܐ. ܘܐܲܢ̄ܬ̇ ܫܠܲܛܬ̇ ܒܐܲܒ̣ܵـ̈ـܗܵܬܲܢ ܩܲܕ݂ܡܵܝܑܬ̣: ܘܦܲܩܸܕ̇ܬ̇ ܐܸܢܘܿܢ ܒܐܲܝܕܵܐ ܐܘܼܪܚܵܐ ܢܹܐܙܠ̄ܘܿܢ ܘܢܸܚܘܿܢ.
16: ܘܠܵܟ݂ ܚܢܲܢ ܡܫܲܒ̇ܚܝܼܢܲܢ ܡܵܪܝܵܐ ܐܲܠܵܗܲܢ: ܕܬܸܦ̱ܪܩܲܢ ܡ̣ܢ ܟܠ ܕܡܲܗܪܝܼܢ ܠܲܢ. ܘܲܡܚܲܣܕ݂ܝܼܢ ܠܲܢ ܥܲܡܡܹ̈ܐ: ܘܐܵܡ̇ܪܝܼܢ ܠܲܢ: ܕܐܲܝܟܵܐ ܗ̄ܘ̣ ܐܲܠܵܗܟ݂ܘܿܢ ܕܦܵܠܚܝܼܢ ܐܢ̄ܬ̇ܘܿܢ ܠܹܗ.
17: ܘܝܵܕܲܥ ܐ̄ܢܵܐ ܐܲܠܵܗܝ ܕܐܲܢ̄ܬ̇ ܒܵܕܹܩ ܠܸܒܵܐ: ܘܲܒ̣ܗܲܝܡܵܢܘܼܬ̣ܵܐ ܐܲܢ̄ܬ̇ ܪܥܸܐ. ܘܐܸܢܵܐ ܒܗܲܝܡܵܢܘܼܬ̣ܵܐ ܕܠܹܒ̇ܝ ܫܲܒ̇ܚܹ̇ܬ̣ ܗܵܠܹܝܢ ܟܠܗܹܝܢ. ܘܐܵܦ ܗܵܫܵܐ ܥܲܡܵܟ݂ ܕܐܸܫܬ̇ܟܲܚ ܗܵܪܟܵܐ: ܚܙܹ̇ܝܬ̣ ܕܲܒ̣ܚܲܕ݂ܘܼܬ̣ܵܐ ܪܲܒ̇ܬ̣ܵܐ ܡܫܲܒ̇ܚܝܼܢ ܠܵܟ݂ ܘܐܵܡ̇ܪܝܼܢ.
18: ܡܵܪܝܵܐ ܐܵܠܵܗܹܗ ܕܐܲܒ̣ܪܵܗܵܡ ܘܕ݂ܐܝܼܣܚܵܩ ܘܕ݂ܝܼܣܪܵܝܹܠ ܐܲܒ̣ܵܗ̈ܬܲܢ: ܛܲܪ ܗܵܠܹܝܢ ܟܠܗܹܝܢ ܕܐܸܫܬܵܘܕ̇ܝܼܬ̇ ܠܲܢ ܠܥܵܠܲܡ ܘܐܲܦܢܵܐ ܠܸܒܲܢ ܠܕܸܚ̱ܠܬ̣ܵܟ݂.
19: ܐܸܢܵܐ ܕܵܘܝܼܕ݂ ܥܵܢܹ̇ܝܬ̣ ܘܐܸܡ̇ܪܹܬ̣ ܗܵܟܲܢܵܐ: ܡܵܪܝܵܐ ܐܲܠܵܗܝ: ܐܵܦ ܠܲܫܠܹܝܡܘܿܢ ܒܹܪܝ: ܗܲܒ̣ ܠܸܒܵܐ ܫܲܠܡܵܐ: ܠܡܸܛܲܪ ܦܘܼܩ̈ܕܵܢܲܝܟ ܘܣܵܗ̈ܕ̇ܘܵܬ̣ܵܟ݂ ܘܲܩܝܵܡܵܟ݂: ܘܲܠܡܸܥܒܲܪ ܟܠ ܡܸܕܸ̇ܡ ܕܦܲܩܸܕ̇ܬ̇: ܘܲܠܡܸܒ̣ܢܵܐ ܒܲܝܬܵܐ ܕܛܲܝܒܹ̇ܬ̣ ܡܸܛܠ ܕܢܸܬ̣ܩܲܕܲܫ ܫܡܵܟ݂ ܪܲܒܵܐ: ܘܢܸܫܬܲܒܲܚ ܒܥܵܠܡܵܐ ܕܲܒ̣ܪܲܝܬ̇ ܩܕ݂ܵܡ ܕܵܚܠܲܝ̈ܟ.
20: ܘܐܸܡܲܪ ܕܵܘܝܼܕ݂ ܠܟ݂ܠܹܗ ܥܲܡܵܐ ܕܝܼܣܪܵܝܹܠ: ܒܲܪܸܟ݂ܘ ܠܡܵܪܝܵܐ ܐܲܠܵܗܟ݂ܘܿܢ ܘܒܲܪܸܟ݂ ܟܠܹܗ ܥܲܡܵܐ ܠܡܵܪܝܵܐ ܐܲܠܵܗܵܐ ܕܐܲܒ̣ܵـ̈ـܗܵܬ̣ܗܘܿܢ. ܘܲܢܦܲܠܘ ܘܲܣܓܸܕ݂ܘ ܠܡܵܪܝܵܐ. ܘܒܲܪܸܟ݂ܘ ܐܵܦ ܠܡܲܠܟܵܐ ܕܵܘܝܼܕ݂. ܘܕܲܒܲܚܘ ܕܸܒ̣ܚܹ̈ܐ ܩܕ݂ܵܡ ܡܵܪܝܵܐ.
21: ܘܩܲܪܸܒ̣ܘ ܥ̈ܠܵܘܵܬ̣ܵܐ ܩܕ݂ܵܡ ܡܵܪܝܵܐ ܡ̣ܢ ܒܵܬܲܪ ܝܵܘܡܵܐ ܗܵܘ̇: ܬܵܘܪܹ̈ܐ ܐܵܠܹܦ: ܘܕܸܟ݂ܪܹ̈ܐ ܐܵܠܹܦ: ܘܐܸܡܪܹ̈ܐ ܐܵܠܹܦ: ܘܢܘܼ̈ܩܵܝܹܐ ܣܲܓ̇ܝܼ ܘܐܵܦ ܠܗܘܿܢ ܕܲܒܲܚܘ ܕܸܒ̣̈ܚܵܬ̣ܵܐ ܣܲܓ̇ܝܼ ܒܢܲܝ̈ ܝܼܣܪܵܝܹܠ.
22: ܘܐܸܟܲܠܘ ܘܐܸܫܬ̇ܝܼܘ ܩܕ݂ܵܡ ܡܵܪܝܵܐ ܒܝܵܘܡܵܐ ܗܵܘ̇: ܒܚܲܕ݂ܘܼܬ̣ܵܐ ܪܲܒ̇ܬ̣ܵܐ ܘܐܲܩܝܼܡܘ ܒܡܲܠܟ̇ܘܼܬ̣ܵܐ ܠܲܫܠܹܝܡܘܿܢ ܒܪܹܗ ܕܕ݂ܵܘܝܼܕ݂. ܘܲܠܨܵܕ݂ܘܿܩ ܐܲܩܝܼܡܘ ܟܵܗܢܵܐ.
23: ܘܝܼܬܸܒ̣ ܫܠܹܝܡܘܿܢ ܥܲܠ ܟܘܼܪܣܲܝ ܡܲܠܟ̇ܘܼܬܹܗ ܕܡܵܪܝܵܐ: ܠܲܡܩܵܡ ܒܡܲܠܟ̇ܘܼܬ̣ܵܐ ܚܠܵܦ ܕܵܘܝܼܕ݂ ܐܲܒ̣ܘܼܗܝ ܘܐܲܨܠܲܚ: ܘܐܸܫܬ̇ܡܲܥ ܠܹܗ ܟܠܹܗ ܝܼܣܪܵܝܹܠ.
24: ܘܟ݂ܠ ܒܢܵܘ̈ܗܝ ܕܡܲܠܟܵܐ ܕܵܘܝܼܕ݂: ܐܲܫܠܸܡܘ ܠܲܫܠܹܝܡܘܿܢ ܒܪܹܗ.
25: ܘܐܵܘ̱ܪܒܹܗ ܡܵܪܝܵܐ ܠܲܫܠܹܝܡܘܿܢ ܠܥܸܠ: ܠܥܹܝܢ ܟܠܹܗ ܝܼܣܪܵܝܹܠ. ܘܝܲܗ̄ܒ̣ ܥܠܵܘܗܝ ܙܝܼܘܵܐ ܕܡܲܠܟ̇ܘܼܬ̣ܵܐ ܕܲܠܚܲܕ݂ ܡ̣ܢ ܡܲܠ̈ܟܹ̇ܐ ܕܝܼܣܪܵܝܹܠ: ܕܲܗܘ̤ܵܘ ܩܕ݂ܵܡܵܘܗܝ: ܠܵܐ ܕܵܡܹ̇ܐ.
26: ܘܕ݂ܵܘܝܼܕ݂ ܒܪܹܗ ܕܐܝܼܫܲܝ: ܐܲܩܝܼܡ ܒܡܲܠܟ̇ܘܼܬܹܗ ܠܲܫܠܹܝܡܘܿܢ ܒܪܹܗ: ܥܲܠ ܟܠܹܗ ܝܼܣܪܵܝܹܠ.
27: ܘܝܵܘ̈ܡܵܬ̣ܵܐ ܕܩܵܡ̣ ܕܵܘܝܼܕ݂ ܒܡܲܠܟ̇ܘܼܬ̣ܵܐ ܥܲܠ ܟܠܹܗ ܝܼܣܪܵܝܹܠ: ܐܲܪܒ̇ܥܝܼܢ ܫܢ̈ܝܼܢ. ܒܚܸܒ̣ܪܘܿܢ ܩܵܡ ܒܡܲܠܟ̇ܘܼܬ̣ܵܐ ܫܒܲܥ ܫܢ̈ܝܼܢ ܘܒ̣ܐܘܿܪܸܫܠܸܡ ܩܵܡ̣ ܒܡܲܠܟ̇ܘܼܬ̣ܵܐ ܬܠܵܬ̣ܝܼܢ ܘܲܬ̣ܠܵܬ̣ ܫܢ̈ܝܼܢ: ܥܲܠ ܟܠܹܗ ܝܼܣܪܵܝܹܠ ܘܲܝܗܘܼܕ݂ܵܐ.
28: ܘܡ̣ܝܼܬ̣ ܕܵܘܝܼܕ݂ ܒܪܹܗ ܕܐܝܼܫܲܝ ܒܣܲܝܒ̇ܘܼܬ̣ܵܐ ܛܵܒ̣ܬ̣ܵܐ. ܣܐܸܒ̣ ܘܲܣܒܲܥ ܝܵܘ̈ܡܲܝ ܚܲܝܵܘ̈ܗܝ. ܘܝܼܪܸܒ̣ ܒܥܘܼܬ̣ܪܵܐ ܕܥܵܠܡܵܐ: ܘܒ̣ܐܝܼܩܵܪܹܗ ܘܩܵܡ̣ ܒܡܲܠܟ̇ܘܼܬ̣ܵܐ ܫܠܹܝܡܘܿܢ ܒܪܹܗ ܒܵܬ̣ܪܹܗ.
29: ܘܦܸܬ̣ܓ̣ܵܡܵܘ̈ܗܝ ܕܕ݂ܵܘܝܼܕ݂ ܡܲܠܟܵܐ ܕܝܼܣܪܵܝܹܠ: ܩܲܕ݂ܡܵܝܹ̈ܐ ܘܐܲܚܪ̈ܵܝܹܐ: ܗܸܢܘܿܢ ܟܬ̣ܝܼܒ̣ܝܼܢ ܒܦܸܬ̣ܓ̣ܵܡܵܘ̈ܗܝ ܕܲܫܡܘܼܐܹܝܠ ܢܒ̣ܝܼܵܐ: ܘܲܒ̣ܦܸܬ̣ܓ̣ܵܡܵܘ̈ܗܝ ܕܢܵܬ̣ܵܢ ܢܒ̣ܝܼܵܐ: ܘܲܒ̣ܦܸܬ̣ܓ̣ܵܡܵܘ̈ܗܝ ܕܓ̣ܵܕ݂ ܢܒ̣ܝܼܵܐ.
30: ܘܟ݂ܠܵܗ̇ ܡܲܠܟ̇ܘܼܬܹܗ ܘܓܲܢ̄ܒܵܪܘܼܬܹܗ: ܘܙܲܒ̣ܢܹ̈ܐ ܕܲܥܒܲܪܘ ܥܠܵܘܗܝ ܘܥܲܠ ܝܼܣܪܵܝܹܠ: ܘܥܲܠ ܟܠ ܡܲܠܟ̇ܘܼܬ̣ ܐܲܪܥܹܗ: ܡܸܛܠ ܕܲܥܒܲܕ݂ ܕܵܘܝܼܕ݂ ܫܲܦܝܼܪ ܩܕ݂ܵܡ ܡܵܪܝܵܐ: ܘܠܵܐ ܥ̣ܒܲܪ ܡ̣ܢ ܟܠ ܡܸܕܸ̇ܡ ܕܦܲܩ̣ܕܹܗ: ܟܠܗܘܿܢ ܝܵܘ̈ܡܵܬ̣ܵܐ ܕܚܲܝܵܘ̈ܗܝ.